Thriller गुनाहों का देवता

[Jay Thakur]

Chapter 15: Ek Phone Call — Bhavik Ki Purani Zindagi Ka Sach


Bhavik man me_ Jay teri life ki to chudi padi thi, teri kahani pad ke to man kar rha hai, ki tere Tau aur ak ak rishtedar jaan pahachan se teri iss halat kaa badla lun..

Lakin dost meri pravrati in sab me pad ke life ko fuck off karne ki nhi hai..

Meri pravrati Sex enjoy karne ki hai..

Teri existing life ke chakkar me, mein prakrati kaa diya dusra moka kharab nhi kar sakta..

Mujhe khud ko theek karna hoga aur apne liye aage kaa rasta tay karna hoga..

Tabhi Bhavik ki ghanti baji ki uske khud ke kyaa haal hai, ye to pata karna banta hai..

Uske dimaag mein achanak ek naam aaya.

Ravi.

Uska room-mate aur dost.

Ravi ke saath woh sharing mein rehta tha. Dono ek-doosre ko kaafi samay se jaante the. Bhavik ko umeed thi ki Ravi use uski pichhli zindagi ke baare mein kuch zaroor bata sakega.

Lekin ek dikkat thi.

Woh ab apne asli sharir mein nahi tha.

Agar woh seedhe Ravi se kehta ki main Bhavik hoon, toh kya Ravi uski baat par bharosa karta?

Shayad nahi.

Isliye Bhavik ne faisla kiya ki woh pehle Jay Singh Rathore bankar baat karega.

Phone Call

Bhavik ne Jay ka mobile uthaya aur Ravi kaa number dial Kiya..

Bhavik ki ak khas baat thi ki use uske khas logon ke number yaad the..

Phone ki ghanti bajne lagi.

Ek baar.

Do baar.

Teesri ghanti par call uth gaya.

“Hello?”

Doosri taraf Ravi ki awaaz thi.

Bhavik kuch pal chup raha. Phir apni awaaz ko sambhaalte hue bola—

Bhavik_“Hello, Ravi ji? Mera naam Jay Singh Rathore hai. Mujhe aapse Bhavik ke baare mein kuch baat karni thi.”

Ravi kuch pal chup raha.

Ravi_“Bhavik? Kaun Bhavik? Tum kahan se bol rahe ho?”

Bhavik_“Main ek hospital se bol raha hoon. Bhavik mera khas dost the pichle kuchh mahino se. Uska call lag nhi rha hai, iss liye apko call Kiya”

Ravi ki awaaz achanak gambhir ho gayi.

Ravi_“Dekho bhai, agar tum Bhavik ke baare mein poochh rahe ho, toh mujhe tumse ek bahut buri baat kehni hai.”

Bhavik ka dil zor se dhadakne laga.

Bhavik_“Kya hua?”

Ravi ne gehri saans li.

Ravi_“Bhavik ab is duniya mein nahi raha.”

Bhavik ke haath thande pad gaye.

Ravi aage bolta raha—

Ravi_“Uska accident ho gaya tha. Mujhe jab khabar mili, tab tak bahut der ho chuki thi. Bhavik ki maut ho gayi.”

Kuch pal ke liye Bhavik kuch bol hi nahi paaya.

Usne apni aankhein band kar lin.

Bhavik_“Toh main sach mein mar chuka hoon…”

Uske man mein apni purani zindagi ki kai yaadein ubharne lagin. Sharing wala kamra, Ravi ke saath bitaaya samay, office se lautna aur rozmarra ki chhoti-chhoti baatein.

Woh sab ab uske liye ateet ban chuka tha.

Ravi ne poochha..

Ravi_“Hello? Jay ji, aap sun rahe ho?”

Bhavik ne khud ko sambhaala.

Bhavik _“Ji, sun raha hoon. Mujhe yeh sunkar bahut dukh hua, iss duniya mein, sirf meri gehri dosti usse hi thi”

Usne kuch pal rukkar kaha—

Bhavik_“Ravi ji, darasal Bhavik ke paas meri ek amaanat thi.”

