A wedding ceremony in village

[Logan555]

Raat kafi ho chuki thi Vikram ke kamre se nikal kar shobha apne kamre me pahuchi hi thi ki peeche se uske darwaaze par dastak hui use laga shayad vikram maafi maangne aya hai par jab usne darwaaza khola to saamne neetu aur aarti khadi thi.
Shobha: Oh tum dono is waqt.
Neetu: Ha shobha tumhe bataya tha na wo us sadhna ke bare me.
Shobha: Ha tumne subah bataya tha tum jao mai dekh lungi bol dungi tum apne kisi relative ke yaha gai ho. Aarti tum bhi ja rahi ho.
Aarti: Ha ab itni raat me ise akela kaise jane do.
Shobha: Ok jao mai dekh lungi agar koi problem ho to mai bhi chalu sath me ya kisi aadmi ko sath bhej doo.
Neetu: Nahi nahi hum pehle bhi do raat ja chuke hai aur kisi ko bhejogi to baat khul jaegi isliye hum khud chale jaenge.
Shobha: Theek hai best of luck aur kabhi bhi meri zarurat mehsoos ho to phone kar dena.

Neetu aur aarti haveli se nikal gae unhone neha ko bhi msg karke apne jane ke bare me bata diya, baatcheet ke confusion me shobha ko yahi laga ki aarti bhi uske sath rehne ke liye ja rahi hai jabki aarti ne kewal raat me sath jane ki baat kahi thi. Neetu Aarti phir usi jagah pahunch gaye jahaan kal raat aghori unhen milaa thaa yani us shiv mandir ke paas par aaj unke pahuchne se pahle hi aghori vaha pahunch chukaa tha aur unka intejaar kar raha tha. Aghori unhe apni taraf ata dekh raha thaa par unke alawa use kisi aur cheez ke bhi apni taraf aane kaa abhas ho rahala tha. Neetu aur aarti unke paas aa chuki thi.

Aghori- Aaj bhi tumhaari ye saheli tumhare saath hai aur jise tumhaare saath honaa chahie tha wo baal brahmchaari vo kahaa hai. Kya ab tak tumhe pure gaanv me aisa ek aadmi nahi mila.

Neetu aur aarti ek doosre kaa muh dekhne lage kyuki unhe vo brahmchaari mil to gaya thaa par abhi aghori ke saamne vo ye kholna nahi chaahte the kyuki wo aur koi nahi khud aghori hai aur ye sunkar vo kaise react kare ye kehna mushkil thaa isliye achha rahega ki abhi is baat ko gupt rakhaa jae aur neetu ko unhe seduce karne kaa maukaa diyaa jae.

Neetu- Wo baba aarti to aaj bus mujhe yaha tak chhodne aai thi ab wapas laut jaegi.
Aghori- Aur vo brahmchaari purush.
Neetu- Wo mil gaya hai par aaj humare saath aa nahi paya par kal zaroor hoga.
Aghori- Aur ye bag ye kiska hai isme kyaa hai.
Neetu- Wo baba isme mere kapde hai aur meri zarurat kaa kuchh baaki samaan.
Aghori- Ye kyo iska humaari puja me kyaa kaam.
Neetu- Wo babaji darasal roj is tarah aadhi raat me yaha ana bada riski rehta hai koi bhi dekh sakta hai kuchh bhi ho sakta hai isliye agar aap bura na mane jab tak ye sadhna sampann nahi ho jaati main aapke ghar me reh sakti hu aisse roj-roj ana jana nahi padega.
Aghori- Kya tumhe pata hai na mai kaha rehta hu ek kabristaan me tum waha kaise reeh sakti ho. Aur ye sadhna to abhi teen din aur chalegi tab tak tum waha kaise reh paegi. Wo koi hotel yaa dharamshala nahi. Waha tumhe hawa ke lie pankha nahi milega pedo ki hawa milegi nahane ke lie baathroom nahi milegaa nadi kaa pani hogaa sone ke lie naram bistar nahi hoga sakht zameen hogi.




Neetu- Jab raj ke lie main kisi aur ke saath sambandh banane ko taiyar ho gai to ye sab baate to bahut chhoti hai mere lie. Baba maine shobhaa se is baare me baat kar li hai wo keh degi main kisi rishtedaar ke yaha gai hu. Samajhiye baba ji mere charectar kaa sawaal hai agar kisi ko halki si bhi bhanak lag gayi ki main aapke ghar jaakar kis tarah ki saadhnaa kar rahi hu to log mere charitra ke baare me dus tarah ki baate karenge main kisi ko munh dikhaane laayak nahin rahungi isalie achha yahi hogaa ki is sadhna ke khatam hone tak main is duniyaa ki nazro se door aapke ghar me raahu taaki roj-roj mujhe yu chhup kar aapse milne naa aanaa pade.

