[Babab96]

............... Ranbeer vs Jay ...............

Ranbeer 


Ranbeer ne akhade mein kadam rakha.
40 saal ka Ranbeer, Suryabhan ka sala aur Rekha ka chhota bhai hai..

Ranbeer ak takatwar aur Anubhavi pahalwan hai, uska Chauda seena, mazboot kandhe aur kasrat se bani hui body uski taakat ka saaf ehsaas kara rahi thi..

Ranbeer ek tagda pahalwan tha. Uski sabse badi khaasiyat sirf uski strength nahi, balki uski grip aur stamina thi. 

Woh lambe samay tak saamne wale ko pressure mein rakh sakta tha.

Hansa apni jagah se Ranbeer ko dekh rahi thi. 

Poonam aur Rekha bhi poori tarah akhade par nazar jamaye hue thi.

Rekha ke chehre par apne chhote bhai ko lekar garv saaf dikh raha tha..

Ranbeer ne jhukkar mitti uthayi aur apne haathon par mal li..

Ranbeer_ Jay, abhi tak maine tumhe sabke saath ladte hue dekha hai. 
Me tumse bachunga nhi seedha mukabala karunga.

Me_ Mujhe bhi seedha mukabala hi pasand hai, Ranbeer Ji..

Ranbeer halka sa muskuraya.

Ranbeer_ Toh phir taiyar raho.

Nirbhay_ Dono apni jagah lo.

Main aur Ranbeer akhade ke beech mein aa gaye.

Jeevan Singh ne haath uthaya.

Jeevan Singh_ Shuru karo.

Agla hi pal Ranbeer bijli ki tarah meri taraf badha.

Usne meri baazu pakadne ki koshish ki, lekin main ek kadam side mein hua.

 Ranbeer ne bina rukke apni direction badli aur meri kamar par control banane ki koshish ki.

Maine dono haathon se uski grip rok di.
Kuchh pal tak dono apni jagah par zor lagate rahe.

Ranbeer ki taakat sach mein zabardast thi.

Uske dhakke se mitti mein mere pair halka sa khisak gaye.

Ranbeer ne pressure aur badha diya.

Me_ Zor achha hai aapka.

Ranbeer_ Aur abhi poora zor lagaya bhi nahi hai.

Ranbeer ne achanak grip badli aur mujhe side mein kheenchne ki koshish ki.

Maine apna pair jama liya aur uski movement ke saath ghoom gaya.

Ranbeer ka balance ek pal ke liye bigda, lekin woh turant sambhal gaya.

Ranvijay Singh Rathore_ Shabash Ranbeer! Balance mat tootne dena!

Balram Singh Shekhawat_ Jay uski taakat ko usi par lagane ki koshish karega.

Ranbeer phir mere saamne aa gaya.

Is baar usne mujhe seedha pakad liya.

Dono ki grip mazboot thi.

Kuchh pal tak hum ek-doosre ko dhakel rahe the. 

Aangan mein khamoshi chha gayi..

Udit_ Ranbeer sach mein Jay ko kadi takkar de raha hai.

Aditya_ Is baar Jay ko bhi poori taakat lagani padegi.

Kartik aur Uday bhi bina palak jhapkaye akhade ki taraf dekh rahe the.

Ranveer bhi apne Mama ko dekh rha tha, Halaki Ranbeer, Ranveer ki sauteli maa kaa bhai hai, lakin Ranbeer aur Ranveer me sage Mama- Bhanje jesa pyar hai..

Kartik_ Ranbeer Mama ki grip bahut mazboot hai.

Uday_ Lekin Jay abhi bhi shaant hai.

Ranbeer ne mujhe aur peeche dhakelne ki koshish ki.

Maine uski grip ko dheere-dheere khola aur uski kalai ko control mein le liya.

Ranbeer ne turant haath kheench liya.

Ranbeer_ Achha...

Me_ Aap bhi bahut jaldi grip badal lete hain.

Ranbeer_ Pahalwan hoon. Itni aasani se grip nahi chhodta.

Ranbeer ne dobara attack kiya.

