[Sriya2]

Update 117

Do din baad Supriya subah ek ache se suit mein tayyar ho kar khadi thi. Iqbal ne uski taraf dekha, woh behad khoobsurat lag rahi thi. Iqbal jis tarah uske jism par roz kaam karne laga tha uski figure bharne lagi thi. Uske mamme aur gaand thode bade ho gaye they, aur chehre par ek alag hi raunaq nazar aa rahi thi.



Iqbal ne Supriya ko tayyar dekha toh uske bhi hosh udd gaye. Iss tarah Supriya ko dekh kar toh uski tarah kisi ke bhi hosh udne wale they. Par woh kis tarah Supriya ko interview par jaane se roka.

Iqbal - Aaj hi hai interview?

Supriya - Jee haan... aapko pachaas baar bata chuki hoon. Hina... naashta...

Hina bhi ab thodi si ukhdi ukhdi rehne lagi thi aur usne beman se Supriya ke haath se naashte ki plate li.

Iqbal - Hina ko akele ghar par chhodne mein darr lag raha hai.

Supriya - Woh darwaza lock rakhegi. Hina jab tak main na aayun kisi ko ghar mein aane mat dena.

Iqbal - Main toh tumhe wahan chhod kar station chala jayunga. Tum wahan se kaise aayoge?

Supriya - Aap hi akele auto wale ho kya poore shehar mein? Waise bhi auto kya karna, main bus se aa jayungi.

Iqbal - Bus se.... hmmmm....

Iqbal ka dil baitha jaa raha tha par Supriya behad hi khush lag rahi thi. Kuch der baad, Iqbal Supriya ko apne auto mein bitha kar Civil lines ki taraf badh gaya. Supriya shayad pehli baar hi akele Iqbal ke auto mein baithi thi aur use bada acha sa lag raha tha.



Supriya - Address aapko pata hai na.

Iqbal - Haan haan... main jaanta hoon woh area... aaya hua hoon.

Iqbal ko bolte hi laga ki shayad use jhooth bol dena chahiye tha aur jagah na milne ka bahana kar dena chahiye tha.

Aakhir woh log ek market se area mein pahuche jahan bohot saare coaching center they. Supriya bahar jhaankte hue board par naam padh rahi thi, aur aakhir use jis coaching mein jaana tha uska board dikh gaya.

Supriya - Bas bas yahin... yahin rok do...

Iqbal ne dheere se auto roka aur Supriya bahar nikli.

Supriya Iqbal ki taraf mudi aur apni hasi dabate hue boli - Kitne paise hue bhaiya?

Iqbal ne chidhte hue Supriya ki kalai pakad li - Bhaiya kisko bol rahi ho!

Supriya - Haath chhodo nahi toh main shor machayungi..

Paas se guzar rahe kuch log unki taraf dekhne lage they aur ek-do toh Supriya ki madad ke liye aage bhi aa gaye - Madam koi dikkat. Ayee...

Supriya ko turant realize hua ki kahin uske majak ke chakkar mein kuch galat na ho jaye - Nahi nahi... sab theek hai... main jaanti hoon inhe.

Pata nahi kyun uske muh se yeh nahi nikla ki Iqbal uske shauhar hai, par woh jaanti thi use.

Supriya - Chalo jayo aap... nahi toh log aapko gunda samajh kar peet na de.

Iqbal apne daant peesta hua bola - Raat ko batata hoon tujhe! 

Supriya - Acha acha gussa mat karo... sorry!

Iqbal - Mujhe call karti rahiyo... jab tak tu ghar nahi pahunch jaati main pareshaan hi rahunga.

Supriya - Haan! Bye...

Iqbal na chahte hue bhi apna auto lekar aage badh gaya aur Supriya wahin khadi reh gayi. Poori sadak par coaching ke ladko aur ladkiyon ki bheed thi, ladke jyada, ladkiyan bas ikka dukka koi. 

Woh andar ghuste hue seediyan chadhte hue upar ke floor par aa gayi. Ek chhota sa office bana hua tha par andar koi dikhayi nahi de raha tha. Woh andar jhaank hi rahi thi ki ek ladke ne use kaha ki - Sir toh abhi aaye nahi hai... aane wale honge abhi 15-20 minute mein.

