31-07-2026, 12:12 PM
Me_ Packet Bhim Tauji ke paas kisne bheja tha?
Dadaji_ Raghavan Iyer ne.
Me_ To Mahadev ki diary me likha “R” wahi the?
Dadaji_ Haa.
Mahadev ne apne records ki ak sealed copy Raghavan Iyer ko di thi.
Usse lagta tha Raghavan government system ko samajhta hai, records safe rakh sakta hai aur Salman-Michael ke network se directly connected nhi hai.
Mahadev ne clear instruction diya tha—
“Jab tak me jinda aur contact me hu, packet mat kholna. Agar me gayab ho jaun ya Abhay ke pariwar ke sath koi badi ghatna ho, to ye record Kunwar Bhim Singh Thakur tak pahucha dena.”
Me_ Raghavan ne papa ko pahle kyun nhi diya?
Dadaji_ Mahadev ne mana kia tha.
Aur Raghavan ko bhi nhi pata tha ki final attack itna paas hai.
Use laga tha diary future investigation ke liye protection hai.
Jab accident hua, tab use samajh aaya ki warning late ho chuki hai.
Accident ke 3 din baad Bhim apne State Capital office me akela baitha tha.
Usne 3 din se properly khana nhi khaya tha.
Uske samne Abhay, Nimrit, Manjot aur tumhari presumed death ki newspaper reports padi thi.
Abhay kaa antim sanskar ho chuka tha.
Public memorial ki preparations chal rhi thi.
Lakin Bhim kisi se milna nhi chahta tha.
Uska private secretary room me aaya.
Secretary_ Sir, ak retired government officer personally sealed packet dekar gya hai.
Bhim_ Kis officer ne?
Secretary_ Naam Raghavan Iyer bataya.
Bhim ne turant sir uthaya.
Usne Raghavan kaa naam Nimrit ki files aur Kaali Ghati inquiry me suna tha.
Secretary_ Unhone kaha packet sirf aap kholenge.
Kisi register me entry naa ho.
Bhim_ Tumne packet check karwaya?
Secretary_ Basic security check hua hai.
Andar papers aur photograph hai.
Bhim ne secretary ko bahar bhej diya.
Room kaa door lock kia.
Fir packet khola.
Sabse uper Mahadev kaa handwritten note tha—
“Kunwar Bhim Singh ji,
Agar ye packet aap tak pahuch rha hai to shayad me jinda nhi hu, ya bolne ki position me nhi.
Abhay ne aapko apne conflicts se dur rakha.
Lakin iss network ki pahuch uski expectation se bahut jyada hai.
Uske pariwar kaa accident agar ho chuka hai, to use normal accident mat maniyega.
Mene galtiya ki hai.
Ye papers meri safai nhi.
Bus sach tak pahuchne kaa rasta hai.”
Bhim ke hath kaapne lage.
Usne agla page khola.
Usme 1994 ke route test kaa detail tha.
Family car diversion.
Old quarry kaa fake call.
Aftab ke Abhay ko rokne kaa record.
Fir Collector appointment ke baad family vehicles ki monitoring.
Workshops ke naam.
Drivers kaa schedule.
Kaali Ghati Road File 27-B.
Aur final entry—
“Emergency must be genuine enough that family abandons security protocol voluntarily.”
Me_ Matlab Bhanu Tauji ke bete ki tragedy unke plan kaa part thi?
Dadaji_ Nhi.
Mahadev ke record me water-tub incident kaa koi mention nhi tha.
Bhanu ke bete kaa tub me girna ak real aur alag tragedy thi.
Dushmano ne use create nhi kia tha.
Lakin unke network ne uss genuine emergency ko turant apne plan ke liye use kia.
Me_ Unhe itni jaldi information kese mili?
Dadaji_ Bhanu estate kaa telephone exchange operator unke network me tha.
Estate Manager ne farmhouse ko phone kia.
Uske turant baad operator ne ak coded number per call kia.
Usne bus itna bataya—
“Bhanu Pratap kaa beta critical hai. Thakur pariwar estate hospital ki taraf ja sakta hai.”
Unke paas pahle se vehicles, routes aur emergency-response kaa plan ready tha.
Emergency unhone create nhi ki.
Lakin emergency milte hi plan activate kar dia.
Bhim ne diary kaa agla page padha.
Usme kuchh initials the—
S.P.
M.D.
F.M.
A.P.
J.A.
B.R.
Aur “Wireless Route Copy.”
Packet me ak black-and-white photograph thi.
