தற்போதைய செய்திகள்

[johnypowas]

பும்ரா, இஷாந்த் சூப்பர்: இந்திய அணி அசத்தல் வெற்றி

ஆன்டிகுவா: விண்டீசுக்கு எதிரான முதல் டெஸ்டில் பும்ரா, இஷாந்த் சர்மா 'வேகத்தில்' மிரட்ட இந்திய அணி 318 ரன்கள் வித்தியாசத்தில் அபார வெற்றி பெற்றது.








வெஸ்ட் இண்டீஸ் சென்றுள்ள இந்திய அணி, இரண்டு போட்டிகள் கொண்ட டெஸ்ட் தொடரில் விண்டீஸ் அணியுடன் மோதுகின்றது. முதல் டெஸ்ட் ஆன்டிகுவாவில் நடக்கிறது. முதல் இன்னிங்சில் இந்தியா 297, விண்டீஸ் 222 ரன்கள் எடுத்தன.




கோஹ்லி நம்பிக்கை

பின், 75 ரன் முன்னிலையுடன் 2வது இன்னிங்சை துவக்கிய இந்திய அணிக்கு மயங்க் அகர்வால் (16), லோகேஷ் ராகுல் (38),புஜாரா (25)சோபிக்கவில்லை. பொறுப்பாக ஆடிய கோஹ்லி அரைசதமடித்தார். மூன்றாம் நாள் ஆட்டநேர முடிவில், 2வது இன்னிங்சில் இந்திய அணி 3 விக்கெட்டுக்கு 185 ரன்கள் எடுத்திருந்தது.ரகானே (53), கோஹ்லி (51) அவுட்டாகாமல் இருந்தனர்.









விஹாரி அரைசதம்

நான்காம் நாள் ஆட்டத்தில் இரண்டாவது இன்னிங்சை தொடர்ந்த இந்திய அணி கேப்டன் கோஹ்லி (51), முந்தைய நாள் எடுத்த ரன்னுடன் 'பெவிலியன்' திரும்பினார். ராஸ்டன் சேஸ் வீசிய 96வது ஓவரில் தொடர்ச்சியாக 2 பவுண்டரி அடித்த ஹனுமா விஹாரி, ஹோல்டர் பந்தை பவுண்டரிக்கு அனுப்பி அரைசதமடித்தார். மறுமுனையில் அசத்திய ரகானே, டெஸ்ட் அரங்கில் தனது 10வது சதமடித்தார். ஐந்தாவது விக்கெட்டுக்கு 132 ரன் சேர்த்த போது கேப்ரியல் பந்தில் ரகானே (102) அவுட்டானார். ராஸ்டன் சேஸ் 'சுழலில்' ரிஷாப் பன்ட் (7) சிக்கினார். பொறுப்பாக ஆடிய விஹாரி (93) சதமடிக்கும் வாய்ப்பை இழந்தார்.