सम्मान से बँधे – सीमाओं से परे प्यार

[Deepak.kapoor]

Riya ki shadi

Un uthal-puthal aur sangharshon ke teen saal beet chuke hain, jinone kabhi unki zindagi ko jakad rakha tha. Riya, jo ab ek behad khoobsurat yuvati ke roop mein nikhar chuki hai, Tushar naam ke ek aakarsak nav-yuvak se shadi kar rahi hai, jiska kad 5 feet 9 inch hai. Shadi ki taiyariyan joron par hain, aur ghar ka har kona chahal-pahal, hansi-khushi aur nai shuruaat ke utsah se goonj raha hai.

Meera, jo pehle se kahin adhik nikhari, kaamuk aur behad khoobsurat lag rahi thi, usne shadi ki har chhoti-badi zimmedari khud sambhal rakhi thi. Aaj usne laal rang ki jheeni chiffon ki saree pehan rakhi thi, jiske saath safed rang ka sleeveless blouse uske sudaul badan par kaskar baitha hua tha.

Saree ke pallu ko usne apni patli kamar mein is tarah thoons rakha tha ki uski gori, chikni kamar aur naabhi ka kaatilaana hissa poori tarah ughda hua nazar aa raha tha. Wahan maujood mardon ki nigahen anjaane mein hi uske us gore, nange pet aur patli kamar ki surahidhaar lachak par baar-baar jaakar tik jaati thi. Is khoobsurati aur deh ki maadakta se bekhabar, Meera sajaawat chunne se lekar mehmaanon ki khaatirdaari sunishchit karne tak, khud ko Riya ki is khaas din ki khushiyon mein poori tarah dooba chuki thi.

In taiyariyon ke beech, Meera ne apne tamaam azeezon aur kareebiyon ko shadi ke nyote bheje the—un sabhi ko, jinone kabhi na kabhi unki zindagi ki raahon mein apna nishaan chhoda tha. Aur unhi khaas lifafon mein se ek lifafa Sartaj Singh ke naam bhi gaya tha. Sartaj ki maujoodgi uske dilon mein ek alag hi muqaam rakhti thi—faqat isliye nahi ki unhone kabhi Riya ki jaan bachakar hamesha ke liye us ghar ke rakshak ka darja haasil kar liya tha, balki isliye bhi ki Meera ki har saans, uski deh ki har harakat mein Sartaj ka ek anakha, gahra ahsaas basa hua tha.

Nimantran bheje hafton beet chuke the, magar Sartaj ki taraf se aane ya na aane ki koi khabar nahi aai thi.

Meera laal chiffon ki saree ka pallu apni ungaliyon mein lapet-te hue, ek gahri aur bechain saans bharkar apne dil se fusfusaai, "Tum jaante ho na Sartaj... tumhari yeh khamoshi mujhe andar tak tod deti hai. Apne un usoolon, apni un maryaadaon ki deewaron ke peeche kab tak chhipoge tum?"

Wah jaanti thi ki apne farz aur anushaasan se bandha uska seena shayad use is mahfil mein aane se roke. Magar apne jheene libaas ke neeche dhadakte hue apne garam-garam jism ki har thartharaahat mein, wah sirf usi ki maujoodgi ki pyaasi thi.

Aaj subah jab wah aaine ke saamne khadi hokar khud ko dekh rahi thi, tab apni gori ughdi kamar par makhmali ungaliyan ferte hue usne apne raseele hontohn ko dheere se bheincha. Uski saanson mein ek ajeeb si tapan thi. Usne aahista se badbadaate hue kaha, "Chaahe tumhare usool tumko kitna bhi roken... par main jaanti hoon, tumhara dil bhi is tadap se achhoota nahi hai. Kya sirf ek baar... bas ek baar mujhe is roop mein dekhne nahi aaoge tum? Teen saal ho gaye hain tumhe dekhe..."

Apne kaam nipataate hue, Meera ka dhyaan baar-baar Sartaj ki aur bhatak jaata hai. Wah jaanti hai ki uski zindagi mein unka sthaan atulneeya hai, jo sammaan aur khamosh mohabbat ke sabse oonche paidaan par hai.

Jabki wah shadi ke har intazaam par nazar rakhe hue hai, uske dil ka ek hissa khamoshi se yeh dua kar raha hai ki ve bas ek baar chaukhat paar karke andar aa jaen—Riya ki khushi mein shamil hone ke liye, aur yeh dekhne ke liye ki Meera ab kitni badal chuki hai.

