AB HUM BACCHE BHI TOH NAHI RAHE - COMPLETED

[Nasheeliaankhein]

UPDATE 40

Subah jab main rasoi mein gayi, toh maa aur Seema baithh ke chai pee rahe thhe, Seema ne mujhe chai diya aur hum dopahar ke khaane ki baat kar rahe thhe. Seema se pata chala ke babuji subah hi kahin chale gaye thhe, maa unke baahar jaane se naaraaz thhi. Kuch paanch minute baad babuji aaye, hum sab aangan mein chale gaye, babuji ke haath mein acchhi branded dukaano ki thailiyaan thhi, woh baitthe aur utsukta se humein saamaan bataane lage. Maa ko ek saadi gift ki, mere liye salwar suit thhe aur Seema ke liye ek jacket khareeda thha unhonein leather ka. Ek thaili bachi thhi.

Seema: Papa usmein..

Sasur: Arre yeh toh surprize hai tum dono ke liye..

Babuji ne bag khola aur cheezein baahar nikaali. Maa ka moonh dekhne laayak thha, Seema pareshaan ho gayi, main chup thhi, Babuji ke haath mein bra aur chaddiyaan thhi. Ek dum chhoti. Maa gusse se laal ho rahi thhi, Seema toh wahaan se bhaagne ke chakkar mein thhi.

Maa: (Gusse mein): Aap andar aaiyye zara..Baat karni hai aapse..

Sasur: Abhi nahin..Baad mein..

Maa: Chaliye..Abhi..

Sasur: Tu jaa..Baad mein baat karenge..

Maa: (Zyaada gusse se, daante huey): Maine kaha na abhi chaliye..Bahu..Yeh sab andar le jaa..Aap chaliye..

Seema un dono ko dekh rahi thhi, darr ke.

Sasur: tere baap ka naukar hoon..Jaa yahaan se..

Maa ko kaato toh khoon nahin jaise ho gaya thha, yeh babuji kya bol gaye, Seema apne papa ko ghoor ke dekh rahi thhi, aisi baat unhonein maa se kabhi ki nahin thhi. Aaj kya ho gaya thha.

Maa palat ke rote huey andar chali gayi, main bhaagi unke peeche, Seema naaraazgi se babuji ke paas aayi.

Seema: Papa..Aapne aisa kyun kiya..Agar yeh sab dena hi thha toh akele mein dete..Aap ne maa ke saath kabhi aisi baat nahin ki hai..Aaj..

Sasur: Khaana jaldi pakaane ke liye kabhi kabhi aanch tez karni padhti hai..

Seema: Tez aanch mein khaana jal bhi jaata hai papa..Aapko aisa nahin karna chaahiye thha..

Itne mein maa bag leke aangan mein aayi, main unke peeche peeche thhi, Seema unhein dekh ke rok li..

Maa: Mat rok..Jaane de mujhe, jis ghar mein izzat naho, us ghar mein kya rehna..Koi apni kunwaari beti aur bahu ke liye yeh sab laata hai kya..Kya galat kaha maine, Haan..Hatt mere raaste se..

Babuji utthe aur Seema ka haath hataaya uski maa ke haath se.

Sasur: Jaane de ise Seema..Akela baap laata hai aise kapde apne kunwaari beti ke liye, uske pad bhi laana padhtein hain akele baap ko..

Maa: Yeh kab se akele hog aye..Main marr gayi thhi kya Seema..Poocchh inse..

Seema babuji ki taraf dekhi.

Sasur: Haan..Marr gayi hai tu..

Maa ka chehra phir se aur laal ho gaya, Seema bhi apne pita se pareshaan ho gayi.

Sasur: Ab in dono ke saamne bataaun mera kya matlab hai, yaa akele mein sunegi..

Maa: Jab aapko koi sharam nahin hai, aise kapde laane mein, toh mujhe kaisi sharam..

