[Celebrorn]

Chapter 33

Subah se hi Rohit mein bohot jyada energy thi. Aaj aakhir Holi wala din jo tha. Woh subah subah jaldi uth gaya aur bina kuch kahe ghar se nikal gaya. Naina ke orders they ki subah kuch flowers waigera lekar aane hai.

Shreya muskurate hue sab kuch dekh rahi thi. Rohit ki energy aur smile dekh kar use bhi bada acha sa lag raha tha. Aisa lag raha tha jaise purane wala Rohit laut aaya ho. Thodi der baad woh bhi dance ke liye tayyar hone lagi. Uske husband ke guzar ke kuch saal baad usne Rohit ki wajah se fir se holi khelna shuru kar diya tha. Holi hamesha se uska bhi favourite festival tha.

Rohit neche final touches mein laga hi hua tha ki uske phone par Aanya ka call aane laga.

Aanya - Kab aa rahe ho tum?

Rohit - Kahan?

Aanya - Maine bataya tha na, hamare ghar par aaj ek badi holi party hai. Main tumhe aaj Mom aur Dad se milwana chahti thi.

Rohit - Yaar maine bhi toh bataya tha, aaj hamari society mein bhi ek holi party hai. Main nahi aa payunga.

Aanya - Tum apni Society ki faltu si holi party ko mere ghar ki party se kaise compare kar sakte ho. Main kuch nahi sunna chahti, jaldi se jaldi yahan pahunch jayo. I have something special planned for later...

Rohit (thoda jhallate hue) - Aanya main sach mein nahi aa sakta. Chalo bye! Mujhe kaafi kaam hai.

Rohit ne ekdam se Aanya ka call cut kar diya, jisse Aanya ka ego buri tarah hurt ho gaya. Woh gusse mein apne phone ki screen ko dekh rahi thi.

Rohit bina kisi parwah ke fir se Naina ke bataye kaamo mein lag gaya. Kuch der baad society ke garden mein rang aur gulaal udna shuru ho chuka tha. Sab log khul kar holi khel rahe they.

Itne mein Megha aur Rishabh bhi wahan alag alag pahunch gaye. Dono Holi ka shor aur rang dekh kar thoda pareshaan se lag rahe they aur seedha upar Shreya ke ghar chale gaye.

Rishabh thoda sa late pahuncha aur Megha wahan pehle se thi. Jab usne darwaze par knock kiya toh Megha ne muskurate hue darwaza khola.



Megha (softly) - Hi... 

Rishabh (thoda sa sharmate hue) - Hi...

Woh dono andar aa gaye, par bahar ka shor andar tak aa raha tha. Kuch der dono awkwardly idhar udhar ki baatein karte rahe.

Megha - Toh... tumhe toh Holi pasand hogi?

Rishabh - Nahi nahi... mujhe Holi bilkul pasand nahi... kitno din tak rang hi nahi chhoot-ta. Bahut hi messy holiday hai.

Megha - Exactly! Mujhe bhi bilkul nahi pasand.

Dono ko jaise realize hua unke beech kuch common hai, dono hi thoda sa aur uncomfortable sa mehsoos karne lage. Tabhi Rohit ghar mein ghusa aur apni Mom ko bulane laga.

Rohit - Mom! Naina aapko dhoond rahi hai neeche... aa jayo jaldi se...

Shreya (andar se) - Aa rahi hoon...

Rohit ne Megha ko wahan baithe dekha aur apne haath mein gulaal ki thaili lekar muskurata hua aage bada - Happy Holi Megha Didi!!!

Megha (thoda sa peeche hat-te hue) - Rohit... please yaar... rehne de na!

Rohit - Aree... gulaal hi hai... zara sa lagayunga! Mujhe pata hai aapko Holi kitni pasand hai! Aur is baar toh aur bhi special hai.

Megha - Kya special.... please...

Megha ke mana karte karte bhi Rohit ne Megha ke gaalo aur baalon mein thoda sa gulaal laga diya. Tabhi uski nazar thoda peeche khade Rishabh par padi, aur use do hafte pehle ki unki pehli meeting yaad aa gayi.

Rohit ne thoda serious hote hue - Happy Holi!

Rishabh - Happy... Happy Holi!

Rohit ne apne haath mein jo halka sa gulaal tha woh Rishabh ke gaal par laga diya. Rishabh hesitate karta hua halka sa aage jhuka usse gulaal lene ke liye par tab tak Rohit mud chuka tha. Pata nahi kyun par Rohit ke saath woh kafi uncomfortable sa feel kar raha tha aaj bhi.

Rohit - Main neeche jaa raha hoon... Mom ko bol dena ki Naina use bula rahi hai. Aur aap dono bhi neeche aa jayo... yahan kyun upar baithe ho.

