[Babab96]

Balram_ Ab samajh aa rha hai Thakur Sahab ne Harveer ko kyun bulaya hai, wo ak tagda mukabla karwana chahte hai..

Udaybhan_ Harveer ke saamne kushti karna aasaan nahi hai.

Baldev Singh ne Jeevan ki taraf dekha.

Baldev Singh_ Ye ab bhi waise hi ladta hai?

Jeevan Singh_ Shayad pehle se behtar.

Harveer ne apna kurta utaarkar ek taraf rakha aur akhade ki mitti ko dono haathon mein uthaya.

Harveer_ Jay... ek baat pehle hi keh deta hoon.

Me_ Ji?

Harveer_ Main tumhe darane ke liye akhade mein nahi aa raha. Aur na hi tumse badla lene ke liye.

Harveer_ Main bas ye dekhna chahta hoon ki jis ladke ke liye mera poora parivaar itni der se khada hai... uski asli kushti kitni gehri hai.

Mene dheere se apne pair jamaye.

Me_ Toh phir akhade mein iska jawab mil jayega.

Harveer ke chehre par pehli baar poori muskaan aayi.

Harveer_ Bilkul.

Jeevan Singh ne dono ko dekha.

Jeevan Singh_ Harveer... Jay... yaad rakhna, ye kushti samman ke saath hogi.

Harveer_ Ji Mamaji.

Me_ Ji.

Dadaji Baldev Singh khatia ke paas khade hokar dhyan se dono ko dekhne lage.

Baldev Singh_ Jay... ab jo bhi seekha hai, sab istemaal karna.

Me_ Ji Dadaji.

Harveer akhade ke beech aaya.



Me bhi saamne aa gaya.

Dono ne ek-doosre ki aankhon mein dekha.




Harveer_ Taiyar?

Me_ Hamesha.

Jeevan Singh ne haath uthaya.

Jeevan Singh_ Shuru karo.

...............

Aur Jeevan Singh ke ishare ke saath hi Harveer ne pehla kadam aage badhaya
...............