[Babab96]

Scene - Ghar ke Bahar

Sankl se nikalne ke baad Me nokar ke saath jaldi-jaldi ghar pahucha. Uske dimaag mein baar-baar wahi sawaal ghoom raha tha ki papa Bhanu urf Tau Bhanu aur Chacha Vikram ke saath aakhir hua kya tha?

Ghar ke bahar pahuchte hi mene dekha ki Dadaji Baldev Singh purani Jeep ke paas khade hain.

Unka chehra aam dinon ki tarah shaant nahi tha. Aankhon mein gussa tha, lekin woh gussa kisi se baat karne ke bajay andar hi andar daba hua tha.

Me Jeep ke paas pahucha.

Jay_ Dadaji... kya hua? Papa aur Chacha ko kya hua hai?

Baldev Singh ne Jay ki taraf dekha. Kuch pal tak kuch nahi bole.

Phir unhone Jeep ki chaabi Jay ki taraf uchhal di.

Jay ne chaabi hawa mein pakad li.

Dadaji_ Gaadi nikaal.

Jay_ Lekin Dadaji, jaana kahan hai?

Dadaji_ Bhanpur.

Jay_ Bhanpur? Hospital mein hain Tau aur Chacha?

Dadaji ne sirf haan mein gardan hilayi.

Dadaji_ Haan. Aur abhi sawaal mat kar. Pehle hospital pahunch.

Jay_ Ji Dadaji.

Me Driver seat par baith gaya. Dadaji mere bagal wali seat par aa baithe aur ghar ka 2 nokar, Chandan jo mujhe bula kar laya tha, or manish, jo ki humara ak or nikar hai, pichhli seat par baith gaya.

Mene Jeep start ki.

Purani Jeep ka engine garajta hua chalu hua aur kuch hi pal mein hum ghar se nikal pade.

---

Scene - Bhanpur ki Raah

Raasta lamba tha. Gaon ki kacchi-pakki sadak peeche chhoot rahi thi aur Jeep Bhanpur ki taraf badh rahi thi.

Me baar-baar Dadaji ki taraf dekh raha tha.

Dadaji khidki ke bahar dekh rahe the. Unki mutthiyan band thi.

Jay_ Dadaji... ab to bata dijiye. Hua kya hai?

Dadaji kuch pal chup rahe.

Dadaji_ Tere Papa/ Tau Bhanu aur Chacha Vikram ko kisi ne buri tarah peeta hai.

Jay_ Kisne?

Dadaji_ Hospital pahunch kar pata chalega.

Jay_ Lekin kisne unhe maara?

Dadaji ne Jay ki taraf dekha.

Unki aankhon mein achanak ek ajeeb si sakhti aa gayi.

Dadaji_ Jay, gaadi chalata reh.

Jay_ Ji.

Kuch der tak Jeep mein khamoshi chhayi rahi.

Peechhe baitha nokar bhi chup the...Unhe bhi pata tha ki is waqt Dadaji se zyada sawaal karna theek nahi.

mene steering ko aur mazbooti se pakad liya.

mere mann mein ek hi baat chal rahi thi—

Tau aur Chacha ko aakhir kisne haath lagaya tha?

---

Scene - Bhanpur Hospital

Kuch der baad Jeep Bhanpur ke chhote lekin kaafi viksit kasbe mein pahunchi.

Hospital kasbe ke mukhya bazaar ke paas tha.

mene Jeep hospital ke bahar roki.

Dadaji bina waqt gawaye gaadi se utar gaye.

Dadaji_ Chal Jay.

Jay_ Ji.

Charo hospital ke andar chale gaye.

Reception counter par Dadaji seedhe khade ho gaye.

Dadaji_ Bhanu Pratap Singh aur Vikram Singh. Dono ko aaj yahan laya gaya hai.

Receptionist ne register par naam check kiya.

Receptionist_ Ji, Bhanu Pratap Singh aur Vikram Singh?

Dadaji_ Haan.

