[Babab96]

............... Uday vs Jay .................

Uday


Uday dheere-dheere akhade mein utara. Uska andaaz Aditya aur Udit dono se alag tha. Na zyada josh, na koi jaldbazi... bas shaant chehra aur poori tarah kendrit nazar.

Uday_ Jay, maine tumhare dono mukable dekhe hain. Tumhare daav tez hain... isliye main tumhe koi aasaan mauka nahi dunga..

Me_ Mujhe bhi aapse isi ki umeed hai, Uday bhaiya.

Uday ne mitti uthakar apne haathon par mal li.

Padmini apni jagah se chupchaap Uday ko dekh rahi thi. 

Meri najar Padmini per gayi, uske chehre ke bhaav bata rhe the, ki wo man hi man chahti thi ki uska pati jeet jaye..

Idhar, Udit aur Aditya bhi ab poore dhyaan se akhade ki taraf dekh rahe the.



Nirbhay_ Taiyar ho dono?

Uday_ Haan.

Me_ Ji.

Nirbhay_ Shuru karo!

Uday ne turant attack nahi kiya. Woh dheere-dheere mere chaaron taraf movement karne laga. 

Main bhi apni position banaye uski chaal dekh raha tha.

Dadaji_ Jay... is baar धैर्य rakhna.

Me_ Ji Dadaji.

Achanak Uday ne aage badhkar meri baazu pakdi. 

Maine uski grip rok li. 

Uday ne turant doosre haath se mera kandha pakadne ki koshish ki.

Maine apna kandha ghuma kar uski pakad se bachne ki koshish ki, lekin Uday ne meri movement ko pehle hi bhaanp liya.

Uday ne meri kamar ka control lene ki koshish ki.

Main turant neeche baitha aur uski grip ke neeche se nikal gaya.

Ranvijay_ Wah! Uday ne Jay ko pehli baar rok diya.

Balram_ Uday ka sabse bada fayda uska shaant rehna hai.

Uday dobara meri taraf badha.

Is baar maine pehle hi uski kalai control mein le li. Uday ne turant grip badli aur meri baazu ko kheenchne laga.

Maine uske kheenchne ki direction ke saath kadam badhaya aur achanak side mein nikal gaya. Uday ka balance halka sa bigda.

Maine usi pal uski kamar ke paas control liya aur ek tez kandha-dav lagaya.

Uday ne turant apna pair jama liya aur mitti par girne se bach gaya.

Aangan mein khade logon se ek saath awaaz nikli.

Uday_ Achha daav tha.

Me_ Aapne bhi sambhal liya.

Uday halka sa muskuraya.

Uday_ Ab meri baari.

Uday ne achanak apni poori taakat laga kar mujhe peeche dhakelna shuru kiya.

 Main kuchh kadam peeche gaya, lekin apna santulan banaye rakha.

Uday ne mujhe pakadkar side mein modhne ki koshish ki.

Maine uski movement ke saath apna pair badla aur uske kandhe ko control karte hue uska balance tod diya.

Uday ek ghutne par aa gaya.

Lekin is baar bhi woh turant uth khada hua.

Nirbhay_ Shabash Uday! Dhyaan mat todna!

Uday ne gehri saans li aur phir meri taraf dekha.

Uday_ Jay... ab samajh aa raha hai ki tumhe kitni khas training di hai, tumharey dada ji ne..

Me_ Aur mujhe samajh aa raha hai ki aap itne shaant kyun rehte hain.

Uday_ Shaanti se ladne wala pahalwan aksar saamne wale ki jaldbazi ka intezar karta hai.

Me_ Toh phir aaj main jaldbazi nahi karunga.

Dono phir se grip mein aaye.

Kuchh pal tak dono ek-doosre ki position ko parakhte rahe.

Uday ne ek tez kheench-dav lagaya.

 Maine turant uska haath side kiya aur uski kamar ka control le liya.

Uday ne palatne ki koshish ki.

Maine uske palatne ki direction ko follow kiya aur apna balance banaye rakhte hue ek ghoomta hua daav lagaya.

Is baar Uday seedha mitti par aa gaya.

Maine turant uski position control mein le li. 

Uday ne kandha ghumakar nikalne ki koshish ki, lekin main uske har palatne ko rok raha tha.

Uday ne kuchh pal tak zor lagaya... phir apna haath mitti par rakhkar ruk gaya.



Uday_ Bas... Me apni haar swikar karta hun..

Maine turant use chhod diya aur peeche hat gaya.

Uday dheere se uthkar khada hua. Usne mitti jhaadi aur mere paas aaya.

Uday_ Jay, tumhare saamne tikna aasaan nahi hai. Tumhare daav ek doosre se jude hue hain.

Me_ Aapne bhi mujhe kaafi der tak rok kar rakha, Uday.

Uday_ Lekin aakhir mein tumne meri chaal padh li.

Nirbhay ne apne bete ki taraf dekha aur phir Jay ki taraf.

Nirbhay_ Uday bhi Jay ke saamne haar gaya.

Akhade ke bahar Kartik ab tak chupchaap sab dekh raha tha. 

Usne dheere se apni langot theek ki aur akhade ki taraf kadam badhaya.

Kartik_ Pitaji... ab mujhe mauka dijiye.

Nirbhay_ Kartik, soch le. Ab tak Jay ne teen mukable jeete hain.

Kartik_ Isi liye toh jaana chahta hoon.

Kartik akhade mein utar aaya.

Jeevan Singh ne apni kursi se seedha hokar Kartik ko dekha.

Jeevan Singh_ Ja Kartik... dekhte hain tum apne bhaiyon se kya alag kar paate ho.

Kartik ne Jay ki taraf dekha.

Kartik_ Jay... taiyar ho?

Me_ Hamesha.

Dadaji ke chehre par phir wahi halka sa bharosa tha.

Dadaji_ Jay... chautha mukabala hai.

Dhyaan wahi rehna chahiye jo pehle mukable mein tha.

Me_ Ji Dadaji.

Aangan mein phir se khamoshi chha gayi.

Ab Kartik aur Me aamne-saamne khade the... aur Jeevan Singh ke poore parivaar ki nazar is chauthe mukable par tik chuki thi.
..................