Adultery சாது மிரண்டால் வீடும் கொள்ளாது! - Completed

[whiteburst]

40.

 

ராஜா கடுப்பின் உச்சத்தில் இருந்தான். என்ன நினைத்துக் கொண்டிருக்கிறாள் மைதிலி? அவன் மும்பையிலிருந்து மாலைதான் வந்திருந்தான்.

 

ப்ரியா விலகிச் சென்று 4 மாதங்களாகியிருந்தது.

 

ப்ரியா விலகிய பின், கல்யாணம் பேச இரு வீட்டிலும் முயன்ற போதே மைதிலி சொல்லிவிட்டாள். கண்டிப்பாக கல்யாணம், 6 மாதம் கழித்து மட்டுமே இருக்க வேண்டும் என்று.

 

ராஜா சொன்ன எந்தச் சமாதானமும் செல்லுபடியாகவில்லை!

 

ப்ளீஸ்ப்பா, எனக்கு ரொம்பச் சங்கடமா இருக்கு! யாராவது, ஏதாவது சொல்லிடுவாங்களோன்னு. ப்ளீஸ், என்னை புரிஞ்சிக்கோங்களேன்!

 

4 மாதம் முன்பு, அவள் இதைச் சொன்ன போதே அவன் கடுப்பாகியிருந்தான்.

 

கோபமா? மெல்ல, பின்னிருந்து அவன் தோளில் சாய்ந்தாள்!

 

என் ராஜாவுக்கு கோபமா?

 

இதுக்கு ஒன்னும் குறைச்சலில்லை! காரியம் ஆகனும்னாதான் வந்து ஒட்டுவ. இல்லாட்டி எட்டி நின்னுக்குவ. ரொம்ப பண்ற மைதிலி!

 

இப்பியும் காரியம் ஆகனும்னுல்லாம் உங்க பக்கத்துல வரலை. நீங்க இப்பிடி, கோபிச்சிகிட்டு பேசாம இருக்குறது, எனக்கு ரொம்ப வருத்தமா இருக்கு. அதான். அவளது குரல் கம்மியிருந்தது.



எனக்கும் அவளது உணர்வுகள் புரிந்திருந்தது. மெல்ல முன்புறம் அவளை இழுத்தவன் என் மேல் சாய்த்துக் கொண்டேன். சரி விடு.

 

இல்லைப்பா, எனக்கு மட்டும் உங்க கூட இருக்கனும்னு ஆசை இருக்காதா? நான் ஏன் சொல்றேன்னு உங்களுக்கு தெரியாதா?

 

அதான் விடு, எனக்கு ஓகேன்னு சொல்லிட்டேன்ல. ஆனா நீ ரொம்பத்தான். இன்னமும் தாங்க்ஸ் சொல்லக் கிடையாது. ட்ரீட் கிடையாது. ஐ லவ் யூ சொன்னது கிடையாது. அவ்ளோ ஏன், ப்ரேம் முன்னாடி மாமான்னு சொன்ன, அதுக்கப்புறம் நான் கேட்டாலும் அப்பிடிச் சொல்றது கிடையாது!

 

மைதிலி சலுகையாய் அவன் மார்பில் சாய்ந்து அவனை நிமிர்ந்து பார்த்து சிரித்தாள்!

 

தா… இது மாதிரி ஏதாவதுன்னாதான், பக்கத்துலியே வர்றது. இல்லாட்டி 10 அடி தள்ளியே நிக்குறது. ப்ரேமுக்கு ப்ளான் பண்ணப்பல்லாம், மாசக் கணக்குல் ஒரே வீட்டுல இருந்துட்டு, இப்ப என்னடான்னா, நேர்ல மீட் பண்றதுக்கு கூட பிகு பண்றது. எல்லாம் நீ பண்ணிட்டு, நாங்க பேசி கவுத்துடுவோம்னு என்னைப் பத்தி எங்கிட்டயே கம்ப்ளெயிண்ட்… ரொம்பத்தான் நீ, போடி!

 

ஹா ஹா…

 

சிரிக்காத! மனுஷனை கடுப்பேத்திட்டு, இப்ப என்ன சிரிப்பு!

 

சொன்ன படியே, 6 மாதங்கள் கழித்தே திருமணம் என முடிவாகியிருந்தது.

 

மைதிலி வீடு வாடகைக்கு விடப்பட்டு, அவள் லேடீஸ் ஹாஸ்டலில் தங்கிக் கொள்வதாகச் சொல்லிவிட்டாள்.

 

நாளை வெள்ளிக்கிழமை, அவனுக்கு பிறந்த நாள்!

 

மைதிலியை வெளியே சர்ப்ரைசாக கூட்டிச் செல்லலாம் என்று நினைத்தவனுக்கு செம கடுப்பு. அவள் ஆளே காணவில்லை. அந்தக் கடுப்பில்தான் ஃபோன் செய்தான்.

 

ஹாலோ

 

ஹலோ, எங்க இருக்க மைதிலி?

 

ஹாய், எப்டி இருக்கீங்க? இன்னிக்கு மீட்டிங் நல்லா போச்சா?

 

முதல்ல நீ எங்க இருக்க?

 

நான் ஊருக்கு வந்துட்டேம்பா! அப்பா ஞாபகமா இருந்துச்சு, நீங்க வேற மும்பை போயிட்டீங்க. அதான் நேத்து நைட்டு கிளம்பி ஊருக்கு வந்துட்டேன்.

 

நேத்து பேசுனப்ப கூட என்கிட்ட சொல்லவேயில்லை.

