Misc. Erotica Shreya Ke Raaz: Kab tak Chhupenge

[Celebrorn]

Chapter 32


Agle ek-do hafte dilli ke sabse pyaare mausam ki hawa mein kab beet jaate hai pata hi nahi chalta.

Rohit aur Naina ki raatein ab ek naye routine mein dhal rahi hoti hain. Roz raat ko, sone se pehle, dono ghanto text karte hain, kabhi Holi ke dance steps discuss karte hue, kabhi kisi cheez par behas karte hue, kabhi bas aise hi. 

Naina use apni practice ki videos bhejti rehti hai, aur Rohit unhe baar baar, kayi kayi baar dekhta hai. Ab use woh videos boring nahi lag rahi hoti hain. Woh apne aap ko in videos mein khoya hua paata hai, aur phir khud par hi hairan hota hai ki itni der tak kya dekh raha tha. Par jis haq se woh Aanya se photos aur videos maangta hai, uske andar Naina se woh sab maangne ki na toh himmat hoti hai na chah.

Dusri taraf, Rohit Aanya se poori tarah kat nahi paata. Uske messages ab bhi aate hain, aur woh unhe ignore nahi kar paata, chahe uska mann poori tarah uss taraf na ho. Jab woh dono college mein ya bahar milte hai, woh usne Aanya ke saath physically close hona band nahi kiya. Aanya ki hot body use apni taraf kheench hi leti thi. 



Chahe baad mein uske andar ek ajeeb sa guilty ehsaas hota hai. Par us pal jab woh Aanya ke saath woh sab kar raha hota, uske andar ek ajeeb sa aggression paida hota jaa raha tha.





Use khud samajh nahi aata ki woh Aanya ko poori tarah chhod kyun nahi pa raha. Shayad use Aanya ki aadat ho gayi hai, shayad thoda sa darr se ki agar usne use mana kiya toh woh kaisa reaction degi. Par jo bhi woh ek dohri si jindagi jee raha hota hai.

Rohit aur Naina saath milkar Holi ke function ki saari cheezen finalize karte hain. Is poore process mein unki purani dosti fir se kafi khil uthti hai. Unke beech koi bada love confession nahi hota, bas ek saath hasna, ek doosre ko chidhana, aur wohi sab chalta rehta hai. Rohit ko khud ehsaas hone laga tha ki woh Aanya se jyada Naina ke messages ka intezaar karne laga tha. 



Naina ke saath woh itna khush aur relaxed feel karta tha, jaise hawa mein sab kuch kitna magical sa tha. Siwaye jab woh uski nayi bike chala rahi thi tab.



Is beech, Shreya bhi ek chhota sa plan banane lagi. Woh soch rahi thi ki Holi ka bahane Megha aur Rishabh ko fir se milna chahiye. Woh Poonam ko call karke Megha ko Holi ke din apne ghar bula leti hai, aur Rishabh ko bhi. Woh bas chahti hai ki woh dono jyada se jyada mile aur jaldi se shaadi ke liye haan kar de. Shreya iss baat se poori tarah anjaan hoti hai ki un dono ke beech kuch alag hi plan chal raha hai.

Sab kuch itna normal, itna khushnuma lagta hai ki koi bhi yeh soch nahi sakta ki is sab ke peeche kitne jhooth chhupe hue hai.