தற்போதைய செய்திகள்

[johnypowas]

[color=var(--title-color)]`43 வீடியோக்கள், 20 பக்க புகார், கொலை மிரட்டல்..!’ - பாலியல் வழக்கில் கைதான சுவாமி சின்மயானந்த்
[color=var(--content-color)]மலையரசு[/color]
[color=var(--title-color)]சட்டக்கல்லூரி மாணவிமீதான பாலியல் வன்கொடுமை வழக்கில் முன்னாள் மத்திய அமைச்சர் சுவாமி சின்மயானந்த் குறித்த அதிர்ச்சிகர தகவல்கள் வெளியாகியுள்ளன.[/color][/color]
[color=var(--meta-color)]Chinmayanand[/color]
[color=var(--content-color)]உத்தரப்பிரதேச மாநிலம் ஷாஜகான்பூர் மாவட்டத்தில் செயல்பட்டு வருகிறது எஸ்.எஸ் சட்டக்கல்லூரி. இதன் நிறுவனத் தலைவராக இருக்கிறார் சுவாமி சின்மயானந்த். சந்நியாசியாக இருந்தாலும் அந்தப் பகுதியின் பிரபல அரசியல்வாதி. மூன்று முறை நாடாளுமன்றத்துக்கு உறுப்பினராகத் தேர்வான இவர், வாஜ்பாய் அரசில் மத்திய அமைச்சராகவும் இருந்துள்ளார். இதற்கிடையே கடந்த மாதம் 23 -ம் தேதி சின்மயானந்த்தின் கல்லூரியில் சட்டம் படிக்கும் மாணவி ஒருவர், முகநூலில் வீடியோ ஒன்றை வெளியிட்டார்.
அதில், அவர் பல்வேறு குற்றச்சாட்டுகளை முன்வைத்தார். அந்த வீடியோ பதிவில், ``நான் ஷாஜகான்பூர் மாவட்டத்திலிருந்து வருகிறேன். எஸ்.எஸ் கல்லூரியில் சட்டப் படிப்பு படித்து வருகிறேன். புனிதமான சமூகத்தைச் சேர்ந்த ஒருவர் இங்கு பல பெண்களின் வாழ்க்கையைச் சீரழித்துள்ளார்.[/color]
[color=var(--content-color)]
Chinmayanand
[/color]
[color=var(--content-color)]அவர் தற்போது என்னைக் கொலை செய்துவிடுவதாக மிரட்டுகிறார். பிரதமர் மோடி, முதல்வர் யோகி ஆதித்யநாத் ஆகியோர்தான் எனக்கு உதவ வேண்டும். அவர் என் குடும்பத்தையும் கொன்றுவிடுவதாக மிரட்டுகிறார். என்ன நடக்கிறது என்பது எனக்கு மட்டுமே தெரியும். பிரதமர் மோடி, தயவுசெய்து எனக்கு உதவுங்கள். இதைச் செய்பவர் ஒரு சந்நியாசி. அவர், `காவல்துறை, மாவட்ட நீதிபதி உள்ளிட்ட பலரும் எனக்குப் பழக்கம். அவர்கள் அனைவரும் எனக்காகத்தான் நிற்பார்கள். அவர்கள் யாரும் எனக்கு எதிராகச் செயல்படமாட்டார்கள்' என மிரட்டுகிறார்” எனக் கூறியிருந்தார்.[/color]