[Celebrorn]

Chapter 8

Main Prachi Didi ka haath pakde kamre se bahar nikli. Upar ke floor par ek halki si nazar daudayi toh wahan 2-3 aur darwaze dikhayi diye, par filhaal koi dikha nahi.

Didi mere haath ke paseene se shayad meri ghabrahat samajh gayi - Jyadatar rishtedaar kal raat hi chale gaye they, ya neeche soye hue they. Koi yahan is side upar nahi tha.

Maine apna haath unke haath se chhudaya aur paseena ek rumaal se pocha.

Seediyan utarte hi mera dil zor se dhadak raha tha, neeche log dikhayi de rahe they, kal se kam, par fir bhi they, kuch toh shayad ghar ke naukar hi they.

Ek tez aawaz ne mera swagat kiya - Aa gayi Bahu!! Kaise ho!

Maine mud kar dekha toh Chachi ji thi. Mann mein ek sawal aaya, kya yeh wohi Chachi thi jiska kal raat jiqr hua tha? Wohi Chachi jinhone yeh pratha nahi ki thi aur unke pati...

Maine jhuk kar unke pair chhue. Meri kamar abhi bhi buri tarah akdi hui thi, aur neeche bhi dard ho raha tha.

Tabhi meri saas bhi muskurati hui meri taraf aayi, unhe dekh kar pata chal raha tha ki unke teeno bachhe un par hi gaye hain.

Saas - Suhani... aayo beta...

Main unke pair bhi chhoone ke liye jhuki par unhone mujhe beech mein rok diye.

Saas - Bas bas... ab yeh pair chhoone ki zaroorat nahi hai... itne purane vicharo ke nahi hai hum log.

Unke yeh shabd mujhe kisi teer ki tarah jaa kar chubhe. Purane vicharo ke nahi they toh kal raat pratha ke naam par jo hua kuch hua woh sab kya tha?

Chachi beech mein bol padi - Bhabhi ji... vichaar apni jagah hote hain... aur rasam apni jagah! Bahu hai... toh pair toh chhuegi hi... aadat dalwa lo ab...

Aditya bhi mere barabar mein aakar khade ho gaye. Maine aankhen jhukaye idhar udhar dekhne ki koshish kari. Woh.... woh... woh kahin nahi dikh rahe they... Jiju... Aaj subah ekdam se woh mere bistar se gayab ho gaye they. Jaane se pehle unhone kuch nahi kaha.... par shayad kehne ko hota bhi kya?

Ek chhoti si pooja ke baad, mujhe aur Aditya ko saath saath dinner table par bitha diya gaya.

Aditya ne baithte hue kaha - Papa aur Jiju nahi dikh rahe?

Saas - Woh log kuch business ki baat kar rahe hai...

Aditya khade hone ko hua - Main bhi jayu kya?

Saas - Nahi nahi! Kahin nahi jaana! Suhani kya akele naashta karegi?

Prachi - Haan Bhai... business kahin bhaage toh nahi jaa raha. Abhi enjoy kar in palo ko... baad mein toh sab routine jaisa ho jaata hai.

Aditya fir se chair par baith gaya, par mujhe aisa laga jaise woh poori tarah khush nahi tha.

Meri Saas ne mere aage rakhi plate par khana parosna shuru hi kiya tha ki bahar se koi zor se cheekhta hua andar aaya.

Drishti - Bhabhiiiiii!

Meri chhoti nanad, Drishti thi. Kal shaam se ab tak itna kuch ho gaya tha ki main uske baare mein toh jaise bhool hi gayi thi.



Woh bhaagti hui seedha mere paas aayi aur mujhe baithe baithe hi zor se gale laga liya. Usne aaj ek jeans aur tshirt pehni hui thi.

Drishti ne mere gaal par ek kiss kari - Bhabhi! Maine aapko itna miss kiya na!

Main use dekh kar halke se muskurayi.

Saas - Aree Drishti... chhhkkk.... Bhabhi ko naashta toh karne de...

Drishti - Nahi nahi... ek toh aap logon ne raat ko mujhe Bua ke ghar bhej diya aur fir ab mujhe Bhabhi se baat bhi nahi karne de rahe ho!

Saas - Offo... Prachi... tu hi samjha is ladki ko!

Prachi haste hue - Koi nahi Mummy... wohi rehne wali hai yahan apni Bhabhi ke saath... laad karne do use Bhabhi par...

