Romance Safeed libaas

[Chillpum]

Ham teeno chalte hue garden ke beech bane ek cottage tak pahunche. Mujhe laga tha ke ek purana sa guest aur ek purana sa room hoga apar jo saamne aaya vo ummeed se kahin zyada tha. Guest house se alag bana ek chhota sa
cottage jo pahad ke ekdam kinare par tha. Doosri taraf ek gehri vaadi aur saamne doobta hua sooraj.

"Cobra mile ya na mile" Main dil hi dil mein socha "Par main yahan baar baar aata rahunga"

"Aap aaram kariye saahab" Caretaker ne mere cottage ka darwaza khola aur saman andar rakhte hue kaha "Vaise toh yahan har cheez ka intezaam hai, baaki aur kuchh chahiye ho toh mujhe bataiyega"

Kehkar usne haath jode aur vaapis guest house ki taraf chala gaya. Par vo ladki vahin khadi rahi.

Main cottage ke andar aaya toh vo bhi mere saath saath hi andar aa gayi.

"Kya hua?" Maine usko yun andar aate dekha toh puchha

Jawab mein usne sirf cottage ka darwaza band kar diya aur palatkar meri taraf dekha. Isse pehle ki main kuchh aur samajh pata, usne apne gale se dupatta nikal kar ek taraf phenk diya.

"oho ho ho " Main uski is harkat par ekdam ghabra kar pichhe ko hat gaya "Kya kar rahi ho?"

Tabhi mujhe caretaker ki 2 min pehle kahi baat yaad aayi ke yun toh yahan sab intezaam hai, par kuchh aur chahiye ho toh main usko bata doon.

"Dekho apna dupatta please utha lo. Meri is tarah ki koi zaroorat nahi hai. Agar tum paiso ke liye ye sab kar rahi ho toh vo main tumhein aise hi de doonga"

Vo mere saamne ek safed rang ki kameez mein bina dupatte ke khadi thi. Kameez ke pichhe se safed bra bra ki straps nazar aa rahi thi. Jaise hi maine phir paise ki baat ki, uski vo neeli aankhen phir se udaas ho chali.

"Aapko lagta hai ye main paise ke liye kar rahi hoon? Kis tarah ki ladki samajh rahe hain aap mujhe?"

Kehte hue uski aankhon mein pani bhar aaya. Mera dil achanak aise udaas hua jaise mera jaane kya kho gaya ho, dil kiya ke chhati peetkar, dahade maarkar ro padun, apne kapde phaad doon, is pahad se kood kar apni jaan de doon.

"Nahi mera vo matlab nahi tha" Maine fauran baat sambhalte hue kaha "Mujeh samajh nahi aaya ke tum aisa kyun kar rahi ho. Mera matalb....."

Main keh hi raha tha ke vo dheere dheere chalti mere nazdeek aa gayi.