Tabhi Shreya ek tight white kurti aur chooridar pehne apne kamre se bahar nikli. Kurti uske curves ko bohot ache se hug kar rahi thi.



Bahar aate hue usne Megha ki taraf dekha aur use badi si smile di.

Shreya - Happy Holi! Kitni pyaari lag rahi ho!

Megha - Aapse toh bohot jyada kam!

Shreya ne apni kurti ko thoda sa neeche kheencha - Nahi... main toh itni moti ho gayi hoon aajkal. Itna fasa fasa sa feel ho raha hai isme, par mere paas aur koi white kapde they hi nahi. 

Megha - Moti! Kahan se? Ise motapa nahi kehte aunty! Kaash main itni fit rahu jab aapki age ki hoon.

Megha Shreya ka pet chhoo kar hasne lagi, aur Shreya bhi unki aapas ki baat par hasne lage. Rishabh jo peeche invisible sa ho gaya tha, woh achanak Shreya ki nazar mein aaya. Woh bhi Shreya ki taraf hi dekh raha tha.

Shreya - Rishabh! Tum bhi aa gaye! Mujhe lag raha tha kahin... chalo badiya hai... Tum aur Megha jam ke holi khelna... kuch khaaya ya nahi!

Rishabh kuch kehne hi waala tha ki Megha beech mein bol padi - Aunty aap fiqr mat karo, hum log kha lenge. Rohit aaya tha aapko dhoondte hue. Shayad Naina aapko dhoond rahi hai.

Shreya ne haste hue kaha - Haan... uski heroine mujhe dhoond rahi hai... use bhi dekhti hoon jakar. Tum log bhi neeche chalo...

Megha - Abhi aate hain Aunty!

Shreya ne Megha aur Rishabh dono ki taraf baari baari dekha, unki shakal par saaf lag raha tha jaise woh kuch chhupa rahe they.

Woh apna muh Megha ke kaan ke paas laakar boli - Acha! Toh baat yahan tak pahuch gayi kya! Kafi fast nikle tum dono. Andar se door lock kar lena... par Rishabh ko jyada bigaad mat dena abhi se!

Megha ne chidhte hue - Aunty! Aap bhi na... kya kya sochti ho!

Shreya - Isme sharmana kya! Main Poonam ko kuch nahi kahungi! 

Shreya uske baalon par haath ferti hue ghar se bahar nikal gayi.

Rishabh ne uske jaate hi Megha se pucha - Kya keh rahi thi Ma'am? 

Megha ne muh banate hue kaha - Kuch nahi! Actually neeche hi chalte hai Rishabh... wohi better rahega.

Rishabh ne bina kuch bole haan mein sar hilaya aur woh dono ghar lock karke neeche building ke compound mein aa gaye. Neeche garden mein shor badh chuka tha aur tez music baj raha tha. Woh dono saath saath ek kone mein khade ho kar logon ko dekhne lage.

Garden ke beech mein zameen par ek stage set ho chuka tha. Kuch der baad Naina, Shreya aur 2 aur ladkiyan stage par aa gayi. Gaana bajne laga aur woh chaaro gaane ki dhun par naachne lage. Rohit ek badi si muskaan ke saath ek DSLR camera par video bana raha tha. Logon ki bheed zor zor se taaliyan aur seetiyan baja rahi thi.



4 minute baad jab gaana khatam hua aur Shreya aur Naina ke pair ruke, poori society mein ek zor ka shor goonj utha. Sab log once more once more chilla rahe they, par Shreya jhepte hue stage se hatt gayi thi.

Naina bhi stage se utar kar Rohit ki taraf aa gayi thi.

Naina haanfte hue - Kaisa kiya hum logo ne!

Rohit ek badi si muskaan liye - Amazing! Mindblowing!

Naina shararat bhari aankhon se - Kisne jyada acha kiya... Aunty ne ya maine?

Rohit sawaal par hairaan reh gaya tha - Ehhh... umm.... woh...

Naina ne uske haath par halke se maara - Mazak kar rahi hoon... mujhe pata hai Aunty ka hi dance better tha!

Rohit - Tum bhi na! Waise... hum log toh ab tak holi khel bhi nahi paaye hain!

Rohit ki aawaz thodi si dheemi ho gayi thi, aur uski aankhen Naina se kuch keh rahi thi.

Naina ne kuch pal uski aankhon mein dekha aur fir achanak se uske baalon mein rang daalte hue wahan se bhaag uthi. Usne peeche palat kar Rohit ki taraf ek shararat bhari muskaan se dekha.



Rohit uske peeche dauda aur woh dono building ke entrance ke thoda paas aa pahunche. Usne Naina ka haath pakadte hue use apni taraf kheencha.