Drishti mere saath wali chair par baith gayi aur apni chair mere aur paas kheench li. Maine apni plate mein se ek bite khaane ka liya hi tha ki uske pehle hi sawaal ne sabko buri tarah hila diya.

Drishti haste hue - Waise Bhabhi... aapki first night kaisi rahi? Bhaiya ne aapko sone diya ya nahi?

Mujhe buri tarah dhaska lag gaya aur aas paas jaise sab log ek dam se jam gaye. Aditya ne apni nazrein plate par gadha li, Saas ke haath hawa mein beech mein atak gaye they. Sirf Drishti has rahi thi.

Drishti - Aapki aankhen dekh kar toh lagta hai jaise aap poori raat nahi soyi ho.

Saas - Drishti... Bhabhi ko khaane de na... yeh kaise sawaal kar rahi hai?

Drishti - Aree... isme kya hai? Kuch galat poocha hai kya maine?

Chachi has padi - Nahi... kuch galat nahi poocha... par yahan sabke saamne kaise bolegi teri Bhabhi!

Drishti thoda sa annoy hui par usne Chachi ki baat ko ignore kar diya - Bhabhi... yahan sabke saamne nahi batana toh hum naashte ke baad akele mein baat karenge...

Main chup chaap apne khaane ki taraf dekhti rahi. Aisa lag raha tha jaise sabki nazrein mujh par hi tiki thi, aur main bas wahan se bhaag jaana chahti thi.

Saas - Teri Bhabhi thaki hui hain! Unhe aaram karne de abhi...

Drishti - Wohi toh... Bhaiya ne itna thaka diya ek hi raat mein... Bhaiya acha aap hi bata do... jyada pareshaan toh nahi kiya na meri pyaari si bhabhi ko... yeh dekho itni gardan par yeh kaise nishaan maar diye. Aise bhi koi karta hai kya!

Drishti ne mere kandhe aur gardan ke paas chhoote hue kaha. Ek pal ke liye laga jaise Aditya ko gussa aane laga tha.

Chachi - Yeh sab toh pyaar ke nishaan hai... jab teri shaadi hogi tab tujhe pata chalega!

Chachi toh jaise aag mein ghee daalne ka kaam kar rahi thi.

Drishti chidhte hue - Sab pata hai mujhe... bacchi nahi rahi hoon main!

Chachi aur zor se hasi - Main toh keh hi rahi hoon ki lage haath tera bhi byah karwa dete hai... fir teri bhabhi tujhe ache se train kar dengi...

Maamle ko badta dekh Prachi beech mein kood padi - Achha yeh sab chhodo... Suhani ko nashta karne dete hain... Drishti tum baad mein aaram se unse baat kar lena.

Drishti muh bana kar baith gayi - Haan... sab mujhe hi chhup kara dete hain hamesha.

Main dheere se fusfusayi - Drishti... tum bhi naashta kar lo... baad mein aaram se baith kar baat karenge...

Drishti ekdam se muskura uthi aur mujhe side hug de diya - Sach mein bhabhi! You are the best!

Aakhir thodi shaanti hui aur sab log naashta karne lage, par mujhe toh jaise kuch khaaya nahi jaa raha tha.

Saas - Suhani beta... kya hua? Nashta acha nahi laga? Kuch aur banwa du?

Maine turant kaha - Nahi nahi... bas... bhook nahi hai...

Saas - Adi... tu khila na apne haath se...

Aditya ne turant apni plate se cheele ka ek gassa toda aur mere taraf kar diya.

Aditya - Lo...

Maine apna muh thoda sa khola aur unke haath se woh bite li. Unki ungli jaakar mere honth se takrayi, aur waise hi ekdam se kal raat jab Jiju mere honthon ko apni ungliyon se chhu rahe they, woh pal meri aankhon ke saamne flash hua. Poore shareer mein ekdam se garmi si chaddhne lagi.

Aditya mere bilkul paas baithe they aur mere shareer ke ajeeb se reaction ko padh paaye - Kya hua?

Maine jaldi se kaha - Kuch nahi!! Bas... thodi thaki hui hoon...

Prachi - Upar room clean ho gaya hai... Suhani tum naashta karke so jaana thodi der. Adi... tu itne apne travel plan final kar le. Kab ki tickets hai tumhari?

Aditya - Parso ki hain...

Saas - Aaj raat Suhani ke bhi toh jaana hai tum logo ko... pag fere ki rasam ke liye...

