A wedding ceremony in village

[Logan555]

Aarti ko wahi chhodne ke baad neetu aur aghori shamshan bhoomi ki taraf chal pade aghori ke nivas ki taraf jaha agle kuchh din unhe Raj ki jindagi ke lie ek tantra sadhna karni thi. Raste bhar dono ke man me alag-alag vichaar janm le rahe the. Neetu ke man me yahi chal rahaa tha ki vo aghori se ye kaise kahe ki use koi brahmchaari nahi mila aur jise vo apna kaumarya dena chahti hai vo aur koi nahi khud aghori hai kya aghori iske lie taiyaar hogaa agar taiyaar na hua to vo use kaise manaegi. Doosri taraf aghori ke man me aarti ke saath hui ghatnaao ne aneko savaal paidaa kar die the vo do parchhaiya kinki thi us divya rudraakshaa kaa aarti se kyaa sambandh hai in savaalon ne unke man ko vyaakul kar diyaa tha.

Apne-apne vichaaro me khoya neetu aur aghori kab shamshan bhoomi tak pahunch gaye unhe pata hi nahi chala. Wo dono aghori ke ghar me dakhil hue jaha unhe vo Kaamsadhna karni thi.



Aghori- Hum apne saadhnaa sthal par aa gaye par abhi tak tum us brahmchaari ko nahi laa pai niymanusaar to us brahmchaari ko bhi aaj ki vidhi men bhaag lenaa chaahie tha.
Neetu- Maaf karde baba kal vo jaroor is vidhi me shaamil hoga bus mujhe kal tak kaa waqt de deejiye.
Aghori- Theek hai aao is havan kund ke samne baith jao.

Neetu aur aghori ne us hawan kund ke paas baith gaye. Aghori ne usme agni prajwalit kar di.

Aghori- Pehle humne is sadhna kaa sankalp kiya ki hum ye sadhna avashya karenge kisi bhi paristhiti me is sadhna ko beech me nahi rokenge aur kal humne shiv ka rudrabhishek karke kaal saadhna me mahakaal ka aashirwaad liya.
Neetu- Jee
Aghori- Par jab hum kisi jagah par koi kaam karte hai to kaam shuru karne se pahle us jagah ke malik se uski anumati leni padti hai. Hai ki nahi
Neetu- Ji baba vo to hai.
Aghori- To ye ek shamshan bhoomi hai yaha aneko atmae vaas karti hai ye unkaa nivaas sthaan hai vo yahaan ki malik hai aur hum yaha saadhna karne jaa rahe hai vo bhi ek kaam saadhna jisme ek stri purush kaa milan hoga. Aisi jagah par is tarah ki kriya ke lie in aatmao ki anumati hona bahut jaroori hai.
Neetu- Jee baba to unki anumati lene ke lie hume kya karna padega.
Aghori- Aavahan, us har aatma kaa aavahan jo pichhle kai saalo se is shamshan bhoomi me nivaas kar rahi hai us har aatma ko hame yaha bulana hoga. Wo har aatma is hawan kund me aahuti daalegi. Ye aahuti ek anumati hogi us kriyaa ke lie jo hum yaha karne vaale hai.

Aatma bulane ki baat sunte hi neetu ke raungte khade ho gae. Ek aatma hi halat kharab karne ke lia kafi hai aur aghori shamashan ki saari aatmaao ko bulaane ki baat kar rahaa thaa jise sunkar kisi ke raungte khade ho jaana svabhavik tha.

Neetu- Baba aatmaa bulaenge aap ye jaroori hai kya.
Aghori- Haa bahut jaroori hai bina unki anumati lie tum yaha aisa kaam kaise kar sakti ho agar us kriyaa ke dauraan koi aatma tum par mohit ho gai yaa gussa ho gai to isme beech me vyavdhaan daal sakti hai. Aatma bulaane ki baat sunkar tumhe dar lag raha hai kya.
Neetu- Jee baba
Aghori- Chinta mat karo mai tumhaare saath hu yahaan ki har aatmaa se mai parichit hu mere rehte unme se koi tumhe nuksaan nahi pahunchaegi bharosaa rakho.
Neetu- Ji baaba.
Aghori- Par tumhe apnaa kalejaa majboot karna hogaa saadhna kaa ye charan bilkul bhi aasaan nahi hai jab vo aatmae yaha aengi to unhe dekhakar majboot se majboot vyakti ko bhi dar lag sakta hai par tumhe himmat rakhni hogi mere rehte unme se koi tumhe kuchh nahi karegi bas tum himmat mat haarnaa.
Neetu- Ji baaba.

