தமிழ் திரைப்பட செய்திகள்

[johnypowas]

லவ் ஆக்சன் டிராமாவை நம்பியிருக்கும் நயன்தாரா

நயன்தாரா நடித்த ஐரா, மிஸ்டர் லோக்கல் சமீபத்தில் வெளியான கொலையுதிர் காலம் என மூன்று படங்களும் வரிசையாக தோல்வியைத் தழுவியுள்ளன. இந்தநிலையில் நயன்தாரா தற்போது மலையாளத்தில் நீண்ட இடைவெளிக்கு பிறகு லவ் ஆக்சன் டிராமா என்கிற படத்தில் நடித்துள்ளார்.


பிரபல கதாசிரியர் மற்றும் நடிகர் சீனிவாசன் எழுதி நடித்த வடக்கு நோக்கி எந்திரம் என்கிற ஹிட் படத்தின் நவீன ரீமேக் ஆகத்தான் இந்த படம் உருவாகி இருப்பதாக சொல்லப்படுகிறது. அதனால் படத்தின் நாயகனாக நடிக்கும் நிவின்பாலியை விட அவருக்கு ஜோடியாக நடித்துள்ள நயன்தாராவிற்கு இந்த படத்தில் நிறைய முக்கியத்துவம் கொடுக்கப்பட்டு உள்ளதாகவும் தெரிகிறது.

தொடர் தோல்விகளால் சற்றே மனம் துவண்டு இருக்கும் நயன்தாரா அடுத்ததாக லவ் ஆக்சன் ட்ராமா படத்தை தான் பெரிதும் எதிர்பார்த்துக் கொண்டிருக்கிறார்.. வரும் ஓணம் பண்டிகையில் இந்த படம் வெளியாக இருக்கிறது