Neetu ki baat ne aghori ko bhi sochne par majboor kar diyaa baat neetu ki sahi thi roj-roj is tarah milne se pakde jaane kaa khatraa thaa aur phir log naa sirf nitu ke baare me aghori ke baare me bhi kuchh bhi soch sakte the isalie neetu ki baat hi sahi lag rahi thi ki jab tak ye saadhnaa naa ho jaye nitu aghori ke ghar us kabristaan me hi rahe.

Aghori- Theek hai par waha tum kisi tarah ki suvidhaa ki upeksha mat rakhna.
Neetu- ji baabaa
Aghori- Aur vo brahmchaari purush uskaa kyaa tumhaare man me uske prati prem utpann ho gayaa hai kya.
Neetu- ho jaega mai use jaanti hun uskaa chehraa meri aankho me bas chukaa hai aisaa lag rahaa hai jaisi abhi bhi wo mere saamne hai.
Neetu ne ishaaro ishaaro me apni baat keh di thi par aghori moh maya se itna door ho gayaa thaa ki wo is ishaare ko samajh hi nahi sakaa use is baat kaa andaja bhi nahi tha ki neetu ki aankho ke saamne to wo khud hai.
Aghori- theek hai chalo aur apni saheli ko yahi se wapas kardo.

Aghori ki nazar aarti par padi aur ek pal ke lie use kuchh ajeeb si anubhuti hui. Jaise koi hawa ka kawach usko chaaro or se ghere hua hai. Usne aage bad kar apnaa haath aarti ke sir par rakh diya. Aarti aur neetu dono chaunk gaye ki achanak se aghori ko ye kyaa ho gaya. Aghori ne apni aankhe band karli aur kuchh mehsoos karne ki koshish karne laga. Wo band aankho se kisi ko khojne ki koshish kar raha tha. Use band aankho se kisi ke cheekhe sunaai de rahi thi kisi ke hasne ki awaaze sunaai de rahi thi par sab drishya bahut dhundhle the use do parchhaaiya to dikh rahi thi par unke chehre nahi.

Achaanak se driashyaa thode saaf hue aur ek cheez use saaf-saaf dikhne lage. Aur jo cheez ubharakar uski band aankho ke saamne aai thi wo thaa ek sukshma ek mukhi rudraaksh jo bahut durlabh hotaa hai aur kahte hai jisme sakshaat shiv kaa waas hotaa hai.



Par ye ek mukhi rudraaksh kuchh alag thaa ek alag si chamak thi isme kuchh sanket chhipe the isme jaise vo aghori ko kuchh bataanaa chaah rahaa ho.
Aarti aur neetu ko kuchh samajh nahi aa raha thaa ki aakhir achanak se baat karte-karte aghori ko ho kyaa gaya. Achanak us rudraaksh se ek tej roshni nikli aur us aghori ne aarti ke sir se apna haath hataa liya.



Aghori ki saanse tej-tej chal rahi thi. Wo paseene paseene ho gaya tha.

Neetu- Kyaa hua baba ye achaanak se aapko kyaa ho gaya.
Aarti- Ye kyaa kar rahe hai aap sadhna ke lie neetu aai hai main nahi.
Aghori- Main janta hu pujaa ke lie neetu aai hai tum nahi par tumhaare chaaro taraf mujhe kisi upri hawaa kaa saaya mehsoos ho rahaa hai jaise kisi adrashya shakti ne tumhe chaaro taraf se gher rakhaa hai. Jab maine tumhare sir par haath rakhaa to mujhe do shaktiyo kaa aabhaas huaa aur saath menl dikhaa ek ek mukhi divyaa rudraaksh jisme se ek ajeeb si chamak nikal rahi thi. Ye ek mukhi rudraaksha bahut durlabh hotaa hai aur kehte hai isme saakshaat shiv kaa waas hotaa hai. Bhagwaan shiv apne baaju me jo rudraakshaa ki maalaa bandhe rehte hai vo ek mukhi rudraakshaa hi hai Aur un durlabh ek mukhi rudraksho me bhi kuchh aati durlabh ek mukhi rudraakshaa jo kehte hai sansaar me kewal 9 hai jo shakti ke 9 rupo kaa pratinidhitvaa karte hai aur unme se ek vo thaa jo shakti ke us roop kaa pratinidhi hai jo sabse rudraa aur sabse ugraa thaa jiske saamna swayam mahadev bhi nahi kar pae the aur jise shaant karne ke lie unhe unke saamne samarpan karnaa padaa thaa unke pairon ke neeche letkar yaani kaali ye rudraakshaa shakti ke kaalraatri roop kaa pratinidhi hai bahut shaktishaali aur uskaa tumse kuchh naa kuchh sambandh jarur hai.