Neetu ne aghori ki haa me haa to milaa di ki vo himmat nahi haaregi par vo hi jaanti thi ki andar se uski buri tarah fati padi thi. Aghori ne hawan kund me aahuti daalnaa shuru kardi.



Aghori- Mashaan me nivaas karne vaali achchhi buri sabhi aatmaao yaha aao main tumhaara aavaahan kar rahaa hu mere paas aao yahaa aakar hame is kaamsutra saadhna ki anumati pradaan karo. Tum sab jahaa bhi ho jis haalaat me bhi ho mere paas aao mai tum sabka yaha avaahan karta hu.

Neetu kabhi hawan kund ki jalti agni ko kabhi aankh band karke usme aahuti daalte aghori to kabhi idhar-udhar ke maahaul ko dekhti dar ke maare uskaa buraa haal thaa uskaa dil jor-jor se dhak-dhak kar rahaa tha. Bhoot pret par vishvaas naa karne vaali nitu is waqt bhooto ki aahat se khaufjada thi. Jald hi uskaa khauf sach kaa aakar lene laga us kamre ke maahaul badalne lagaa thaa vahaan hava kaa dabaav bhaari hone lagaa thaa kamre kaa mahaul sard hone lagaa thandak badne lagi. Kamre ke bahar kutte aur siyaro ke bhaukne rone ki aavaze aane lagi. Kauve jor-jor se kaav kaav karne lage the. Kutte aur kauvo ki aavaazo ne maahaul ko aur jadaa khaufnaak banaa diyaa tha. Ab neetu ko lag raha thaa ki yaha rehne aane kaa faisla karke usne koi galti to nahi kardi. Door kahi kutto ka ek jhund ne aarti ko chaaro taraf se gher liyaa thaa aur us shamashan me barso se nivaas karne vaali ek aatmaa aarti aur kutto ke beech aakar khadi ho gayi thi.

Aghori lagaatar aahuti daale jaa rahaa thaa aur us shamashan ki nivaasi sab aatmaao kaa aavaahan kar rahaa tha. Aur uske aavaahan par aatmaao kaa aana shuru ho gayaa thaa.



Kuchh aatmae dhue ke aakar me thi kuchh kaa aksaa dhundhlaa thaa to kuchh kaa ekdum saaf, kuchh aatmae saumya thi to kuchh ugra.



Us jhopdi me rakhi cheeje hilne lagi thi, neetu ki haalat patli ho gai thi dar ke maare uske munh se aavaaj bhi nahi nikal paa rahi thi. Aatmae uske kareeb se gujar gujar kar us hawan kund ke upar aakar usme aahutiya daal rahi thi.



Zindagi bhar bhooto par bharosaa naa karne wali neetu ne sapne me bhi nahi sochaa thaa ki ek raat me use itne saare bhooto ke ek saath darshan ho jaenge.

Jin aatmaao ke aksaa saaf the unhe dekhnaa jaadaa bhayaanak thaa kisike maathe par goli lagi thi to kisi kaa haath gaayab, kisi ke pair toote the to kisi ke pet me khanjar gadaa thaa aise vibhaatsa roop neetu ne sapne me bhi nahi dekhe the.



Horrar filmo ki shaukeen neetu ke saamne aaj jeeti jaagti horrar film chal rahi thi.

Aisa khaufnaak manjar dekh neetu ko ulti aane ko thi uskaa dimaag chakrane laga thaa vo badi mushkil se khud par kaabu rakhe thi. Achaanak ek aatmaa ne uske bagal me akar hawan kund me aahuti daali. Neetu ne sir ghumaakar use dekhaa uskaa sir gaayab thaa gardan par maans kaa lothdaa najar aa rahaa tha.



