[Babab96]

...............


Jaswant dheere-dheere akhade se bahar nikla aur sabki taraf gusse se dekhne laga.

Jaswant_ Ye mat samajhna ki aaj ki haar ke baad main wapas nahi aaunga. Main lautunga... aur jab lautunga, tab hisaab poora karke jaunga.

Nirbhay halki si muskaan ke saath aage badha.

Nirbhay_ Arre Jaswant... lautega kaise?

Tere paas gaadi to hai nahi. Pedal jayega kya?

Aas-paas khade kuchh logon ke chehre par halki muskaan aa gayi.

Jaswant ne Nirbhay ko ghoorkar dekha.

Jaswant_ Nirbhay...

Nirbhay_ Kya hua? Aaj awaaz mein pehle wala zor nahi hai?

Jaswant kuchh bolta, usse pehle hi haveli ke darwaze se teen aadmi andar aaye.

Teeno seedhe Jaswant ke paas jaakar khade ho gaye.

Ye wahi teen saale the jo ek hafte pehle Jaswant ki haveli ke akhade mein mujhse kushti lad chuke the... aur teeno ko haar ka saamna karna pada tha.

Nirbhay unhe dekhkar bola.

Nirbhay_ Lo, Jaswant... sawari bhi aa gayi. Ab pedal jaane ki zarurat nahi padegi.

Teeno ne Jaswant ki taraf dekha, lekin kisi ne kuchh nahi kaha.

Jaswant ne gusse mein apni nazrein hata li.

Dadaji dheere se aage aaye.

Dadaji_ Jaswant... ab aaj ke liye bahut ho chuki kushti. Tay tareekh par aa jana. Aaj ke liye itna hi prayapt hai.

Ab tum jao aur Yuvraj ko bhi araam karne do.

Jaswant ne kuchh pal Meri taraf dekha.

Phir usne mitti jhaadi aur apne teen saalon ke saath haveli ke bahar ki taraf chal diya.

Jaswant_ Jay... agli baar baat sirf akhade mein nahi hogi.

Me_ Jab bhi aana, Jaswant... tay tareekh par akhade mein milna.

Jaswant ne koi jawab nahi diya.

Teenon saale uske saath bahar nikal gaye.

...............

Yuvraj abhi bhi akhade ke kinaare baitha tha.

Tabhi bahar se ek gambhir awaaz sunai di.

Aadmi_ Yuvraj!

Sabne mudkar dekha.

Yuvraj ka bada bhai Tej Pratap andar aa raha tha.

Wo seedha Yuvraj ke paas gaya aur uska haath pakadkar use khada kiya.

Yuvraj ke bade bhai/ Tej Pratap_ Kya zarurat thi itna josh dikhane ki?

Yuvraj Singh_ Bhaiya... mujhe laga tha main use hara dunga.

Tej Pratap_ Laga tha? Aur ab dekh apni haalat.

Yuvraj chup raha.

Tej Pratap_ Hausla achha hai, lekin hausle ke saath akal bhi chahiye. Har muqabla sirf himmat se nahi jeeta jaata.

Rajeshwari thodi door khadi sab sun rahi thi.

Tej Pratap_ Aur tumhe ak ladki ke liye ladna sobha nhi deta, jabki ye tay hi nhi hai, ki wo tumse Shaadi karegi yaa nhi..

Yuvraj Singh_ Bhaiya, main Rajeshwari ji ki wajah se nahi... apni izzat ke liye lada tha..

Tej Pratap_ Mujhe sab pata hai, mujhe bewkuf banane ki kosish mat kar, pata nhi iss ladki ne tujh per kyaa jadu kia hai..

Tu pagal ho chuka hai, iske pyar me..

Yuvraj_ Use kuchh mat boliye bhaiya..

Tej Pratap_ Use kuchh bolne kaa hak nhi hai mujhe Isi liye tujhe daant raha hoon aur saath bhi le ja raha hoon.

Unhone Yuvraj ka kandha sambhala.

Tej Pratap_ Chal, ghar chal. Aaj tujhe aaram ki zarurat hai.

Yuvraj ne jaate-jaate ek baar Rajeshwari ki taraf dekha.

Yuvraj Singh_ Rajeshwari ji... maaf kijiye, 
aaj main aapke saamne apni baat poori nahi kar paya.

Apki Kasam ke pemane per khara nhi utar paya..

Rajeshwari_ Aapko kisi se kuchh sabit karne ki zarurat nahi hai, Yuvraj ji. Aapne apni baat keh di... wahi kaafi hai.

Yuvraj ne sir jhukakar samman diya aur apne bade bhai ke saath haveli se bahar chala gaya.

Rajeshwari kuchh pal tak use jaate hue dekhti rahi... phir uski nazar anjaane mein muj par jaakar ruk gayi.

...............