Tabhi uska pati Aarav uski taraf aata hai aur Meera ki nangi, naazuk kamar par apna hath daalte hue dheere se uske kaan mein fusfusaata hai, "Aaj bahut pyaari lag rahi ho, Meera..."

Meera ne shokhi se apni palken matkaate hue kaha, "Kya matlab hai tumhara? Kya main waise pyaari nahi lagti?"

Aarav ne hanste hue use aur kareeb kheencha aur kaha, "Mujhe apne shabdjaal mein mat fansao... main toh pehli nazar mein hi tumhare pyaar mein ghaayal ho gaya tha."

Aarav ne muskuraate hue kaha, "Thanks Meera..."

Meera ne hairaan hokar poochha, "Kisliye?"

Aarav ne uski aankhon mein dekhte hue kaha, "Is poori shadi ki zimmedari ko itni khoobsurati se sambhalne ke liye."

Meera ne apna naazuk hath uske seene par rakha aur dheere se kaha, "Apnon ko thanks nahi kehte Aarav... waise bhi Riya meri nanad kam aur behen zyada hai."

Phir uski nigahen saamne khadi Riya ki taraf ghoom gayi, jo gulaabi shadi ke jode mein pari jaisi saj-dhajkar khadi thi. Meera ke chehre par ek meethi si muskaan aa gayi aur usne fusfusaate hue kaha, "Dekho toh... kitni pyaari lag rahi hai na!"

Is chakachondh aur chahal-pahal se bhare mahaul ke beech, achanak ek teekhi aawaaz ne jashn ki har goonj ko cheer diya—security officer ke siren ki sanasnaati ghanti. Jaise-jaise wah aawaaz nazdeek aati gayi, mahfil mein maujood har shakhs ke kadam tham gaye. Bheed ke chehre par utsukta, hairani aur ek anjaane khauf ki lahar daud gayi.

Tabhi ghar ke muhaane par, chamakti hui laal-neeli battiyon waali teen chamchamaati security officer gaadiyaan aakar ruki.

Meera jahan khadi thi, wahi ki wahi thithak kar reh gayi. Uski saansen atak gayi aur seene ke bheetar dil bekaabu hokar dhadakne laga.

Kya... kya yeh sachmuch ho sakta hai? Kya Sartaj aa gaye hain?

Uska man ab bhi is baat par yaqeen karne ki himmat nahi juta paa raha tha, lekin jism ki rag-rag mein daudi ek teekhi, anjaani utaavali ne uske saare sabr ke baandh tod diye. Uska ughda hua pet aur naazuk kamar har gahri saans ke saath tezi se upar-neeche hone lagi, maano uska poora wajoood sirf usi ek insaan ke deedaar ki tadap mein pighal raha ho.

Aarav ke munh se achanak nikla, "Kaun ho sakta hai... shayad papa ke koi kareebi mantri ya bade afsar honge. Tum ruko, main khud ja kar check karta hoon."

Yeh kehte hue Aarav tez qadmon se portico ki taraf badh gaya, jabki Meera wahi besudh si khadi rahi. Uska hath anaayas hi apni saree ke laal chiffon ke aanchal ko zor se bheench chuka tha.

Uski bekaabu dhadkanen aur utaavali saansen saaf chugli kar rahi thi ki uske dil ko achhi tarah maalum tha ki gaadiyon ke darwaaze khulte hi kaun bahar aane wala hai.

Aage aur peeche ki gaadiyon ke darwaaze khule, aur unmein se chaar wardiwaale security officerkarmi bahar nikal kar beech waali car ki taraf badhe.

Unmein se ek ne aage badhkar beech waali gaadi ka darwaaza khola, aur phir Meera ki nazaren seedhe usi insaan par jaakar tik gayi. Sartaj Singh—uski nazaron mein duniya ke sabse sammaanit insaan—gaadi se bahar nikle. 6 feet 2 inch lambe, ve utne hi prabhavshaali, gambhir aur shaant dikh rahe the, jitne ve hamesha hua karte the.

