[iravoviyan]

12

---

இரட்டையர்கள் இருவரும் அந்த இரவில் மிகுந்த மனவேதனையுடனும் குழப்பத்துடனும் இருந்தனர்.

தங்கள் மீது எப்போதும் அதட்டலாகவும் கண்டிப்புடனும் இருக்கும் அக்னி, திடீரென வினய்யுடன் நெருக்கமாக பழகுவதும், அவனுடன் பிசினஸ் பற்றிப் பேசுவதும் அவர்களுக்கு ஏதோ ஒரு பெருத்த சந்தேகத்தை ஏற்படுத்தியிருந்தது.

தூங்குவதற்குச் சற்று முன்பு, பொறுமை இழந்துவிட்ட நிழலும் தென்றலும் நேராக அக்னியிடம் சென்று, "அக்கா... நீங்க வினய் அண்ணாகிட்ட என்னதான் பண்றீங்க? உங்க நோக்கம் என்ன?" என்று வெளிப்படையாகவே கேள்வி எழுப்பினர்.

தங்கள் வாழ்வில் எப்போதுமே தன்னை எதிர்த்துப் பேசியிராத தங்கைகள் இருவரும் இப்படி ஒரு கேள்வியைக் கேட்டதும் அக்னி சற்று ஆச்சரியமடைந்தாள்.

அவர்கள் வினய் மீது எவ்வளவு பாசம் வைத்துள்ளனர் என்பதை அவள் நன்றாக அறிவாள் என்பதால் அவர்கள் மீது கோபப்படாமல் அமைதியாகப் புன்னகைத்தாள்.

"உங்களுக்கு இப்போ வயசு என்னடி?"

"பதினெட்டு..." என்று இருவரும் குழப்பத்துடன் பதிலளித்தனர்.

"எனக்கு இப்போ வயசு என்ன?"

"இருபது"

"நான் ஒன்னும் கிழவி கிடையாதுடி! உங்களுக்கும் எனக்கும் வெறும் ரெண்டு வருஷம் மட்டும்தான் வித்தியாசம் என்றவள், சற்று தீவிரமான குரலில் தொடர்ந்தாள்.

"உங்களில் ஒருத்தி அவனைத் கல்யாணம் பண்ணிக்கிட்டா, இன்னொருத்தியோட வாழ்க்கை என்னவாகுறதுன்னு நினைச்சுப் பயந்துக்கிட்டு இருக்கிற நான், ஏன் அவனைக் கல்யாணம் பண்ணிக்கப் போறேன்? உங்க ரெண்டு பேர் வாழ்க்கையையும் சீரழிக்கவா?" என்று அக்னி தான் மனதில் இருப்பதை ஒளிவுமறைவின்றி வெளிப்படையாகப் பேசினாள்.

அக்னியின் அந்த வார்த்தைகளைக் கேட்ட இரட்டையர்கள் அதிர்ந்துபோனார்கள். தாங்கள் தவறாக நினைத்துவிட்டதை உணர்ந்து குற்றவுணர்ச்சியால் வெட்கித் தலைகுனிந்தனர். உடனே ஓடிச்சென்று தங்கள் அக்காவைக் கட்டிக்கொண்டு மன்னிப்பு கேட்பது போல நின்றனர்.

அவர்களின் பாசத்தைக் பார்த்ததும் அக்னி லேசாகச் சிரித்துக்கொண்டே கிண்டலடித்தாள், "என்ன... நீங்களும் வினய்யை அப்படி இப்படின்னு கிஸ் பண்ணிட்டு வந்திருக்கீங்க போலிருக்கே?"

அந்தக் கேள்வியைக் கேட்டதும் இரட்டையர்களின் முகங்கள் வெட்கத்தால் சிவந்தன.

"ரெண்டு பேரும் கிஸ் பண்ணிட்டீங்கன்னு தெரிஞ்ச பிறகு எனக்கு எப்படி இருக்கும். உங்களை விட கொஞ்சம் தான பெரியவ நானு" என்று கேட்டாள் அக்னி.

" சாரி அக்கா" என முணுமுணுத்தார்கள்.

"சரி... என்கிட்ட சொல்லுங்க, நீங்க ரெண்டு பேரும் அவன்கிட்ட என்னென்னவெல்லாம் பண்ணுனீங்க?" என்று அக்னி அவர்களை மேலும் வம்பிழுத்தாள்.

ஆனால், இரட்டையர்கள் வெட்கத்தால் கூச்சப்பட்டு எதையுமே வாயைத் திறந்து சொல்லாமல் மௌனமாக நின்றனர்.

