Misc. Erotica Shreya Ke Raaz: Kab tak Chhupenge

[Celebrorn]

Chapter 31 (Summary Version)

Shreya aur Rishabh dono uske ghar pahuchte hai. Rohit ghar par nahi hota. Shreya Rishabh ko ek tauliya aur Rohit ke kapde laakar deti hai change karne ke liye. Rishabh beech beech mein Shreya ko chupke chupke ghoor raha hota hai kyunki uski tshirt uske jism se poori tarah chipki hui hoti hai. Par woh baar baar apni nazrein jhuka leta hai.



Shreya Rishabh ko Rohit ke kamre mein change karne ke liye bolti hai aur khud apne kamre mein chali jaati hai change karne ke liye. Rishabh kamra band karke, par kundi lagaye bina change kar hi raha hota hai ki Rohit ghar wapas aa jaata hai. Main door par kisi mard ke anjaan geeli joote dekhkar Rohit alert ho jaata hai aur seedhe andar ki taraf lapakta hai. Apne kamre ka darwaza band dekhkar woh use dheere se kholta hai.

Wahan Rishabh bina kisi tshirt ke usse peeth kare khada hota hai. Ek anjaan ladke ko apne kamre mein aadha nanga dekh kar Rohit ke dimaag mein sabse bura khayal aata hai - yah toh yeh koi chor hai, ya fir uski Mom ka secret lover. Woh Rishabh ko gaaliyan deta hua us par bhadak uthta hai. Rishabh bhauchaka hota hua use samjhane ki koshish karta hai par woh uski ek nahi sunta. Unki dhakka mukki mein Rishabh palang par gir jaata hai aur Rohit uske theek upar.

Shor sunkar Shreya bhi bhaagi bhaagi aati hai aur dono ko alag karti hai. Woh Rohit ko samjhati hai ki Rishabh kaun hai ause use kheench kar kamre se bahar le aati hai taaki Rishabh apne baaki kapde change kar sake. Bahar woh Rohit ko daant-ti hai ki woh aise bina soche samjhe kisi se bhi bhid jaata hai. Rohit apne aap ko defend karne ki koshish karta hai, aakhir use nahi pata tha ki Rishabh kaun hai.

Thodi der baad sehma hua sa Rishabh bahar aata hai aur turant jaane ke liye kehta hai par Shreya us par bhi halka sa daant kar bitha deti hai. Rohit aur Rishabh chup chaap aamne saamne baithe rehte hain. Rishabh mahaul ko halka karne ke liye usse bade bhai wali tone mein baat karne ki koshish karta hai, jaise ki woh kya padh raha hai. Par Rohit uski baat ka ko almost ignore hi kar deta hai. Itne Shreya kitchen mein chai bana rahi hoti hai.

Rohit ko abhi bhi poora yakeen nahi hota ki yahi woh ladka hai jo Megha se milne gaya tha. Woh chupke se uski photo khinch kar Megha ko bhejta hai confirm karne ke liye. Megha Shreya ke ghar mein Rishabh ko dekh kar shock ho jaati hai, aur fauran Rishabh ko message karti hai ki use wahan nahi hona chahiye tha, aur kahin woh Shreya ke saamne sach na ugal de. Rishabh use chupke se reply karte hue tassali deta hai.

Shreya chai le aati hai aur Rishabh se baatein karne lagti hai, beech mein Rohit ke bachpan ke kuch embarrassing kisse bhi suna deti hai, jisse Rohit ko bohot chiddh machti hai.

Chai khatam hote hote Shreya uske kapde bhi jaldi se sukha deti hai. Is beech Rohit apne gusse ko thoda thanda kar ke Rishabh se office ke ek-do sawaal poochta hai, indirectly Manish ke baare mein kuch jaanne ki koshish mein. Rohit ko Rishabh ke jawabon se realize ho jaata hai ki uski Mom aur Rishabh ke beech kuch nahi chal sakta kabhi.

Aakhir mein Shreya Rohit se kehti hai ki woh Rishabh ko apni bike par metro station tak chhod aaye. Rohit reluctantly maan jaata hai aur Rishabh ko lekar nikal jaata hai. Par unke beech thodi tension maintain rehti hai.