Par tabhi ek jaani pehchaani aawaz ne uska naam zor se pukara!

Aanya - Rohit!!!!!

Rohit aur Naina ne us doosri taraf dekha toh Aanya unki taraf aa rahi thi. Usne ek bhaari sa white salwar kameez pehna hua tha.



Rohit ne turant Naina ka haath chhod diya. Aanya Rohit ke bilkul paas pahunch gayi aur uske kandhe par apne haath rakh diye.

Aanya - Rohit! Kitne call kar rahi thi main tumhe!

Naina Rohit se ek-do kadam peeche ho gayi. Rohit abhi bhi bilkul chup hi tha, use samajh nahi aa raha tha ki Aanya yahan kyun aayi thi.

Aanya ka dhyaan Naina ki taraf gaya, usne Rohit se poocha - Yeh kaun hai?

Rohit - Ummm... friend hai... society mein. Tum... tum yahan kya kar rahi ho?

Aanya - Tum nahi aaye toh main apni party chhod kar aa gayi tumhare liye. Kahan hai tumhari society ki party?

Rohit ka jawab sunkar Naina ka muh utar chuka tha aur woh mud kar jaane lagi. Rohit ne use jaate dekha aur woh tez saansein leta hua kafi helpless sa mehsoos kar raha tha. Aanya bas kuch na kuch bole jaa rahi thi pas use sunayi nahi de raha tha.

Aanya - Kya hua Rohit! Kahan lost ho gaye! Let's have fun na.

Aanya ke haath abhi bhi uski gardan par they aur uske chehre par woh arrogant si muskaan jisse Rohit ko ab chiddh machne lagi thi. Uske dimaag ki nase tanna shuru ho gayi thi aur music ab shor sa lag raha tha. Aanya ke saath pichhle kayi hafton ki ghutan ab bas bahar nikalna chahti thi.

Usne jhatke se Aanya ke haathon ko apne kandhon se hataya.

Aanya chaunkte hue - Rohit! What's wrong with you!

Rohit chillate hue - What's wrong with me? Tum yahan kyun aayi ho?

Aanya - Excuse me! Ek toh apni family ki party chhod kar tumhari is ghatiya si society party mein aayi hoon, aur tum mujh par chilla rahe ho.

Rohit - Itni ghatiya hai yeh party toh jayo na yahan se!

Aanya - Fuck you! Main jaa rahi hoon yahan se... tum apni "society" ki ladkiyon ke saath holi khelo... asshole.

Rohit ne gusse mein Aanya ko ghoora - What did you call me!

Aanya - Asshole! I am leaving! Big mistake to come here.

Aanya pair patakte hue wapas building se bahar nikal gayi jahan se woh bas abhi 5-10 minute pehle hi aayi thi.

Rohit ne idhar udhar dekha, Naina kahin nahi dikh rahi thi. Woh bhaagta hua building ki doosri taraf gaya jahan woh aksar akele baitha karti thi. Woh wahin side mein baithi hui rote hue apne aansu ponch rahi thi.

Rohit uska naam pukarta hua wahan pahuchta hai - Naina! Naina!

Naina turant apne aansu poch kar khadi ho gayi aur wahan se jaane ki koshish karne lagi.

Rohit ne Naina ka haath pakadte hue use rok liya - Naina suno yaar! It's not what you think... Naina...

Naina Rohit ko poori tarah ignore karne ki koshish kar rahi thi, uska chehra tamtamaya hua tha, usne apna haath chhudane ki koshish kari - Leave me Rohit!

Rohit ki saans foolne lagi, use samajh nahi aa raha tha woh Naina ko kaise manaye - Please yaar... ek baar sun toh lo meri baat... mujhe nahi pata woh kyun...

Naina - It's fine Rohit... hum bas society friends hain... you don't need to explain anything to me.

Rohit - Yaar!! Tum mere words twist kar rahi ho.

Naina ne use gusse mein ghoora - Main words twist kar rahi hoon! Rohit... ab please hatt jayo... nahi toh I am going to slap you!

Rohit ka dil bohot tez dhadak raha tha aur Naina par uski pakad kamzor padti jaa rahi thi. Naina ne Rohit ko peeche dhakela aur use wahan chhod kar jaldi se wapas apne ladkiyon ke group ke paas pahunch gayi.

Rohit wahin khada zameen par dekhne laga. Uska dimaag buri tarah fatt raha tha aur gala sookh chuka tha. Mann mein ek ajeeb si bechaini aur lachari mehsoos ho rahi thi. Samajh nahi aa raha tha woh kya kare.

Woh bina soche samjhe chalte hue Megha aur Rishabh ke paas se guzra, aur fir thoda aur aage. Uski nazar ekdam se kuch door jakar padi, jahan Shreya akele khadi thi. Shayad use Mom se baat karni chahiye, woh sab sort out kar dengi. Pichhli baar ki tarah.

