[Babab96]

Scene - Sankul Classroom

Dopahar ka waqt tha. Sankul ki class mein bachche apni padhai mein lage hue the. Me bhi apni jagah par baitha hua kitab padh raha tha. Tabhi classroom ke darwaze par mere ghar ka purana nokar Chandan haanfte hue aa khada hua.

Kiran, jo classroom mein padha rahi thi, usne nokar ko dekha aur turant uski taraf badhi.

Kiran_ Tum yahan kya kar rahe ho? college ke beech mein kyun aaye ho?

Nokar_ Memsaab, mujhe Jay babu ko lene bheja gaya hai. Dadaji ne turant ghar bulaya hai.

Kiran_ Ghar bulaya hai? Kisliye?

Nokar_ Memsaab... baat thodi serious hai. Dadaji ne kaha hai Jay babu ko turant lekar aao.

Kiran ne thoda sakht lehje mein kaha—

Kiran_ Dekho, Jay abhi class mein padh raha hai. Agar koi chhoti-moti baat hai to college ki chhutti hone do. Main usse tabhi ghar bhejungi.

Nokar_ Memsaab, main apni taraf se nahi keh raha. Dadaji ne khud bheja hai.

Kiran_ Aur tumhe kya lagta hai? Jay ne khud tumhe bheja hoga aur ab ghar jaane ka bahana bana raha hoga.

Nokar_ Nahi memsaab, aisi baat nahi hai. Hospital ka mamla hai.

Kiran ek pal ke liye ruk gayi.

Kiran_ Hospital?

Nokar_ Ji. Dadaji ke dono bete—Bhanu Singh ji aur Vikram Singh ji—ko hospital le jaya gaya hai. Dadaji ne Jay babu ko turant bulaya hai.

Me, jo ab tak doorway ki taraf dekh raha tha, apni seat se uth gaya.

Jay_ Kya hua? Papa aur Chacha ko kya hua?

Nokar_ Mujhe poori baat nahi pata babu. Dadaji ne bas itna kaha hai ki tumhe turant ghar lekar aao.

Jay classroom se bahar aaya aur Kiran ke saamne ruk gaya.

Jay_ Ma'am, agar hospital ka emergency hai to mujhe jaana padega. Please mujhe jaane dijiye.

Kiran ka chehra ab pehle jaisa sakht nahi tha. Usse samajh aa gaya tha ki baat waqai serious hai.

Kiran_ Jay... agar sach mein emergency hai to tum jao. Lekin seedha ghar jaana.

Jay_ Ji ma'am. Thank you.

Isi waqt bagal wali class se ek senior male teacher bahar aaye. Unhone Jay aur nokar ko dekha.

Senior Teacher_ Jay, kya hua?

Jay_ Sir, ghar par emergency hai. Dadaji ne bulaya hai.

Senior Teacher ne bina zyada sawaal kiye Jay ki taraf dekha.

Senior Teacher_ Tumhe jo theek lage karo, Jay. Family emergency mein permission ke liye kisi se bahas karne ki zarurat nahi.

Itna kehkar senior teacher wapas apni classroom ki taraf chale gaye.

Kiran kuch pal tak unhe dekhti rahi. Uske chehre par spasht hairani thi.

Kiran_ Tumhare Dadaji ko college mein sab itni izzat kyun dete hain?

Jay ne halka sa muskurane ki koshish ki, lekin uske chehre par chinta saaf thi.

Jay_ Ma'am, Dadaji ki apni ek pehchaan hai. Lekin abhi mujhe jaana hoga.

Nokar_ Chaliye babu, der ho rahi hai.

Jay_ Haan, chalo.

Mr apna bag uthata hun aur Chandan ke saath college se bahar nikal jaata hun...

Kiran classroom ke darwaze par khadi use door jaate hue dekhti rehti hai. Uske chehre par ab bhi wahi sawaal tha—akhir ghar mein aisa kya hua tha ki Baldev Singh ne Jay ko college se turant bulaya?

......