[Babab96]

.....................

Jab me chhat per betha tha, aur Nirbhay meri aur aa rha tha, uss wakt Rajeshwari me room me bhi kuchh baat cheet huyi..
...........


Rajeshwari apne kamre mein bed par aaram se leti hui thi.

Din bhar ki bhaag-daud, Damdar chudai aur Meri dekhbhal ke baad uske chehre par thakaan, uske sarir me bukhar aur dard ke saath uske chehre per ek halki si muskaan bhi thi.

Tabhi darwaze par halki si dastak hui.

Charulata_ Rajeshwari...?

Rajeshwari ne uthkar darwaze ki taraf dekha..

Rajeshwari_ Aaiye Chhoti Bhabhi..

Charulata andar aayi aur Rajeshwari ke paas bed ke kinare baith gayi.

Charulata_ Aaj tumhari tabiyat achanak kese kharab ho gayi, dopehar tak to tum theek thi..



Rajeshwari halki si muskurayi.

Rajeshwari_ Tabiyat kharab nahi hai. Bas thodi thak gayi thi.

Charulata_ Achha? Subhah tak to tum poore ghar mein ghoom rahi thi. Aaj achanak kamre mein aaram?

Rajeshwari kuchh pal chup rahi.

Rajeshwari_ Kabhi-kabhi insaan ko aaram ki zaroorat hoti hai.

Charulata ne use gaur se dekha.

Charulata_ Rajeshwari, main tumse ek baat kehne aayi hoon..

Rajeshwari_ Ji, kahiye.

Charulata_ Yuvraj ke baare mein tumne dobara socha?



Rajeshwari ki muskaan dheere-dheere halki pad gayi.

Rajeshwari_ Yuvraj ji bahut achhe insaan hain. Main unki izzat karti hoon.

Charulata_ To phir dikkat kya hai? Woh tumhare faisle ki izzat karte hain, tumhari umar aur tumhari soch ko samajhte hain. Jeevan Singh ji bhi unhe pasand karte hain.

Rajeshwari ne kuchh pal tak saamne dekha.

Rajeshwari_ Dikkat Yuvraj ji mein nahi hai. Dikkat ye hai ki mere mann kisi aur ko chun chuka hai.

Charulata thodi hairan hui.

Charulata_ Jay?

Rajeshwari ne seedhe uski aankhon mein dekha.




Rajeshwari_ Haan. Jay.

Charulata_ Rajeshwari... tumne ye faisla itni jaldi kar liya?

Rajeshwari_ Faisla to ak pal me ho hota hai Bhabhi, Baki to use nibhana padta hai..

Charulata_ Lekin Jay bahut chhota hai tumse.

Rajeshwari_ Umar ka fark mujhe pata hai. Lekin rishta sirf umr se nahi banta.

Charulata_ Aur tum usmein aisa kya dekh rahi ho?

Rajeshwari ki aankhon mein ek alag sa vishwas aa gaya.

Rajeshwari_ Maine usmein woh himmat dekhi hai jo saalon se hamare ghar mein khatam hoti ja rahi thi.

Rajeshwari_ Usne akhade mein apni taqat sabit ki hai. Lekin mujhe sirf uski kushti pasand nahi hai. Mujhe uska bartav, uski soch aur uska apne faislon par khada rehna pasand hai.

Charulata_ To tumne use apna jeevan-saathi maan liya?

Rajeshwari_ Haan. Mere liye ab mera faisla Jay hai.

Charulata kuchh pal chup rahi.

Rajeshwari_ Maine saalon pehle kaha tha ki jo aadmi Jaswant ko haraayega, main uske baare mein apni marzi se sochungi.

Aaj Jay ne Jaswant ko hara diya. Lekin uske baad bhi maine Jay ko uske akhade se bahar dekha... tab mujhe samajh aaya ki main uski taraf sirf apni kasam ki wajah se nahi kheench rahi.

Charulata_ Tum usse sach mein chahti ho?

Rajeshwari ne dheere se sir hila diya.

Rajeshwari_ Haan. Me use chahne lagi hun..

Rajeshwari_ Aur mere liye asli mardangi sirf akhade mein kisi ko hara dena nahi hai. Asli mardangi ye hai ki aadmi apni taqat ke bawajood doosron ki izzat kare, apne vaade par khada rahe aur saamne wale ki marzi ko samjhe. Jay mein maine ye dekha hai.

Charulata ne Rajeshwari ka haath pakad liya.

Charulata_ Agar ye tumhara sachcha faisla hai, to phir kisi ke kehne par ise badalna mat. Lekin Jay ko bhi ye baat saaf taur par batana.

Rajeshwari_ Hmm

Charulata halki si muskurayi.

Charulata_ Phir Yuvraj ke saath tumhari baat?

Rajeshwari_ Unki izzat hamesha rahegi. Lekin shaadi kisi achhe aadmi se karna aur apne dil ke aadmi se karna ek hi baat nahi hoti.

Charulata_ Ye baat tumne bahut sochkar kahi hai.

Rajeshwari_ Haan. Aur is baar main apni zindagi ka faisla kisi aur ke darr ya dabaav mein nahi karungi.

Charulata ne uske kandhe par haath rakha.

Charulata_ Phir apne faisle ki zimmedari bhi khud lena.

Rajeshwari_ Lungi.

Dono kuchh pal chup baithi rahi.

Bahar haveli ke aangan mein saam aur gehri ho chuki thi. 

Rajeshwari ke chehre par ab pehle se zyada sukoon tha.

...........

Iss conversation ke baad Charulata waha se chali gayi, aur Rajeshwari aaram karti rahi...

......