Misc. Erotica Shreya Ke Raaz: Kab tak Chhupenge

[Celebrorn]

Chapter 19

Shreya ke haath mein ek lipstick this jise woh kuch sochte hue ghoor rahi thi, jaise khud se hi lad rahi ho ki use lagaye ya nahi. Usne aaine mein aapni reflection ko dekha aur aakhirkaar behad halki si lipstick apne honthon par pher li.

Teen saal... poore teen saal ho gaye they Tarun ko dekhe hue. Pichhli baar jab woh aaya tha, tab Rohit 10th mein tha, aur us baar kuch aisa hua tha... jisne sab kuch hi badal diya tha.

Us din ki yaad aate hi Shreya ke seene mein ek halki si halchal hui. Usne fauran ek tissue uthaya aur lipstick ko apne honthon se poch kar saaf kar diya, jaise woh lipstick nahi apni ghabrahat ko mita rahi ho. Us baar ke baad na toh Tarun wapas aaya aur na hi usne call kiya. Shreya ne shuruwat mein kayi baar koshish ki thi, par uska phone unreachable jaata ya woh call hi nahi uthata.

2-3 din pehle jab usne Papa ji ko call lagaya tha, tab unhone achanak phone Tarun ke haathon mein thama diya. Uski aawaz sunte hi Shreya ke rongte khade ho gaye they. Aur ab woh bas aata hi hoga. Yeh khayal aate hi Shreya ke pet mein titliyaan ghoomne lagi.

Usne apni saree ka pallu kandhe se hataya aur fir se adjust kiya. Saree ko thoda sa neeche sarka kar dekha, jisse uski gori kamar aur pet saaf jhalakne lage. Uske honthon par ek halki si shararat bhari muskaan ubhar aayi.

"Kya bachpana hai yeh Shreya," usne khud ko aine mein tokte hue phusphusaya, aur saree ko wapas upar kheechte hue theek kar liya. 

Tabhi main door ki bell baji aur Shreya ki saans ek pal ke liye gale mein hi atak gayi.

"Mom! Lagta hai Chachu aa gaye!" Living room se Rohit ki chillane ki aawaz aayi.

Shreya ne jaldi se apna pallu adjust kiya aur chehre par ek normal expression laane ki koshish karte hue kamre se bahar aa gayi. Rohit darwaza khol chuka tha aur saamne Tarun khada tha. Wohi lamba, patla, fit sa, abhi bhi wohi muskurahat jo use apni umar se kafi chhota bana deti thi. Uske kandhe par ek duffel bag latak raha tha.

Shreya dining table ke paas ruk gayi aur kursi ke backrest par dono haath tika diye.

"Rohit!" Tarun ki aawaz mein ek madhur si chehak thi, "Yaar tu toh... tu toh bilkul apne papa jaisa lagne laga hai. Itna bada kab ho gaya?

Rohit khilkhilakar unke gale lag gaya, "Aap aate kahan ho, jo aapko pata chalega!"

Rohit ko hug karte hue Tarun ki nazar ghar ke andar uthi aur seedha Shreya se jakar mili. "Bhabhi..." uski aawaz ekdam si dheemi aur gehri ho gayi thi.



Shreya ki ungliyaan kursi par aur bhi kas ke gadh gayi, jaise woh apne aap ko aage badne se rok rahi ho. Uska mann keh raha tha woh jaldi se Tarun ko gale laga le, par beech mein Rohit aur pichhle teen saalo ka faasla khada tha.

"Aakhir yaad aa hi gayi hum logon ki," Shreya ki aawaz mein ek taana tha, par uski aankhen kuch aur hi keh rahi thi, "Andar bhi aayoge ya bahar se jaane ka plan hai?"

"Andar hi aa raha hoon, Bhabhi," Tarun ne andar aate hue apna bag ek kone mein rakh diya. Woh ghar mein chaaro taraf dekhne laga, "Sab waise hi hai... kuch bhi nahi badla."

"Sab kuch badal gaya hai," Shreya ne halke se budbudate hue Tarun ki aankhon mein dekha, shayad woh ghar ki baat nahi kar rahi thi. Tarun ne apni aankhen jhuka li aur sofe par baith gaya.