Woh unki taraf chal hi raha tha ki tabhi building ka watchman - Tufani, haath mein gulaal liye Shreye ke paas pahuncha. Shreya ne muskura kar uski taraf dekha aur woh Shreya se has kar kuch kehne laga.

Usne Happy Holi bolte hue Shreya ke gaal par gulaal lagaya, Rohit ke andar ka khoon khaulta jaa raha tha. Gaalon se hota hua uska haath Shreya ki gardan par pahucha aur fir peeche se uski kurti ke andar Shreya ki peeth par.

Rohit ki dimaag ki woh aakhri nas toot gayi.

Rohit zor se chillata hua Shreya ki taraf bhaaga - Oye!!! Behenchod!!!

Shreya bhi uski tez aawaz sunkar buri tarah darr gayi thi, par isse pehle woh samajh paati ki aawaz kahan se aa rahi hai, Rohit ne Tufani par jhappata maarte hue use Shreya se door kar diya tha aur doosre hi pal toofani zameen par tha aur Rohit uske upar apni poori bhadaas nikal raha tha. Mukke par mukka, Tufani apne haathon se apna chehra bachane ki koshish kar raha tha.

Shreya ki aankhen fati ki fati rahi gayi aur woh tezi se Rohit ki taraf bhaagi - Rohitttttt!!! Pagal ho gaye ho kya! Chhodo use.

Par Rohit kuch sunne ke liye tayyar nahi tha - Saale.... haramzaade... teri himmat kaise hui meri Mom ko chhoone ki... behenchod!! Jaan se maar dunga tujhe!

Tufani bhi chilla raha tha - Bhaiya! Chhodo mujhe... maine kya kiya hai. Memsaab! Bachayo!

Shreya ne Rohit ka haath rokne ki koshish kari par uska ek vaar jaakar use bhi laga. Tab toh aur log bhi jaldi se us taraf aa chuke they aur unhone kisi tarah mil kar Rohit ko Tufani se alag kiya.

Rohit abhi bhi kisi janwar ki tarah haanf raha tha. Tufani ka chehra maar se sooj chuka tha aur woh rone laga tha. Shreya ko samajh nahi aa raha tha woh kya kare. Woh Tufani aur Rohit dono ki taraf dekh rahi thi. Use shayad ab tak samajh nahi aaya tha ki hua kya tha.

Tufani rote hue bola - Saabji... main... main... main abhi 100 number lagata hoon... gareeb hu toh kya hua... kaise janwaro ki tarah maar raha tha...

Rohit ka gussa fir se bhadka - Sale... abhi toh kuch maara tujhe... ahhhhh....

Shreya ne jaldi se Rohit ki taraf dekha - Rohit chup karo!!! Pagal ho gaye ho kya tum!

Tufani - Nahi... ab tu dekh... teri aukaat dikhata hoon tujhe...

Shreya - Tufani ji... aap suniye... please...

Rohit bhadakte hue - Mom! Is Kutte ko sorry kyun bol rahi ho aap.

Shreya ekdam gusse mein Rohit ko chaanta maarne ke liye badi, par Khanna ne beech mein aakar use rok liya - Shreya ji... kyun bacche par haath uthana... main suljhata hoon maamla... Haan bhai Tufani... kya kiya tune... bata zara...

Khanna ne haath se Shreya ko ishaara kiya ki woh Rohit ko lekar thoda peeche ho jaye. 2 aadmi Rohit ko pakde pakde peeche hone lage. Rohit abhi bhi tez saansein le raha tha par uska dimaag ab sunn padh chuka tha.

Shreya ne peeche hote hue idhar udhar dekha. Poori society ki nazrein Rohit aur us par hi tiki thi. Megha aur Rishabh, dono bheed mein aage khade Shreya ki taraf dekh rahe they, unhe samajh hi nahi aa raha tha ki hua kya tha. Doosri taraf Naina bhi haanfte hue Rohit ko ghoor rahi thi, uska muh bhi khula ka khula reh gaya tha. Rohit ka yeh roop usne pehle kabhi nahi dekha tha. Abhi kuch pal pehle hi woh kuch emotions feel kar rahi thi, aur ab achanak kuch aur.

Shreya Rohit ko wahin chhod kar dheere se Naina ki taraf badhi. Use lag raha tha kahin woh behosh ho kar hi gir pade aur uska pair zara sa ladkhadaya, par Naina ne turant aage badh kar use sahara de diya. 

Subah jis khushi aur utsah se din shuru hua tha, dopahar tak woh din Shreya ki jindagi ka sabse sharmnaak din ban chuka tha.