Misc. Erotica Shreya Ke Raaz: Kab tak Chhupenge

[Celebrorn]

Chapter 28

Raat mein Rohit apne kamre mein leta hua apne phone par Aanya se chat kar raha tha.

Aanya: Kal mil sakte hain kya? I miss you so much!

Rohit: Hmmm... Monday milenge na college mein.

Aanya: Feels so boring waiting till Monday. Tumne aaj bhi poora din reply nahi kiya, kahan busy they?

Rohit message ka reply toh kar raha tha par uska mann kahin aur bhatak raha tha. Jo kuch shaam ko hua baar baar uski taraf. Andar hi andar ek guilt use kachot si rahi thi.

Rohit: Bataya toh tha, Mom ki help kar raha tha, ghar ke kaam.

Aanya: Lol... tumhari Mom tumhe ache se train kar rahi hain mere liye. Par asli training toh main tumhe dungi, if you know what I mean. :)

Rohit ko yeh aakhri line padh kar jaane kyun ek chiddh si machi.

Rohit: Hmmm....

Aanya: Hmmm kya? Kal sab kuch beech mein hi reh gaya tha, you couldn't even cum. Baad mein mujhe soch kar masturbate kar liya tha na.

Rohit: Haan... kuch bhejo na abhi jisse main abhi masturbate kar paayu.

Aanya: Naughty boy!

Aanya ne kuch second baad ek short video Rohit ko bheji.



Aanya: I want you to squeeze them hard... next time we meet.

Rohit: Mmmm... let me dream about you now... kal call karta hoon...

Aanya: Hahaha... don't dream too hard!

Rohit ne Good night bhejte hue conversation ko khatam kar diya. Uska haath neeche uski shorts mein nahi gaya, woh bas bilkul chup chap sthil leta raha. Aanya ki video dekhne ke baad bhi uska mann bilkul waisa hi tha.

Usne apna phone dubara open kiya aur apne contacts mein Naina ko search kiya. Usne type karna shuru kiya, "Sorry yaar main...", par fir use mita diya. Kafi der tak kuch likhne ki koshish karta raha par, par kuch sahi nahi lag raha tha. Kabhi woh text casual sa lagta aur kabhi jyada dramatic. Aakhir usne phone ko side mein rakha aur Aankhen band kar li.

Band aankhon mein bhi Naina ka hi chehra dikh raha tha. Pata nahi woh uske baare mein itna kyun soch raha tha aaj. Aanya... woh uski girlfriend thi... girlfriend se jyada hi ab toh. Fir kyun baar baar woh bas Naina ke baare mein hi soch raha tha. Samajh nahi aa raha tha woh use kaise sorry bole.

Karwate badalte badalte kab neend aayi use pata bhi nahi chala. Subah jab aankh khuli toh uska haath turant apne phone par gaya. Par messages mein sirf Aanya ka hi last good night, aur fir good morning tha.

Woh apna bed chhod kar jab bahar aaya toh Shreya already kitchen mein lagi hui thi.

"Uth gaya?" Shreya ne use dekhte hue kaha, "Chal jaldi se tayyar ho jaa."

"Kahan jaana hai? Abhi toh... oh... 10 baj gaye?" Rohit ne ghadi ki taraf dekha 

"Haanji... das baj gaye hain." Shreya ne uske baalon mein halke se haath fera, "Chal tayyar ho ja. Hame Naina ke ghar jaana hai."

"Naina ke ghar?" Rohit ne repeat kiya, "Par kyun?"

"Sorry nahi bolna use?" Shreya ne yeh itna authoritatively kaha ki argument ki jagah hi nahi bachi thi, "Jitna jaldi sorry bolega utna acha hoga. Chal jeans t-shirt pehen, usme acha lagta hai."

"Mom!" Rohit ne thoda sa embarrased hote hue kaha, "Acha kyun lagna mujhe?"

"Naina ke saamne acha nahi dikhna tujhe?" Shreya ne shararat bhari aawaz mein kaha.