Apni us robeeli wardi mein unke chehre se adamya taakat, anushaasan aur garima ka ahsaas saaf jhalak raha tha. Magar is baar mahaul mein kuch alag tha, Sartaj ne apne majboot hath mein ek nanhi si bachhi ki naazuk ungaliyan thaam rakhi thi, jiski umar 7 ya 8 saal se zyada nahi lag rahi thi. Saamne dulhan ki tarah saje ghar ke bhavya nazaare aur jagmagaati roshniyon ko dekhkar, us bachhi ki maasoom aankhen beinteha utsukta aur ghabraahat se chaudi ho gayi thi.

Yeh nazaara dekhte hi Meera ki dhadkanen ek pal ke liye maano tham si gayi. Bhaavnaon ka ek bekaabu bavandar uske seene mein umad pada—raahat, beinteha khushi, aur saath hi ulhan ki ek gahri lakeer.

Ve apne saath is bachhi ko kyon laaye hain? Yeh kaun hai? Sartaj ke saath iska kya rishta ho sakta hai... jahan tak main jaanti hoon, Sartaj ne toh abhi tak shadi hi nahi ki hai?

Sawaalon ka bavandar uske zahan mein ghumad hi raha tha ki tabhi Sartaj ne chaaron aur nigahen daudaayi. Unki robeeli nazaren aakhirkaar laal chiffon ki saree mein saji Meera par jaakar thehar gayi.

Us ek pal ke liye maano aas-paas ka saara shor, jamaavda aur poori duniya wahi tham gayi. Sartaj ki un sanjeeda aankhon mein ek anjaani narmi utar aai—donon ke beech baraste us khamosh pyaar ka ek gahra, anakha ikraar.

Sartaj jaise hi aage badhe, wah nanhi bachhi unke pehlu se chipki hui saath-saath chalne lagi. Unki mardaana shakhsiyat aur wardi ke roab ko dekhkar bheed ne khud-ba-khud simatkar unhe raasta de diya.

Meera ke kadam apne aap unki aur uthne lage. Usne apne andar ek ajeeb si garmjoshi aur bekaraari mehsus ki; uska dil ummeed, pyaar aur asamanjas ke mile-jule ahsaas se zoron se dhadak raha tha.

Sartaj behad shaleenta aur grace ke saath Meera ke parivaar ki aur badhe. Darwaaze par Meera ke sasur ji khade the, aur tab tak Aarav bhi apne pita ke paas pahunch chuka tha. Meera unke peeche thodi doori par khadi thi. Uska dil ab bhi seene mein bekaabu hokar dhadak raha tha, aur uski nazaren Sartaj ke har kadam ko naap rahi thi.

Sartaj ko us nanhi bachhi ke saath is tarah aate dekhna Meera ke bheetar bhaavnaon ka ek aisa bavandar utha raha tha jise wah koi naam nahi de paa rahi thi. Usne Sartaj ke aane ki kalpana na jaane kitni baar ki thi, lekin kabhi is roop mein nahi—ek bachhi ka hath thaame hue, ek aisa mod jiski usne door-door tak ummeed nahi ki thi.

Jab Sartaj us parivaar ke paas pahunche, toh unhone behad vinamra aur sammaan-janak andaaz mein apna sir jhukaaya. Apne usi shaant aur gambhir lehje mein unhone baat shuru ki, "Good evening... main Sartaj Singh, Meera ka sahpaathi aur puraana dost." Unke shabd behad saade the. Usmein unke bade pad ya wardi ka koi dambh ya dikhaawa nahi tha.

Meera ke sasur ji ne badi garmjoshi se unka swaagat kiya; Aarav ne bhi aage badhkar unka istakbaal kiya aur apna parichay dete hue kaha, "Main Aarav... Meera ka pati."

Sartaj ne behad garmjoshi se usse hath milaaya aur kaha, "Ji, main jaanta hoon."

Sartaj ki robeeli shakhsiyat, unke chehre ke tez aur wardi ke roab ko dekhkar har koi unki aur aakarshit tha aur unke baare mein jaane ke liye utsuk tha.

Phir, apne hontohn par ek halki si saadgi bhari muskaan laate hue, unhone apne saath khadi us nanhi bachhi ka parichay karaaya. "Yeh meri beti hai, Jyoti," unhone bade pyaar se bachhi ke kandhe ko sahlaate hue kaha. Jyoti ne upar uthakar un sabhi ko dekha, uski chamakti hui maasoom aankhen us bheed aur anjaane chehron ko thodi sharm aur behad utsukta se nihar rahi thi.