Supriya idhar udhar dekhne lagi aur sochne lagi ki woh ab kya kare. Kahin baithne ki jagah bhi nahi thi. Woh thodi der baad ek maala aur chaddhte hue beech mein seediyon par baith gayi. Seediyon se upar neeche jaate log use dekh rahe they toh Supriya ko ajeeb sa lag raha tha.



Kareeb 15 minute ke baad use kisi ki aawaz sunai di - Sir aa gaye... Sir aa gaye...

Supriya ne jhaank ke dekha, pant shirt pehna ek aadmi jo kam se kam 40 saal ka hoga office wale kamre mein ghus raha tha. Supriya ko ekdam se uth kar jaana ajeeb sa lag raha tha. Waise bhi uske paas toh koi resume bhi nahi tha.

Kuch der log uske kamre mein aate jaate rahe, aur 5-10 minute baad jab thodi shaanti hui toh Supriya khadi hui aur dheere se darwaze par knock kiya. Woh aadmi bahut toh nahi, par thoda sa overweight toh tha.

Supriya - Sir... 

Aadmi ne Supriya par upar se neeche nazar daali - Haanji bachhe... admission ke liye aaye ho... batch toh already shuru ho chuka hai... 

Supriya - Nahi Sir woh... aapne job ka ad diya tha na akhbaar mein. Uske liye...

Aadmi - Acha acha receptionist ki job ke liye aaye ho? Shakal se toh college ki student lagte ho. Aayo... andar aao.

Supriya kamre mein andar ghusi - Jee Sir...

Aadmi - Darwaza zara band kar do...

Supriya - Darwaza kyun band karna? Khula rehne dete hai na..

Aadmi - Interview hai na... koi disturb na kare hame. Bachhe bade harami hai yahan... jab dekho pahuch jaate hai mere office mein.

Supriya ne dheere se darwaze ko band kiya aur us aadmi ke saamne aakar khadi ho gayi. Usne Iqbal ko bol toh diya tha ki kuch gadbad nahi hogi par use thoda darr sa lag raha tha.

Aadmi - Baitho... CV laayi ho?

Supriya ne anjaan bante hue kaha - CV?

Aadmi - Areee tsskkk... pehli baar naukri karne aayi ho kya? Shakal se toh kisi ache ghar se lagti ho... Kya naam hai?

Supriya soch rahi thi use apna asli naam bataye ya kuch aur, par fir aakhir usne apna asli naam hi bata diya - Supriya...

Aadmi - Suuuu Priyaaaa.... bada acha naam hai. Bilkul tumhe suit karta hai. Myself Pankaj Chauhan.

Pankaj ne apna haath Supriya ki taraf badaya aur Supriya ne use bahut hi halke se pakda. Par Pankaj ne Supriya ka poora haath mehsoos karte hue use ache se pakda aur fir chhod diya. Supriya ko uncomfortable baithe dekh uske chehre par ek muskaan si aa gayi thi.

Pankaj - Kahan tak padi ho?

Supriya ne soch rakha tha woh sab kuch thoda kam karke hi batayegi - B.A. kar rahi thi... beech mein chhod diya...

Pankaj - Kyun? Padai achi nahi lagi?

Supriya - Nahi... woh... shaadi ho gayi thi.

Pankaj ne uske gale ki taraf jhaankte hue dekha - Acha acha... haan... shaadi shuda ho. Husband kya karta hai?

Is sab ka interview se koi lena dena nahi tha, Supriya bhi ache se jaante thi, par woh filhaal jawab dene ke elawa kuch nahi kar sakti thi - Woh... woh bhi job karte hain. 

Pankaj - Fir? Tumhe bhi job karne bhej diya? Love marriage thi kya?

Supriya ne aankhen neeche jhuka li - Haan... aisa hi kuch tha...

Pankaj - Aisa waisa kya... ya toh thi ya nahi thi... Maa baap gussa hain?

Supriya ne dheere se haan mein sar hilaya.

Pankaj - Koi nahi... sab theek ho jayega. Kya dikha waise tumhe us mein? Use kya dikha woh toh main dekh hi raha hoon.