Ravi turant satark ho gaya.

Ravi_“Kaisi amaanat?”

Bhavik _“Ek mobile phone. Woh mere liye bahut khaas hai. Bhavik ne use kuch samay ke liye apne paas rakha tha. Us mobile ke baare mein main aapko kuch details bata sakta hoon.”

Bhavik ne apne asli mobile ka vivaran diya—uska model, rang aur kuch aisi pehchaan, jisse Ravi samajh sake ki woh kis phone ki baat kar raha hai.

Doosri taraf kuch der khamoshi rahi.

Phir Ravi bola—

Ravi_“Ek minute. Tum keh rahe ho ki Bhavik ke paas tumhara mobile tha?”

Bhavik_“Ji.”

Ravi_“Lekin main tumhe jaanta tak nahi hoon. Main tumse pehle kabhi mila bhi nahi. Main tumhein kisi anjaan aadmi ko uska saamaan kaise de sakta hoon?”

Bhavik ne uski baat ko samjha.

Ravi ka shak karna laazmi tha. Uske paas koi aisa saboot nahi tha, jisse woh turant kisi anjaan vyakti par bharosa kar leta.

Bhavik ne shaant awaaz mein kaha—

Bhavik_“Ravi ji, main aapki baat samajhta hoon. Main yeh nahi keh raha ki aap bina jaanch kiye mujhe mobile de dein. Main bas chahta hoon ki woh mobile surakshit rahe.”

Ravi ne poochha, “Tum us mobile ko lekar itne pareshaan kyun ho?”

Bhavik kuch pal chup raha.

Woh apni asli pehchaan bata nahi sakta tha. Kam se kam abhi nahi.

Usne kaha—

Bhavik_“Us mobile mein meri aur Bhavik ke kuch raaz hain. Kuch aisi jaankaari, jo mere liye bahut maayne rakhti hai. Main aapse milkar poori baat samjhaana chahta hoon. wo jis kaam se aksar bahar rehta tha, me us kaam me uska sathi tha."

Ravi ki awaaz ab pehle se kuch shaant thi.

Ravi Ka Jawaab

Ravi ne dheere se kaha—

Ravi_“Jay, tum ek baat sun lo. Bhavik ki family ko uske marne se waise bhi koi khaas farak nahi pada. Uski zindagi mein un logon ka dakhal bahut kam tha. Aur uske jaane ke baad bhi mujhe nahi lagta ki unhein uske saamaan ki utni parwaah hogi.”

Bhavik ne yeh sunkar aankhein jhuka li.

Woh jaanta tha ki uske parivaar ke saath uske rishte achhe nahi the. Lekin kisi doosre ki zubaani yeh sunna ki uske jaane se shayad kisi ko zyada farak nahi pada, dil ke kisi kone mein chubhan paida kar raha tha.

Ravi ne aage kaha—

Ravi_“Lekin main tumhein bina mile uska mobile nahi de sakta. Tum mere kamre par aa jao. Hum aamne-saamne baithkar baat karenge. Agar tumhari baat mein sachchai hui, toh aage ka faisla kar lenge.”

Bhavik ne turant jawaab diya—

Bhavik_“Theek hai, Chhote.”

Ravi ye sun kar chauk gyaa, kyuki Bhavik hi eklota banda tha jo use Chhote bulata tha..

Ravi_ "Tum mujhe chhote bol rhe ho, ye to!"

Bhavik_ Ye to tumhen bas Bhavik bulata tha.. tension mat lo, ye tumhen vishwas dilane ke liye hai, ki Bhavik jitna tumara khas tha, utna mera bhi" 

" Mera to guru tha wo, bade bhai ke saman"

Ravi_“Achha. Aane se pehle mujhe phone kar dena.”

Bhavik _“Ji, zaroor.”

Call kat gaya.

..............