அவர்களின் மௌனத்தைப் பார்த்த அக்னி, திடீரென ஒரு குறும்புச் சிரிப்புடன் எழுந்து நின்றாள். "சரி விடுங்க... எனக்கும் இப்போ உங்களை மாதிரி அவன்கிட்ட இருந்து கிஸ் வேணும். நான் அவன்கிட்ட போய் கிஸ் வாங்கிட்டு குட் நைட் சொல்லிட்டு வரப் போறேன். அதுக்கு உங்க யாருக்கும் எந்த ஆட்சேபனையும் இல்லைத்தானே?" என்று நக்கலாகச் சொல்லிக்கொண்டே அறையை விட்டு வெளியேற எழப் பார்த்தாள்.

அவள் சொன்னதைக் கேட்டதும் அதிர்ந்துபோன இரட்டையர்களும், "நாங்களும் வரோம்..." என்று பதற்றத்துடன் அவளுடன் எழ முயன்றனர்.

அதைப் பார்த்த அக்னி சத்தமாகச் சிரித்துவிட்டாள். தன் தலையை உலுக்கிக்கொண்டே, "லூசுங்களா நீங்க!" என்றவள், "நான் வினய்யை கிஸ் பண்ணினா என்னடி பண்ணுவீங்க?" என்று கேட்டாள்.

"நீங்க அதைப் பண்ண மாட்டீங்க அக்கா..." என்று இரட்டையர்கள் நம்பிக்கையுடன் கூறினர்.

அதற்கு அக்னி தன் பார்வையை மாற்றிக்கொண்டு, "இன்று மாலை வரை நானும் அப்படித்தான் நினைச்சேன்... ஆனா இப்போ நிலைமை அப்படியில்லை..." என்றாள்.

"அப்போ நீ அண்ணாவை கல்யாணம் பண்ணிக்கப் போறியா அக்கா?" என்று இரட்டையர்கள் பயத்துடன் கேட்டனர்.

"இல்லை..." என்று உறுதியாகத் தலையசைத்தாள் அக்னி.

"அப்ப ஓகே..." என்று இருவரும் நிம்மதி பெருமூச்சு விட்டனர்.

அதை பார்த்த அக்னிக்கு லேசான சிரிப்பு வந்தது. அவர்களைப் பார்த்து கேலியாக, "ஓஹ்! கல்யாணம் பண்ணக்கூடாது. ஆனா கிஸ் பண்ணலாமா?" என்று வம்பிழுத்தாள்.

இரட்டையர்கள் இருவரும் வெட்கத்துடன் முகம் சிவந்து நின்றதைக் கண்ட அக்னி மேலும் சிரித்துக்கொண்டே, "உங்களைப் பார்த்தா... நாளைக்கு வினய் வேறு யாரையாவது கல்யாணம் பண்ணிக்கிட்டு வந்தா, அந்தப் பெண்ணை ரெண்டு பேரும் சேர்ந்து போட்டு தள்ளிடுவீங்க போல!" என்று கலகலவெனச் சிரித்துக்கொண்டே கிண்டலடித்தாள்.

அக்னியின் அந்தப் பேச்சைக் கேட்ட இரட்டையர்கள் இருவரும் வெட்கத்துடன் தலையைக் குனிந்துகொள்ள, அந்த இரவின் குளிர்ந்த சூழலில் அந்த அறை ஒரு கலகலப்பான சிரிப்பொலியுடன் அமைதியானது.

அவள் இரட்டையர்களுடன் சேர்ந்து சிரித்து, அவர்களை கிண்டலடித்துப் பேசினாலும், அவளது மனதின் ஒரு மூலையில் அந்தத் தங்கைகள் மீது ஒருவித பயமும் கவலையும் ஆழமாக வேரூன்றியிருந்தது.

​வினய் மீது அவர்கள் கொண்டுள்ள அந்தத் தீவிரமான வெறியும், பைத்தியக்காரத்தனமான பாசமும் நாளைக்கே ஏதேனும் ஒரு விபரீதத்தில் போய் முடியுமோ என்று அக்னி அஞ்சினாள்.

​அவர்கள் இருவரில் யாருக்குமே விவினய்யின் மீது இருக்கும் காதல் சாதாரணமானதல்ல; அது எல்லை மீறிச் சென்றுவிட்டது. இந்த விவகாரம் தங்களது ஒட்டுமொத்தக் குடும்பத்தையுமே தலைகீழாக மாற்றப் போகிறது என்ற ஆபத்தான உணர்வு அவளுக்குத் தெளிவாகப் புரிந்தது.

​சிரித்துக்கொண்டே அந்த இரவின் சூழலைக் கடந்தாலும், தன் தங்கைகளின் எதிர்காலத்தை நினைத்து அக்னியின் மனம் பயத்தால் நடுங்கிக் கொண்டுதான் இருந்தது...