Tarun aur Rohit sofe par baithe baatein karne lage aur Shreya chai nashta banane ke liye kitchen mein chali gayi. Par uska poora dhyan bahar living room mein chal rahi baaton par tha.

"Tere Papa mujhse saat saal bade they, aur mere liye toh woh kisi hero se kam nahi they. Main hamesha unki copy karne ki koshish karta rehta tha."

Rohit hairani aur excitement mein unse sawaal karne laga, "Sach mein? Mujhe toh kuch bhi yaad nahi."

"Aur kya... unka style dekhne layak they. Mehnge perfume, stylish kapde... Kya bike chalate they. Mohalle ki saari ladkiyan...." 

Tarun excited ho kar bata hi raha tha ki Shreya ko tray lekar aate dekh uske shabd beech mein hi atak gaye.

"Kya hua bhai?" Shreya ne dining table par tray rakhte hue halki muskurahat ke saath poocha, "Ruk kyun gaye? Hum bhi toh sune tumhare Bhaiya ke karnaame."

"Aapne toh pehle sab suna hi hua hai..." Tarun thoda jhijhakta hua bola.

"Haan... ek woh they... aur ab ek unka beta hai..." Shreya ek gehri saans chhodte hue wapas kichen mein chali gayi.

"Kya hua?" Tarun ne aawaz dheemi karte hue Rohit se poocha, "Tune kuch kiya kya?"

Rohit ne aankhen jhukate hue apna sar na mein hila diya. "Kuch nahi... bas aise hi... Mom ko lagta hai... jaane do... aayo na chai peete hai."

Tarun ne Rohit ke kandhe par haath rakha, "Dekh... mujhse khul kar baat kar sakta hai... sorry main aaya nahi... par..."

Rohit ka phone ekdam se bajne laga, Aanya ka call aa raha tha. Woh nahi chahta tha ki Aanya aaj koi tamasha kare.

"Chachu... dost ka call aa raha hai... main aata hoon." Rohit phone uthate hue balcony mein aa gaya.

Tarun ne ek lambi saans chhodi aur khade hote hue dining table se chai ka cup utha liya. Woh chai ka sip leta hue dheere se kitchen ki chaukhat tak aaya aur Shreya ki taraf dekha. Woh usse peeth karke khadi thi.

"Aap nahi pee rahe chai..." Tarun ke ekdam se kehte hi Shreya ek dam uchhal si padi.

"Tum baitho... main aati hoon... Rohit kahan hai?" Shreya ne bina palte poocha.

"Uske dost ka phone aaya hai..." Tarun ne cup ko sink mein rakhte hue kaha, "Bacche par itna gussa karna theek nahi hai."

Shreya dheere se ghoomi aur Tarun ko ghoorne lagi, "Tum mujhe yeh sikhane aaye ho?"

"Nahi!" Tarun jhepte hue bola, "Main toh bas... aapne hi zidd kari thi aane ki."

"Majak kar rahi hoon," Shreya ka chehra abhi bhi poori tarah serious tha. Woh apne haath mein chaaku liye Tarun ko ghoorte hue uske nazdeek pahunchi. Tarun wahin khada jam sa gaya tha. 

"Achha hua tum aa gaye... tumse bahut saari baatein karni hai... tum ho na abhi 2-3 din?" Shreya ne knife ko neeche karte hue apni nazrein usse mila li.

"Nahi... mujhe kal jaana hai." Tarun knife ki taraf dekhte hue dheere se bola.

Par tabhi balcony ka darwaza khulne ki aawaz aayi aur Shreya ne apni aankhen jhuka li. Tarun jaldi se kitchen se bahar aa gaya.

Der raat tak Tarun aur Rohit ki baatein khane ke beech chalti rahi thi. Shreya bas muskurati hui dono ko dekh rahi thi, aisa lag raha tha jaise Tarun aur uske bhaiya hi saath mein baithe ho. Rohit bhi jaise apne mann mein uth rahe sawalon ko kuch pal ke liye bhool sa gaya tha.

