[jakash]

அதன் பிறகு ஆகாஷ் சம்யுக்தா வீட்டுக்குச் சென்றான். ராகு டிவி பார்த்துக்கொண்டிருந்தான். சம்யுக்தா அவனைப் பார்த்ததும் சற்று தீவிரமான முகத்தோடு பேசினாள்.

“டேய்… நம்ம மேரேஜ் ஒரு மாசம் தள்ளி வச்சு விடுவோம்,” என்றாள்.

ஆகாஷ் ஆச்சரியப்பட்டு, “ஏன் டி?” என்று கேட்டான்.

சம்யுக்தா குரலைத் தாழ்த்தி,

“இல்லடா… பாவம் ஐஸ். இப்போ பிரேக்அப் ஆகி வருத்தத்துல இருக்கா. அதுனால வேணாம். சரி… மேரேஜ் தான் தள்ளிப்போகுது. ஆனா வழக்கம் போல…” என்றாள். கண்களில் ஒரு லேசான குறும்பு தெரிந்தது.

ஆகாஷ் புன்னகையோடு அவளை நெருங்கினான். சம்யுக்தா உடனே அவனுடைய மார்பைத் தன் உள்ளங்கையால் தடுத்து,

“சீ… ராகு முழிச்சு இருக்கான். எப்பவும் போல… நைட்டு தான்,” என்றாள் மெல்லிய குரலில்.

ஆகாஷ் செல்லமாக அவளுடைய இடுப்பை விரல்களால் கிள்ளினான். அவளுடைய முகத்தை அருகில் கொண்டுவந்து,

“சரி டி… என் செல்லப் பொண்டாட்டி,” என்று சொல்லி நெற்றியில் ஒரு மென்மையான முத்தமிட்டான்.

சம்யுக்தா சிரித்துக்கொண்டே அவனுடைய கையை விலக்கினாள். ஆனால் முகத்தில் மகிழ்ச்சி தெரிந்தது. ராகு திரும்பிப் பார்த்தபோது இருவரும் சாதாரணமாக நின்றுகொண்டிருந்தார்கள்.

ஆகாஷ் ராகுவிடம் சென்று, “டேய்… இன்னைக்கு என்ன விளையாடப்போற?” என்று கேட்டுக்கொண்டே அமர்ந்தான். சம்யுக்தா கிச்சனுக்குச் சென்றாள். ஆனால் போகும்போது ஒரு முறை திரும்பி ஆகாஷைப் பார்த்தாள். அவன் அவளைப் பார்த்து மெல்லச் சிரித்தான்.