தற்போதைய செய்திகள்

[johnypowas]

மாவட்ட ஆட்சியருக்கு பதிலடி கொடுக்கும் விதமாக வீடியோ வெளியிட்ட காவல்துறை..!



காஞ்சிபுரம் அத்திரவரதர் கோயிலில் பக்தர்கள் மத்தியில் காவல் ஆய்வாளரை மாவட்ட ஆட்சியர் திட்டியதற்கு பதிலடி கொடுக்கும் வகையில் காவல் துறை தரப்பில் வீடியோ ஒன்று வெளியிடப்பட்டுள்ளது.
அத்திவரதர் வைபவத்துக்காகக் காஞ்சிபுரத்தில் கூட்ட நெரிசல் நாளுக்கு நாள் அதிகரித்து வருகிறது. இந்த நிலையில், விஐபி  வரிசையில் உரிய பாஸ் இல்லாமல் பொது மக்களை அனுப்பியதாக, காவல் ஆய்வாளர் ஒருவரைக் காஞ்சிபுரம் மாவட்ட ஆட்சியர் பொன்னையா ஒருமையில் பேசிய வீடியோ காட்சிகள் சமூக வலைதளங்களில் வைரலானது. 
இதனைப் பார்த்த பலரும் மாவட்ட ஆட்சியர் பொன்னையாவுக்கு எதிராகக் கண்டனம் தெரிவித்து வருகின்றனர். தற்போது மாவட்ட ஆட்சியர் பொன்னையாவிற்கு பதிலடி தரும் வகையில் காவல் துறை தரப்பில் புதிய வீடியோ ஒன்று வெளியிடப்பட்டுள்ளது. 
காஞ்சிபுரத்தில் அத்திவரதரை தரிசிக்க நாள்தோறும் இரண்டரை லட்சம் பக்தர்கள் வருகை புரிகின்றனர் என்பதையும் அவர்களுக்கு காவல்துறை வழங்கிவரும் சிறப்பான சேவை குறித்து இந்த வீடியோவில் விளக்கப்பட்டுள்ளது.