[Babab96]

............... Udit vs Jay ...............

Udit


Udit dheere-dheere akhade mein utar aaya. 

Uski aankhon mein ab mazaak ya utsukta nahi thi. 

Woh khud ek trained pahalwan tha aur junior-level state champion reh chuka tha.

Udit ne mitti uthakar apne kandhon aur haathon par mal li.

Udit_ Jay... Aditya bhai ke sath jo hua, woh maine dekha hai. Lekin main tumhe itni aasani se mauka nahi dunga.

Me_ Mujhe bhi aasaan mukabala nahi chahiye, Udit Bhaiya..

Dadaji khatia par seedhe hokar baith gaye.

Dadaji_ Jay, Udit ka andaaz Aditya se alag hai. Iski speed aur timing par nazar rakhna.

Me_ Ji Dadaji.

Nirbhay_ Dono taiyar?

Udit_ Haan..

Me_ Ji.



Nirbhay_ Shuru karo!

Udit ne is baar seedha attack nahi kiya.

 Woh akhade mein halka sa ghoomte hue meri movement dekhne laga.

Main bhi uski chaal samajhne ki koshish kar raha tha.

Kuchh pal tak dono sirf ek-doosre ko parakhte rahe.

Ranvijay Singh Rathore_ Ye wala mukabala pehle wale se alag hoga. Udit jaldbazi nahi kar raha.

Balram Singh Shekhawat_ Aur Jay bhi pehle daav ka intezar kar raha hai.
Achanak Udit ne meri taraf kadam badhaya aur meri baazu ko pakadne ki koshish ki.

Maine uski kalai rok li. Udit ne turant apni grip badli aur meri doosri taraf se pakadne ki koshish ki.

Main ek pal ke liye peeche hata, phir uski movement ke saath ghoom gaya.

Udit ne turant apna santulan sambhal liya.

Udit_ Achha... tumhari timing waqai tez hai.

Me_ Aap bhi kushti bhule nhi hai..

Udit ne dobara attack kiya. Is baar usne meri kamar ka control lene ki koshish ki.

Maine apna stance neecha kiya aur uski grip ko rok diya. 

Dono kuchh pal tak ek-doosre ko dhakelne ki koshish karte rahe.

Udit ki taakat kaafi thi. Woh mujhe apni taraf kheenchna chahta tha, lekin maine apna balance nahi tootne diya.

Phir maine achanak direction badli aur Udit ko apni grip se bahar nikalte hue side se control kiya.

Udit turant ghoomkar bach gaya.

Aangan mein khade logon ke chehre par ab aur zyada utsukta thi.

Nirbhay_ Shabash Udit! Dhyaan se!

Udit ne sir hilaya aur phir se mere saamne aa gaya.

Is baar woh bilkul shaant tha.

Udit_ Ab samjha... tumhe sirf taakat se nahi haraaya ja sakta.

Me_ Aur mujhe laga tha aap pehle hi samajh gaye the.

Udit halka sa muskuraya.

Udit_ Ab asli daav dekhna.

Udit ne achanak meri kalai pakdi aur mujhe apni taraf kheenchne ki koshish ki. 

Maine uski chaal ko follow karte hue apna kandha ghuma diya. Udit ka grip dheela pada.

Maine usi pal uski baazu ko control kiya aur ek tez palat-dav se uska balance bigaad diya.

Udit mitti mein ek ghutne par aa gaya.

Lekin woh turant uth khada hua.

Dadaji_ Jay... jaldi mat karna.

Me_ Ji.

Udit ne phir se attack kiya. Is baar usne mujhe seedha dhakelne ki koshish ki.

Main ek kadam peeche gaya, phir uski momentum ka istemal karte hue side mein nikal gaya.

Udit ka balance halka sa bigda.

Maine turant uski kamar ka control liya aur ek aur daav lagaya.

Udit mitti par aa gaya, lekin usne turant palatkar apni position bachane ki koshish ki.

Maine uski movement ko rokne ke bajay uske palatne ki direction ko follow kiya aur use dobara control mein le liya.

Udit ne kuchh pal tak poori koshish ki, lekin meri grip aur position se nikal nahi paaya.

Nirbhay_ Udit... bas!

Maine turant grip chhod di aur peeche hat gaya.

Udit uthkar baith gaya. 

Uski saans tez thi, lekin chehre par haar ki nirasha se zyada ek pahalwan wali tasleem thi.

Udit_ Jay... tumhari training sirf body ki nahi hai. Tum har daav ke baad turant agla daav soch lete ho.

Me_ Aap bhi bahut achhe pahalwan hain, Udit bhaiya.

Udit_ Main state level par lada hoon...

 lekin aaj mujhe samajh aa gaya ki tumhari training kis level ki hai.

Nirbhay ne Jay ko dekha, phir Udit ko.

Nirbhay_ Theek hai. Udit bhi Jay ke saamne tik nahi paaya.

Akhade ke bahar khade Uday aur Kartik ek-doosre ki taraf dekhne lage.

Kartik_ Ab meri baari ho sakti hai.

Uday_ Pehle main jaunga.

Kartik_ Bhai, aap mujhse bade ho... lekin Jay ke saamne pehle mujhe utarne do.

Nirbhay_ Ek-ek karke sabko mauka milega.

Udaybhan ab tak shaant khade sab dekh rahe the. Unhone Jay ko gaur se dekha.

Udaybhan_ Jay... ab tumhare saamne agla kaun aaye, ye tum batao.

Maine akhade ke bahar khade dono bhaiyon ki taraf dekha.

Me_ Jo bhi pehle aana chahe, main taiyar hoon.

Jeevan Singh ke chehre par halki si muskaan aa gayi.

Jeevan Singh_ Himmat achhi hai Jay mein... lekin ab dekhna hai ki iski himmat ke saamne hamare ghar ke kitne jawaan tik paate hain.

Rajeshwari chupchaap mujhe dekh rahi thi. 
Uski aankhon mein ab pehle wali chinta nahi thi.

Rajeshwari_ Jay waqai alag hai...

Aur tabhi Uday ek kadam aage badha.

Uday_ Jay... ab main aata hoon.

................