Meera ke pairon tale zameen khisak gayi jab yeh sach saamne aaya ki Jyoti Sartaj ki beti hai. Is apratyaashit mod ne Sartaj ke aane ke baad se uski saari bhaavnaon ko jhakjhor kar rakh diya tha. Uski nigahen ab Sartaj aur uske parivaar ke beech ho rahi har baat ko aur zyada gahrai se naapne lagi thi.

Aakhirkaar, Sartaj Meera ke theek saamne aa khade hue. Donon ke beech ki faza hazaaron anakhe alfaazon, guzre zamaane ki sulagti yaadon aur hawa mein tairte ansuljhe sawaalon se bhaari ho chuki thi. Ek pal ke liye, Meera ki kajraari aankhon ne Sartaj ki gahri nigahon mein jhaanka—us maasoom bachhi ki haqeeqat ko talaashne ke liye jo ab bhi Sartaj ke pehlu se chipki hui thi.

Sartaj ek kadam aage badhe aur Meera ko apni marmsparshi, dostana aagosh mein bhar liya. Wah aalingan behad saada aur chhota sa tha, magar usmein ek aisi gahri aatmiyata aur garmaahat thi jise sirf ve donon hi mehsus kar sakte the.

Meera ki laal chiffon ki saree ke paar Sartaj ke faulaadi seene ki tapan saaf mehsus ho rahi thi. Meera ko peeche hataate hue, Sartaj thoda sa jhuke aur uske kaanon ke paas apne hont laakar dheere se fusfusaaye, "Jyoti ke baare mein tumhe baad mein sab bataunga..." Unki aawaaz shaant thi—Meera ke chehre par utri hairani ka ek-ek jawaab dene ka waada.

Seedhe khade hokar, Sartaj ne nanhi bachhi ke naazuk kandhe par hath rakhkar use halkes se aage badhaaya.

"Jyoti," unhone ek khamosh fakhr ke saath kaha, "main tumhe ek bahut hi khaas insaan se milaana chahta hoon. Yeh Meera hai... meri sabse azeez dost."

Sartaj ne Meera ki aur aisi narmi se dekha ki Meera ki dhadkanen bekaabu ho gayi, aur uske jism mein ek meethi si siharan daud gayi.

Jyoti ne apni badi-badi, utsuk aankhon se Meera ko dekha, jiske chehre par halki si haya aur jhijhak thi. Meera apni laal saree ki silwaton ko samette hue neeche jhuki. Uski nigahen Sartaj ke raubdaor chehre se hatkar us maasoom bachhi par aa tiki.

Usne ek behad dilkash aur garmjoshi bhari muskaan ke saath kaha, "Hello Jyoti... tumse milkar bahut achha laga."

Meera ne ek pal ke liye Sartaj ki taraf dekha—uski aankhon mein sawaalon ka samandar tha, magar saath hi ek gahra ikraar bhi. Wah jaanti thi ki Jyoti ki maujoodgi ke peeche chaahe jo bhi kahaani ho, waqt aane par wah Sartaj ke mukh se hi use sunegi.

Meera ne Jyoti ki nanhi, komal ungaliyon ko apni gori hatheli mein thaam liya. Us maasoom si chhuan ko mehsus karte hue, wah Sartaj aur uski beti ko mehmaanon ki bheed ke beech se aage le jaane lagi.

Dil mein uthe toofan ke baavjoood, Meera ke har kadam mein ek gazab ki nazaakat thi—wah poori shiddat se un donon ko apne parivaar ki in khushiyon mein shamil karne ke liye taiyaar thi.

Sabse pehle Meera ne Sartaj aur unki beti ko apne pati Aarav se dubaara aupchaarik roop se milwaaya. Aarav ne ek baar phir behad sammaan aur garmaahat ke saath Sartaj se hath milaaya.

Meera ne muskuraate hue kaha, "Aarav... Sartaj college mein mere classmate hua karte the aur baad mein inhone IPS join kar liya. College ke dinon mein yeh bahut reserved aur kam बोलने wale insaan hua karte the."

Magar Meera ke dil ke bheetar ek alag hi kasak uthi. Usne man hi man sochha, 'Itne reserved... ki poore college mein kabhi yeh himmat hi nahi juta paaye ki mujhe bata sakein ki yeh mujhse kitna pyaar karte hain...'

