[Babab96]

Me_ Raghavan Iyer accident se 12 minute pahle farmhouse kyun aaye the?


Dadaji_ Kyunki wo tumhare pita ko bachane aaye the, Prathvi.

Me_ Lakin unhone kisi ko roka kyun nhi?

Dadaji_ Jab Raghavan farmhouse pahucha, Bhanu ke ghar se emergency call aa chuka tha.

Ghar me afra-tafri thi.

Car nikalne ki taiyari ho rhi thi.

Raghavan ke paas Road File 27-B ki ak confidential duplicate copy aur Mahadev ke warning records kaa hissa tha.

Wo Abhay se akele me baat karna chahta tha.

Gate register me entry karne ke baad use andar bheja gya.

Abhay usse verandah me mila.

Raghavan_ Aap iss wakt kahi ja rhe hai?

Abhay_ Bhanu Bhaiya kaa beta pani me gir gya hai.

Hospital ja rhe hai.

Raghavan_ Konsa route?

Abhay_ Abhi decide nhi.

Raghavan ne turant file Abhay ko di.

Raghavan_ Kaali Ghati Road use mat kijiye.

Abhay_ Hume already threat mila hai.

Raghavan_ Threat se jyada hai.

Road barrier fraud aur wireless movement ak hi network se connected ho sakte hai.

Aap pariwar ko ak hi car me mat le jaiye.

Abhay_ Situation emergency hai.

Raghavan_ security officer escort kaa wait kijiye.

Abhay_ Ak bachcha life aur death ke bich hai.

Me 40 minute wait nhi kar sakta.

Raghavan_ Fir kam se kam Bhim Singh ji ko call kijiye.

Abhay_ Unhe iss matter me involve nhi karunga.

Raghavan_ Aap har baar yahi kehte hai.

Abhay_ Kyunki ye meri ladaai hai.

Raghavan_ Ab sirf aapki nhi.

Aapki maa, wife aur beta bhi target ho sakte hai.

Abhay kuchh pal chup rha.

Ghar ke andar se Manjot ki aawaj aayi—

Manjot_ Abhay, jaldi karo!

Abhay ne Raghavan se file li aur kaha—

Abhay_ Aap ye file Pitaji ko personally dijiye.

Raghavan_ Aap khud kyun nhi rakh rhe?

Abhay_ Car me confidential file le jana safe nhi.

Aur ak aur kaam kijiye.

Tumhare pita apne study room me gye.

Desk ki drawer kholi.

Waha “Project Suraksha” naam kaa brown envelope rakha tha.

Usne envelope Raghavan ko diya.

Uss envelope per likha tha—

“Sirf Pitaji ke liye. Agar me wapas naa aau.”

Me_ Papa ko andaza tha ki wo wapas nhi aayenge?

Dadaji_ Unhe exact accident kaa pata nhi tha.

Lakin unhe feel ho gya tha ki danger bahut paas aa chuka hai.

Raghavan_ Ye kyaa hai?

Abhay_ Ak insurance.

Raghavan_ Kis chij kaa?

Abhay_ Sach kaa.

Agar me sham tak wapas aa jaun to envelope mujhe lauta dijiye.

Agar naa aaun…

To Pitaji ko dijiye.

Raghavan_ Aap mere sath rukiye.

security officer ko bulata hu.

Abhay_ Bhaiya kaa beta hospital me hai.

Me nhi ruk sakta.

Raghavan_ Fir akele mat jaiye.

Abhay_ Aaj me akela nhi hu.

Mera pariwar mere sath hai.

Raghavan ne sakht aawaj me kaha—

Raghavan_ Wahi sabse bada risk hai.

Abhay ne bus uski taraf dekha.

Fir kaha—

Abhay_ Agar mere sath kuchh hota hai, to mera beta bachega.

Raghavan_ Aap itne sure kese hai?

Abhay_ Sure nhi hu.

Bus umeed hai.

Raghavan_ Umeed security plan nhi hoti.

Abhay_ Kabhi-kabhi insaan ke paas wahi last chij hoti hai.

Tumhare pita ne Raghavan se hath milaya.

