[Babab96]

...............


Dadaji ne akhade ki taraf dekha, phir apne kapde sambhalte hue Jeevan Singh se bole.

Dadaji_ Jeevan Singh ji, ab humein chalna chahiye. Aaj kaafi der ho gayi hai.

Jeevan Singh turant unke saamne aa gaye.

Jeevan Singh_ Baldev ji, aaj aap kahin nahi jaayenge. Raat yahin ruk jaiye. Aap pahli baar humarey ghar aaye hain...

 aur aaj ke se aap iss pariwar kaa hissa hai, hum logo ko sewa kaa moka dijiye.

Dadaji halka sa muskuraye.

Dadaji_ Aapka man rakhna bhi zaroori hai... theek hai Jeevan Singh ji, aaj raat hum yahin rukenge.

Jeevan Singh_ Bas, ab aapne mera man rakh liya.

Dadaji ne meri taraf dekha.

Dadaji_ Lekin pehle Jay ke jakhm dekhne honge. Garam paani lagwa dijiye. Uske chhote-mote jakhm saaf karne hain aur sharir ki sikai bhi karni hai.

Jeevan Singh_ Abhi intazam karwata hoon.

Tabhi Rajeshwari aage badhi.

Rajeshwari_ Dadaji... agar aap anumati dein to Jay ke liye garam paani aur sikai ka kaam main kar deti hoon.

Dadaji ne Rajeshwari ki taraf dekha.

Dadaji_ Tum?

Rajeshwari_ Ji. Mujhe iska anubhav hai. Ghar mein pehalwani aur akhade ka mahaul raha hai, isliye chhoti-moti choton ki dekhbhal karna mujhe aata hai.

Rajeshwari ne ek pal ke liye Meri taraf dekha.

Rajeshwari_ Aur waise bhi... aaj jo kuchh hua, uska ek karan kahin na kahin main bhi hoon.

Mene turant Rajeshwari ki taraf dekha.

Me_ Rajeshwari ji, aapko iske liye khud ko zimmedar maanne ki zarurat nahi hai.

Rajeshwari_ Shayad zimmedari nahi... lekin meri zindagi se judi hui baaton ki wajah se aapko itna sab sehna pada.

Isliye kam se kam aapki choton ki dekhbhal to main kar sakti hoon.

Dadaji kuchh pal Rajeshwari ko dekhte rahe, phir dheere se bole.

Dadaji_ Theek hai beti. Lekin dhyan rakhna, Jay ko zyada takleef nahi honi chahiye.

Rajeshwari_ Ji Dadaji.

Jeevan Singh ke chehre par halki si muskaan aa gayi.

Jeevan Singh_ Rajeshwari, garam paani aur baaki saaman abhi tumhare kamre me bhijwata hoon.

Rajeshwari_ Ji Pitaji.

Dadaji ne meri taraf dekha.

Dadaji_ Chal Jay, pehle aaram kar le. Aaj tune jitni kushti ki hai, uske baad sharir ko bhi thoda waqt dena padega.

Main Dadaji ke saath chal pada.

Rajeshwari kuchh kadam peeche khadi mujhe dekhti rahi..

Rajeshwari Man me_ Aaj sabke saamne Jay ne mere parivaar ke liye itna kuchh kiya... ab kam se kam itna to kar hi sakti hoon ki uske dard ko thoda kam kar doon..

Fir aage aakar mujhe aur dadaji ko apne kamre me le gayi

...............