[Babab96]

............... Balram vs Jay ...............

Balram


Balram Singh Shekhawat dheere-dheere akhade ke beech mein utare. 

38 saal ki umar mein Balram ak Anubhavi pahalwan hai, aur uski body ek trained heavyweight pahalwan jaisi hai.

Uska chehra shaant tha, lekin uski aankhon mein kai saalon ke kushti ke anubhav ki gehraai thi.

Kamini apni jagah se apne pati ko dekh rahi thi. 

Udaybhan, Meera, Kiran aur poora Solanki parivaar ab aur bhi dhyaan se akhade ki taraf dekh raha tha.

Balram ne mitti uthakar apne haathon aur kandhon par mal li. 

Phir mere saamne aakar khade ho gaye..

Balram_ Jay, tumne mere se pehle ghar ke kai jawaan ladkon ko hara diya hai.

Lekin mere saath tumhe sirf taakat nahi, technique ka bhi saamna karna padega.

Me_ Balram ji, isi liye toh aapke saamne ladne ka intezar tha.

Balram ke chehre par halki si muskaan aayi.

Balram_ Achha hai... pahalwan mein hausla hona zaroori hai.

Dadaji khatia se bole.

Dadaji_ Jay, Balram purane andaaz ka pahalwan hai. Iski grip aur balance ko halka mat samajhna.

Me_ Ji Dadaji..

Jeevan Singh_ Dono taiyar ho?

Balram_ Ji..

Me_ Ji.

Jeevan Singh_ Shuru karo!

Balram ne is baar pehla daav nahi lagaya. 

Woh bilkul shaant khade rahe aur Jay ki movement dekhte rahe.

Main bhi unki aankhon aur pairon ki movement par dhyaan de raha tha.

Kuchh pal tak dono ek-doosre ke chaaron taraf ghoomte rahe.

Ranvijay dheere se Udaybhan se bola.

Ranvijay_ Balram bhai saamne wale ko pehle thakate hain.

Udaybhan_ Aur Jay bhi kisi jaldi mein nahi hai.

Achanak Balram ne ek kadam aage badhaya aur Jay ki kalai pakad li.

Maine turant grip ko rokne ki koshish ki, lekin Balram ne apni doosri baazu se mera kandha control kar liya.

Pehli baar mujhe saamne wale ki grip mein sachchi heavyweight strength mehsoos hui.

Me_ Aapki pakad kaafi mazboot hai.

Balram_ Abhi toh pakad shuru hui hai.

Balram ne mujhe apni taraf kheenchne ki koshish ki. Maine apna stance neecha kiya aur pair jama liye.

Hum dono kuchh pal tak ek-doosre ko dhakelte rahe.

Aangan mein bilkul khamoshi thi.

Jeevan Singh ki nazar hum dono par thi.

Balram ne achanak grip badli aur Jay ko side mein kheenchne ki koshish ki.

Main uski direction ke saath ghoom gaya, lekin Balram ne turant apna pair badhakar mera rasta rok diya.

Main ek pal ke liye balance se bahar hua.
Akhade ke bahar se awaaz aayi.

Nirbhay_ Sambhal Jay!

Maine turant apna balance wapas liya aur Balram ki grip se nikal gaya.

Balram ne sir hilaaya.

Balram_ Achha bachav.

Me_ Aapka daav bhi achha tha.

Balram ne dobara attack kiya. Is baar unhone meri baazu ko pakadkar mujhe neeche kheenchne ki koshish ki.

Maine apni position neeche ki aur unki grip ke bahar nikalne ki koshish ki.

Balram ne turant apni grip badal di.

Dadaji_ Jay! Kandha dekho!

Maine turant Balram ke kandhe ki movement samjhi aur usi pal side mein nikal gaya.

Balram ka daav khaali gaya..

Maine unki baazu ko control mein liya aur ek tez palat-dav lagaya.

Balram ek ghutne par aa gaye, lekin turant uth khade hue.