Receptionist_ Dono first floor ke general ward mein hain.

Dadaji_ Doctor ne dekha?

Receptionist_ Ji, initial treatment ho chuka hai. Aap upar chale jaiye.

Dadaji_ Theek hai.

Jab tak me Jeep park karke hospital ke andar aa chuka tha.

Jay_ Dadaji!

Dadaji_ Chal.

Me unke saath seedhiyan chadhne laga.

---

Scene - Hospital Ward

First floor par pahunchkar Dadaji seedhe general ward ki taraf badhe.

Darwaza khula.

Andar kai patients apne-apne beds par the.

Me Dadaji ke peeche-peeche andar gaya.

Jaise hi meri nazar saamne ke bed par padi, woh ek pal ke liye ruk gaya.

Bhanu Tau bed par lete hue the.

Unke chehre par chot ke nishaan the. Kapdon par khoon ke halke daag the, lekin bleeding band ho chuki thi.

Bagal wale bed par Vikram Chacha lete hue the.

Unke chehre par bhi chot ke nishaan the.

Mene un dono ko dekhkar sann reh gaya.

Jay_ Papa...

Bhanu ne aankhen kholkar Jay ki taraf dekha.

Bhanu_ Aa gaya tu?

Jay_ Haan Papa...aap dono ko ye kisne kiya?

Vikram ne Jay ki taraf dekha, lekin kuch nahi bola.

Tabhi doctor ward mein aaye.

Doctor_ Thakur sahab.

Dadaji turant doctor ki taraf mud gaye.

Dadaji_ Doctor sahab, mere beton ki haalat kaisi hai?

Doctor_ Chinta ki koi badi baat nahi hai. Dono ko kaafi maar lagi hai, lekin koi major internal injury ya aisi chot nahi mili jo jaanleva ho.

Dadaji ne gehri saans li.

Dadaji_ Bhagwan ka shukr hai.

Doctor_ Humne ghav clean kar diye hain aur bleeding bhi control ho gayi hai. Kuch ghante observation mein rakhenge.

Dadaji_ Doctor sahab, aapka bahut dhanyawad.

Doctor_ Ye hamara farz hai, Thakur sahab.

Doctor wahan se aage badh gaye.

Dadaji dheere-dheere Bhanu aur Vikram ke paas gaye.

Unka chehra ab shaant tha.

Lekin aankhon mein daba hua gussa saaf nazar aa raha tha.

Dadaji_ Batao.

Dono chup rahe.

Dadaji_ Kisne himmat ki tum dono ko haath lagane ki?

Bhanu ne Vikram ki taraf dekha.

Vikram ne nazar jhuka li.

Dadaji_ Main pooch raha hoon. Kisne maara tum dono ko?

Bhanu ne dheere se jawab diya.

Bhanu_ Thakur Jaswant Singh Solanki...

Jaswant Singh ka naam sunte hi Dadaji ka chehra badal gaya.

Unki aankhon mein saalon purana gussa ekdum se ubhar aaya.

Dadaji_ Tum dono Pahalwan ke bete ho... aur usse pit kar aa gaye?

Bhanu aur Vikram ne koi jawab nahi diya.

Dadaji_ Sharam nahi aayi?

Ward mein sannata chha gaya.

Me ak taraf khada sab kuch dekh raha tha.

Mene pehli baar Dadaji ke chehre par itna gehra gussa dekha tha.

Jay_ Dadaji... ye sab hua kaise?

Dadaji ne Jay ki taraf dekha.

Dadaji_ Vikram. Tu bata.

Vikram chacha ne dheere se aankhen band ki aur gehri saans li.

Vikram_ Hum dono mandi se laut rahe the... apni Jeep se.

Bhanu tau chupchaap unki baat sun rahe the...

Vikram_ Durjanpura ke paas jo pul padta hai... wahi par Jaswant Singh ne hamari raah rok li...

Jay_ Akela tha?

Vikram_ Nahi. Uske saath uske teen aadmi aur the.