Is baar usne meri kamar pakad li aur apni poori body ka pressure lagate hue mujhe apni taraf kheench liya.

Maine apna stance neecha kiya.
Ranbeer ne mujhe rok liya.

Kuchh pal tak uska control bana raha.

Nirbhay_ Ranbeer! Isi tarah pakad banaye rakh!

Dadaji ne khatia se meri taraf dekha.

Dadaji_ Jay... jaldi mat kar. Uski movement dekh.

Main ek pal ke liye bilkul sthir raha.

Ranbeer ko laga ki usne mujhe poori tarah rok liya hai.

Usne apna pressure aur badha diya..

Lekin isi pal maine apna stance badla.

Maine uski grip ke andar apni position badli aur ek aisa daav lagaya jo maine ab tak kisi ko nahi dikhaya tha.

Ranbeer ko sambhalne ka mauka hi nahi mila.

Uski aankhen ek pal ke liye hairani se badi ho gayin.

Agale hi pal uska poora balance toot gaya aur woh ghutne ke bal mitti mein aa gaya.

Akhade ke bahar khade sab log ekdum chup ho gaye.

Aditya_ Ye... ye daav Jay ne pehle nahi dikhaya tha.

Kartik_ Hum chaaron ke saath ladte waqt bhi nahi.

Udit_ Toh Jay ne apni asli chaal chhupa rakhi thi?

Uday_ Lagta hai.

Ranbeer turant uth khada hua.

Usne apne ghutne se mitti jhaadi aur meri taraf dekha.

Uske chehre par hairani thi, lekin saath hi ek naya josh bhi aa gaya tha.

Ranbeer_ Ab samajh gaya... tumne hum sabko apne saare daav nahi dikhaye the.

Me_ Har mukabale mein har daav dikhana zaroori nahi hota, Ranbeer ji.

Ranbeer halka sa hasa.

Ranbeer_ Toh phir aaj poori kushti hogi.

Is baar Ranbeer aur tez ho gaya.

Woh lagataar grip badal raha tha.

Kabhi meri baazu pakadne ki koshish karta, kabhi kamar par control banata aur kabhi mujhe side se kheenchne ki koshish karta.

Uski speed aur strength dono zabardast thi.

Main bhi har baar uski movement ko read kar raha tha.

Lekin Ranbeer mujhe aasani se mauka nahi de raha tha.

Ek pal ke liye usne mujhe mazbooti se pakad liya.

Ranbeer_ Ab batao, Jay!

Usne poori taakat se mujhe kheenchne ki koshish ki.

Maine uski grip ke khilaaf zor lagane ke bajay apni body ko uski movement ke saath chhod diya.

Ranbeer ko laga ki uska daav safal ho gaya.

Lekin agle hi pal maine direction badli.

Maine uski movement ko usi ke khilaaf istemal kiya.

Ranbeer ka balance ekdum se bigad gaya.

Woh sambhalne ki koshish karta raha.

Lekin maine turant doosra daav laga diya.

Is baar Ranbeer ki aankhon mein sachchi hairani thi.

Ranbeer_ Ye bhi...?

Me_ Abhi toh kuchh daav aur baaki hain.

Hansa ki nazar mujh par tik gayi.

Poonam ne hairani se Rekha ki taraf dekha.

Poonam_ Rekha, Jay ne Aditya, Kartik, Udit aur Uday ke saath ladte waqt ye daav kyun nahi dikhaye?

Rekha ne dheere se jawab diya.

Rekha_ Shayad woh unhe sirf haraana chahta tha... apni poori kshamata dikhana nahi..

Akhade mein Ranbeer ne phir se stance liya.

Ranbeer_ Ab tumhe aasaan nahi jaane dunga.

Me_ Main bhi aasaan mukabale ke liye nahi aaya hoon.

Ranbeer ne poori speed ke saath attack kiya.

Is baar usne meri kamar par control banaya aur mujhe uthakar girane ki koshish ki.

Uski taakat itni thi ki mere pair ek pal ke liye mitti se halka sa uthe.

Aangan mein sabki saansen tham gayin.

Balram_ Ranbeer ne pakad liya!

