Adultery அவள்... அவன்... அவர்கள்...

[AvanAvalAvarkal]

ஹோட்டல் அறையில் பெண்ணை அனுபவிக்கும் அனுபவங்கள் அவனுக்குப் புதிது அல்ல. இதற்கு முன்பும் இதுபோன்ற தருணங்களை எதிர்கொண்டிருக்கிறான். ஆனால், இன்று மட்டும் அவனுக்குள் ஒரு விவரிக்க முடியாத மிக மிக தீவிரமான பதட்டம் உறைந்திருந்தது.

மூச்சு அடைப்பது போலிருக்கவே, அறைக் கதவை மூடியதும் நேராக பாத்ரூமிற்குள் நுழைந்தவன், முகத்தில் தண்ணீரை அள்ளி இறைத்துக் கொண்டான். கண்ணாடியில் தன் பிம்பத்தைப் பார்த்தபோது அவனது கைகள் லேசாக நடுங்கின. ஒரு புறம், அவளுடன் நெருங்கப் போகிறோம் என்ற ஆசையால் அவனது ரத்தம் சூடேறி கொதித்துக் கொண்டிருந்தது. ஆனால், மறு புறம் இதுவரை அவன் தனிமையில் சந்தித்த எவளோடும் இல்லாத ஒருவித பயமும் குற்ற உணர்ச்சியும் அவனை மறித்தது.

அலுவலகத்தில் அவளை அவன் எப்போதும் ஒரு மூத்த சகோதரியாக, மதிப்புக்குரிய ஒருத்தியாகத்தான் பார்த்திருந்தான். பாசத்தோடு அவன் "அக்கா" என அழைத்த அந்த வார்த்தையில் எந்தக் கள்ளமும் இருந்ததில்லை. அவளது குடும்பத்துடனான அந்த நெருக்கம் அவனது மனசாட்சியை இப்போது சுட்டெரித்தது.

ஒரு மழைக்காலத்தில், ஹெவி டிராஃபிக் இருந்த நாளில், முதல்முறையாக தயக்கத்துடன் அவளைத் தன் பைக்கில் ஏற்றி வீட்டில் கொண்டு போய் விட்ட நாளில் அவளது கணவன் வரவேற்றது முதல் குழந்தையைப் பார்க்கச் சென்றபோது, சிரித்த முகமாக வரவேற்று,   "மாமா வந்திருக்கான் பாரு," என்று குழந்தையிடம் கணவன் சொன்னது என அனைத்தும் மனதில் வந்து போனது..

அந்த நல்ல மனதுக்காரனின் நம்பிக்கையைத் தாண்டி, கடந்த மூன்று மாதங்களாக அந்த மெலிதான எல்லைகள் ஒவ்வொன்றாக உடைத்தெறியப்பட்ட தருணத்திலிருந்து, அவனால் அந்தத் தீவிர ஈர்ப்பை எதிர்த்து நிற்க முடியவில்லை..

இப்போது இந்த அறைக்குள் நிற்பது அந்த ஈர்ப்பின் விளைவுதான் என்றாலும், தன்னை முழுமையாக நம்பிய அந்த மனிதனையும், பாசத்தோடு பழகிய அந்தச் சூழலையும் மீறி அவன் எங்கு வந்து நின்றிருக்கிறான் என்ற எண்ணம் அவனது மூளையைக் குடைந்தது..

ஆசையும் அறச்சீற்றமும் அவனுக்குள் மோதிக் கொள்ள, குழப்பத்துடன் தண்ணீரை மூடிவிட்டு பாத்ரூம் கதவைத் திறந்தான் அவன்.