Vikram ki awaaz mein ab bhi dard tha.

Vikram_ Usne apni gaadi hamari Jeep ke saamne tirchi khadi kar di. Humne gaadi rok di.

Jay_ Phir?

Vikram_ Jaswant gaadi se utar kar hamare paas aaya.

Vikram ne ek pal ke liye rukkar Dadaji ki taraf dekha.

Vikram_ Aur usne hansi ke saath kaha...

Vikram ne Jaswant ki awaaz ki nakal karte hue kaha—

Vikram_ "Kya baat hai? Baldev ke do chilgoje mere ilaake mein kaise ghoom rahe hain?"

Bhanu ne aankhen band kar li.

Vikram_ Maine usse kaha ki hum mandi se laut rahe hain. Lekin woh sunne ke mood mein nahi tha.

Jay_ Phir usne kya kaha?

Vikram_ Usne Arjun Singh ka naam liya.

Ye naam sunte hi Dadaji ki aankhen aur sakht ho gayi.

Vikram_ Usne kaha ki mera baap Arjun Singh usse kushti mein buri tarah haara tha.

Mene hairani se Vikram chacha ki taraf dekha.

Jay_ Chacha...

Vikram_ Haan Jay... wahi purani baat.

Vikram chacha ki aankhon mein nami aa gayi.

Vikram_ Usne mujhe kaha... "Tera baap aur teri maa mere yahan naukar ban kar rahe the."

Me kuch bol nahi paaya.

Bhanu ne dheere se kaha—

Bhanu_ Papa... woh yahan tak nahi ruka.

Dadaji ne Bhanu ki taraf dekha.

Bhanu_ Usne Vikram ki maa ko lekar bhi ghatiya baatein kahi. bol rha tha ki chachi ke sath uske saririk sambhandh bhi the...

Vikram ne apni aankhon se aansu pochhe.

Me chup khada tha.

Mere liye ye sab naya tha.

Vikram chacha ne dheere se Dadaji ki taraf dekha.

Vikram_ Tau shree... kya ye sach hai?

Dadaji ne kuch pal tak uski aankhon mein dekha.

Phir dheere se bole—

Dadaji_ Haan, tumhare pita shart hare the, uske yaha nokar ban kar bhi rhe, 90 dono tak. Lakin tumhari maa ko lekar jo usne kha me iss baat se anjan hun, bete.....

Vikram chacha ka chehra toot sa gaya.

Dadaji_ Lekin jo kuch hua, woh tumhari galti nahi thi.

Vikram_ Lekin mere pita... kya woh waqai usse kushti mein haare the?

Dadaji_ Haan.

Ward mein ek baar phir khamoshi chha gayi.

Dadaji_ Arjun bahut ziddi tha. Uske andar apne maa-baap ki maut ka badla lene ki aag thi. Jaswant ko kushti mein haraana uske liye sirf ek muqabla nahi tha... woh uske liye badla tha.

Dadaji ki awaaz dheemi pad gayi.

Dadaji_ Maine use bahut samjhaya tha. Lekin woh nahi maana.

Vikram chacha ki aankhon se aansu nikal pade.

Dadaji_ Mujhe maaf karna, bete. Main us waqt tumhare maa-baap ko us raaste se bacha nahi paya.

Dadaji ne Vikram chacha ke kandhe par haath rakha.

Dadaji_ Lekin ek baat yaad rakh. Tum mere bete ho. Tumhe apne ateet ko baar-baar khurachne ki zarurat nahi hai.

Vikram chacha ne dheere se gardan jhuka di.

Dadaji_ Main apne parivaar ka ek aur beta is dushmani mein nahi khona chahta.

Bhanu Tau ne bhi dheere se gardan hila di.

Me chupchaap dono ko dekhta raha.

Mere dimaag mein ab Jaswant Singh ka naam pehli baar sirf ek aadmi ka naam nahi raha tha.

Ab woh mere parivaar ke purane zakhmon se juda hua naam tha.

..........