Romance BADLA

[sarit11]

Jungle me hamesha do saman saath hone chahiye

Paani ki bottle aur mosquito repellent.ye baat dhruv ke dimag me a he se ghus gayi aaj

"Dhruv Neenu nahi aaying"sharon ne maasoomiyat ke saath kaha.

"Kya problem hai yaar so jao na"dhruv halke se irritate hokar bola

"Pehli Baar 31st bina friends ke mana rahi hoon.pata hai papa aaj ka din mere liye free rakhte hai,din me hum poori family ek saath lunch karte hai"sharon apne aansoo pochte hue boli

Dhruv chup hi raha.anuradha ke dehant ke baad vishal ka divorce ho chuka tha.isliye sab kuch chod chaad business me koodna pada.saare dost peeche choot gaye.masti,maza ,pyaar ,ishq aur family kya hai kuch pata hi nahi.ghar me bhi sirf business ki hi baatein hoti hai.

"Pata hai tum bhi miss kar rahe ho na family ko??"sharon ne poochha

Dhruv muskuraya.31st ki raat ek anjaan ladki ke saath.pata nahi zindagi aur kya kya din dikhayegi.waise khoobsurat to hai,cute hai lekin akad aur ghamand koot koot kar bhara hai is ladki mein.shayad paison ka ghamand hai ise

"Sharon happy new year"achanak dhruv muskurate hue bola

Chaunk uthi sharon.saal ka pehla wish ye aadmi karega???hain???
Waise thoda bohut thik thak hai shakl.thoda skinny hai.

"Maine kaha happy new year sharon ji"dhruv fir bola

"H happy new year dhruv"bol sone ki koshish karne lagi sharon lekin aaj is dudhiya chandani raat me ek chashmish ladke ke saath yun jungle me raat guzaarna kya experience hai boss

-------------------------------------------------------------------------------
USA
TRING TRING
"bolo"vishal bhaari awaaz me bola

"Happy new year vishal"doosri aur se awaaz aayi

"Aur kuch??"vishal ne seedhe seedhe poocha

"Kam se kam wapas wish to kar dete vishal"doosri aur se awaaz aayi

"Kuch aur baatein hai??ya phone rakhun"vishal irritate ho raha tha

"Dhruv ke baare me suna.koi khabar..."

"Dhruv ki chinta karne ki koi zaroorat nahi hai nivedita, actually hamare kisi bhi sadasya ke baare me tension lene ki koi zaroorat nahi"vishal bola

"Kya dhruv mera bhai nahi??"nivedita boli

"Jis bhai ko sare aam thappad mara tha usse itna lagav??kamaal hai nivedita divorce ko kai saal ho gaye,ab natak karna chodo"vishal daant peeskar bola

"Vishal wo moment tensed tha,divorce ka din tha aur dhruv sulah karne ki zid par ada hua tha isliye..."

"Isliye haath utha diya uspar.wow.ek baat kaan kholkar sun lo nivedita grover mai to zameen aasman ek kar apne bhai ko khoj nikalunga,lekin agar mujhe pata chala ki uske gayab hone ke peeche tumhare family ka haath hai,to yaad rakhna.tahalka macha doonga grover industries par"bol phone rakh deta hai vishal

Phir kuch sochkar phone ghumata Hai

"Book an earliest flight for me to India "bol phone kaat deta hai vishal

------------------------------------------------------------------------------
MALAD security officer STATION
"Saab ek boodhi aurat aayi hai.milne ki zid kar rahi hai"constable SI ko bola

"Bhej do"SI bola

"Saab saab maine kaha tha na,kaha tha na"aurat khush hote hue ander aayi

"Arey aap??aap ko bola tha na ki aapke bete ke baare me kuch nahi pata chala"SI bola

"Lekin maine TV par dekha hai saab,mera beta hai wo,ye dekhiye newspaper me photo aayi hai uski"boodhi aurat excited hote hue boli

SI ne photo dekha aur kaha
"Kahan maa ji,ye Dhruv singh hai mashoor business tycoon.ye to india me rehta bhi nahi america me rehta hai,samjhi.ye aapka beta nahi hai"SI samjhate hue bola

"Lekin...lekin"boodhi aurat ko vishwas hi nahi ho raha tha.lekin kya karti muh latkakar aansu pochkar chali gayi

"Kya ho raha hai??"door se inspector iyer ki awaa aayi

"Arey saab wahi gaurav wala problem.aai shapat bohut tedha case lag raha hai"SI ne sab kuch samjhaya

Sab kuch sunkar iyer soch me pad gaya