Rohit ne kuch bolne ke liye muh khola par fir band kar liya. Mom ko shayad uski halat ka andaza ho chuka tha. Woh jaldi se andar tayyar hone ghusa, aur kuch der baad woh aur Shreya Naina ke flat ke darwaze par khade they. Shreya aage, aur Rohit uske peeche. Uska dil tezi se dhadak raha tha.

Shreya ne bell bajayi aur kuch second baad Naina ke papa ne darwaza khola.

"Areee Shreya ji! Aap? Itni subah subah?" Khanna ne hairani se pucha aur Rohit ki taraf bhi dekha, "Sab theek toh hai na?"

"Good morning Khanna ji." Shreya ne muskurate hue kaha, "Kyun? Hum welcome nahi hai kya aapke ghar subah subah?"

"Aree kya baat kar di aapne." Khanna ki nazar chupke se Shreya ke boobs par gayi, "Aap toh har time welcome ho... din ho ya raat."

Yeh sunte hi Rohit ke haath mutthi mein kas gaye. Isiliye! Isiliye woh Naina ke papa se nafrat karta tha. Pata nahi woh aisi baatein kaise bol sakte they kisi doosri aurat ko.

Shreya ne uski nazar ko notice kiya par ignore karte hue kaha, "Lagta hai Bhabhi ji ghar par nahi hai? Aap akele hi sab kuch sambhal rahe hain kya?"

"Haan, woh kuch dino ke liye maayke gayi hain. Akela hi hoon... matlab Naina bhi hai." Khanna ne hansne ki koshish ki.

"Achha? Fir toh aapko madad ki zaroorat hogi," Shreya ne meethi aawaz mein kaha, "Isliye main aapke aur Naina ke liye naashta bana kar laayi hoon."

"Aree wah! Aaapke haath ka swad... aur woh bhi subah subah! Maza hi aa jayega. Andar aaiye na." Khanna ne side hote hue  Shreya ko andar aane ka raasta diya.

Peecha khada Rohit un dono ke beech ki baatein sun kar already sadh chuka tha, par Shreya ne use bhi andar aane ka ishaara kiya.

"Aree Rohit beta," Khanna ne bhi uski shakal dekhte hue realize kiya ki woh bhi wahan khada tha, "Andar aao na... khade kyun ho?"

"Ji..." Rohit ne kaha, aur woh andar ghusa. Usne dekha ki andar jaate hue Mom ka kandha Khanna se halka sa takra gaya, aur Khanna ne peeche hatne mein koi jaldi nahi dikhayi. Rohit ko yeh bilkul achha nahi laga.

Khanna ghar ka darwaza band karte hue andar ki taraf "Naina" ka naam bulata hua gaya. Kuch hi pal baad Naina apne kamre se bahar nikli, uske baal bikhre hue they aur aakhon mein neend bhari hui thi, aur usne ek purani t-shirt aur shorts pehne hue they.

"Kya hua papa!!" Woh jhallate hue boli, par tabhi uski nazar thodi door khade Rohit aur Shreya par gayi. Uski aankhen khuli ki khuli reh gayi, use yakeen nahi ho raha tha ki woh log subah subah uske ghar mein kya kar rahe they, aur woh in kapdon mein unke saamne khadi thi.

Naina ka chehra ekdam se badal gaya. Uski aankhen badi ho gayi aur chehra poori tarah laal ho gaya. Woh shayad sapne mein bhi nahi soch sakti thi ki Rohit aur Shreya is waqt subah uske ghar mein khade honge.

"Main... main abhi aati hoon." Naina jaldi se apne kamre mein bhaagi aur tezi se darwaza band kar liya.

"Hehehehe... Kafi shy ladki hai," Khanna ne kaha, par uski nazar abhi bhi Shreya par thi, Naina ke room ki taraf nahi.