Aarti- Baba main in sab bato me yakin nahin karti main vigyaan ki chhatraa hu aur usime yakin karti hu ye upri saayaa and all main nahi manti ye sab.
Aghori- thik hai main tumhe force nahi karungaa par tumhaare chaaro taraf jo saaya use door jarur kar saktaa hu.

Aghori ne apne thaile me se ek pudiyaa nikali jiske andar mantrit bhasm thi aghori ne us bhasm ko apne haath me liya apne hontho ke paas laakar koi mantra pada aur aarti ke upar use phoonk diya. Achanak se aghori ki is harakat par aarti ko khaasi aa gayi aur gussaa bhi bahut aayaa par neetu ki vajah se khaamosh rahi.

Jo kavach aarti ko ghere hue tha abhay raichand ko us tak pahuchne se roke hua thaa vo hat chukaa thaa nadi ke us paar khandahar me tapasyarat baithe abhay ki aankhe achaanak khul gayi use manjri ki maujudgi kaa ehsaas ho gayaa tha.



Abhay- manjari kaa pata chal gaya vo us dishaa me hai jo ghera mujhe us tak pahunchne se rok rahaa thaa vo hat gayaa hai. manjari main aa raahu hu tumhaaraa abhay ek baar phir tumhaare paas aa rahaa aur es baar hamaare beech me koi nahi aa paegaa tum khud bhi nahi.

Iske baad aghori ne apne gale me dhaage se bandha ek rudraaksha kholakar aarti ki taraf badaya.



Aghori- tum bhale hi ye sab nahi manti ho par ye to rakh hi sakti ho. ye ek gyaarah mukhi rudraakshaa hai jo bhagvaan shiv ke rudraa avtaar paavanaputra hanumaan kaa priyaa hai. Is rudraakshaa ko agar jaagrat kar liyaa jae to koi bhi buraa saayaa bhut pret is rudraakshaa ke dhaarak ke kareeb bhi nahi aa sakte naa use koi nuksaan pahunchaa sakte hai. aur ye ek jaagrat rudraakshaa hai. Ise to rakh sakti ho tum yaa ismen bhi koi dikkat hai.
Aarti ne vo rudraakshaa le liya. us rudraakshaa ko haath me lete hi abhay raichand ko aarti ki maujoodgi kaa ehsaas honaa phir band ho gaya. par tab tak vo nadi ke kareeb pahunch chukaa tha.

Abhay- ye kyaa huaa mujhe phir se manjari kaa ehsaas honaa band ho gayaa koi phir se mere aur manjari ke beech aane ki koshish kar rahaa hai par ab aur nahi manjari is nadi ke us paar hai itnaa tay hai aur ab agar mujhe manjari ko khojnaa hai to nadi ke us paar jaanaa hoga.
Dusri taraph aghori aur neetu vahaan se jaane hi vaale the

Aghori- ise hameshaa apne paas rakhnaa ye tumhaari rakshaa karega. shiv shankar tumhaaraa kalyaan kare. ab hume chalnaa chaahie.
Neetu- ji baabaa

Itnaa kehakar aghori aur nitu vahaan se apni manjil ki taraph chal die pichhe chhod gaye akeli aarti ko jise pataa bhi nahin thaa ki ek toofaan uski taraph bhaagtaa huaa chalaa aa rahaa hai.

Nadi ke paas



Abhay raichand tej raftaar se behti nadi ke upar daudaa chalaa aa rahaa thaa, vo nadi ke upar aise daud rahaa thaa jaise ek cheeta apne shikaar ke peechhe daudtaa hai. ek gaanv vala jo shaayad itni der raat nadi ke kinaare jangal paani ke lie aayaa thaa saamne kaa drashya dekh uske paseene chhut gaye uskaa lotaa uske haath se chhut gayaa saamne kaa drashya thaa hi itnaa khaufnaak. kaale libaas me ek shaksha nadi ke paani ke upar daud kar nadi paar kar rahaa thaa jise dekh kisi ki bhi aankhe phati ki phati reh jae bhalaa koi nadi ke upar is tarah kaise daud saktaa hai.

