A wedding ceremony in village

[Logan555]

Idhar apni taraf baad rahe toofan se bekhabar aarti haweli ki taraf aa rahi thi aur vo saya uske saath-saath chal raha tha use aabhaas ho rahaa thaa abhay ke aane kaa par us rudraksha jo aarti ke paas tha ke prabhav ke karan vo kuchh nahi kar paa raha tha. Achanak us sannaate ko cheerti kuchh aawaaze aarti ko sunaai di vo aawaaze pal pal kareeb aati jaa rahi thi aur saaf hoti jaa rahi thi. Wo kutto ke bhaukne ki aawaaze thi. Kutto ke jhund usi taraf daudaa chala aa raha tha. Isse pahle aarti kuchh samajhti 20 - 25 jungli kutte uske saamne khade the. Aarti ki to sitti pitti gum ho chuki thi use apni maut saamne najar aa rahi thi aur vo bhi hi ghinauni aur dardnaak maut.



Aarti ne sarpat waha se bhagna shuru kar diya par kutto ko apnaa shikaar saamne najar aa raha tha kutte uske peechhe daud pade. Aarti bhage jaa rahi thi tej aur tej par kutte uske kareeb aate jaa rahe the achaanak aarti kaa pair ek ped ki jad se takraya aur aarti muh ke bal jameen par giri uske haath pair me kafi chot aai. Usse khada bhi nahi hua jaa raha tha kutte uske ekdum kareeb aa gaye aur use chaaro taraf se gher liya. Aarti aur uski maut ke beech bus chand kadmo ka fasla tha, vo jungli kutte uske shareer ko noch noch kar khaa jaane ko utaavle the.



Unme se do kutto ne aage baad kar aarti ke upar chhalang laga di. Aarti ne dar ke mare apna haath chehre ke aage kar liya par kuchh pal beet jaane ke baad bhi vo kutte aarti tak nahi pahunche. Darte darte aarti ne apne chehre se haath hataya aur saamne ka driashya dekhkar aarti ki aankhe phati ki phati rah gayi. Saamne vo dono kutte hawa me tange the jaise kisine unhe hawa me pakad liya ho unhe rok liya ho par rokne wala koi waha dikhai nahi de raha tha. Us sae ne un kutto ko beech me hi rok liyaa tha usne un kutto ke sir apas me takrae aur ghumakar unhe door fenk diya. Baaki kutte bhi shaant ho gaye apne saathiyo kaa ye haal dekhkar.

Aarti jise bhoot pret me vishwas nahi tha par ab use bhi aghori ki baato par yakeen ho raha tha ki sach me uske ird-gird koi upri saya hai. Usne turant apni jeb me rakha aghori kaa diya rudraksha nikal liya aur use aage kar diya. Us rudraksha ki oot me aarti ko vo saya saaf nazar aa raha tha jaise hawa me kisi aadmi ki aakriti si ubhar aai ho jo use hi dekh rahi ho.



Wo saya uski taraf bad raha tha aarti to dar ke mare paseene paseene ho gayi thi uske man se jungli kutto kaa dar to kahi kho gaya aur us saae kaa dar uske dilo dimaag par haavi ho gaya tha.
Wo saaya haatho ke ishare se aarti ko na darne ke ishare kar raha thaa par aarti par to dar is kadar hawi ho gayaa thaa ki use uske ishaare samajh hi nahi aa rahe the. Use bus vo saya apni taraph badta najar aa rahaa thaa. Aur isi dar aur tanav ki sthiti me aarti ne apne haath me pakda bajrangi rudraksha us saae ki taraph uchhal pheka. Us rudraakshaa se chhute hi us saae ki saari shakti nasht ho gayi vo khichhaa huaa us rudraakshaa ke andar samaa gaya aur usme kaid ho gaya. Jo aarti ka rakshak thaa use hi apnaa bhakshak samajhkar aarti ne khud use us rudraakshaa me kaid kar diya.

Wo saya un bhooke kutto aur aarti ke beeche se hat chukaa tha. Ab unke aur unke shikaar aarti ke beech koi nahi tha. Us saae ke hatte hi ek baar phir vo shikaari kutte laar tapkate hue aarti ki taraph bade. Aarti ne apne andar ki puri taakat ikathaa karke khud ko khada kara aur ek kadam aage badaya hi thaa ki pair ke dard ki wajah se vo ladkhada kar phir giri aur uskaa sir ek patthar se takraya aur aankho ke aage andhera sa chhaane laga vo behoshi ke aagosh me khoti jaa rahi thi aur badi mushkil se aankhe khole un kutto ko apni taraph badtaa huaa dekh rahi thi. Jo use bachaa saktaa thaa use to khud usne rudraakshaa me kaid kar diyaa aur vo khud is halat me nahi thi ki khud ko bachaa sake. Har beette pal ke saath ek dardnaak maut uske kareeb aur kareeb aati jaa rahi thi.