Fir se rasam! Mujhe toh ab jaise is shabd se hi chiddh machne lagi thi.

Drishti - Bhabhi apne ghar jayengi aaj?

Saas - Haan par.... raat ko laut bhi aayengi... pareshaan mat ho.

Mujhse bas ab aur nahi khaya jaa raha tha, maine dheere se poocha - Main ab jaakar aaram kar lu thodi der? Mujhse aur nahi khaya jaa raha...

Saas - Haan haan beta... koi jabardasti nahi hai...

Prachi ne apni kursi se uthte hue kaha - Chalo Suhani... main tumhe chhod aati hoon...

Main - Nahi Didi! Aap naashta beech mein mat chhodo... main chali jayungi...

Prachi hairaan hote hue - Akeli? Pata bhi hai kaunsa room hai?

Maine sochte hue kaha - Haan.... woh saamne hallway se jaakar stairs se upar... aur fir right mein doosra kamra...

Meri saan se kafi proudly kaha - Use apna ghar yaad bhi ho gaya hai! Jaane de Prachi... ab toh iska hi ghar hai yeh... sab khud se hi karna padega.

Maine sabki taraf jhuki aankhon se dekha aur fir mud kar hallway ki taraf chal padhi. Mere shareer mein abhi bhi har jagah buri tarah dard ho raha tha aur kadam dheere padh rahe they.

Main us lambe hallway ke beech mein hi pahuchi thi ki saamne se koi aata dikha. Jiju... Samar ji...

Unko dekhte hi mere dil ki dhadkan ekdam se tez ho gayi, aur maine apni nazrein neeche jhuka li. Par nazrein jhukane se kya hoga... woh toh mujhe dekh hi sakte they. Aur kal raat toh woh mujhe poori tarah dekh chuke they... mere shareer ke har hisse ko.

Kal raat ke flashes meri aankhon ke saamne ghoomne lage. Meri kamar par unka haath... mere seene par unke honth... ufff.... unhone mujhe kas ke jakda hua tha aur mere andar dhakke maar rahe they... uhhhhnnn.... nahi... main unki baahon mein ek gudiya ki tarah lipti hui thi. Mere neeche wala hissa zor se tees maarne laga, aur maine anjaane mein apne honth apne muh mein chhupa liye.

Woh paas aa gaye they, hallway thoda sa tang tha. Woh kafi chaudhe lag rahe they, hum dono side by side shayad nahi nikal paayenge.

Maine ek taraf hone ki koshish ki, woh bhi usi taraf ho gaye. Maine jaldi se doosri taraf hone ki koshish kari aur woh bhi usi taraf ho gaye. Shayad ham anjaane mein ek doosra ka raasta block kar rahe they. Mere chehra laal hota hua garam ho gaya tha, woh itni paas khade they ki mujhe unke cologne ki khushboo aa rahi thi, wohi jo kal raat aa rahi thi.

Maine apni nazrein upar uthate hue unki taraf dekha, unke chehre par ek halki si muskaan thi.

Woh apni peeth deewar se lagate hue ek side hatt gaye aur haath se mujhe jaane ka ishaara kiya. Main dheere se unke saamne se guzri, mera dil abhi bhi tez dhadakta hua, darr lag raha tha kahin woh uski aawaz na sun le.

Main jaldi se aage badhni lagi, stairs ki taraf. Stairs par pahuch kar maine peeche mud kar dekha toh woh kafi aage jaa chuke they. Main stairs chaddh kar apne room mein pahuchi, aur darwaza khola. Andar koi nahi tha, aur kamra ab bilkul saaf tha, bed par ek nayi chaddar, blankets ache se bane hue, woh khoon ka nishaan gayab.

Maine kuch pal bed ki taraf dekha aur fir apne aap ko us soft se gadde par girne diya.



Mera poora jism kaanp raha tha, aur maine apna muh takiye mein chhupa liya. Aisa lag raha tha jaise takiye mein abhi bhi kal raat ki khushbu dabi hui thi. Balki poore bistar par hi... jahan kal raat... Samar aur main... woh aur main... ek doosre ko pyaar kar rahe they!

Samar... mere muh se halke se nikla aur mera jism fir se kaanp utha. Mujhe apne upar kafi frustration ho rahi thi, main us sab ke baare mein kyun soch rahi thi, woh bas ek rasam thi... pratha thi... jo khatam ho chuki thi.

Par mere andar ek ajeeb si bechaini ho rahi thi jo mujhe khaaye jaa rahi thi.