Abhay_ Pitaji ko envelope dena mat bhuliyega.

Aur Bhim Bhaiya ko tabhi involve karna, jab evidence safe ho.

Raghavan_ Aap khud unhe call kyun nhi karte?

Abhay_ Kyunki wo mere liye sab chhodkar aa jayenge.

Aur me nhi chahta meri ladaai unki political identity ko khatam kare.

Raghavan_ Ho sakta hai wo political identity se pahle aapke bhai ho.

Tumhare pita ne halka sa muskurakar jawab diya—

Abhay_ Isi liye unhe dur rakh rha hu.

Ye tumhare pita aur Raghavan Iyer ki last meeting thi.

Kuchh minute baad Raghavan farmhouse se nikal gya.

Aur 12 minute baad family car gate se bahar nikli.

---

Accident ke baad Raghavan mujhe turant envelope nhi de saka.

security officer, media aur unknown logo se farmhouse ghira hua tha.

Use darr tha envelope kisi galat hath me naa chala jaye.

Usne use State Capital ke apne confidential record locker me rakha.

Accident ke 4 din baad wo raat me mujhse mila.

Usne envelope mere samne rakha.

Raghavan_ Ye Abhay ne accident se kuchh minute pahle diya tha.

Mere hath kaapne lage.

Mene seal dekhi.

Wo Abhay ki handwriting thi.

Mene envelope khola.

Andar 3 chije thi—

“Project Suraksha” ke selected pages.

Tumhari bachpan ki ak photograph.

Aur Abhay kaa handwritten letter.

Me_ Letter me kyaa likha tha?

Dadaji ne apne paas rakhe purane wooden box ko khola.

Andar ak yellow ho chuka folded paper tha.

Unhone use bahut sambhalkar mere samne rakha.

Dadaji_ Ye tumhare pita kaa letter hai.

Mene kaapte hatho se paper khola.

Usper likha tha—

---

“Pitaji,

Agar aap ye letter padh rhe hai to shayad me khud sari baate explain karne ke liye present nhi hu.

Mene apni life me kai enemies banaye. Kuchh apne decisions ki wajah se, kuchh isliye kyunki mene unke galat kaam accept nhi kiye. Mene humesha socha me apni problems khud handle kar lunga. Ho sakta hai ye meri strength thi. Ho sakta hai meri sabse badi galti.

Agar mere sath kuchh hota hai, to sabse pahle mere pariwar ko protect kijiye. Nimrit, Maa aur mere bete ko.

Agar mera beta jinda rahe, to use bus mera naam aur property mat dijiye. Use sach samajhne layak banaiye.

Use strong banaiye, lakin gusse kaa gulam nhi.

Use politics samjhaiye, lakin power kaa bhooka nhi.

Use business samjhaiye, lakin paiso ke liye bikne wala nhi.

Use kanun samjhaiye, taki wo jaan sake ki badla aur insaaf me kyaa fark hota hai.

Agar meri aur mere pariwar ki maut natural naa ho, to mera beta bade hokar iska badla le.

Lakin khoon se nhi.

Sach se.

Evidence se.

Kanun se.

Un logo kaa naam duniya ke samne laakar, jinhone hamara pariwar khatam karne ki koshish ki.

Unki power, unka paisa aur unka jhootha samman chhin kar.

Unhe wahi saza dilakar, jisse wo saalo tak dusro ko bachne ke liye use karte rhe.

Mera beta meri adhuri ladaai complete kare.

Lakin meri galti repeat naa kare.

Wo akela naa lade.

Bhim Bhaiya se kahiye me unse help nhi mang saka, lakin mere bete ko unka sath chahiye hoga. Wo openly nhi to indirectly uske liye rasta safe rakhe.

Bhanu Bhaiya se kahiye agar wakt aaye to mere bete ko apne bete jesa rakhe. Mujhe pata hai wo kabhi use akela nhi chhodenge.

Aur Pitaji…

Aap use iss kabil banaiye ki jab sach uske samne aaye, wo bus roye nhi.

Wo khada ho.

Soch sake.