Ranvijay_ Jay sambhal!

Lekin agle hi pal maine hawa mein hi apni body ka balance badla.

Ranbeer mujhe neeche girane wala tha, lekin maine uski grip ke andar se apna ek haath nikaala aur uski position badal di.

Ranbeer ko kuchh samajh aata, usse pehle hi main uski side mein aa chuka tha.

Maine ek tez daav lagaya.

Ranbeer ka balance poori tarah chala gaya.

Woh mitti par ja gira.

Lekin is baar main rukha nahi.

Ranbeer palatkar uthne ki koshish kar raha tha.

Maine uski movement ko pehle hi samajh liya aur uska rasta rok diya.

Kuchh hi pal mein Ranbeer meri pakad mein tha..

Usne poori taakat lagayi.

Lekin meri grip nahi tooti.

Ranbeer ne ek baar aur koshish ki.

Phir dheere-dheere uski resistance kam hone lagi.

Ranbeer ne mitti par haath rakha.

Ranbeer_ Bas...tum jeet gye Jay..

Maine turant grip chhod di aur peeche hat gaya.

Ranbeer kuchh pal tak wahi baitha raha.

Phir woh uthkar khada hua aur apne sarir se mitti jhaadne laga.

Uske chehre par haar ki niraasha se zyada mere daavon ko lekar hairani thi.

Ranbeer_ Jay... tumhare saamne meri strength aur speed dono kaam nahi aayi.

Me_ Aapne mujhe kaafi der tak rok kar rakha, Ranbeer ji. Ye aasaan mukabala nahi tha.

Ranbeer ne meri taraf dekha.

Ranbeer_ Lekin aakhir mein tumne woh daav dikhaye jo tumne mere chaaron bhanjon ke saamne chhupa liye the.

Usne Aditya, Kartik, Udit aur Uday ki taraf dekha.

Ranbeer_ Tum chaaron ko bhi ab samajh aa gaya hoga ki Jay ne tumse ladte waqt apni poori kushti dikhayi hi nahi thi.

Aditya chup raha.

Kartik ne bas haan mein sir hila diya.

Udit aur Uday bhi akhade ki taraf dekhte rahe.

Jeevan Singh ne gehri nazar se mujhe dekha.

Jeevan Singh_ Ab tak Jay ne hamare chaar poton aur Ranbeer ka saamna kiya... aur har baar bina gusse aur bina jaldbazi ke lada.

Dadaji_ Aur har mukabale mein isne apni asli chaal ka ek hissa chhupa kar rakha.

Nirbhay ne Balram aur Ranvijay ki taraf dekha.

Nirbhay_ Ab lagta hai Jay ko Balram aur Ranvijay ke saamne utaarne ka waqt aa gaya hai.

Balram dheere-dheere akhade ki taraf badha.

Balram_ Agar Jeevan Singh ji anumati dein... toh ab main Jay ke saamne utarna chahta hoon.

Ranvijay ne Balram ki taraf dekha.

Ranvijay_ Pehle Balram bhai... uske baad meri baari.

Jeevan Singh ne dono ko gambhir nazar se dekha.

Jeevan Singh_ Theek hai. Lekin yaad rakhna... Jay mehmaan hai. Kushti poori imaandari se hogi.

Balram_ Ji.

Main akhade ke beech mein khada tha.

Ranbeer ki haar ke baad mahaul pehle se bilkul alag tha.

Ab sabki nazar Balram par thi.

38 saal ka anubhavi heavyweight pahalwan Balram Singh Shekhawat dheere-dheere akhade mein utar raha tha.

Aur mujhe pata tha...

Ab tak ki kushti se agla mukabala alag hone wala tha.....

Wese to Ranbeer bhi ak tagda pahalwan tha, usne mujhe bahut achchhi takkar di..

Suryabhan_ Ranbeer tum bahut achcha lade bhai..

Tumne jay ko apne khas daav dikhane per majbur kia..

Ranbeer_ Jijaji, Jay hum sab ko soch se bahut aage hai..

Ye kisi ko bhi hara sakta hai..

Balram_ Abhi dekh lete hai, Ranbeer..

.......