"Chachu aur batayo na," Rohit ki excitement kam nahi ho rahi thi, woh sab kuch janna chahta tha, "Gaon mein sab kaise hain?"

"Gaon nahi hai bhai!" Tarun ne haste hue use toka, "Chhota shehar hai... par ab woh bhi kafi badal raha hai. Ab toh 3-4 mall bhi khul gaye hai wahan. Tumhari mummy ne lagta hai galat information de rakhi hai tumhe."

Shreya ne table par aage jhuk kar Tarun ki plate mein sabji daali. Ek pal ke liye use aisa laga jaise Tarun ki aankhen bhatakte hue uske gale aur chhaati tak pahuch gayi thi.

"Koi galat information nahi di," Shreya ne peeche hote hue kaha, "Mujhe toh gao hi lagta tha jab meri shaadi hui thi."

"Achha... aap rahi hi kitna hai wahan..." Tarun Shreya ko chhedte hue bola.

Pichhle 2-3 dino ki tension ke baad, Ghar ka poora mahaul ekdam se itna light sa ho gaya tha. Shreya andar hi andar apne aap ko muskurane se rok nahi paa rahi thi.

Shreya ghadi mein dekhte hue aakhir khade hote hue kitchen se doodh ke do glass le aayi, "Chalo ab... baaki baatein kal karenge... mujhe bhi office jaana hai kal."

Shreya ne Tarun aur Rohit ko doodh ka glass thamaya.

"Mom... mera mann nahi hai." Rohit ne glass ko rakhte hue kaha.

"Chup chaap pee lo... maine Bournvita bhi daala hai... Tarun tum bolo na ise, meri toh ab sunta hi nahi hai." Shreya un logo se thoda door jakar baith gayi.

Rohit ne dheere dheere sip lete hue glass ka doodh poora kiya, aur fir teeno log good night bol kar apne kamre mein aa gaye.

Rohit ne darwaza band karne ke kuch pal baad apna darwaza halke se khola aur Mom ke kamre ke door ki taraf jhaanka. Unka darwaza band tha. Jo kuch ho jaye, use aaj raat jag kar bas dekhte rehna tha. Woh apne shak ko bebuniyaad saabit karna chahta tha. 

Kamre ka darwaza halka sa khol kar woh apne bed par baith gaya aur bahar ki taraf dekhne laga. Agar koi Mom ke kamre ke taraf jayega ya aayega toh use saaf dikh jayega. Woh bina palke jhapke wahin baitha ghoorta raha. 10 minute beet gaye... 15.... 20... 25... uski aankhen bhaari hone lagi thi, aur kuch pal baad use shayad pata bhi nahi ki woh apni aankhen band kiye apne bed par leta hua tha. Shayad sapne mein toh woh abhi bhi saamne nazar rakhe hue tha.

Thodi der baad Shreya dabe paanv apne kamre se nikli aur usne Rohit ke kamre mein jhaanka. Use soya hua dekh, woh jaldi se bahar ke kamre ke darwaze ke bahar pahunchi. Poore ghar mein sannata tha, bas ghadi aur uske dil ke dhadakne ki aawaz aa rahi thi.

Usne apna haath knock karne ke liye uthaya par fir ruk gayi, jaise khud se pooch rahi ho ki yeh sahi tha ya nahi. Aakhir usne dheere se darwaza khatka hi diya.

Kuch second baad andar se halki si aahat ki aawaz aayi aur fir darwaza khula. Tarun saamne khada tha, ab ek t-shirt aur pyjama mein. Ek-do pal ke liye woh dono bina kuch kahe ek doosre ko dekhte rahe. Itno saalon ki doori... itni saari adhoori baatein.

"Bhabhi..." Aakhir Tarun se dheere se kaha, jaise koi sawaal pooch raha ho.



Shreya ekdam se aage badhi aur usne dheere se apna sar Tarun ki chhaati par rakh diya. Tarun kuch pal ke liye sunn reh gaya tha, fir usne bhi apne haath Shreya ki peeth par lapet liye.

Shreya use thoda sa peeche dhakelte hue kamre mein andar le gayi aur apne pair se kamre ka darwaza band kar diya.