Sahi aur galat me fark kar sake.

Aur hamare liye insaaf lekar aaye.

Aapka beta,

Abhay.”

---

Letter padhte-padhte meri aankho se aansu girne lage.

Me_ Papa ko pata tha Bhanu Tauji mujhe apne bete jesa rakhenge?

Dadaji_ Tumhare pita ko Bhanu per pura trust tha.

Unhe ye nhi pata tha ki Bhanu kaa adopted beta usi din mar jayega.

Unhe ye bhi nhi pata tha ki tumhe usi bachche ki identity milegi.

Lakin unhone apne letter me Bhanu kaa naam likha tha.

Shayad wo apne bhaiyo ko khud se jyada samajhte the.

Me_ Aur Bhim Tauji?

Dadaji_ Abhay ne unse puri zindagi direct support nhi manga.

Wo apni identity khud banana chahta tha.

Lakin apne last letter me bhi usne ye nhi kaha ki Bhim tumhari ladaai lade.

Usne kaha—

Bhim tumhe indirectly rasta de.

Me_ Kese?

Dadaji_ Bhim tumhare samne shield bankar nhi khada hoga.

Wo tumhari jagah decision nhi lega.

Wo apni political power se killers ko bina proof arrest bhi nhi karwayega.

Lakin—

Wo old records disappear nhi hone dega.

Honest officers ko transfer se bachayega.

Tumhare against planted cases kaa legal trail preserve karega.

Dushmano ko ye pata nhi lagne dega ki tum kis direction me investigation kar rhe ho.

Aur jab tumhare paas evidence hoga, tab kanuni institutions tak pahuchne kaa rasta khula rakhega.

Me_ Matlab wo meri help karenge, lakin meri ladaai khud nhi ladenge?

Dadaji_ Haa.

Kyuki ye Abhay ki last wish thi.

Tumhare Tau tumhe strong banayenge.

Lakin tumhare badle kaa credit ya bojh apne uper nhi lenge.

Bhanu ne tumhe 12 saal tak identity, ghar aur pita kaa pyar diya.

Usne apne dead bete kaa naam tumhari jaan bachane ke liye tumhe diya.

Usne tumhe public najar se protect kia.

Uske private contacts, estate resources aur trusted men aage bhi tumhare sath rahenge.

Bhim ne records, political intelligence aur investigation kaa hidden network preserve kia.

Wo tumhe sahi logo tak pahuchayega.

Lakin final decision…

Final risk…

Aur final sach duniya ke samne lana—

Ye tumhara kaam hoga.

Me_ Aapne mujhe bachpan me sach kyun nhi bataya?

Dadaji_ Kyunki tum ready nhi the.

Pahle tumhe normal bachpan dena tha.

Fir education.

Discipline.

History.

Kanun.

Politics.

Business records padhna.

Logo ke chehre aur words ke bich kaa fark samajhna.

Me_ Isliye aap mujhe files padhne dete the?

Dadaji_ Haa.

Tumhe lagta tha me tumhe bus family business sikha rha hu.

Lakin me tumhe patterns pahchanna sikha rha tha.

Kisi land document me forged entry kese pakadte hai.

Kisi newspaper story me source aur narrative kaa fark kyaa hota hai.

Political power aur legal authority same kyun nhi hoti.

Kisi aadmi kaa public chehra aur asli motive alag kese ho sakta hai.

Me_ Aur Bhanu Tauji mujhe self-defence aur driving kyun sikhate the?

Dadaji_ Taaki tum vulnerable naa raho.

Lakin tumhe kisi ko maarne ke liye nhi.

Apni jaan bachane ke liye.

Me_ Bhim Tauji mujhe political meetings me log observe karne kyun le jate the?

Dadaji_ Taaki tum samjho ki power kis tarah operate karti hai.

Kon stage per bolta hai.

Kon piche decision leta hai.

Kon loyal dikhayi deta hai.

Aur kon dono sides se benefit leta hai.

Me_ Aap sab mujhe iss din ke liye taiyar kar rhe the?

Dadaji_ Haa.

Lakin tumse tumhari marji nhi chhinna chahte the.