Ranvijay_ Wah Balram Ji!

Balram ne mitti jhaadi aur meri taraf dekha..

Balram_ Ab samajh gaya... tumhe seedha daav lagakar rokna mushkil hai.

Me_ Aur mujhe samajh aa gaya ki aapko girana bhi aasaan nahi hai.

Balram_ Toh phir dekhte hain kiski baat sahi hoti hai.

Balram ne is baar apni speed badha di. Unhone meri grip ko pakda, kandha control kiya aur apna wazan istemal karte hue Jay ko peeche dhakelna shuru kiya.

Main peeche hata, lekin akhade ke kinare tak jaane se pehle apna stance jama liya.
Balram ne poori taakat lagayi.

Main kuchh pal tak unki strength ko rokta raha.

Phir maine achanak apni direction badli.

Balram ki momentum ko follow karte hue maine unka balance side mein tod diya.
Balram ka ek ghutna mitti mein laga.

Lekin woh turant palatkar khade ho gaye.

Aangan mein maujood sabhi log ab khade hokar mukabala dekh rahe the.
Rajeshwari ki nazar mujh par thi.

Dadaji ke chehre par halka sa garv tha.

Balram ne gehri saans li..

Balram_ Jay... ab tumhari baari nahi, meri baari hai.

Balram ne ek tez grip banayi aur Jay ko apni taraf kheench liya.

Maine uski grip ko todne ke liye apni position badli.

Balram ne turant counter kiya.

Kuchh pal ke liye dono ki grip ekdum mazboot bani rahi.

Phir mujhe unki body movement mein ek chhota sa gap dikha.

Maine usi pal unki baazu ko control kiya, apna pair sahi jagah jamaaya aur ek combination daav lagaya.

Balram ka balance poori tarah bigad gaya..

Maine unhe mitti par le aaya aur turant control position bana li.

Balram ne palatne ki poori koshish ki.

Lekin main unki har movement ke saath apni position badalta raha.

Kuchh pal baad Balram ne apna haath mitti par rakh diya.

Balram_ Bas...Jay me apni haa maanta hun...

Maine turant grip chhod di aur peeche hat gaya.

Aangan mein kuchh pal ke liye bilkul khamoshi rahi.

Phir Ranvijay ne zor se kaha.

Ranvijay_ Wah!

Balram dheere se khade hue. Unhone mitti jhaadi aur mere paas aaye.

Balram_ Jay, aaj bahut saalon baad kisi jawaan pahalwan ne mujhe itni baar apni chaal badalne par majboor kiya hai.

Me_ Aap bahut anubhavi pahalwan hain.

Aapse ladkar mujhe bhi bahut kuchh seekhne ko mila.

Balram ne mere kandhe par haath rakha.

Balram_ Tumhare andar taakat hai, lekin sabse badi baat ye hai ki tum apni taakat ko control karte ho. Isse kabhi khona mat..

Dadaji ne khatia par baithkar santosh se sir hilaaya.

Dadaji_ Isi baat ke liye toh maine ise saalon tak mitti mein ghisaya hai.

Jeevan Singh ne Balram ki taraf dekha.

Jeevan Singh_ Balram, tumne poori kushti imaandari se ladi.

Balram_ Jeevan Singh, Jay bhi poori izzat ke saath lada hai.

Ranvijay ab akhade ke kinare aa chuka tha.

Ranvijay_ Balram bhai... ab meri baari hai.

Balram ne muskurakar uski taraf dekha.

Balram_ Ja Ranvijay... ab dekhte hain tum Jay ko kitni der rok paate ho.

Ranvijay ne mitti uthayi aur apne haathon par mal li.

Ranvijay_ Jay... taiyar ho?

Me_ Ji..

Jeevan Singh_ Theek hai... ab Ranvijay aur Jay.

Poore aangan ki nazrein phir se akhade ke beech tik gayi.

...............