Rohit khada idhar udhar dekh raha tha aur Mom apne saath laaya breakfast parosne mein lag gayi thi. Khanna bhi Mom ki help karta hua unke saath ho liya tha. Rohit ne dekha ki Mom aaj kuch jyada hi has ke aur friendly ho kar baat kar rahi thi. Use samajh hi nahi aa raha tha ki Mom aise kyun kar rahi hain. Aur Naina... woh toh ab tak apne kamre se bahar nahi nikli thi, woh use avoid kar rahi thi kya.

"Shreya ji... aaiye... drawing room mein aaram se baithte hain na." Khanna plates aur samaan uthata hua andar drawing room ki taraf chal pada.

"Rohit?" Shreya ki aawaz ne achanak se Rohit ko uske khayalo se jagaya, "Tum Naina se kuch kehne aaye they na?"

"Haan... woh..." Rohit ni nazar Khanna uncle ki taraf gayi, jaise woh unse permission maang raha ho.

Khanna ne muh banaya ki ek ladka uski beti ke kamre mein jayega, par Shreya ke saath akela hone ka mauka dekhte hi muskura pada. "Haan haan, jao beta. Bas knock kar lena."

Rohit ne Naina ke kamre ki taraf kadam badhaye. Uske dimaag mein ab tak clear nahi tha ki woh use sorry kaise bolega. Usne dheere se darwaze par knock kiya. Shayad woh darwaza khole hi na, toh sorry bolne ka jhanjhat hi nahi rahega.

"Kaun?" Andar se Naina ki aawaz aayi, thodi si ghabrayi hui.

"Main... Rohit..." Usne apna gala saaf karte hue kaha.

Kuch pal khamoshi rahi, fir darwaze ki kundi khulni ki aawaz aayi. Darwaza bas itna sa khula ki Naina ka chehra dikh raha tha.

"Kya chahiye?" Usne rukhi aawaz mein pucha.

"Main... main andar aa sakta hoon." Rohit wahan bahar darwaze par khade toh kuch nahi kehna chahta tha.

Naina ke honthon par zara bhi smile nahi thi, usne Rohit ko kuch pal ghoor kar dekha, "2 minute ruk."

Darwaza ek baar fir band ho gaya, ek baar Rohit ke muh ke upar. Do minute baad jab darwaza khula toh Naina ne ek kurti pehni hui thi, aur uske baal ek clip mein bandhe hue they. Uska chehra abhi bhi thoda laal tha, par saath hi ek daba hua gussa bhi saaf jhalak raha tha. Usne aapni arms crossed karte hue apne chhati par rakhe.

"Bol?" Usne directly Rohit se pucha.

"Andar aa jayu? Bahar.... Mom... tere papa..." Rohit ne uncomfortable hote hue kaha.

Naina darwaza se chaar paanch kadam peeche hatt gayi aur Rohit kamre ke andar aa gaya. Rohit ne idhar udhar dekhte hue kamre ko observe kiya. Woh is kamre mein pehli baar nahi aa raha tha par ab yeh kamra bilkul alag raha tha. Side mein ek chhota sa bed tha, aur uske paas hi ek study table and doosri taraf ek dresser. Bed par abhi uska blanket faila hua tha. Blanket ko dekhte hi Rohit ke andar ek kanpan si uthi, jaise woh Naina ko sota hua imagine kar raha ho.

Naina ne apni study table ke saath rakhi kursi uske aage kar di, "Baitho."

"Nahi theek hai..." Rohit khada raha.

Naina uski taraf badhi aur Rohit turant side ho gaya. Par Naina shayad kamre ke darwaze ko thoda sa band kar rahi thi.

Rohit ko chup dekh kar woh fir se bol padi, "Bolo fir?"

"Ummm...." Rohit ne apna gala fir se saaf kiya. Woh abhi bhi sahi shabd nahi dhoond paaya tha. Naina ko sorry bolna kitna mushkil sa lag raha tha.

"Bolo bhi... Kal raat bhi aise hi type karte rahe they..." Naina ke muh se ekdam se nikla.


"Tujhe kaise pata?" Rohit ne hairaan hote hue poocha. "Tu mere message ka wait kar thi kya?"