Abhay ki last wish thi ki tum sach jaanne layak bano.

Ye nhi ki tumhe force karke revenge ki aag me dhakel diya jaye.

Tum chaaho to normal life choose kar sakte ho.

Apni asli identity secret rakh sakte ho.

Apni education aur business per focus kar sakte ho.

Koi tumhe coward nhi kahega.

Me kuchh der chup rha.

Mere samne Papa kaa letter tha.

Maa kaa chehra meri yaado se jyada photographs me tha.

Dadi Manjot ki aawaj Dadaji ki kahaniyo me jinda thi.

Mohan, jiski dead body ko duniya ne meri body samjha.

Bhanu Tauji kaa beta Jay, jiska naam meri protection bana.

Aur mere pita Abhay…

Jinhone accident ke ak second pahle mujhe car se bahar fekkar jinda rakha.

Me_ Agar me ye ladaai choose karu, to kyaa mujhe sabko marna hoga?

Dadaji_ Nhi.

Ye baat dhyan se suno, Prathvi.

Tumhare pita kaa “badla” khoon nhi tha.

Kisi ko gusse me maar dena easy hai.

Lakin pure network kaa sach prove karna difficult hai.

Salman Pathan ko bus goli maar di to wo victim ban jayega.

Michael D’Souza mar gya to uske records aur connections uske sath chale jayenge.

Farooq Mirza ko nuksan pahuchaya to uski jagah dusra aadmi aa jayega.

Devendra Rathore ko bina proof expose kia to wo political conspiracy bolkar bach jayega.

Asli badla hoga—

Unke documents saamne lana.

Unke hidden accounts prove karna.

Mahadev ko jinda dhundna.

Javed Ansari aur Bhaskar Rao kaa trail pakadna.

Mohan aur Shankar ki death ko official truth dilana.

Bhanu ke bete Jay ki hidden death kaa samman karna.

Aur duniya ko batana ki Kunwar Abhay Pratap Singh Thakur kaa pariwar accident me nhi mara tha.

Unhe planning ke sath khatam kia gya tha.

Me_ Aur jab evidence mil jayega?

Dadaji_ Tab kanun unhe saza dega.

Unka political protection tutega.

Unka business empire seize hoga.

Unka public samman khatam hoga.

Unhe har uss pariwar kaa jawab dena hoga, jise unhone paiso aur power se chup karwaya.

Ye tumhare pita kaa badla hoga.

Me_ Aur meri asli identity?

Dadaji_ Use bhi strategy ke sath reveal karna hoga.

Jab tak dushman tumhe Bhanu Pratap kaa beta Jay samajhte hai, tum unki najar me Abhay ki virasat nhi ho.

Ye tumhari sabse badi protection hai.

Lakin jis din tum duniya ke samne kahoge—

“Me Kunwar Prathvi Singh Thakur, Abhay aur Nimrit kaa beta hu…”

Uss din tumhare paas aisa evidence hona chahiye, jise koi government, party ya businessman daba naa sake.

Room kaa door dheere se khula.

Bhim Singh Thakur aur Bhanu Pratap andar aaye.

Bhanu ne mujhe dekha.

Uski aankho me darr tha—

Shayad use lag rha tha sach jaanne ke baad me use apna father maanna band kar dunga.

Me uske paas gya.

Me_ Aapne mera naam badla.

Bhanu_ Teri jaan bachane ke liye.

Me_ Aapne mujhe mera sach nhi bataya.

Bhanu_ Tujhe kho dene ke darr se.

Me_ Aapke asli bete kaa naam mene 12 saal use kia.

Bhanu ki aankho se aansu girne lage.

Bhanu_ Mera Jay mar gya tha.

Lakin mene kabhi tujhe uski jagah nhi maana.

Tu mere liye Prathvi bhi tha…

Aur mera beta bhi.

Bus duniya ke samne tujhe Jay kehna pada.

Mene Bhanu Tauji ko gale laga lia.

Me_ Aap mere Tau bhi hai.

Aur Papa bhi.

Bhanu ne mujhe majbooti se pakad lia.