Aarav ne utsukta se poochha, "Toh phir college ke baad aap donon ki mulaqaat kab hui?"

Sartaj ne behad sanjeedgi aur samajhdaari se baat sambhalte hue kaha, "I think, kareeb teen saal pehle hum kisi common friend ki party mein mile the."

Meera ne sir hilaaya, "Haan Aarav, wahi hamari doobaara baat shuru hui thi."

Sartaj ne aage joda, "Lekin uske baad meri service ki vyasttaon ki wajah se hamara sampark nahi ho saka. Phir jab mujhe shadi ka card mila, toh laga ki milne ka isse behtar mauka aur koi nahi ho sakta."

Sartaj ke in sambhle hue shabdon ko sunkar Meera ka dil bheetar tak sihar utha. Uski laal chiffon ki saree ke neeche chhipa seena tezi se upar-neeche hone laga.

Wah man hi man Aarav ki aur dekhte hue sochne lagi:
'Aarav... tumhe kaise samjhaoon ki yeh insaan mere aur tumhare parivaar ke liye kya maayne rakhta hai? Jab tumhari patni aur tumhari behen ko wah darinda Shankar blackmail kar raha tha... jab hamari zindagi neelaam hone ki kagaar par thi...'

'Tab apni izzat aur parivaar ko bachane ka koi raasta na paakar maine aakhiri ummeed ki tarah inhein hi pukaara tha. Aur inhone kya kiya? Apni jaan, apna career, apna sab kuch daanv par lagaakar tumhari beewi aur behen ko us narak ki aag se sahi-salaamat bahar nikaala...'

'Aur badle mein? Kabhi ek lafz ya ek ahsaan tak ka daawa nahi kiya... yeh wah insaan hai, jise us ahsaan ke badle main apna poora shareer saumpne ke liye raazi thi...'

'Lekin inhone saaf inkaar kar diya... jabki main achhi tarah jaanti thi ki yeh mujhe college ke dinon se beinteha chahte the.'

Tabhi Aarav ka phone baj utha. Shorgul se bachte hue usne kaha, "Excuse me," aur call attend karne ke liye bahar ki taraf badh gaya.

Jaate-jaate usne Meera ki taraf dekhkar pyaar se muskuraate hue kaha, "Meera, apne dost ka khyaal rakhna... main bas paanch minute mein aata hoon."

Meera ne jab Aarav ke munh se 'dost' shabd suna, toh uske man ke bheetar se ek tadapti hui aawaaz nikli:

'Dost? Tumhe kaise bataoon Aarav ki Sartaj ka meri zindagi mein kya darja hai...'

'Bas usi din ke baad is insaan ka darja mere dil mein sabse upar ho gaya... shayad tumse bhi upar, Aarav! Kyunki tum mere liye jo kuch bhi karoge, wah sirf isliye karoge kyunki main tumhari patni hoon... yeh tumhara farz hai.'

'Lekin Sartaj? Rishta na hote hue bhi unhone mere liye jo kiya, usne mujhe hamesha-hamesha ke liye unka bana diya...'

Jaise hi Aarav door gaya, Meera aur Sartaj ke beech ka faasla achanak aur gahra, aur zyada sulagta hua mehsus hone laga.

Meera ne muskuraate hue kaha, "Aaiye Sartaj, main aapko parivaar ke baaki logon se milwaati hoon."

Sartaj behad shaant, shaleen aur sanjeeda andaaz mein Meera ke saath aage badhe. Jaise-jaise ve ek-ek karke ghar ke badon aur rishtedaaron se mil rahe the, nanhi Jyoti Meera ke paas hi rahi.

Mahaul ki garmaahat aur apnon ke pyaar ko dekhkar wah dheere-dheere ghulne-milne lagi thi aur utsukta se is jashn ka nazaakat bhara maza le rahi thi. Har kisi ne Sartaj aur Jyoti ka swaagat behad pyaar aur sammaan ke saath kiya, jisse ve donon pal bhar mein hi us paarivaarik utsav ka aham hissa ban gaye.

Aakhirkaar, Meera unhein lekar seedhe Riya ki taraf badhi, jo mahfil ke beechon-beech khadi aankhon mein utsukta aur bekaraari liye intazaar kar rahi thi. Riya ne Sartaj ke baare mein kahaaniyan sun rakhi thi—wah bahadur insaan, jisne uski zindagi ke sabse khaufnaak aur kaale daur mein dhaal bankar uski aabroo aur jaan bachai thi. Aaj unhein apne saamne khada dekhna uske liye behad bhaavuk aur kisi khwaab jaisa mehsus ho raha tha.