Sasur: Sharam..Sharam hi toh apni zindagi ka hissa ban gaya hai..Shaadi ki raat se leke aaj tak..Aur bataaun..

Maa chup rahi, Seema sun rahi thhi gaur se.

Sasur: Shaadi ki raat se teen din tak, tu ne mujhe chhoone nahin diya..Tujhe shaadi ke teesre mahine mein maine nanga dekha..

Maa babuji ko ghoor rahi thhi, Seema bhi.

Sasur: Phir kabhi maa ke ghar jaana, kabhi kisi ki shaadi, kabhi kuch toh kabhi kuch..Duniyaadaari acchhe se nibhaayi hai tu ne..Iss shaadi ko nahin..Akela padh gaya hoon main shaadi shuda hoke..Ek hi kamre mein tees saal se so rahe hain, aur agar ginne jaayein, toh..Chhod kya bolun ab inke saamne..

Maa: Aur kuch..

Sasur: Hai..Bahut kuch hai..Pehle ka chhod, picchhle saal ka hi jod le..Saal ke pehle teen mahine tu maa ke ghar rahi thhi, maa beemaar thhi isiliye..Phir jab aayi, toh dedh mahine tu beemar thhi..Jab theek hui toh tere bhai ki beti ki shaadi thhi Dilli mein..Dedh mahina..Dedh mahina tu Dilli mein thhi..Baaki ke saal ka chhod..In mahino ko jod..Kuch hua hamaare beech..Yaad hai..

Maa ab khaamosh thhi. Seema ka chehra naram padh gaya thha, apne pita ki baat sahi lagne lagi thhi.

Sasur: Dekh..Joh hua so hua..Yeh dono mere apne hain..Main inko inki khareedaari ke liye paisa bhi dunga, aur inke liye khud se khareedunga bhi..Bhaad mein gaya samaaj aur tere yeh kaayde kaanoon..Ke ek baap apni beti ya bahu ke liye bra aur chaddi nahin khareed sakta..Arre pehle patni toh ban sahi sahi..Phir tere yeh kaayde kaanoon chala..Nahin toh tu bhi bhaad mein jaa..

Maa wahin baitth gayi, babuji andar chale gaye, main maa ke saath baitthi aur Seema babuji ke peeche chali gayi. Babuji apne kamre mein gusse se bistar pe baitth gaye, Seema unke saamne baitth gayi. Maa ke aankhon mein aansoon thhe, unhone meri taraf dekha.

Maa: Main unnees ki thhi jab shaadi hui inse..Nahi pata thha shaadi ki raat kya hota hai..Gareeb thhe, kisi ne bataaya nahin..Ek anjaan aadmi ke saath bistar pe ajeeb laga..Darr bhi gayi aur sharmaayi bhi..

Main: Maa jaane dijiye naa..

Maa: Nahin..Sunn le tu bhi, sab toh khul gaya tere saamne..Sunn..Dheere dheere main khulne lagi, inka saath dene lagi..Par dheere dheere yeh waisa mere paas nahin aane lage..Phir bacchhe huey..Phir kabhi hafte mein ek baar yeh mere paas aate..Mera bhi interest kum ho gaya..Ghar grihasti mein jut gayi..Aur phir woh ek hafte waala kaam bhi bandh ho gaya..Main jaanti hoon maine galtiyaan ki hai bahu..Par ab sudhaarne ka samay chala gaya..

Andar Seema babuji ke saamne baitthi thhi.

Seema: Papa..Aap kya maa ko zindagi bhar iss baat ke liye dhitkaarenge..Taana denge..

Sasur: Aaj pehli baar dhitkaara hai..Sudhaarne ke liye..

Seema: Main samjhi nahin..

Sasur: Plan thha..Teri bhabhi kaa..

Seema: Kya..Yeh sab..

Sasur: Plan thha..Teri bhabhi mere aur teri maa ke rishte ko sudhaarna chaahti hai..Aur main bhi..Pyaar aaj bhi karta hoon usse..Sona chaahta hoon uske saath..