Photograph hotel ke private conference room ki khidki ke bahar se li gyi lagti thi.
Andar Michael D’Souza table per Kaali Ghati Road kaa map kholkar baitha tha.
Salman Pathan uske paas khada tha.
Farooq Mirza chair per tha.
Ak government officer unhe file dikha rha tha.
Officer kaa chehra side angle me tha.
Clear nhi.
Lakin uski uniform security officer Wireless Branch ki thi.
Uske hath me district emergency-route file thi.
Photograph ke piche Mahadev ne likha tha—
“B.R. brought final wireless movement chart.”
Me_ B.R. Brian Rodrigues nhi tha?
Dadaji_ Mahadev ki diary me B.R. do alag logo ke liye use hua tha.
Yahi confusion jaan-bujhkar rakha gya tha.
Ak Brian Rodrigues tha—
Rebecca kaa assistant, forged complaints aur photographs kaa middleman.
Dusra tha—
Bhaskar Rao.
State security officer Wireless Branch kaa Deputy Director.
Me_ Kyaa Bhaskar Rao ne wrong wireless message bheja tha?
Dadaji_ Investigation me yahi suspicion nikla.
Bhaskar Rao ke office se district Collector security routes, emergency frequencies aur wireless codes access kiye ja sakte the.
Normal condition me ak senior officer ko kisi family kaa exact private route nhi pata hota.
Lakin Collector kaa official movement security branch me record hota tha.
Abhay aur Manjot kaa movement official record me nhi tha.
Wo information alag sources se aayi.
Bhaskar Rao ne bus official system kaa part provide kia—
Kis checkpoint ko kyaa message jayega.
Kis frequency per escort communicate karegi.
Kaun se initial code believable lagenge.
Wrong wireless message isliye genuine register me enter hua, kyunki wo system ke andar se bheja gya tha.
Me_ Bhim Tauji ne turant use arrest kyun nhi karwaya?
Dadaji_ Bhim politician tha, security officer officer nhi.
Wo chahta to government per pressure dal sakta tha.
Lakin Abhay ki death ke baad bhi usne kanuni process todne se mana kia.
Usne State Home Secretary aur Director General of security officer ko private meeting ke liye bulaya.
Bhim_ Kaali Ghati accident kaa case normal road accident ki tarah band nhi hoga.
DGP_ Preliminary report brake failure aur weak barrier dikha rhi hai.
Bhim_ Wrong wireless diversion?
DGP_ Communication error ho sakta hai.
Bhim ne photograph table per rakh di.
Bhim_ Ye error hai?
DGP ne photograph dekhi.
Home Secretary_ Ye photograph kaha se mili?
Bhim_ Source confidential hai.
DGP_ Officer kaa face clear nhi.
Bhim_ Uniform aur file clear hai.
Home Secretary_ Political rivals forged photo bhi create kar sakte hai.
Bhim_ Forensic examination karwaiye.
Aur official Special Investigation Team banaiye.
DGP_ Sir, aap deceased ke elder brother bhi hai.
Opposition kahegi investigation politically influenced hai.
Bhim_ Isliye team directly mere under nhi hogi.
Retired High Court judge ki monitoring me ho.
Me kisi officer kaa naam suggest nhi karunga.
Bus case accident bolkar close nhi hoga.
Formal Special Investigation Team banayi gyi.
Public order me likha gya—
“Serious procedural irregularities, road-quality failure aur wireless communication discrepancy ke karan independent investigation.”
Bhim ne Salman, Michael ya Farooq kaa naam public me nhi lia.
Wo evidence destroy hone se pahle records seize karwana chahta tha.
Lakin network ko investigation ki khabar Bhim ke formal announcement se pahle hi mil gyi.
Me_ security officer se leak huyi?
Dadaji_ Ya Home Department se.
Bhaskar Rao agle din office nhi aaya.
Uska government quarter khali mila.
Almirah me kuchh clothes the.
Passport ghar per tha.
Family ko kaha gya tha ki wo official tour per ja rha hai.
Lakin koi official tour order nhi tha.
Uski car railway station ke paas mili.
Train reservation me naam nhi.
Wo bhi Javed, Naseer, Brian aur Mahadev ki tarah gayab ho gya.
Me_ Kyaa use maar diya gya?
Dadaji_ Kabhi prove nhi hua.
Ho sakta hai network ne use bahar bhej diya.
Ho sakta hai usne khud bhaagkar identity badal li.
Ya ho sakta hai wo jinda hi naa rha ho.
Uske office se kuchh important wireless logs missing mile.