Chand lamho me hi abhay nadi paar karke us gaanv vaale ke saamne khdaa tha. gaanv vaalaa dar aur aashcharyaa se abhay ko dekhe jaa rahaa tha.

Gaanv vaalaa- bhaya tu koi jaadugar hai ke kaunu tamaasho dikhaa riyo thaa ke par abhi to yahaan mere alaavaa koi hai hi nahi tharo tamaasho bekaar ho gayo ek kaam kar tu kal subah ye tamaashaa dikhnaa main kayi gaanv vaalon ko bulaa laungaa badi kamaai hogi thodaa kamishan maane bhi de diyo jo taane thik lage.
Abhay- manjri kahaa hai.
Gaanv vaalaa- manjri kaun manjri thari mehraaru hai ke kho gayi hai ke are tu to bahut badaa jaadugar maalum pade hai dhoondh le apne jaadu se vo kyaa kare hai jaadugar log phunk maar ke.
Abhay- manjri kahaa hai.
Gaanv vaalaa- bhaai mane nahi pato je manjri kaun hai aur kahaa rahti hai.

Abhay ne uske sir ko apne haatho menl tham liyaa aur aankh band karke uske dimaag me bhaari yaado ko tatolne laga. vo un yaado me apne matlab ki kisi cheez ko khoj rahaa tha. yaado me khojte khojte use us dimaag me bhari vikram shobhaa ki shaadi ke drashya dikh rahe the shaayad shaadi vaali raat ye aadmi vahi tha. unhi darashyo ke beech jaymala ke dauraan stage par khade logo me ek chehre par abhay ki najre jakar ruk gayi. aarti jo apni saheliyo ke saath stage par hi khdi thi.

Abhay- manjri aakhirkaar maine tumhe dhoondh hi liyaa beshak tumhaaraa chehraa ab badal gayaa hai par naa main tumhaare andar ki maasoomiyat aur khubsurti ko bhul saktaa hu naa tumhaare die dhoke ko tum kitnaa hi chehra badalakar mere saamne aa jaao par main tumhe band aankho se bhi pehchaan saktaa hu.

Gaanv vaalaa- bhaya ye mera sir etne pyaar se kyo pakde hai bhaayaa aur ye man hi man kyaa budbudaa rahaa hai main thari lugaai nahi hu bhaayaa tu kahi us type kaa to aadmi nahi hai na.
Abhay- yahaa abhi kuchh din pahle ek shaadi hui thi vo kahaa hui hai.
Gaanv vaalaa- achchhaa to tu shaadi me tamaasho dikhaane aayaa hai vahi main kahu tujhe yahaan to kabhi dekhyaa nahi. bhaayaa yahaa se naak ki seedh me 10 km chalaa jaa vahaan malakhan sing ki haveli hai vahi vo shaadi kaa jalsaa chal rahaa hai abhi to 5 din aur chalega.
Abhay- shukriyaa tumne meri bahut madad kari.
Gaanv vaalaa- to bhaayaa es madad ke badle me mujhe kuchh milegaa nahi.
Abhay- milegaa jarur milegaa bahut achchhaa inaam milega.

Abhay ne us gaanvvaale kaa sir apne haatho me tham liyaa aur ek jhatke ke saath uskaa sir uske dhad se alag kar diya. us gaanv vaale kaa siraktaa dhad vahaan kuchh der khada phadphadataa rahaa aur phir bejaan hokar vahi jamin par abhay ke pairo me gir gaya. abhay ne uskaa sir vahi nadi me phek diyaa aur dhad ko bhi ek laat maarakar nadi ki taraf uchhal diya. gaanv vaale kaa sir aur dhad nadi ke tej bahaav ke saath behte hue door nikal gaye. abhay apni manjil aarti urf manjri ki taraph baad chalaa.

Dekhna ye tha ki 300 saal ke lambe intezaar ke baad aarti jab uske saamne hogi to wo uske sath kya karega kya aarti ka hashra bhi us gaanv wale jaisa hoga ya abhay ne uske liye kuchh aur hi soch rakha hai. Aur wo saya jo ab tak aarti ka kawach bana hua tha kya wo us Bajrangi Rukraksha ke rete aarti ke kareeb reh paega. Kya hoga jab aarti ki wajah se ek doosre ke sath ulajh ke reh gai in do shaktiyo ka aamna saamna hoga.