[Babab96]

Jeevan Singh_ Lakin is baar jo akhade mein utrega... usse tumne abhi tak kushti karte hue nahi dekha. wo tumse bhi jyada chalak, Tezz aur shaktishali hai..

...............

Poore aangan ki nazrein haveli ke bade darwaze ki taraf mud gayi.
Darwaze ke paas se ek bhaari kadam ki awaaz sunai di.
.......................

Haveli ke bade darwaze ke paas khade naukar ne dheere se darwaza poora khol diya.

Bhaari kadmon ki awaaz aangan mein aur saaf sunai dene lagi.

Sabki nazrein ek hi taraf tik gayi.

Ek lamba-chauda aadmi dheere-dheere andar aaya.

Uski umar lagbhag 42 saal thi. 

Kandhe chaude, sharir mazboot aur chaal bilkul sthir thi. 

Usne simple safed kurta aur dhoti pehni hui thi, aur uske chehre par koi ghamand nahi tha.

Ranvijay ne use dekhte hi apni aankhen thodi badi kar di.

Ranvijay_ Arre... ye toh...

Balram bhi seedha khada ho gaya.

Balram_ Tum yahan?

Jeevan Singh ne us aadmi ki taraf dekha aur halki si muskaan di.

Jeevan Singh_ Haan... ab waqt aa gaya hai ki Jay isse mile.

Mene aadmi ko gaur se dekha.

Me_ Dadaji... ye kaun hain?

Baldev Singh ne bhi us aadmi ko pehchanne ki koshish ki.

Baldev Singh_ Jeevan... tumne ise bulaya tha?

Jeevan Singh_ Maine nahi, Baldev. Ye khud aaya hai.

Salo baad, mujhe ummeed nhi thi ki ye aayega..

Aadmi akhade ke paas aakar ruk gaya.

Usne sabse pehle Jeevan Singh ko namaskar kiya.

Aadmi_ Mamaji.

Jeevan Singh_ Aa gaya tu, Harveer.

Mene dhyan se naam suna.

Me_ Harveer?

Jeevan Singh ne Meri taraf dekha.

Jeevan Singh_ Jay, milo... ye hai Harveer Singh Makrana 

Aangan mein halki si halchal hui..

Aditya_ Harveer chacha...

Udit_ Itne saalon baad....

Kartik_ Mujhe laga tha ye shehar se wapas nahi aayenge.

Harveer halka sa muskuraya.

Harveer_ Ghar se kitne din tak door raha ja sakta hai, Kartik?

Udaybhan ne aage badhkar Harveer ke kandhe par haath rakha.

Udaybhan_ Chhote bhai, achanak aane ki aadat abhi bhi nahi gayi tumhari.

Harveer_ Bhai saheb... aaj aana zaroori tha.

Mene Jeevan Singh ki taraf dekha..
.............