தற்போதைய செய்திகள்

[johnypowas]

ஆனால் இன்று நடந்த சம்பவத்தின் மூலம் ஆஸ்திரேலிய வீரர்களுக்குப் பாடம் கற்றுக்கொடுத்துள்ளார் இந்திய அணி வீரர் கே.எல். ராகுல்.

15-வது ஓவரை ரவிந்திர ஜடேஜா வீசினார். களத்தில் ஆஸ்திரேலிய வீரர் ஹாரிஸ் பேட் செய்தார். 3-வது பந்தை ஹாரிஸ் தூக்கி மிட்ஆப் திசையில் அடிக்க அந்தப் பந்தை கே.எல்.ராகுல் ஓடி வந்து கேட்ச் பிடித்தார்.கே.எல். ராகுல் கேட்ச் பிடித்ததைப் பார்த்த இந்திய வீரர்கள் ஜடேஜா, கோலி, ரஹானே அனைவரும் ஓடிவந்து ராகுலை பாராட்டினர். ஆனால், கே.எல். ராகுல், தான் பிடித்த கேட்ச் சரியானது அல்ல, தரையில் பட்டபின் பிடித்துவிட்டேன். இது கேட்ச் அல்ல என்று சைகையில் உணர்த்தினார். இதைக் கேட்ட நடுவர் வியப்படைந்து சற்றுபுன்னகை செய்தவாறு மீண்டும் ஆட்டத்தை தொடங்குமாறு கூறினார்.
பவுண்டரி அருகே நின்றிருந்த பும்ரா ஓடிவந்து கே.எல்.ராகுல் செயலைப் பாராட்டி, முதுகில் தட்டிக்கொடுத்துவிட்டுச் சென்றார்.
கே.எல்.ராகுல் அவுட் இல்லை என்று கூறிய காட்சி:
 
கிரிக்கெட்டில் எதிரணி வீரர்களை எப்படி வேண்டுமானாலும் ஆட்டமிழக்கச் செய்துவிடலாம் என்ற தவறான நோக்கத்தோடு இல்லாமல், தான் பிடித்த கேட்ச் மூலம் தனது நேர்மையையும், இந்திய அணியின் கண்ணியத்தையும் ராகுல் நிலைநாட்டிவிட்டார். இது ஆஸ்திரேலிய அணிக்கு பாடமாக அமையுமா என்பதைக் காட்டிலும் ஹேண்ட்ஸ்கம்புக்கு பாடமாக இருக்கும். கே.எல். ராகுலின் செயலை நெட்டிசன்கள் புகழ்ந்து ,பாராட்டி வருகின்றனர்.