Bhim thoda dur khada tha.

Me uski taraf muda.

Me_ Aur aap?

Bhim_ Me wo bada bhai hu jo tere pita ke wakt dur raha.

Lakin tere wakt wo galti repeat nhi karunga.

Me_ Directly meri ladaai nhi ladenge?

Bhim_ Nhi.

Abhay ki last wish kaa samman karunga.

Tujhe apni identity khud banani hai.

Lakin tujhe kabhi akela nhi chhodunga.

Tumhe lagega me dur hu.

Lakin jaha political deewar hogi, me usme rasta banaunga.

Jaha record gayab hone wala hoga, me copy bachaunga.

Jaha honest officer per pressure hoga, use khada rehne kaa moka dunga.

Aur jaha tum galat direction me jaoge—

Waha tumhe rokunga bhi.

Me_ Bhale hi me aapki baat naa manu?

Bhim ke chehre per halki muskan aayi.

Bhim_ Iss baar bada bhai chhote ki har baat nhi manega.

Dadaji apni chair se khade hue.

Unhone mere kandhe per hath rakha.

Dadaji_ 12 saal se hum tumhe bachate rhe.

Aaj tak tumhe lagta tha ki tum Kunwar Jay Singh Thakur ho.

Bhanu Pratap kaa beta.

Ak aisa bachcha jiske uncle aur family 1996 ke accident me mar gye the.

Lakin ab tum sach jante ho.

Tum Kunwar Abhay Pratap Singh Thakur aur Nimrit ke biological bete ho.

Tumhara janm naam—

Kunwar Prathvi Singh Thakur hai.

Jay tumhari dhal tha.

Prathvi tumhari pehchan hai.

Aur Abhay kaa beta hona tumhari responsibility.

Me_ Mujhe sabse pahle kyaa karna hoga?

Dadaji_ Gussa control.

Education complete.

Kanun aur records ki proper understanding.

Apne dushmano ko ye feel mat hone dena ki tum sach jaan chuke ho.

Publicly tum wahi 16 saal kaa Jay rahoge.

Andar se Prathvi taiyar hoga.

Bhim_ Devendra Rathore ab bhi powerful hai.

Michael, Salman aur Farooq apne businesses chala rhe hai.

Unhe lagta hai Abhay ki bloodline khatam ho chuki.

Bhanu_ Yahi tumhara advantage hai.

Dadaji_ Lakin ye game nhi hai.

Ak galti se tumhari identity expose ho sakti hai.

Tumhare sath khade logo ki jaan danger me aa sakti hai.

Isliye koi impulsive decision nhi.

Koi akela hero banne ki koshish nhi.

Koi bina evidence confrontation nhi.

Me_ Papa ne bhi yahi galti ki thi.

Dadaji_ Haa.

Tumhe unki himmat leni hai.

Unki galti nhi.

Mene Papa kaa letter fold kia aur apne hath me pakad lia.

Me_ Me promise karta hu…

Me unki maut kaa badla lunga.

Lakin un logo jesa bankar nhi.

Unhe mar kar nhi.

Unka sach duniya ke samne laakar.

Unke network ko kanun ke samne todkar.

Maa, Papa, Dadi, Shankar kaka, Mohan…

Aur asli Jay ko insaaf dilakar.

Bhim ne mera kandha pakda.

Bhim_ Abhay ko tujhper garv hota.

Bhanu_ Nimrit ko bhi.

Dadaji ki aankho me aansu the, lakin iss baar unke chehre per dard ke sath satisfaction bhi tha.

Dadaji_ Mene Abhay se promise kia tha ki uske bete ko iss kabil banaunga ki wo sach jaanne ke baad tutega nhi.

Khada hoga.

Aaj mera wo promise pura hua.

Lakin tumhari journey ab start huyi hai.

Dadaji mere bilkul samne aaye.

Unhone pahli baar mujhe mere dono naamo se pukara—

Dadaji_ Ab tum sach jaan chuke ho.

Aage ke liye khud ko taiyar karo…

Jay urf Kunwar Prathvi Singh Thakur.