[Celebrorn]

Chapter 10

Raat ke khane ke baad main sabke saath apne sasuraal ke liye nikli. Jiju gaadi chala rahe they aur Aditya aage unke saath baithe they. Main peeche, Prachi aur Drishti ke theek beech mein baithi thi.

Drishti - Jiju... thoda fast chalayo na... itna kya slowly chala rahe ho...

Jiju - Maine jyada fast chalaya na... toh tum gaadi se bahar udd jayogi...

Drishti - Rehne do... aap bilkul fun nahi ho...

Prachi - Drishu.... kyun bolti rehti hai... Suhani kya sochegi tere baare mein.

Aditya - Haan sach mein! Suhani... tum na iski bak bak se thak jayogi do hi dino mein. Khair hum log parso Mauritius jaa rahe hain... kuch din toh isse chutkara milega.

Drishti - Acha... nahi... main nahi jaane dungi Bhabhi ko...

Jiju - Aur tumhari Bhabhi ka mann ho jaane ka toh... rok logi unhe?

Drishti ne innocently poocha - Aap sach mein jaana chahti hain?

Prachi - Kaisa silly sa sawaal hai Drishu... ofcourse woh jaana chahti hain... unka honeymoon hai...

Honeymoon ka naam sunkar main sharam se car ki seat mein gadh gayi. Aage ki taraf dekha toh car ke mirror mein meri aankhen jaa kar Jiju se mili. Maine turant aankhen neeche kar li.

Drishti - Honeymoon par jo hota hai... woh yahin kar lo...

Sab log hasne lage, mujhe bhi halki si hasi aa gayi.

Prachi - Ufff... tera kuch nahi ho sakta yaar... god help you!

Drishti ne topic badalte hue kaha - Acha... abhi ghar chalkar cards khele?

Prachi - Nahi nahi... Adi aur Suhani ko aaram karna hai... aur hum log bhi apne ghar jaa rahe hain!

Drishti - Aap log aaj hi jaa rahe ho?

Prachi - Haan abhi ek baar jaana hai... kal aa jayenge...

Drishti - Bhabhi... aap bolo na... roko na inhe...

Mujhe samajh nahi aa raha tha main kya bolu beech mein. Main khud itna tired feel kar rahi thi ki bas bed par gir kar sona chahti thi. Par bed ka khayal aate hi yaad aaya ki yeh wohi bed hone wala tha jahan kal... main aur Jiju.... oh god!

Gaadi ghar ke aage ruki aur Adi gaadi se neeche utra. Doosri side se Drishti bhi neeche utri. Main utar hi rahi thi ki meri sandal gaadi mein kahin atak gayi aur main ladkhadate hue neeche utri.

Jiju ke muh se turant nikalna - Aaram se!!

Adi ne jaldi se aakar mera haath pakad liya - Tum theek toh ho!

Main - Haan... main theek hoon...

Jiju - Chalo... ab tum log aaram karo... hum kal milte hain... take care... goodnight...

Prachi - Goodnight Suhani... good night Adi... have fun!

Maine sharmate hue neeche dekha, par sharam ke saath saath ek guilt bhi aa rahi thi.

Drishti - Aur mera Goodnight?

Prachi - Tujhe bhi Goodnight!

Jiju - Apne boyfriend se jyada der baat bat karna... so jaana...

Drishti jhepte hue - Jijuuuu... maine aapko bataya na... woh mera boyfriend nahi hai... aap na Bhabhi ke saamne meri saari image kharab kar rahe ho...

Jiju haste hue - Kal batayunga main Suhani ko tumhare boyfriend wali kahani... bye...

Jiju ne muskurate hue mujhe aur baaki sab ko bye kiya. Jiju ko gaadi mein jaate dekh ajeeb sa lag raha tha. Main us feeling ko samjha bhi nahi sakti.

Hum log ghar ke andar ghuse aur kuch der Saas se baat karne ke baad unhone mujhe upar jaa kar sone ke liye kaha.

Main - Main ek baar jaa kar change kar leti hoon...

Aditya - Haan haan... tum change kar lo... main aata hoon 10-15 minutes mein...

Drishti mujhe lekar upar ke floor par aa gayi.

Drishti - Bhabhi.... yeh next wala room mera hi hai... kuch chahiye toh mujhe bata dena...

Main - Thanks...

Drishti mujhe aankh maarte hue boli - Aur... koshish karna ki aaj raat so paayo... ya nahi bhi so... jisme aapko jyada fun lage... fun toh waise jagne mein hi hoga...

Maine use ek feeki si muskaan di aur apne kamre mein aa gayi. Almost waisa hi jaisa main chhod kar gayi thi. Bas bed par ek tshirt padi hui thi, shayad Aditya ki thi. Maine use utha kar chair par rakh diya. Bed bilkul saaf suthra, us par kal ki tarah koi fool nahi they, aur na hi woh laal nishaan jo subah tha.

Maine abhi bhi ek bhaari saree pehni hui thi. Aditya ke kamre mein aane se pehle main change kar lena chahti thi.

Maine jaldi se apna suitcase khola aur usme apni night dress dhoondne lagi. Jo dress haath mein aa rahi sabhi kafi revealing aur sexy thi. Jisme mere kandhe poori tarah nange hote, aur mere boobs bhi kafi hadd tak dikhayi de jaate, ekdam silky satin smooth wali nighties.