"Teen saal..." Shreya ki aawaz Tarun ke kandhe mein dabi hui, kaanpti hui bahar nikli, "Tumne ek baar bhi phone karne ka bhi nahi socha... ki pooch lu main kaisi hoon?"

"Sorry Bhabhi..." Tarun ki aawaz mein ek halki si udaasi aur dard tha, "Main aapko kis tarah face karta."

Shreya ki aankhon se aansu beh rahe they par uske maathe par bhi ek boond padi toh use realize hua ki Tarun ki aankhen bhi nam thi.

"Maine samjhaya tha na tumhe..." Shreya ne apne narm haath Tarun ke gaalon par rakh diye, "Tumhari koi galti nahi thi."

Tarun ne jhuk kar apna maatha Shreya ke maathe par rakh diya. Dono ki saansein apas mein ghulne lagi. Itne saalon ka chhipa hua dard... jise shayad woh sirf ek doosre ke saamne hi zaahir kar sakte they.

Tabhi Tarun ko achanak hosh sa aaya, aur usne Shreya par apni pakad halki si dheeli kar di, "Rohit!"

"Woh... subah se pehle nahi uthega..." Shreya ne apna sar uski chhaati par halke se ragadte hue aaram se kaha.

Tarun ne hairani se Shreya ki taraf dekha, uski aankhon mein sawaal tairne lage, par Shreya ne uska haath pakad kar halke se daba diya.

"Kuch nahi... ek ayurved syrup milaya tha doodh mein. Sab natural hai. Woh ab bada ho gaya hai... har cheez par nazar rakhne laga hai... toh mujhe karna pada. Waise bhi tum sirf ek raat ke liye ho yahan." Shreya uska haath pakde hue boli.

Yeh sunte hi Tarun ke chehre ka rang udd gaya. Woh behad uncomfortable mehsoos kar raha tha. Rohit toh Shreya ke liye sab kuch tha, fir woh yeh kaise kar sakti thi.

"Tum aise kyun dekh rahe ho mujhe?" Shreya ne uski badalti rangat ko dekhte hue kaha, "Maine koi zeher nahi diya hai use, main khud yehsyrup leti hoon jab mujhe neend nahi aa rahi hoti ya tension mein hoti hoon."

"Par Bhabhi..." Tarun ko abhi bhi kuch sahi nahi lag raha tha.

Shreya uska haath chhod kar thoda gussa hote hue palang par jaa baithi, "Ek toh teen saal baad aaye ho.... woh bhi sirf ek din ke liye... tumhe pata bhi hai ki kitni tension mein thi main. Tum aisa karo... abhi chale jayo."

Shreya palang par baithe apni gardan aur kandhe ko masalne lagi.

Tarun ne Shreya ki taraf dekha aur kuch sochte hue uska dil paseej gaya, woh Shreya ke peeche aakar baith gaya aur uske kandhe par haath rakh diye. "Aap aaram se baitheye... bataiye sab mujhe..."  

Tarun ki ungliyaan Shreya ke kandhe par dheere dheere ghoomne lagi thi. Shreya dheere dheere use apni office aur ghar ki baatein batane lagi. Kabhi kabhi use lagta tha ki uske paas koi bhi toh nahi tha yeh sab share karne ke liye.



"Office ka toh jo hai so hai..." Shreya ne Tarun ki pakad mein kase hue apne kandhe uchkate hue kaha, "Par... yeh ladka ab mere haath se bahar nikal raha hai. Tumhare bhaiya hote toh wohi sambhalte yeh sab baatein."

"Aisa kya ho gaya? Shaam ko bhi aisa lag raha tha jaise aap usse kaafi gussa ho." Tarun ke haath ruk gaye.

"Abhi umar hi kya hai iski..." Shreya ne Tarun ke haath par halke se thapthapate hue use masalane ka ishaara kiya. "Mujhe pata bhi nahi tha uski girlfriend hai."

"Aajkal toh yeh sab normal hai shayad."

"Haan tumhe bada pata hai na," Shreya ne gusse mein apne daant bheench liye, "Woh ladki apni nangi nangi video bhejti hai Rohit ko... ghar tak bhi pahuch gayi thi... mujhe darr hai kahin woh dono sab kuch kuch toh nahi..."

