Adultery அவள்... அவன்... அவர்கள்...

[AvanAvalAvarkal]

அறைக்குள் ஏசி காற்று இதமாக வீசினாலும், அவளின் நெற்றி வியர்த்திருந்தது. அவளது உடலின் உஷ்ணம் ஏசியின் குளிர்மைக்கு அடங்க மறுத்தது.

கட்டிலில் அமர்ந்திருந்த அவளது கண்கள், குளியலறையில் இருந்து தண்ணீர் விழும் சத்தத்தைக் கேட்டுக் கொண்டிருந்தன. அந்தத் தண்ணீரின் சத்தம் அவளது மனதின் அமைதியைத் துண்டு துண்டாகக் கிழித்துக் கொண்டிருந்தது.

அந்த அறையில் அவளுடன் இருப்பது அவளது அலுவலக சக ஊழியர். இது அவர்கள் இருவரும் "ஒரு மகிழ்ச்சியான மாலைப் பொழுது" என ஏற்கனவே போட்டிருந்த திட்டமே! ஆனால், அந்தத் திட்டம் நிறைவேறி, இப்போது இந்த அறைக்குள் நுழைந்த நொடியிலிருந்து, ஏதோ ஒரு குற்ற உணர்ச்சி அவளது நெஞ்சை அடைத்தது. மூச்சு முட்டுவது போலிருந்தது. திட்டமிட்டபடி எல்லாமே நடந்தாலும், மனம் மட்டும் எதையோ நினைத்து அஞ்சியது. தான் செய்த செயலின் நிஜ வடிவம் அவளை பயமுறுத்தியது.

இந்த விபரீதத்திற்கு விதை போட்டது என்னமோ அவள்தான். சில மாதங்களுக்கு முன்பு, அவனும் மற்றொரு பெண் சக ஊழியரும் "செக்ஸ் வைத்துக் கொள்ளும்" வீடியோவை தற்செயலாகப் பார்த்தாள். எல்லாமே அன்றிலிருந்து ஆரம்பித்த வினை... அந்தப் பார்வை அவளது ஆழ்மனதில் ஒரு தீப்பற்ற வைத்தது. அந்த அதிர்ச்சியும் ஒருவித விவரிக்க முடியாத ஈர்ப்பும் அவளை உலுக்கியது.

மறைக்க முடியாத அந்தத் தவிப்பைத் தாங்க முடியாமல், தன் கணவனிடம் விளையாட்டாகச் சொன்னாள். ஆனால், அவள் எதிர்பார்த்த விடை கணவனிடமிருந்து கிடைக்கவில்லை. நாட்கள் செல்லச் செல்ல, அவளது கணவன் அதை ஒரு சாதாரண விஷயமாய் பார்க்கவில்லை. மாறாக, அதை ஒரு வாய்ப்பாக மாற்றினான்.

"ரோல் ப்ளே" (Role play) என அவன் பெயரை சொல்லி விளையாட்டாக அவளை சீண்டத் தொடங்கினான். அவளுடன் பேசும்போதெல்லாம் அந்த சக ஊழியரின் பெயரைக் குறிப்பிட்டு அவளது கற்பனையைத் தூண்டிவிட்டான். கணவனின் இந்த அணுகுமுறை அவளுக்கு முதலில் ஆச்சரியமாக இருந்தாலும், போகப் போக அது ஒரு வினோதமான சுதந்திரத்தைக் கொடுத்தது போல் இருந்தது. சமூகத்தின் இறுக்கமான வரம்புகளிலிருந்து தப்பித்த ஒரு புதிய காற்றை அது தந்தது போலிருந்தது.

கணவனே தன் அனுமதியை மறைமுகமாக தருவது போல அவளுக்குத் தோன்றியது. "அவன் அனுமதித்துவிட்டான்; அவனுக்கு இதில் தடையில்லை" என்ற எண்ணம் அவளது குற்ற உணர்வை லேசாக மறைத்து ஒரு போதையைத் தந்தது.

அதன் விளைவு... அலுவலகத்தில் அவளை "அக்கா, அக்கா" என்று பாசமாகவும் மரியாதையாகவும் அழைத்தவனை, தன் வலைக்குள் வீழ்த்தி, இன்று ஹோட்டல் அறையில் அவனுடன் தனிமையில் இருக்கிறாள். அந்த விளிம்பில் நின்று யோசிக்கும்போது, அவளது மனதுக்குள் ஆயிரம் தேள் கொட்டுவது போல் வலித்தது.

அவன் தன்னை 'அக்கா' என்று அழைத்த அந்த innocent முகம் அவள் கண்முன்னே வந்து நின்றது. அந்த மரியாதையைத் தாண்டி அவனிடம் தான் சென்ற பாதை எவ்வளவு ஆபத்தானது? இது சுதந்திரமா, அல்லது எல்லை மீறிய விபத்தா? கணவனின் விளையாட்டைத் தீவிரமாக எடுத்துக் கொண்டு தான் செய்த தவறு இப்போது எங்கு வந்து நிற்கிறது? கேள்விகள் அவளைச் சுழன்றடித்தன; அவள் மனம் விடாமல் தவித்தது.