"Woh..." Naina ek pal ke liye ghabra gayi par turant apne aap ko compose karte hue boli, "Hmmmm... nahi! Main kyun wait karungi? Agar kuch nahi kehna toh...."

Naina ne darwaza ko fir se kholna shuru kiya.

"Naina! Sun toh!" Rohit ne turant apna pair darwaze ke paas rakh diya jisse woh khule na. "Kal jo maine kaha... correspondence wali baat. Woh bahut galat thi..." Usne ek jhatke mein keh daala.

"Bas galat thi?" Naina ne use ghoorte hue dekha.

"Nahi... galat nahi... bohot hi ghatiya baat thi. Tu bohot hi smart ladki hai, aur koi college tujhe aur smart nahi bana dega." Rohit ne poori sincerity ke saath kaha.

Naina uski baat sun kar kuch pal chup rahi. Uski nazar Rohit ke chehre par ghoomti rahi, jaise dhoondh rahi ho ki woh sach mein yeh keh raha tha ya sirf apni Mom ke kehne par yeh bol raha tha. Phir uski aawaz thodi dheemi ho gayi.

"Tu jaanta hai, tune mujhe kitna hurt kiya tha?" Naina ki aankhon se ek aansu ki boond uske gaal par se behti hui neeche tapki, uske apna fiqr na karne wala kawach Rohit ke saamne se hata diya.

Rohit ka haath bina soche samjhe uske gaal par chala gaya aur usne woh geeli lakeer apni hatheli se pyaar se ponch di.

Rohit ka sparsh apne gaal par padte hi Naina ekdam se kaanp gayi. Rohit ki ungliyaan uske naram gaal ko chhu rahi thi, Naina ne apni aankhen band kar li, jaise woh is pal ko poori tarah mehsoos karna chahti ho. Uske honth halke se khule aur fir band ho gaye.

Rohit ne kuch pal apni ungliyan nahi hatayi, uska dil tezi se dhadakne laga tha. Par fir apni galti realize hote hi usne apna haath peeche kheench liya.

"I am sorry Naina," Rohit ki aawaz dheere se nikli, "Tujhe rote dekha... toh mujhse control nahi hua."

Naina ne apni aankhen kholi aur Rohit ne milate hue unhe jhuka li. Dono ke beech ek ajeeb si khamoshi chhaa gayi thi, ek ajeeb si awkwardness. Naina fir se apne toote hue kawach ko sametne ki koshish kar rahi thi.

"Main... main... sach mein tujhe hurt nahi karna chahta tha," Rohit hichkichate hue bola, "Kal jo kuch kaha uske liye sorry... tu mere liye bohot matter karti hai."

Naina ne sar utha kar Rohit ki taraf dekha. Rohit ke muh se yeh sun kar uske dil mein ek umeed si jag gayi thi. Par fir saath hi uske dimaag mein wohi baat fir se ghoomne lagi jo pichhle ek hafte se use pareshaan kar rahi thi. Usne apni baahen cross karte hue fir se thoda sakht banne ki koshish kari.

"Main matter karti hoon?" Naina ki aawaz mein ek halki si dard bhari hasi thi, "Hum log best friends hua karte they! Aur ab... aisa lagta hai jaise main tujhe jaanti bhi nahi hoon."

"Hum abhi bhi best friends ban sakte hain... fir se!" Rohit ne jaldi se jawab diya.

"Aur teri girlfriend? Woh nahi bura maanegi?"

"Girlfriend?" Rohit ka muh khula ka khula reh gaya, "Tu fir se wohi baat kar rahi hai. Meri koi girlfriend..."

Woh apni baat puri bhi nahi kar paaya tha ki bahar se Shreya ki aawaz aayi, "Rohit!"

Rohit ne jhallate hue bahar ki taraf dekha, Mom ne use bilkul galat waqt par aawaz di thi. Naina darwaze ko kholte hue kamre se bahar aa gayi thi, aur Rohit bhi uske peeche peeche aa gaya.

"Rohit! Chal... ek baar neeche jaana hai hume!" Shreya ne apni excitement chhupate hue kaha.