Main yeh pehen kar nahi sona chahti thi. Yeh pehenna toh Aditya ko signal dene jaisa hota ki woh mere saath... ufff... nahi nahi... main aaj raat us sab ke baare mein sochna bhi nahi chahti thi.

Main soch rahi thi ki mujhe kuch sahi sa pehenne ko milega bhi ya nahi ya fir saree mein sona padega. Tabhi mere haath ek pink color ka pyjama set aa gaya. Yeh bilkul theek tha raat ko sone ke liye. Main jaldi se use lekar bathroom mein gayi aur apne saree utaar kar pyjama set pehen liya.

Main saree ko fold karke bathroom se bahar nikli hi thi ki dekha ki Aditya already kamre mein aa chuke they aur apne kapde badal rahe they. Unka kurta utra hua tha.

Maine turant doosri tarah muh karte hue "Sorry" kaha.

Aditya - It's Ok! I know... mere liye bhi kafi odd sa hi hai kisi ke saamne kapde change karna!

Main - Main bathroom mein wait kar sakti hoon...

Aditya - Nahi nahi... uski koi jaroorat nahi hai... bas done hoon... tshirt hi pehenni hai

Aditya ne jaldi se ek tshirt pehni aur meri taraf gaur se dekha. Unke chehre par ek badi si muskurahat thi par saath hi ek curious sa look bhi. Jaise woh soch rahe ho ki maine yeh PJ's kyun pehne they.

Aditya - Bohot pretty lag rahi ho!

Maine dheere se jawab diya - Thanks!

Aditya ki aankhen mujhe hi ghoor rahin thi, upar se neeche tak. Jaise woh kab se is pal ka intezaar kar raha ho jab hum akele ho.

Aditya - Kafi… kafi hectic ho gaya sab… hai na?

Main - Hmmm….

Aditya - Tumhe room kaisa laga?

Aditya is room ke baare mein pooch raha tha! Yeh room, jahan meri senses ekdam se pagal si ho rahi thi.

Main - Theek hai… acha hai….

Main apni Mummy ki baat yaad karne ki koshish kar rahi thi, bas muskurate rehna tha.

Aditya - Aayo… baith jayo.

Maine bed par pade unke kapdo ki taraf ishaara kiya.

Aditya ne jhepte hue unhe uthaya - Oh Sorry! Ab tak itna messy ho kar rehne ki aadat thi… ab tum aa gayi ho toh dheere dheere sab sort out ho jayega.

Main dheere se chalte hue Aditya ke side se guzar kar bed ki doosri taraf pahuchi. Wahin jahan main aaj subah uthi thi. Doosri taraf toh… toh… Jiju soye hue they. Bed par baithte hi sab fir se flash ho raha tha. Mere haath kaapne lage.

Main - Aditya….

Aditya - Adi… tum mujhe Adi bula sakti ho.. actually Adi hi better hai!

Main - Adi… main kafi tired feel kar rahi hoon. So jaye kya?

Aditya - Haan… no problem… so jaate hai… actually main bhi kafi tired hoon.

Main - Haan… aur fir… woh honeymoon bhi jaana hai na… parso?

Shit… pata nahi main yeh kyun bol gayi. Par mere yeh bolte hi Aditya ki ankhon mein chamak aa gayi.

Aditya bed par doosri side aa kar let gaya - Haan, hum log Mauritius ghoomne jayenge, tum pehle kabhi gayi ho kya wahan?

Maine naa mein sar hilaya.

Aditya - We will there for 5 days… It will be amazing. Beach hoga… fun hoga…we will get to know each other…

Maine dheere se sar hilaya.

Aditya meri taraf sarka aur mera haath pakad liya. Mera dil thoda tez dhadakne laga - Suhani… bas ab aaj se hamare married life ka start hai! I love you so much! Main bas tumhare aane ka kab se intezaar kar raha tha.

Hum dono ek doosre ki aankhon mein dekh rahe they.

Aditya - Tum itni pretty ho… I am so lucky to have you!

Main gehri saasein lete hue uski taraf dekhti rahi.

Aditya - Kya hua? Aise kya dekh rahi ho… kuch kaho na…

Mujhe ache se pata tha ki woh mujhse kya response chahta tha par chah kar bhi woh shabd bolna mushkil ho raha tha.

Main - Adi…. Thank you…

Uske chehre par ek halki si disappointment aayi.

Maine turant kaha - Sorry… woh actually mera dimaag hi nahi chal raha hai… subah shayad thoda better feel karu?

Aditya - Haan… nahi its ok. Main light off kar deta hoon.

Aditya ne kamre ki lights off kar di aur maine apne upar bed par pada kambal kheench kiya. Kamre mein bas ham dono ki saans lene ki aawaz aa rahi thi. Hum dono ke pair ek hi kambal mein, ek doosre se kafi door. Aaj raat phir ek stranger ke saath bed share karna kafi ajeeb sa lag raha tha… kal se bhi jyada.

Aankhen band ki toh ek baar fir kal raat ki images dikhne lagi. Maine turant unhe apne dimaag se nikaala aur bas sone ki koshish kari. Aditya bhi shayad yehi koshish kar raha tha. Hum dono hi itne thake hue they ki bohot jaldi hi hame neend aa gayi.