Menaka by batmanforever

[sarit11]

dono gusse se ubal pade,"hum apni beti ko yaha 1 pal bhi nahi rehne denge.theek hoti hai menaka vapas jayegi humare saath.aur aapke bete-.."

"bas,daddy.main koi gay-bakri hun jab jee chaha shadi kar di ,jab chaha vapas le jaayenge.",fir vo apni maan ki taraf ghumi,"maa,aapne kaha tha ki hum rajgharane walon ke yaha shadi bas ek baar hotit hai & hum striyan apni sasural arthi par hi chhodti hain."

"par beti,yaha in halat me kaise chhod de tumhe?"

"daddy,main itni bhi kamzor nahi hu."

ye bahas chal rahi thi ki darwaze pe kisi ne knock kiya.dr.sinha & unki wife dr.lata aaye the,"raja sahab hum aap sabse kuchh zaruri baat karna chahte hain.",dr.sinha raja arjan & unki patni ko namaskar karte hue raja yashveer se mukhatib hokar bole.

"ji,zarur dr.saab.baithiye."

"raja sahab.aapke kahe mutabik kal se kunwar humare hospital me hain.humne unka pure check-up karliya hai.vo addiction ke shikar hain."

"kya?"

"ji.vo drug addict ho gaye hain & kal raat ki unki harkat drugs na milne par unka reaction tha.unka apne upar koi control nahi reh gaya hai."

"raja sahab,hum ye kehne aaye hain ki jald se jald unhe rehabilitation centre me bharti karwa de.bas yehi 1 raasta hai.",dr.lata apne pati ki baat puri karte hue boli.

raja sahab ke mathe pe chinta ki lakeeren & gehra gayi,"dr.sahab,aap hi hume rasta dikhayen."

"raja sahab,humen 1 week ka samay dijiye.hum aapko best centres ki list de denge.",keh kar dono pati-patni jaane ke liye uth gaye,"kunwar ko apni galti ka ehsas hai ki nahi pata nahi.raja sahab aapko unse baat karke therapy ke liye taiyyar karna hoga.aur agar is beech aap unhe drugs lete paaye to roke mat varna kahin vo fir violent hokar kisiko ya khud ko nuksaan na pahuncha le."

sjam ko menaka apne hospital room me akeli thi.vo uthi & bathroom me gayi,apna chehra dhoya & sheeshe me dekha,ek raat me hi uski duniya uthal-puthal ho gayi thi,"aakhir kyu hua aisa?uski apni kamzori ki wajah se."jawab uske andar se hi aaya,"nahi ab vo aise nahi rahegi.apni zindagi ke faisle vo khud legi.uski marzi ke bina ab us se koi bhi kuchh bhi nahi karwa sakta."

usne kamre me lautkar dr.lata ko bulaya.

"boliye,kunwarani."

"dr.aunty,hume contraceptive pills ke bare me batayen."

"kunwarani.."

"ji aunty,hum nahi chahte ki humare pati ki galtiyon ka khamiyaza hume bhugatna pade."

"ji,kunwarani.",& vo use samjhane lagi.

par menak ko un goliyon ki zarurat nahi padi kyuki iske baad sab kuchh badi tezi se hua.dr.sahab ne bangalore ke paas devanhalli me dr.purandare ke rehab centre ko recommend kiya.raja yashveer & raja arjan vishwa ko waha admit kara aaye.is pure samay me menaka apni maa ke sath mahal me thi.pata nahi raja sahab ne vishwa ko jaane ke liye kaise manaya.business pe koi bura asar na pade iske liye pehle german partners ko puri baat batayi gayi & fir 1 press release di gayi.raja sahab ne is musibat ka bhi badi samajhdari se samna kiya tha.


par baat puri duniya ke samne khulne se pehle unke dushman ko pata chal gayi thi.