"Kya hua Mom? Aisa kya ho gaya neeche?" Rohit ki shakal par kheej saaf thi.

"Bas, jo hua hai neeche hi pata chalega. Khanna ji... aap aur Naina bhi chalo." Shreya un teeno ko lekar building ke neeche pahunch gayi, jahan uski building ke theek bahar ek chhota sa truck parked that.

Unko aata dekh, truck ke paas khada ek aadmi truck se ek bike ko unload karne laga.

"Yeh... yeh kya hai Mom?" Rohit ne truck ki taraf dekhte hue pucha, uski shakal par ek surprised look saaf tha.


Shreya ek badi si muskaan liye boli, "Surprise!"

Truck se ek shiny black Royal Enfield bike unload ho rahi thi. Chrome ki detailing, naye tyres, aur ek dum fresh paint job. Bike ko dekhte hi Rohit ki aankhen badi ho gayi aur chehre par ek badi si smile aa gayi.

"Mom... yeh... surprise..." Rohit ne haklate hue poocha.

"Tumhare Chachu..." Shreya ne apna sar hilate hue kaha, "Teen din ke andar hi bike deliver karwa di."

"Chachu ne?" Rohit ne Shreya ki taraf dekha, "Par abhi toh... unhone toh kaha tha jab woh aayenge... tab."

"Woh sab tum unse poochna..." Shreya ne Naina ki taraf dekha jo ek smile liye thoda peeche khadi thi, "Kaisi hai bike?"

"Bohot achi hai aunty!"

"Aayo... fir tum test drive le lo."

"Nahi nahi! Rohit ko karne do na..." Naina hesitate karte hue boli.

"Areee... mujhe us par bilkul bhi bharosa nahi hai. Acha theek hai, kam se kam tum uske saath toh chali jayo. Main kam pareshaan hongi agar tum uske saath hogi toh." Shreya ne Naina ka haath pakadte hue use bike ke paas kheencha.

Naina ne apne papa ki taraf dekha, unse permission maangte hue. Aur Khanna ji ne muskurate hue use jaane ka ishaara kiya. Rohit bike par baith gaya tha aur Naina uske kandhe ka sahara lete hue uske peeche baithi, thodi doori banaye rakhte hue. 

Rohit ne key ignition mein daalte hue ghumayi aur engine ki aawaz goonj uthi. 

"Ready?" Rohit ne side mirror mein Naina ki jhijhakti hui aankhon mein dekhte hue pucha.

Naina ne halke se apna sar haan mein hila diya. Dono ke beech abhi bhi ek respectable sa distance bana hua tha. Naina ne apne haath apni jaanghon par rakh liye. Uske chehre par abhi bhi ek asmanjas bana hua tha, jaise woh samajh nahi paa rahi ho ki woh kyun Rohit ke peeche baithi thi.

Rohit ne ek dabi hui muskaan ke saath gear badla aur ek jhatke mein throttle ko zor se ghuma diya. Bike ekdam se aage ki taraf lapki.

"Rohit!" Naina ke muh se ek zor ki cheekh nikli.

Achanak lage is tez ke jhakte se Naina ka balance poori tarah bigad gaya. Woh peeche girne ko hi hui thi ki usne tezi se Rohit ke kandho ko thaam liya. Us ek hi pal mein uski Rohit se door rehni ki koshish nakamyab ho chuki thi. Woh apni aankhen band karte hue sarak kar aage ho gayi aur uska poora jism Rohit ke peeche chipak gaya. Usne apna sar halke se Rohit ke kandhe par rakh diya.

Rohit ne speed thodi kam ki, par usne Naina ko apne se poori tarah sata hua mehsoos karke uske chehre par ek jeet wali smile aa gayi. Hawa mein udte hue Naina ke baal aage aage hue uske chehre ko chhoo rahe they.

Kuch hi pal mein woh building se bahar nikalte hue sadak par aa chuke they. Ek naye safar ki shuruwaat karte hue.