Tarun kuch pal chup ho gaya aur achanak se uski hasi chhoot gayi, jisse Shreya aur bhi irritate ho gayi.

"Has kyun rahe ho!" Shreya ne gusse mein poocha.

"Kuch nahi... aise hi... confirm ho gaya ki aapka aur Bhaiya ka hi beta hai!" Tarun ne haste hue kaha.

"Kya matlab hai iska!" Shreya ne palat kar Tarun ko ghoora.

Tarun kuch pal hasta raha, jaise kuch pal ke liye sab kuch bhool gaya ho. "Bas aise hi... ek puraani baat yaad aa gayi..."

"Bologe bhi... ya haste hue rahoge." Shreya ne chidhte hue muh banaya.

"Aap bura mat manna bas..." Tarun ne pehle se hi warning de di, "Jab aapki shaadi bas hui hi thi... us raat jab aapki suhaagraat thi... hum sab ladke log... aapke kamre ki peeche wali khidki ke bahar khade..."

Jaise jaise Tarun bol raha tha Shreya ki aankhon ke saamne us raat aur us kamre ki jhalak tairne lagi. Uske gaal sharam se laal hote jaa rahe they.

"Wahan khade... hum log... sab kuch sun rahe they... aisa lag raha tha jaise kitne utaawle they aap dono us raat. Aur aapki woh siskiyaan... jaan le rahi thi sabki." Tarun ne apni hasi ko control karte hue baat ko poora kiya.

"Badmaash..." Shreya ne uske gaal par halke se chaanta maara, "Haan... agle lag raha tha ki sabne hi sun li thi hamari aawaze us raat. Tumhare bhaiya bhi na bas! Maine bola bhi tha unhe... par unhe kiski fiqr thi!" 

Shreya purani baatein yaad karte hue ek muskaan ke saath boli.

"Par tum kya jaano... agle din mujhe kitna sunna pada tha sab logo se... jaisi main hi sab kuch kar rahi thi us raat..."

"Hain? Kisne kya bola?" Tarun ne Shreya ke haath halke se masalte hue poocha.

"Tumhari Bua aur Tai ji ne... khoob bhadka diya tha tumhari Mummy ko... Hai kaisi besharam ladki hai... itni aawazein nikaal rahi thi raat bhar... ladke ko poori raat bhar nichod liya... behaya... itni aag lag rahi thi ise... ghar ke baaki bachhon ko bhi bigaad degi." Shreya unki nakal karte hue boli.

"Aap bhi bol deti na unhe kuch..." Tarun ne bina soche samjhe react karte hue kaha.

"Haan! Main kya bolti unhe... sirf 19 saal ki toh thi main..." Shreya ki aankhon mein ek meethi si yaad saaf nazar aa rahi thi, "Yeh bolti ki unhone kyun nahi samjhaya apne ladke ko... ki raat bhar na chadhe mujh par."

Shreya ki baat sun kar Tarun ki pakad uski baah par aur bhi sakht ho gayi, "Jo bhi ho... aap bilkul waise hi thi aap jaisi ladki Bhaiya deserve karte they..."

Pal bhar mein hi Shreya ke chehre ki muskurahat gayab ho gayi, "Aur fir kuch saalon baad wohi ladki tumhare bhaiya ko khaa gayi... yehi toh kaha tha sabne tab?"

"Shayad sab sadme mein they..." Tarun ki aawaz ekdam se dheemi ho gayi aur Shreya par pakad ekdam dheeli. "Kisi ko yakeen nahi aa raha tha kya ho gaya tha."

Shreya ne mud kar Tarun ki aankhon mein dekha, uski palke bheeg chuki thi, "Aur main?! Main sadme mein nahi thi!? Meri toh poori zindagi hi jaise khatam ho gayi thi."

"Bhabhi..." Tarun ne Shreya ka haath thaamna chaha par Shreya ne jhatak diya.

"Nahi..." Shreya ne gusse mein apna sar hilaya, "Apne gharwalo ki side mat lo. Woh log toh Rohit ko bhi mujhse chheen lena chahte they."