 

இல்லப்பா, நாளைக்கு உங்க பர்த்டேயில்ல. அதான், இங்க குல தெய்வம் கோவில்ல உங்க பேருல அர்ச்சனை பண்ணலாம்னு. உங்க கூட ஸ்பெண்ட் பண்ணலாம்னு நினைச்சேன். ஆனா, நீங்க மும்பை போயிட்டதால, மனசுக்கு கஷ்டமா இருந்துச்சா, அதான் வந்துட்டேன்

 

போ மைதிலி, உனக்காக நான் மீட்டிங்லாம் முடிச்சிட்டு, அவசர அவசரமா ஓடியாந்தா இப்படி பண்ணியிருக்க.

 

வாட், நீங்க சென்னைக்கு வந்துட்டீங்களா? என்னைச் சொன்னீங்களே, நீங்க என்கிட்ட சொன்னீங்களா, நேத்து பேசுறப்ப? இப்பொழுது இவள் திட்ட ஆரம்பித்தாள்.    

 

இருவருக்குமே கடுப்பாய் இருந்தது.

 

பெருசா சர்ப்ரைஸ் கொடுக்குறேன்னு சொல்லி இப்புடியே சொதப்புங்க! நான் கேட்டேன்ல, சீக்கிரம் வரமுடியாதான்னு? அப்பல்லாம் கஷ்டம்னு சொல்லிட்டு, இப்ப எதுக்கு வந்தீங்க?

 

மைதிலி இன்னும் கோபத்தில் இருந்தாள்.

 

இங்க பாருங்க, எனக்குத் தெரியாது, கோடம்பாக்கம் வீட்ல, உங்களுக்குன்னு டிரஸ் வாங்கி கிஃப்ட்டா வெச்சிருந்தேன். சரி, நீங்களே இல்லையே, நேர்ல பாக்கிறப்ப கொடுத்துக்குலாம்னு வெச்சுட்டு வந்துட்டேன்.

 

நான் நைட் 12 மணிக்கு ஃபோன் பண்ணுவேன். அதுக்குள்ள, அங்க போயி, குளிச்சிட்டு, அந்த ட்ரஸ்ஸை போடுறீங்க. நான் நைட்டே கிளம்பி, காலையில நேரா அங்கத்தான் வருவேன். சரியா?

 

அவன் கோபமும் தணிந்திருந்தது. அவள்தான் உடனே கிளம்பி வர்றாளே என்ற காரணத்தால்.

 

ஏய் பாத்து! இப்பியே அதிகாரம் தூள் பறக்குது! இன்னும் கல்யாணத்துக்கு அப்புறம் எப்படி இருக்குமோ?

 

பேசாதீங்க நீங்க! சொதப்பி வெச்சுட்டு… ஒழுங்கா நான் சொல்ற மாதிரி செய்யனும்! ஓகே?

 

கொஞ்ச நாள் முன்னாடி அமைதியின் திருவுருவமாய் இருந்த மைதிலி இது என்று அவளைச் சீண்டினான்.

 

உங்களை என்று பல்லைக் கடித்தாள் அவள்!

 

ஏய், நாளைக்குதான் நீ வர்றியே, நாளைக்கு அதைப் போட்டுக்கறேன். நீ வா!

 

ஹலோ, நாம காதலிக்க ஆரம்பிச்சதுக்கப்புறம் வர்ற, உங்களோட முத பர்த்டே. இது எனக்கு ரொம்ப ஸ்பெஷல். நாளைக்குன்னு இன்னொரு செட்டு தனியா எடுத்து வெச்சிருக்கேன். கம்முன்னு இன்னிக்கு இதை போட்டுக்கோங்க. நான் சரியா 12 மணிக்கு ஃபோன் பண்ணுவேன், விஷ் பண்ண, ஓகேயா?

 

சரிடி! ரொம்பத்தான், என்னமோ இதுக்கு மட்டும் ஸ்பெஷலா ட்ரீட் வெக்கிற மாதிரி! நீயெல்லாம் எனக்கு ட்ரஸ் வாங்கியிருக்கேன்னு சொன்னதே எனக்குல்லாம் ஆச்சரியமா இருக்கு என்றூ கிண்டல் செய்தான்.

 

உங்களை வந்து வெச்சுக்கறேன். சரி வெச்சுடறேன். ஆங்… ஹல்லோ, உங்க கிஃப்ட் என் ரூம்ல இருக்கும். உங்க ரூம்ல தேடிட்டு இருக்காதீங்க. உங்க ரூம் கீ, என்கிட்ட இருக்கு! பை. மார்னிங் மீட் பண்ணலாம்.

 

அவனும், அவள் சொன்ன படியே, 9 மணிக்கு மேல் கிளம்பி கோடம்பாக்கம் வீட்டிற்குச் சென்றான்.

 

அவளது அறையில், அவளது கட்டிலில், ஒரு கிஃப்ட் பார்சல் இருந்தது. அதில், ‘என் மாமாவிற்க்காக’ வித் லவ் மைதிலி என்று எழுதியிருந்தது.

 

இதுக்கு ஒண்ணும் குறைச்சலில்லை என்று அலுத்துக் கொண்டாலும், சிரித்துக் கொண்டே, அவள் சொன்ன படி செய்து, 12 மணிக்காக ஹாலில் வெயிட் பண்ண ஆரம்பித்தான்!

 

சரியாக 12 மணிக்கு, அந்தச் சத்தம் கேட்டது! மொபைலில் இருந்து அல்ல!

 

அவனுடைய ரூம் கதவு திறந்திருந்தது! இவனும் குழம்பியவாறே சென்று பார்த்தான். அங்கே…