Neetu kaa dimaag bhannaa gayaa isse jadaa vo khud par kaaboo nahi rakh sakti thi vo vahi havan kund ke bagal me ludak gai. Is maahaul ko dekh vo behosh ho gayi thi. Aghori aankh band kare ab bhi aahvan me vyast thaa shamashan ki lagabhag har aatmaa ne vaha aakar aavaahan kar diyaa thaa par abhi bhi koi thaa jiskaa aahuti denaa abhi baaki tha. Us shamashan se kaafi door abhai raichand un kutto ko kaal banaa huaa thaa aur rudraakshaa me kaid us aatmaa ko lalkaar rahaa tha. Abhai behosh aarti ko uthaakar vahaan se nikal gayaa pichhe chhod gayaa vo bajarangi rudraakshaa jisme kaid vo saayaa baahar aane ke lie chhatpataa rahaa tha.

Idhar aghori kaa aavaahan use shamashan ki taraf khinch rahaa tha. Aghori ke mantro ki shakti ne us bajarangi rudraakshaa ko apni taraf kheenchna shuru kar diya. Wo rudrakshaa hava me udtaa huaa us shamashan bhoomi ki taraf khichha chalaa jaa rahaa thaa aur saath me usme kaid vo saayaa bhi.

Aghori us aakhiri aahuti ko apni taraph kheench rahaa thaa aur vo rudraakshaa khichhaa huaa aghori ki taraph chalaa jaa rahaa thaa। aghori ne havan kund me ek aur aahuti daali aur achaanak se koi cheej uske hatheli par aakar giri. Aghori ne apni aankhen kholi aur us bajarangi rudraakshaa ko apne haatho me dekh vo chaunk pada.

Aghori- Ye rudraakshaa ye to mainne us kanya aarti ko diyaa thaa uski rakshaa ke lie, ye is tarah apne aap mere paas kaise aa gaya. Mai to is shamashan ki nivaasi aatmaao kaa aavaahan kar rahaa thaa matalab jaroor is rudraaksha me koi aisi aatmaa kaid hai jo is shamashan ki nivaasi hai. Shaayad yahi vo saayaa hai jo aarti ke peechhe padaa thaa jiskaa mujhe aabhaas ho rahaa thaa aur shaayad raaste me isne aarti par hamlaa karaa hogaa aur aarti ne bachaav me ye rudraaksha is par phenk maara aur ye aatma isme kaid ho gayi. Achhaa huaa ab mai is aatmaa ko baahar nikalakar ise iski uddandta kaa achha sabak sikhaa dunga.



Aghori ki najar saamne behosh padi neetu par padi vo samajh gayaa ki un aatmaao ke aavaahan par unke vibhatsaa roop dekhakar neetu behosh ho gai. Par abhi aakhiri aahuti baaki thi aur uske lie is aakhiri aatmaa ko is rudraakshaa se aazad karnaa jaruri tha. Aghori ne zameen par ek tantraa ghera banaaya aur us rudraakshaa ko us ghere me rakh diyaa aur phir kuchh mantraa budbudaane lagaa aur phir ek phoonk us rudraakshaa par maari। us rudraakshaa me kampan hone lagaa aur ek jhatke ke saath vo rudraakshaa do khand me vibhaajit ho gayaa aur usme kaid saayaa us rudraakshaa se baahar aa gaya.

Par us rudraakshaa ki kaid se baahar aate hi vo ek doosri kaid me fas gaya. Us tantra ghere ki kaid me jo aghori ne zameen par banaaya tha. Wo saaya vaha se nikaalne ki bharasak koshish kar rahaa thaa par har koshish bekaar thi. Ek siddha aghori ke banae hue tantra ghere ko tod kar baahar aana us aatmaa ke lie aasaan kaam nahin tha.

Aghori- Teri baahar aane ki har koshish bekaar hai dusht aatmaa. Kaun hai tu, tu vahi hai naa jo us kanyaa aarti ke pichhe pada thaa use pareshaan kar rahaa tha.

Sayaa- Jaane de mujhe aghori jaane de apni maut ko daavat mat de. Jaane de mujhe jald se jald kahi pahunchnaa hai jaane de mujhe varnaa tujhe mujhse koi nahi bachaa paegaa.
Aghori- Tu mujhe maregaa lagtaa hai tune mujhe koi chhotaa motaa gali kaa baaba samajh liyaa hai mai aghori hun aghori aur abhi main tujhe dikhataa hu ki kaun kise khatam kartaa hai.

Aghori ne mutthi me bhabhoot uthaakar us sae par phenki vo saayaa dard se tilamilaa utha.