Supriya - Ummm... bas... love ho gaya.

Pankaj - Hmmm... yehi dikkat hai aajkal ke bachhon mein. Sochte nahi hai kuch bhi karne se pehle. Pichle ek saal mein hamari class ki do ladkiyan... yun... pregnant ho gayi.

Pankaj ne pet par ishaara karte hue kaha.

Pankaj - Tum toh nahi ho pregnant? Ya fir koshish mein lage ho?

Supriya wahan se uth kar bhaag jaana chahti thi par usne apni aawaz daba kar rakhi - Nahi... abhi toh nahi...

Pankaj - Kyun? Love marriage toh tabhi karta hai insaan jab poori aag lagi ho. Doosri caste ka hai ladka? Tum kya caste ho? Hame koi farak nahi padta par hamari mummy bhi aati hai na kabhi kabhi. Woh bohot sochti hai is sab ke baare mein.

Supriya - Sharma...

Pankaj ko ek hasi ka dhaska lag gaya - Aree Sharma ji bitiya... Papa toh tumhare bade naraaz honge... intercaste marriage kari hai... hai na?

Supriya - Ji Sir... woh job ke baare mein baat kar le?

Pankaj ne apni kursi thodi peeche kari aur neeche shayad kuch rakha tha us par pair rakhte hue aaram se baith gaya. Uske aankhen lagatar Supriya ko scan kar rahi thi.

Pankaj - Job ki hi baat toh kar rahe hain. Hamare yahan job karogi toh tumhe pehle ache se janna padega na. Waise ghar chhod kar aayi ho toh paiso ki toh bohot zaroorat hogi. Husband ki salary se kaam nahi chal raha hoga?

Supriya ne apni aawaz normal rakhne ki koshish kari - Ji... woh... thodi pareshaani chal rahi hai... isiliye main job ka ad dekh kar aayi thi.

Pankaj - Bilkul sahi jagah aayi ho! Kahin galat jagah pahuch jaati na toh... Yeh aaj kal ke ladkon ke bas ke toh kuch hota hai nahi, bas ladki faasni aati hai. Meri biwi tumhari jaisi hoti na toh use ghar se bahar pair nahi rakhne deta.

Supriya ne apna dupatta theek kiya. Uske dimaag mein aise hi soch aayi ki agar woh Iqbal ko is interview ke baare mein zara bhi bata de toh agle din is aadmi ko woh hashr hoga ki yeh kabhi kisi ladki se aise baat nahi karega.

Pankaj usko asahaj hota dekha - Acha chalo tumhe job ke baare mein baat karni hai na. Yeh batayo ki receptionist ki job mein karna kya hota hai?

Supriya - Ji woh... phone uthana, logon ke message lena, baaki thoda bahut office work shayad.

Supriya ko apne jawab par sharmindagi mehsoos hone lagi. Use yeh tak sahi se nahi pata tha ki receptionist ki job kya hoti hai.

Pankaj - Woh toh apne gawar bhaanje ko bitha du toh woh kar le... Na... Receptionist hoti hai office ka chehra. Aur chehre se hi insaan ki aukaat pata chalti hai. 

Supriya ne apni mutthi bheenchi, use is insaan ki aukaat toh saaf dikh rahi thi.

Pankaj - Chehra aisa ho ki jo bahar se aakar dekhe uske kaleje mein ekdam se thandak padh jaye. Sach mein... tumhe lag raha hoga ki main aise hi bol raha hoon. Ab maan lo koi student gussa hota hua mere paas aa raha hai, aur beech mein padh gaya tumhara chehra. Tum par woh gussa kar hi nahi payega. Par bach ke rehna in ladkon se... maine bataya tha na... pregnant... harami hai poore.  

Supriya kafi uncomfortably apni chair mein shift hui - Ji Sir...

Pankaj - Haan toh kya keh raha tha main... Haan... ek toh ho gaya chehra... aur doosri hai jabaan. Aisi jabaan ho jo garam se garam lohe ko pighla de. Jabaan mein aisi mithaas aur ras honi chahiye... jo shehad ki tarah tapak tapak kar bahar nikle.

Supriya ne ek gehri saans li. Usko Pankaj ke yeh double meaning lines behuda si lag rahi thi.

