[mandothari]

இடம் : புவனா வீடு
நேரம் : மாலை 5.00

ப்ரோக்கர் குமாருடன், ராமதாஸ் வீட்டுக்குள் நுழைந்தார்

அப்படியே திகைத்து போய் விட்டார்

வீடு ஏதும் மாறி வந்துட்டோமா? காலைல வந்த வீடா இது? ஏதோ கல்யாண பங்ஷன் நடக்குற திருமண மண்டபம் போல இருக்கு என்று வீட்டின் அலங்காரத்தை பார்த்து அசந்து விட்டார்

வாழ போற வீடு! வலது காலை எடுத்து வச்சி வாப்பா என்று குமார் காதில் மெல்ல கிசுகிசுத்தார் (விசுவை மனதில் வைத்து கொள்ளவும் ! சின்ன மாப்ள திரைப்பட விசு)

ஒரு சின்ன தயக்கத்துடன் குமார் வலது காலை எடுத்து உள்ளே வைத்து வீட்டிற்குள் நுழைந்தான்

இன்னும் பொண்ணையே பார்க்கல அதுக்குள்ளே இந்த ப்ரோக்கர் அங்கிள் தான் வாழ போற வீடுன்னே முடிவு பண்ணிட்டாரே

அவர் வாய் முகுர்த்தம் அப்படியே பலிக்கனும் கடவுளே !

இந்த முதல் வரனே​ எந்த தட்டி களிப்பும் இல்லாம நல்லபடியா அமையனும்

அப்படி மட்டும் அமைஞ்சிட்டா நானும் என் புது பொண்டாட்டியும் உன் சன்னதிக்கு வந்து 108 தேங்காய் உடைக்கிறோம் என்று மனதுக்குள் வேண்டிக்கொண்டான்

குமார் பார்க்கதான் ஆள் கருப்பாக பொருக்கி போல அசிங்கமாக இருப்பானே தவிர பக்தி அதிகம் அவனுக்கு

தன் உடல் கலரை போல​ இல்லாமல் அவன் உள்ளம் முழு வெள்ளை

வாங்க வாங்க என்று ராமதாஸ் வரவேற்றார்

ப்ரோக்கரும் குமாரும் ஹால் சோபாவில் அமர்ந்தார்கள்

மீனா அவர்கள் இருவருக்கும் (வீட்டுக்கு வந்தவர்களுக்கு முதலில்) செம்பில் தண்ணீர் கொண்டு வந்து கொடுத்தாள்

அம்மாவை கட்டிக்க போகும் குமார் மாப்பிள்ளையை நைசாக தன் ஓர கண்ணால் பார்த்து விட்டு நம்ம அம்மாவுக்கு சூப்பர் ஜோடிதான் என்று மனதுக்குள் நினைத்து கொண்டு சின்ன வெட்கத்துன் உள்ளே ஓடி விட்டாள்

குமார் தண்ணீரை மடக் மடக் என்று வேகவேகமாக அண்ணாந்து குடித்தான்

ப்ரோக்கர் அங்கிள் ! நான் கொஞ்சம்கூட எதிர் பார்க்கல ! பொண்ணு ​செம சூப்பரா இருக்கா என்றான்

அடேய் ! அடேய் !! அது பொண்ணு இல்லடா ! நீ பார்க்க வந்த மனப்பொண்ணோட பொண்ணு என்று சொல்லி அவன் காலை மிதித்தார் (விசு மாடுலேஷன்)

அதை கேட்ட குமார் அதிர்ந்தான்

தொடரும் 5