[Babab96]

Aditya


Aditya 35 saal ka tha aur uski body achchi kad kathi ki thi. 

Age me to wo mujse kaafi bada aur anubhavi tha. lakin kushti ke anubhav me, wo mere samne kachcha tha..

 Akhade ke bahar khade Udit, Uday aur Kartik bhi apne bade bhai ko dhyaan se dekh rahe the.



Udit_ Bhaiya sambhal kar...

Aditya ne halka sa haath uthakar use chup kara diya.

Aditya_ Fikr mat kar.

Me aur Aditya aamne-saamne khade ho gaye.

Aangan mein achanak poori khamoshi chha gayi.

Dadaji ne khatia par baithe-baithe sirf ek baat kahi.

Dadaji_ Jay... pehla daav hamesha dimaag se aur yaad rhe ye abhyas hai, Aditya ko chaut naa aaye..

Me_ Ji Dadaji.

Aditya ne mujhko upar se neeche tak dekha. Mene bhi Aditya ki stance ko gaur se dekha.

Aditya_ Taiyar?

Me_ Jab aap kahen..

Nirbhay_ Shuru karo!

Hum dono pahalwan ek-doosre ki taraf badhe.

Aditya ne pehle meri kalai pakadne ki koshish ki, lekin mene turant apna haath kheenchkar uski grip se khud ko alag kar liya.

Aangan mein khade logon ke chehre par turant dhyaan aa gaya.

Balram Singh Shekhawat ne dheere se Ranvijay ki taraf dekha.

Balram_ Jay sirf mazboot nahi hai... reaction bhi bahut tez hai.

Ranvijay_ Haan... aur abhi usne apni asli speed dikhayi bhi nahi hai.
Rajeshwari chupchaap mujhe dekh rahi thi.

Uske chehre par pehli baar ek halki si umeed nazar aayi.

Jeevan Singh ne kuchh nahi kaha. Woh bas akhade ko dekhte rahe.
Aur phir Aditya ne dobara meri taraf kadam badhaya...

................

Pehla mukabala ab sach mein shuru ho chuka tha.

 ................

............... Aditya vs Jay ...............

Nirbhay_ Shuru karo!

Aditya ne turant apna stance neecha kiya aur meri taraf badha. 



Uska iraada saaf tha—pehle meri grip ko parakhna aur phir apni taakat ka istemal karna.

Main bhi apna stance sambhalte hue uske saamne khada raha.

Me_ Aaiye, Aditya..

Aditya ne aage badhkar meri kalai pakadne ki koshish ki. Maine uski kalai ko side mein hata diya aur turant uske kandhe par apna haath jama diya.

Aditya ne zor lagakar mujhe peeche dhakelna chaha, lekin main apni jagah se hila tak nhi..

Akhade ke chaaron taraf khade logon ki nazrein dono par tik gayi.

Udit_ Bhaiya, zor se! puri takat laga do..

Aditya ne achanak apna grip badla aur meri kamar ki taraf haath le gaya. Main samajh gaya ki woh mujhe balance se bahar karne ki koshish kar raha hai.

Maine turant apna pair peeche kiya, uski pakad se nikal gaya aur uski baazu ko control mein le liya.

Aditya ne palatkar khud ko chhudaya.

Balram Singh Shekhawat_ Aditya ko jaldbazi nahi karni chahiye... Jay uski har movement padh raha hai.

Ranvijay Singh Rathore_ Haan. Jay, Aditya ko mauka hi nahi de raha.

Aditya phir se meri taraf badha. Is baar usne seedha meri kamar ko pakadne ki koshish ki.

Maine uska kandha rok kar apna wazan neeche kiya aur ek tez palat-dav se uska santulan bigaad diya.

Aditya mitti mein ghutne ke bal aa gaya, lekin turant uth khada hua.

Aangan mein halki si awaaz uthi.

Kuchh jawaan ladlke ek-doosre ki taraf dekhne lage.

Kartik_ Bhaiya ko sambhalna padega...

Uday_ Jay ki timing bahut tez hai.

Aditya ne baat sune bina phir se daav lagaya. Is baar maine uski pakad ko rok kar uski baazu ko apne control mein liya aur ek ghoomte hue daav se uska balance tod diya.

Aditya dobara mitti par aa gaya.

Lekin maine use zor se nahi patka. Jaise hi woh gira, maine turant grip chhod di aur peeche hat gaya.

Dadaji ke chehre par halki si muskaan aa gayi.

Dadaji_ Shabash Jay... taakat dikhaane se zyada zaroori hai control.

Me_ Ji Dadaji.

Aditya ne mitti jhaadi aur is baar uske chehre par pehle wali halki si muskaan nahi thi. Ab woh poori tarah serious ho chuka tha.

Aditya_ Ab dekhte hain, Jay... tum mujhe kitni der rok paate ho.

Me_ Aap poori koshish kijiye.

Aditya ne poori taakat ke saath meri taraf kadam badhaya.

Main uski taraf gaya aur dono ki grip takra gayi. Kuchh pal tak dono apni jagah par zor lagate rahe.

Aditya ki saans tez hone lagi, lekin meri position bilkul sthir thi.

Maine dheere se uski grip ko khola, uski baazu ko control kiya aur ek combination daav lagaya—pehle kandhe ka control, phir pair ka balance todte hue use mitti par le aaya.



Aditya peeth ke bal girne se pehle hi palatne ki koshish karne laga.

Maine uska palatna rok diya aur use akhade ki mitti par control mein rakh liya.

Nirbhay_ Aditya! Sambhal!

Aditya ne poori koshish ki, lekin kuchh hi pal mein uski movement dheemi pad gayi.

Jeevan Singh chupchaap sab dekh rahe the. Unke chehre par hairani nahi, balki gehri dilchaspi thi.

Jeevan Singh_ Bas... Jay, Aditya ko chhod do.

Maine turant grip chhod di aur peeche hatkar khada ho gaya. wo jamin per gir gya..



Aditya kuchh pal mitti par leta raha...

 phir uthkar mere saamne aa gaya..

Aditya_ Maanta hoon... main Jay ki me tumhare saamne tik nahi paaya.

Me_ Kushti mein haar-jeet hoti rehti hai, Aditya bhaiya.

Aditya ne meri taraf haath badhaya.

Aditya_ Tum sirf taakat se nahi... daav aur timing se ladte ho.

Maine uska haath pakad liya.

Me_ Aapne bhi poori koshish ki.

Nirbhay ne apne baaki beton ki taraf dekha.

Nirbhay_ Theek hai... Aditya ka mukabla ho gaya. Ab kaun Jay ke saamne utrega?

Udit apni jagah se aage badha. Uski aankhon mein ab pehle se zyada utsah tha.

Udit_ Ab meri baari hai, Pitaji.

Akhade ke chaaron taraf ek baar phir khamoshi chha gayi.

Dadaji ne meri taraf dekha... aur mene Udit ki taraf..

...............