Kaali Ghati accident wale din kaa original transmission tape erase tha.
Register me wrong diversion message kaa entry thi—
Lakin entry karne wale operator ne kaha—
Operator_ Message State Control se aaya tha.
SIT Officer_ Kisne receive kia?
Operator_ Mene.
SIT Officer_ Voice pahchani?
Operator_ Senior officer ki aawaj thi.
SIT Officer_ Bhaskar Rao?
Operator_ Ho sakta hai.
Lakin wireless per voice distorted thi.
SIT Officer_ Verification code?
Operator_ Correct tha.
Me_ Correct code use hua tha?
Dadaji_ Collector movement kaa official code correct tha.
“Blue pen” family emergency code nhi.
Wo kabhi use hi nhi hua, kyunki wrong message security officer system ke andar circulate hua tha.
Family ko direct fake emergency call nhi dia gya tha.
Real emergency already exist karti thi.
Checkpoint ko bus ye believe karwaya gya ki Collector car dusre route se ja rhi hai.
Kaali Ghati turn per stolen PWD jeep aur fake officer ready the.
Car brake-fluid line per damage travel start hone se pahle hi ho chuka tha.
Me_ Car farmhouse me kisne damage ki?
Dadaji_ Yahi sabse difficult sawal tha.
Car pichli sham trusted garage se aayi thi.
Garage owner honest tha.
Lakin car ko wash aur final parking ke liye farmhouse outer service area me rakha gya.
Raat ki shift me security camera nhi the.
Ak electrician emergency generator repair karne aaya tha.
Entry register me naam likha tha—
“Ramesh Pawar.”
Address fake nikla.
Guard ne kaha wo tool bag lekar aaya tha.
Generator repair normal thi.
Usne lagbhag 40 minute service area me spend kiye.
Me_ Javed ho sakta tha?
Dadaji_ Guard ne photograph dekhkar kaha face Javed se milta tha, lakin fully confirm nhi kia.
Javed disguise use karne me expert tha.
Brake line me small controlled cut lagaya gya hoga, jo car start hone per immediately leak naa kare.
Brake use hote-hote pressure khatam ho.
Ye technical conclusion tha.
Lakin cut kisne lagaya, direct proof nhi mila.
Bhim Special Investigation Team ki har report padhta.
Har naam per sawal karta.
Lakin wo kisi officer ko result decide karne kaa order nhi deta.
Ak raat Raghavan Iyer usse private residence per mila.
Bhim_ Aap Mahadev ke “R” the?
Raghavan_ Haa.
Bhim_ Aapne packet pahle kyun nhi diya?
Raghavan_ Mahadev ne mana kia tha.
Bhim_ Abhay mar gya.
Maa mar gyi.
Nimrit mar gyi.
Bachcha—
Bhim ki aawaj ruk gyi.
Bhim_ Agar ye record 1 mahina pahle milta to shayad wo jinda hote.
Raghavan_ Shayad.
Lakin Mahadev ko trust nhi tha ki packet safe rahega.
Bhim_ Mujhper bhi nhi?
Raghavan_ Aap per tha.
Aapke office system per nhi.
Aap ruling party ke state president hai.
Aapke aas-paas ministers, security officer officers, party workers aur businessmen ghumte hai.
Mahadev ko nhi pata tha leak kaha hai.
Bhim_ Usne Abhay ko warn kia tha.
Raghavan_ Haa.
Bhim_ Abhay ne mujhe kyun nhi bataya?
Raghavan_ Kyunki wo aapko apne conflicts me nhi lana chahta tha.
Bhim ne gusse me table per hath mara.
Bhim_ Mujhe uski baat nhi maanni chahiye thi!
Raghavan chup rha.
Bhim_ Me uska bada bhai tha.
Wo 21 saal ki age se criminals, businessmen aur political networks se lad rha tha.
Me State President ki chair per baitha use independence deta rha.
Ye independence nhi thi.
Me use akela chhod rha tha.
Raghavan_ Usne khud choose kia tha.
Bhim_ Chhota bhai galat choice kare to bada bhai bus respect karta rahe?
Mujhe force karna chahiye tha.
Usse har hafte phone karna chahiye tha.
Uski security review karwani chahiye thi.
Mahadev kaa naam sunte hi personally investigate karna chahiye tha.
Raghavan_ Guilt investigation kaa substitute nhi ho sakta.
Bhim_ Mujhe guilt kaa lecture mat dijiye.
Raghavan_ Me lecture nhi de rha.
