[Babab96]

............... Jeevan Singh ki Haveli ka Aangan ...............

Jeevan Singh ki haveli ka bada aangan aaj poori tarah akhade mein badal gaya tha. 

Aangan ke ak side mein mitti ka bada kushti ka akhada bana hua tha, aur uske ak taraf aadhe Chand ke aakar me Jeevan Singh ke parivaar ke lagbhag sabhi sadasya mojud the..

 jinse mera pehle introduction ho chuka tha.

Jeevan Singh apni jagah par gambhir hokar baithe the. Unke paas unki teenon patniyan—Shakuntala Devi, Devyani Devi aur Padmavati Devi—baithi thi. 

Nirbhay, Chandrabhan, Udaybhan aur Suryabhan bhi saamne khade the.

Vasundhara, Mrinalini, Charvi, Rajeshwari aur Yashodhara apni-apni jagah se akhade ko dekh rahi thi. 

Antara kaa pura pariwar mojud tha..

Ghar ke damad, bahuen, pote-potiyan, nati- Natiya sab ki nazar ab mujh par thi.

Dadaji Baldev Singh ek khatia par baithe the aur mere kapde unke paas rakhe hue the. 

Unki nazar mujh per se ek pal ke liye bhi nahi hat rahi thi.

Me akhade ke kinare khada tha aur apne badan par mitti mal raha tha.

Mere chehre par na ghabrahat thi, na jaldbazi. me aaram se uss mitti ki malne kaa aanand le rha tha..

...............

Nirbhay_ Pehle Jay se hamare ghar ke kuchh jawaan ladke akhada aazmaayenge... ek-ek karke.

Udaybhan_ Haan... pehle beton se ladwa ke hi hi dekh lete hain ki Jay ki taiyari kitni gehri hai.

Jeevan Singh ne Meri taraf dekha.

Jeevan Singh_ Jay, taiyar ho?

Me_ Ji Thakur Sahab... main taiyar hoon.

Jeevan Singh_ Yaad rakhna... yahan koi dushmani nahi hai. Ye apne hi ghar ke bachche hain.

Me_ Ji. Main bhi ise sirf kushti hi samajhkar ladunga.

Nirbhay ne apne beton aur damado ki taraf dekha.

Nirbhay_ Kaun pehle aayega?

Thodi der ke liye sab chup rahe.

Phir bheed mein se Aditya Singh Solanki aage badha.

Aditya_ Agar aapki anumati ho Papa... toh main pehle Jay se ladna chahta hoon.

Nirbhay ne gardan hila di.

Nirbhay_ Jao Aditya.

Aditya gya, aur khud ko taiyar karke aa gya pahalwani ke liye..

Fir Aditya dheere-dheere akhade mein utar gaya.

.........