Aghori- Kyaa huaa nikal gai saari hekdi. Bahut badi-badi baate kar rahaa thaa kyaa huaa ab nahi maregaa mujhe maar naa mujhe.
Saayaa- Kyaa bigaada hai maine tumhaara kyo baandh rakhaa hai tumne mujhe. Jaane do mujhe, mujhe kisiko bachaane jaanaa hai koi saalo se intejaar kar rahaa hai mera.
Aghori- Hai kaun tu tujhe pehle to kabhi is shamshaan me nahi dekhaa main saalo se is shamshan me reh rahaa hun yaha rehne vaali har aatmaa ko jantaa hun tumse kabhi kaise nahin mila.
Saya- Kyuki main barso se kisi ke tanraa jaal me kaid tha. Is shamashan ke kone me rakhi vo chattaan barso se mujhe apne andar kaid kare hue the isilie tum kabhi mujhe dekh nahin pae.
Aghori- Kaid the kabse kaid the aur kisne kaid karaa tumhe ho kaun tum, aur us ladki ke peechhe kyon pade ho.
Saayaa- Main uske peechhe nahi padaa thaa balki use ek bahut bade khatre se bachane ki koshish kar rahaa thaa aur agar tumhaara vo rudraakshaa beech me naa aataa to main use bachaa bhi leta.
Aghori- Bachanaa chaahte the par kisse.
Sayaa- Bataaungaa sab bataaungaa main jantaa hu tum ek nek bande ho par tumhe bhi mujh par bharosaa karnaa hogaa aur mujhe is tantraa se aajaad karnaa hoga.
Aghori- Theek hai par meri bhi ek shart hai tumhe is havan kund me aahuti daalni hogi is ladki ke premi ki rakshaa ke lie main yaha saadhnaa karne vaalaa hu jiske lie mujhe is shamashan ki har aatmaa se aahuti chaahie kyuki tum bhi barso se yahaan kaid ho to tum bhi yahaan ke nivaasi hue isilie tumhe bhi isme aahuti daalni hogi.
Saayaa- Daalunga mai jaroor isme aahuti daalungaa par pahle mujhe aazad karo.
Aghori- Theek hai mai tumhe aazad kar rahaa hu par dhyan rakhnaa koi hoshiyaari mat karna. Dhyaan rakhnaa jab mere haath me bandha ek rudraakshaa tumhe kaid kar saktaa hai to mai khud kyaa kar saktaa hu.
Saayaa- bharosaa rakho mujh par.
Aghori- Theek hai

Aghori ne phirse kuchh mantraa jaap karaa aur vo gheraa zameen se majtaa diya. Wo saayaa us kaid se aajaad ho gaya.

Aghori- Chalo ab pehle is hawan kund me aahuti daalo uske baad tumhaare baare me baat karte hai.

Us sae ne havan kund me aahuti daal di. Aahuti yagya purna ho gayaa aghori ko neetu ki kaam saadhna ke lie vahaa maujood har aatmaa ki sehamati mil gai. In sabse bekhabar neetu vahaan behosh padi thi. Par is waqt neetu se bhi jaadaa mahatvapurnaa shakshaa aghori ke saamne thaa vo saayaa aarti abhai ki trikoni kahaani kaa tisraa kon.

Aghori- Ab bataao mujhe apne baare me kaun ho tum. Par usse pehle mai tumhaara chehraa dekhnaa chaahta hu tumhaari vaastavik shakla. Isilie tumhe is parachhaai se baahar laanaa hoga.

Aghori ne bhabhoot ko haath me lekar kuchh mantraa pade aur vo bhabhoot us sae par phenk di. Ab tak ek havaa banaa aur kaali parachhaai saa dikhtaa vo saaya apnaa vaastavik aakar lene laga, Tha to vo ab bhi ek aatmaa par ab vo aatmaa vo roop leti jaa rahi thi jo uskaa marne se pehle kaa roop tha. Pairo se hote hue dheeme dheeme us aatmaa kaa asli roop saamne aataa jaa rahaa tha.

Aghori- Ab bataao tumhaaraa naam kyaa hai.

Wo saayaa ab apne asli roop me aghori ke saamne khdaa tha.



“AJAY, mera naam hai AJAY, AJAY THE STAR”