"Rohit ko aapse koi nahi chheen sakta." Tarun ne aage badh kar Shreya ko apni baahon mein jakad liya. "Main kisi ko defend nahi kar raha hoon... jo hua bas... usne sabko hi tod kar rakh diya tha tha."

"Par meri fiqr kise thi?" Shreya ke aansu beh kar uske gaal tak pahuch gaye they.

Tarun ne Shreya ke aansu halke se apni ungli se pochi, "Mujhe... mujhe aapki fiqr thi... Main Rohit aur... aur... aapka... dono ka khayal rakhna chahta tha. Aapko kabhi koi kami nahi mehsoos hone deta..."

Tarun ke shabdon mein ek purani dard chhupa hua tha. Shreya achhe se samajh rahi thi Tarun kya keh raha tha. Us haadse ke do-teen saal baad usne apne mann ki baat kehne ki koshish bhi ki thi.

Shreya ne ek lambi saans li aur apne kaanpte hue haath Tarun ke baalon mein fere. 

"Pata hai... par tumhari Mummy mujhe kaccha chaba jaati." Shreya ke muh se ek tooti hui dabi hui hasi bahar nikli, "Ek bete ko toh khaa gayi ab doosre ko bhi nigalna chahti hai."

Tarun ka chehra utar gaya, use pata tha ki Bhaiya ke jaane ke baad Maa ke dil mein nafrat ke siwa kuch nahi tha.

"Par main ab samajh sakti hoon," Shreya dheere se boli, "Main khud ab ek jawan ladke ki maa hoon... samajh sakti hoon un par kya beeti hogi."

"Mummy ab nahi rahi..." Tarun ki aankhon mein ek dabi hui chah thi, "Ab bhi... agar main..."

"Nahi Tarun..." Shreya ka chehra thoda sakht sa ho gaya, "Rohit ab bada ho chuka hai... main ab is sabke baare mein soch bhi nahi sakti." Fir uski aawaz thodi naram hui, "Lekin tumhe shaadi kar leni chahiye... pata nahi kab tak taalte rahoge."

Tarun halke se muskura diya, "Meri bhi ab umar nikal chuki hai."

"Achha!" Shreya ne use teekhi nazron se dekha, "Tum meri umar ke hi ho!"

"Yaani ki 25 ka?"

"Haan bilkul... kyun nahi. Lagte toh 25 ke ho." Shreya apne dimaag mein calculate kar rahi thi, "Mujhse 6 mahine toh chhote ho. Ab jaakar 37 ke honge. Papa ji ne jis ladki ki photo bheji thi, achhi lag rahi woh... haan kar do ab." Shreya ne poore adhikaar ke saath kaha.

"Jab ab tak kisi ke liye din nahi maana... toh ab kaise haan kar du?" Tarun Shreya ki aankhon mein dekhte hue kaha.

Kamre mein achanak ek sannata sa ho gaya. Shreya tez saansein lete hue uski nazron mein ulajhti chali gayi. Kuch pal baad uske muh se ek halki si phusphusahat nikli, "Itne saalon mein... kisi aur ko chhua bhi hai tumne?"

"Bhabhi..." Tarun ka chehra ekdam laal ho gaya, "Ummm.... yaad nahi... main isliye nahi..."

"Idhar aayo.." Shreya ne aage badhkar uski gardan par haath rakha aur uske chehre ko apne chehre ke behad kareeb kheench liya.

Dono ke paas ek aakhri mauka tha peeche hatne ka. Par jaise hi Tarun ka haath Shreya ki kamar par aa tika, Shreya ka sabr ka baandh toot gaya. Woh thoda sa aage uchki aur poore adhikaar ke saath Tarun ke honthon par apne honth jad diye.



Yeh ehsaas naya nahi tha, woh ek doosre ki saanson aur khushbu ko saalon se pehchaante they. Jab woh dono alag hue toh dono ki saansein ukhdi hui si thi, aur haanth kaanp rahe they.  Woh acche se jaante they ki woh ab apne aap ko rok nahi paayenge.