தற்போதைய செய்திகள்

[johnypowas]

செம.. பூமி வட்டப்பாதையிலிருந்து வெளியேற்றப்பட்ட சந்திரயான் 2... நிலவை நோக்கி பயணம் தொடங்கியது!

டெல்லி: சந்திரயான் 2 இன்று அதிகாலை வெற்றிகரமாக பூமியின் வட்டப்பாதையில் இருந்து வெளியேற்றப்பட்டு, நிலவை நோக்கி அனுப்பப்பட்டது.
கடந்த 22ம் தேதி மதியம் 2.49 மணிக்கு சந்திரயான் 2 வெற்றிகரமாக விண்ணில் செலுத்தப்பட்டது. சந்திரயான் 2 பூமியில் இருந்து செலுத்தப்பட்டதில் இருந்து நிலவை அடையும் வரை மொத்தம் 48 நாட்கள் பயணம் மேற்கொள்ள இருக்கிறது.
சந்திரயான் 2 செலுத்தப்பட்ட முதல்நாள் பூமியை 170 கிமீ தூரத்தில் இருந்து சுற்ற தொடங்கியது. இது பூமியை நீள்வட்ட பாதையில் சுற்றி வந்தது.




இப்போது என்ன
நீள்வட்ட பாதையில் சந்திரயான் 2 சுற்றுவதன் மூலம் அதன் வேகம் கொஞ்சம் கொஞ்சமாக அதிகரிக்கும். இதனால் நீள்வட்ட பாதையில் சுற்றி சுற்றி பூமியைவிட்டு கொஞ்சம் கொஞ்சமாக சந்திரயான் 2 நகர்ந்து தூரமாக செல்லும். இதன் மூலம் பூமியை விட்டு தூரம் சென்று அதன்பின் நிலவை நோக்கி செல்லும்.

 

[color][font]

15 முறை மாறும்
மொத்தம் 15 முறை சந்திரயான் 2 இதற்காக திசை மாற்றப்படும். கொஞ்சம் கொஞ்சமாக பூமியை விட்டு நகர்த்தி செல்லப்படும். இதற்காக அதில் உள்ள எஞ்சின் 15 முறை கொஞ்சம் கொஞ்சமாக இயக்கப்படும். இப்படியாக பூமியைவிட்டு 23 நாட்கள் கொஞ்சம் கொஞ்சமாக சந்திரயான் 2 விலகி செல்லும். அந்த 23 நாட்கள் இப்போது முடிந்துவிட்டது.


[/font][/color]

 

[color][font]

எப்படி
கடந்த 6ம் தேதி சந்திரயான் 2 இதேபோல் வட்டப்பாதையை மாற்றப்பட்டது. இதுவரை 5 முறை சந்திரயான் 2வின் வட்டப்பாதை வெற்றிகரமாக மாற்றப்பட்டு அது கொஞ்சம் கொஞ்சமாக பூமியை விட்டு நகர்ந்து சென்று கொண்டு இருந்தது. இதையடுத்து இன்று 6வது முறையாக வட்டப்பாதையை மாற்றப்பட்டு பூமியைவிட்டு சந்திரயான் 2 வெளியேற்றப்பட்டது.


[/font][/color]

 

[color][font]


அதிகாலை
இன்று அதிகாலை பூமியின் வட்டப்பாதையில் இருந்து வெற்றிகரமாக சந்திரயான் 2 வெளியேற்றப்பட்டது. இன்று அதிகாலை 2.21 மணிக்கு நிலவை நோக்கி திருப்பப்பட்டது. இதன் மூலம் நிலவை நோக்கி வெற்றிகரமாக திசை மாற்றப்பட்டது சந்திரயான் 2.


[/font][/color]

 

[color][font]

என்ன நடந்தது
இதற்காக சந்திரயானில் உள்ள திரவ எஞ்சின் 1203 நொடிகள் பயன்படுத்தப்பட்டது. இனி நிலவை நோக்கி கொஞ்சம் கொஞ்சமாக சந்திரயான் 2 செல்லும். இன்னும் 6 நாட்களில் நிலவின் வட்டப்பாதையை சந்திரயான் 2 அடையும். அதன்பின் அதன் வேகம் கொஞ்சம் கொஞ்சமாக குறைக்கப்பட்டு நிலவில் தரையிறங்கும் என்பது குறிப்பிடத்தக்கது.





[/font][/color]

 

[color][font]

அங்கு இறங்கும்
இன்னும் 24 நாட்களில் சந்திரயான் 2 நிலவை அடையும் என்பது குறிப்பிடத்தக்கது. சரியாக செப்டம்பர் 6ம் தேதி நிலவின் சுற்று வட்டப்பாதையை சந்திரயான் 2 அடையும். செப்டம்பர் 7ம் தேதி சரியாக விக்ரம் லேண்டரில் உள்ள பிரக்யான் ரோவர் வெளியே வந்து நிலவில் ஆராய்ச்சிகளை செய்யும்[/font][/color]