Seema: Maa ghar chhodke jaane waali thhi..Yeh kaisa plan hai..

Sasur: Bharosa rakh..Teri bhabhi teri maa ke saath baahar hai naa..Ab woh apna kaam karegi..

Maine maa ke ghutne pe apni hatheli rakkhi.

Main: Maa main aapse bahut chhoti hoon, umar mein, rishte mein aur tajurbe mein..Aapne jitni zindagi dekhi hai, maine toh uski aadhi bhi nahin dekhi..

Maa: Tu umar mein chhoti hai bahu..Par tajurbe mein kisi se kum nahin hai..

Maine maa ke chehre ko dekha, usne aisa kyun kaha.

Maa: Tu ne ek aisa kaam kiya hai, jisse main yeh maanti hoon ke mujhe tujhse bahut kuch seekhna hai..

Maine socha, maine aisa kya bada kaam kiya jisse maa itni prabhaavit hui hai. Main toh unka moonh hi taakti rahi. Arre bataao bhai jaldi.

Maa: Us din hospital mein maine teri aur Shekhar ki baatein suni..Us ladki ke baare mein sab kuch suna, aur tu ne Shekhar se kuch nahin kaha..Koi aur aurat ghar chhodke chali jaati, par tu ne Shekhar ko aazaadi di..Uska saath diya..Apni shaadi bachaayi..Hamaara ghar ko beizzat hone se bachaaya..Main toh apni shaadi ko bachaana toh door, use khatam karne chali thhi..

Baap re, maa ne sunn liya thha, chalo joh hota hai acchhe ke liye hota hai.

Maa: Ab tu bata main iss shaadi ko kaise bachaaun bahu..Please..

Babuji ne Seema ke gaal pe haath rakha.

Sasur: Tu fikar mat kar, teri maa kahin nahin jaayegi, teri bhabhi hai naa..

Main: Maa..Chhota moonh aur badi baat karne jaa rahin hoon, agar bura lage toh maaf kar dena..

Maa: Bata bahu..Tujhpe bharosa hai..

Main: Maa..Abhi jaa ke apna bag apne kamre mein rakh de, aur babuji ko ek acchhi chai banaake de..Phir ghar ke kaam mein lag jaa..Khaana main bana dungi, par babuji ko khaane pe tu bula..Unhein khaana tu paros..Jab kamre mein kapde badlegi, toh darwaaza bandh karke unke saamne badal, chhupke nahin..Aaj aur kal bas itna kar, babuji shaant aur normal ho jaayenge tere saath, uske baad main kuch aur bataaungi..Sab theek ho jaayega..

Seema kamre se jaane lagi, tabhi maa andar aayi bag leke, Seema ne babuji ki taraf dekha, babuji ne aankh maar di use, Seema ne meri taraf bhi dekha, maa ne bag rakhke babuji ki taraf dekha.

Maa: Aap ne naashta nahin kiya hoga..Main chai bana deti hoon, aap aangan mein baitthiye..

Babuji ne haan mein sar hila diya, maa jaane ko palti, phir kuch yaad aaya jaise, babuji ki taraf palti.

Maa: Agar aap ko pareshaani nahin ho, toh agli baar mere liye bhi laa diya karo..Woh..

Babuji ne maa ki taraf dekha, haan mein sar hilaaya, maa nikal gayi kamre se, Seema ne babuji ke muskuraate chehre ko dekha, phir mere, phir darwaaza thoda bandh kiya aur mere gale se lag gayi.

Seema: I love you bhabhi..I love you very much..

Main: Mujhe I love you kahegi, toh Prem ko kya kahegi..

Sasur: Yeh Prem..Yeh kya chakkar hai..

Hum dono unhein dekhke muskuraaye, aaj ke liye itna hi kaafi thha, Prem ki baat kisi aur din sahi. Aaj Dahi kadi khaane ka dil kar raha thha.