Par vo kehte hai na insaan ko maut tab tak nahi aati jab tak uski maut ki ghadi naa jaae. Achanak se un kutto ke badte hue kadam ruk gae. Us chaand ki roshni me koi aarti ke peechhe aakar khada ho gaya thaa jiski aankho se uthte angaro kaa dar un kutto ki aankho me saaph najar aa raha tha. Adhkhuli aankho se aarti un kutto ko peechhe hatte dekh rahi thi aur ek parchhaai jo jameen par ban rahi thi ko aage badte dekh rahi thi matlab koi uske peechhe thaa par usme itni taakat bhi naa bachi thi ki gardan ghumakar apne pichhe khade shaksha ko dekh sake. 
Behoshi aarti par haavi hoti jaa rahi thi par behosh hone se pehle aarti ne itna hi dekhaa ki kaale libaas me ek shaksha uske aur un kutto ke beech aakar khada ho gayaa thaa uski peeth aarti ki taraph thi is wajah se vo uskaa chehra nahi dekh sakti thi vo koi aur nahi Abhay tha jo aarti aur un kutto ke beech khadaa ho gaya tha.



Un kutto me se ek sabse hattaa kattaa kuttaa abhay par jhapta par abhay ne use beech me hi rok diyaa us kutte ki dekhaa dekhi baaki kutto me bhi josh aa gayaa vo abhay ko ek aam aadmi samajhkar uspar hamla karne ki galti kar baithe. Abhay ki bhaue gusse men tan gayi.
Usne us sabse hatte kaatte kutte ke donon jabdo ko apne haatho se pakad liyaa aur ek jhatke me us kutte ko do hisso me cheer diya. Jin kutto ne abhay ke sharir me daant gadaa die the unkaa shareer mom ki tarah galnaa shuru ho gayaa thaa shayad abhay ke jishm me khoon ki jagah zeher thaa jiske sampark me aate hi vo kutte galte chale gaye baaki bache kutto me ab aage badne ki himmat nahi thi jaise vo samajh gaye the ki vo milakar bhi isse nahi jeet paaenge unhonne ulte paav laut jaane me hi apni bhalaai samjhi. Bache hua kutte palatakar wapas laut gae.

Abhay ab aarti ki taraph paltaa aarti ki palke ab badi mushkil se khul paa rahi thi use uskaa halkaa-halkaa chehraa dikh rahaa tha. Wo aarti ke ekadum kareeb aakar baith gayaa aur uske munh se bus ek shabd niklaa Manjari. Abhay aaj 200 saal ki lumbi judaai ke baad ek baar phir apni manjari ke paas pahunch chukaa thaa. Isi ke saath aarti ki himmat ne uskaa saath chhod diyaa aur wo behosh ho gai. Abhay ne aarti ke chehre ko apne haatho me tham liya.

Abhay- Manjari 200 saal door rahaa hu tujhse par mujhe yakeen thaa ek naa ek din hum phir milenge. Aakhirkar maine tujhe paa hi liya. Socha thaa jab tu mere saamne aaegi to tujhe jaan se maar doonga par kyaa karu tujhse itna pyaar kartaa hu ki tujhe maar bhi nahi sakta. Par ab hamaare beech koi nahi aa paaegaa vo bhi nahi jo khud ko bahut bada star samajhta tha.

Achaanak abhay ki najar kuchh door pade us rudraakshaa par padi aur use uski maujudgi kaa aabhas ho gaya.



Abhay- Saale kayar is rudraakshaa me chhupa baithaa hai. Teri kismat bahut achhi hai jo tu is waqt is rudraakshaa ke andar hai agar bahar hota to tera usse bhi buraa hashra karta jaisa 200 saal pehle karaa tha. Naa tu tab mere aur manjari ke beech aa sakaa thaa aur naa aaj aa paaega.

Abhay ne behosh aarti ke sir par haath rakhaa aur aarti ke dimaag me maujood saari baate abh ke dimaag me aakar lene lagi. Beete dino me aarti ke saath jo kuchh bhi huaa vo abhay ko pataa chalta chalaa gaya.