Pankaj - Ab tum toh khul kar kuch bol nahi rahi ho toh mujhe kaise pata chalega ki tumhari jaban mein woh mithaas hai ya nahi? Is naukri mein sharmane se kaam nahi chalega... bohot kuch sambhalna padega.

Supriya - Main sharma nahi rahi hoon... bas... khair... main sabse ache se aur tameez se baat karti hoon. Jaisi situation ho main handle kar lungi.

Pankaj - Hmm... par yahan sirf aise thande pade rehne se kaam nahi hota na. Kabhi kabhi garam bhi hona padta hai... matlab ki in bachhon par gussa bhi karna padta hai... Aur bhi bohot saare logon se sambhandh bana kar rakhne padte hain... Teachers hai, Printer wala hai, computer wala hai, repairman, parents hai, bijli wala hai... Par in logon se jyada nazdeek ke sambandh na bana lena. Par agar koi hai jiska tumhe khaas khayal rakhna hai toh woh main hoon... tum meri secretary jaisi hi hogi.

Supriya - Jee Sir...

Pankaj - Aur work hours bhi lambe ho sakte hain... kabhi kabhi raat bhar kaam chalta hai. Paper check karne hote hai, printing karwani hoti hai. Tumhare pati ko toh dikkat nahi hogi agar tum raat bhar kaam ke liye bahar rukogi toh.

Supriya - Agar sach mein kaam hoga toh karna hi padega.

Pankaj ke chehre par muskaan aa gayi - Karna hi padega... achha hai. Waise tumhari aankhen bata rahi ki kal raat neend thodi kam hui thi... Har raat chalta hai kya maamla?

Supriya ek dam chaunkte hue boli - Matlab?

Pankaj - Matlab ki dekho yahan toh poora kaam hota hai aur mujhe pasand nahi ki mera staff aise thaka hara aaye. Yahan bahut bhaari bhaari samaan jhelna padta hai kayi baar... Jhel paayogi?

Supriya - Kaisa bhaari samaan?

Pankaj - Matlab jaise... samajh jayo... seediyon se upar neeche samaan le jaana... Kitaabe aur kaagaz aur... aur bhi cheezen.

Supriya ne bebak hote hue pucha - Aap salary kitni doge?

Pankaj - Salary... tumhe kitne chahiye?

Supriya - Ad mein toh 8 hazar likha tha... thode kam lag rahe hain...

Pankaj - 8 hazar kam hai? Tum khoob dil laga kar kaam karogi toh main jaldi jaldi bada dunga.

Tabhi ekdam se darwaza khula aur peeche ek student khada hua tha.



Pankaj chidhte hue bola - Kya hai? Dekh nahi rahe ki busy hoon main?

Supriya ekdam se jaise kisi neend se jaag gayi ho, aur jaane ke liye khadi ho gayi - Sir... main chalti hoon...

Pankaj - Toh fir kabse aana shuru karogi?

Supriya - Main soch kar batati hoon... mujhe mere pati se baat karni padegi.

Pankaj - Tskkk... aree yaar usko paiso se matlab hona chahiye na... tum jo marzi karo. Chalo main tumhe 10 hazar de dunga. Itne koi nahi deta.

Supriya mudti hui jaane lagi - Main aapko call kar dungi...

Pankaj uske peeche peeche khada hua - Aree... kya naam tha... Shreya... Supriya... sun toh...

Par Supriya tab tak seediyon se neeche nikal gayi thi. Woh tez kadam se chalte hue us building se door jaane lagi. Uski saansen gehri ho gayi thi. Use apne aap par yakeen nahi aa raha tha ki usne itni der is ghatiya aadmi ki baaten suni thi. Woh Iqbal ko iss baare mein kuch nahi batane wali thi, nahi toh usko kabhi job nahi karne dega.

Uska apne chhote se purse mein se akhbar ki ek cutting nikaali. Usne 2-3 aur job yahin aas paas dhoond kar rakhi thi. Uske paas sirf aaj ki hi mauka tha un sab jagah jaakar baat karne ka, nahi toh kya pata Iqbal use fir kabhi interview ke liye na aane de.