Meera ne ek khaas nazaakat, fakhr aur apnaayat bhare lehje mein kaha, "Riya... ye Sartaj hain. Jinke baare mein maine tumhe bataaya tha."

Riya ne ek gahri saans li aur Sartaj ke raubdaor chehre ki aur dekha. Uski aankhen aadar aur beinteha ahsaanmandi se chhalak aai thi. Usne behad dheeme aur kaampte swar mein kaha, "Maine aapke baare mein bahut kuch suna hai... aapne hamare liye jo kuch bhi kiya, uske liye aapka bahut-bahut shukriya."

Sartaj ne apni sanjeeda muskaan ke saath dheere se apna sir hilaaya.

Ve ek kadam aage aaye aur behad bhaari aawaaz mein bole, "Un dinon ko yaad karne ki koi zaroorat nahi hai, Riya. Wah daur bahut peeche chhoot chuka hai. Ab tumhe sirf aage dekhna hai aur apni nai zindagi ko gale lagaana hai... behen."

Riya ki aankhon se aansuon ki do nam boondein chhalakkar uski gulaabi gaalon par dhalak gayi. Usne bhaari dil se apna sir jhukaa liya.

Wah man hi man soch rahi thi, 'Sartaj ji ko hamari haqeeqat pata hai... ve jaante hain ki hum kis bhayaanak daldal mein fanse the, hamari aabroo par kya guzri thi... phir bhi ve mujhe itna pavitra, itna bada 'behen' ka darja de rahe hain! Agar aaj mere apne bhai ko hamara ateet pata chal jaata, toh shayad wah apne parivaar ki tathaakathit izzat bachane ke liye humein goli hi maar deta...'

Riya ne apni roti hui, dabdabaai aankhon se Sartaj ki taraf dekha. Uske hont kaamp rahe the. Usne behad bhaavuk hokar kaha, "Aaj main shadi karne ja rahi hoon Sartaj ji... aur yeh sab sirf aur sirf aapki वजह se mumkin ho paaya hai."

Riya ka dil kar raha tha ki wah sab kuch bhoolkar, bhari mahfil ke saamne Sartaj ke chaude seene se lipatkar foot-footkar ro pade.

Shayad Sartaj ko uski aankhon ki tadap aur dil ke is ubaal ka ilm pal bhar mein ho gaya tha. Mahaul ko zyada bhaavuk hone se bachate hue, Sartaj ne turant baat ka rukh palta.

Unhone Meera ki taraf dekhte hue ek halki si muskaan ke saath kaha, "Meera, zara apni nanad ka chehra saaf karo... aur ise samjhaao ki shadi ke din rona bilkul mana hai, warna saara makeup bigad jaayega aur dulhan ka nikhaar kharaab ho jaayega!"

Phir jaldi se Riya ke sar par apna hath rakhkar aasheervaad diya, aur Jyoti ka nanha hath thaamkar doosri taraf badh gaye.

Meera ne turant aage badhkar roti hui Riya ko sambhala, apne laal chiffon ke pallu se uske aansu ponchhe aur bade laad se kaha, "Main unhein tumhare paas yahan rulaane ke liye nahi laai thi, Riya... aur dekh rahi ho na tum? Jab bhi koi unka shukriya ada karna chahta hai, ya unke aage apna dil kholna chahta hai, toh ve kaise badi khamoshi se door chale jaate hain... bina koi ahsaan jataaye."

Meera wahi khadi Sartaj ko door jaate hue dekh rahi thi. Uski laal chiffon ki saree ke paar tezi se dhadakta hua uska seena aur ughdi kamar par aati-jaati utaavali saansen saaf gawaahi de rahi thi ki wah Sartaj ke is nishkaam vyaktitva ko dekhkar ek baar phir unki mohabbat mein aur gahri utarne lagi thi.

Wah man hi man soch rahi thi, 'Kya insaan hain yeh... log chhoti si madad karke sau baar ahsaan jataate hain, aur ek yeh hain jo apni jaan par khelkar bhi ek baar shukriya tak sunna nahi chahte...'