Abhay- Ab tere aur mere beech koi nahi aaega jo aa saktaa thaa use to tune khud kaid kar diyaa aur tere dimaag se vo saari yaade main mitaa doonga jo tujhe mujhse door kare. Jo galti 200 saal pahle maine kari thi wo is baar nahi hogi tujhe mujhse muhobbat karni hi hogi apni marji yaa binaa marji ke.

Abhay ne aarti ko apni baaho me uthaa liya. Aarti ka behosh badan abhay ki khoon se sani baaho me jhool gaya. Abhay us chaandni raat me aarti ko baaho me bhare hue waapas us nadi ke kinaare par aa pahuncha.



Abh- Is kahani kaa ant Wahi se hoga jaha se is kahaani ki shuruaat hui thi usi jagah se jaha tune mujhe dhokhaa diyaa wahi tu ek baar phir meri dulhan banegi phir ek baar hamaari suhaag ki sej sajegi aur is baar hamaari suhaagraat mukammal roop legi. Aur iske lie hame is nadi ke paar jaanaa hoga.

Abhay aarti ko apni baaho me bhare ek baar phir tej bahaav se behti us nadi ko chalte-chalte yu paar kar gayaa jaise vo zameen par chal rahaa ho. Aarti ko lekar abhay usi jagah aa gayaa jaha barso pehle uski suhaagraat adhoori reh gayi thi usi khandhar ke saamne jaha 200 saal se soya hua tha. Abhay ki aankho ke ek ishaare me vo khandahar ek aalishaan haweli me tabdeel ho gaya.

Abhay- Duniya ke lie ye aaj bhi ek khandahar hi hai koi ise dekhega to use ye khandahar dikhegaa par jab tu jaagegi tab tujhe ye tere sapno kaa mahal nazar aaegaa. Ab humaare grihapravesh kaa waqt aa gaya hai barso pehle bhi humne yuhi saath-saath grihapravesh kara thaa aaj phir ek baar hum saath-saath grihapravesh karnege.

Abhay ki aankho ke ek ishaare me us haweli ke gate par chaawal bhara ek kalash rakh gaya. Abhay ne aarti ke pairo ki halki si thonkar us kalash me maari aur aarti ko lekar us khandahar ke andar aa gayaa aur aarti ko laakar usi patthar ke bisraar par litaa diyaa jahaan garimaa aur hariyaa ke sambhog ke baad abhay jagaa tha. Aarti ab bhi behosh thi aur abhay dwara uske dimaag ke saath kie gaye khilvaad ki wajah se jaldi jaldaa uske hosh me aane ki ummeed kum thi. Abhay ne aarti ki choto par apnaa haath phiraya aur aarti ke haath pair sir par lage ghaav khud baa khud bhar gaye par behosh vo ab bhi thi. Abhay vahi aarti ke sirhaane par baith gayaa aur use nihaarne laga.



Idhar aarti puri tarah se abhay ke changul me phas chuki thi kyaa sambandh thaa aarti aur abhay kaa kyo maar diyaa thaa aarti ne us insaan ko jo use is kadar deewano ki tarah chahta thaa aur marne ke baad bhi abhay itni shaktiyo ke saath apne sharir ke saath wapas kaise aa gayaa thaa uskaa shareer barso dafan rahne ke baad bhi galaa kyo nahi kaun thaa ye abhay usse bhi badaa sawaal thaa kyaa thaa ye abhay? aur in saare sawaalon kaa jawaab nadi ke us paar us bajarangi rudraakshaa me kaid thaa jisme kaid thaa is aarti abhay ki kahaani kaa teesraa aur sabse eham kirdaar jo us rudraakshaa ki kaid se aajaad hone ke lie chhatpataa rahaa tha. Kyaa sambandh thaa uskaa aarti aur abhay se kyo abhay usse itni nafrat kartaa thaa kyaa huaa 200 saal pahle in sawaalon ke javaab jald hi ek toofaan ki shakal me duniyaa ke saamne aane waale the. Ek mahayuddh ki rooprekha taiyaar ho chuki thi bas dekhnaa ye thaa ki isme vijay kise milti hai abhi to isme ye bhi tay nahi thi ki is kahaani kaa naayak kaun thaa aur khalnaayak kaun.



HAR KAAM KIYA MAINE USKI KHUSHI KE LIE
PHIR BHI NA JANE KYU BEWAFA KEHLAYA HU
MAUT SE PEHLE KARLU EKBAAR DEEDAR USKA
ISLIYE MARKAR BHI BUS USE DEKHNE AYA HU