Bus keh rha hu ki agar aap gusse me political power use karenge, to asli log bach jayenge.
Wo aapko revengeful brother dikhayenge.
Evidence compromise hoga.
Bhim ne gahri saans li.
Bhim_ Fir kyaa karu?
Raghavan_ Records bachaiye.
Witnesses dhundiye.
Mahadev kaa pariwar.
Bhaskar Rao.
Javed Ansari.
Brian Rodrigues.
Anthony Pereira.
Inme se koi ak jinda aur bolne ki position me mila to chain khul sakti hai.
Bhim_ Aur jab tak?
Raghavan_ Publicly shant rahiye.
Privately sach kaa picha kijiye.
Bhim ne wahi kia.
Lakin uske andar guilt badhta rha.
Usne Abhay ke purane letters, photographs aur political notes apne private room me rakh liye.
Kisi public meeting me Abhay kaa naam aata to wo normal political language use karta.
Lakin akela hota to tut jata.
Me_ Unhe lagta tha me bhi mar chuka hu?
Dadaji_ Haa.
Bhim ke liye uss wakt Prathvi bhi accident me mar chuka tha.
Use tumhare jinda hone kaa koi idea nhi tha.
Accident ke kuchh hafte baad Bhim Bhanu ke estate gaya.
Bhanu kaa adopted beta “Jay” ghar me tha.
Yani tum.
Tumhare sir ki injury ab heal ho rhi thi.
Tum bahut chup rehne lage the.
Bhanu ne sabko bataya tha ki water-tub incident me bachcha almost drown hua tha, lakin servants ne time per nikal lia.
Shock aur head injury ki wajah se uski memory aur behaviour effect hua.
Public ko yahi story di gyi.
Bhim drawing room me aaya.
Tum corner me toy horse lekar baithe the.
Bhim ne tumhe dekha.
Tumhari aankhe aur chehra use ak pal ke liye Abhay jesa laga.
Me_ Unhe doubt hua?
Dadaji_ Dil ko hua.
Dimag ne mana kar diya.
Same pariwar ke bachcho me resemblance normal tha.
Bhim tumhare paas baitha.
Bhim_ Jay beta.
Tumne uski taraf dekha.
Tum_ Papa…
Bhim kaa chehra badal gya.
Tum uss waqt har elder male ko kabhi-kabhi Papa bol dete the.
Trauma aur memory confusion thi.
Bhanu turant paas aaya.
Bhanu_ Beta, ye Bhim Tauji hai.
Tum_ Tauji…
Bhim ki aankho me aansu aa gye.
Usne tumhe gale laga lia.
Bhim_ Abhay kaa beta bhi tumhari age kaa tha.
Bhanu ne najar niche kar li.
Bhim_ Dono ak sath khelte the naa?
Bhanu_ Haa.
Bhim_ Ab ghar me sirf tu reh gya.
Bhanu kuchh bol nhi paya.
Bhim ne tumhare sir per hath rakha.
Bhim_ Tujhe kuchh nhi hone dunga.
Irony ye thi ki jis bachche ko wo Bhanu kaa beta samajhkar protect karne kaa promise kar rha tha…
Wo asal me Abhay kaa beta hi tha.
Me_ Bhanu Tauji ne uss din bhi sach nhi bataya?
Dadaji_ Nhi.
Bhim abhi grief aur gusse me tha.
SIT active thi.
Uske office aur phone observe ho sakte the.
Bhanu ko darr tha ki Bhim sach jante hi tumhe state security me le jayega.
Security badhti to sawal uthte—
Bhanu apne adopted bete ko achanak itni protection kyun de rha hai?
Aur agar Bhim kaa emotional behaviour badalta, dushman notice kar sakte the.
Isliye Bhim ko kuchh time tak sach nhi bataya gya.
Me_ Kitne time tak?
Dadaji_ Lagbhag 2 saal.
1998 me, jab accident case publicly thanda pad chuka tha aur major suspects legal technicalities me bach rhe the, tab mene aur Bhanu ne Bhim ko secret location per bulaya.
Tum 6 saal ke the.
Tumhe college me officially Kunwar Jay Singh Thakur ke naam se admission mil chuka tha.
Bhim room me enter hua.
Usne mujhe aur Bhanu ko dekha.
Bhim_ Itni secrecy kyun?
Baldev_ Jo baat sunoge, uske baad tumhari zindagi badal jayegi.
Bhim_ Accident case me kuchh mila?
Bhanu_ Bhaiya… Prathvi jinda hai.
Bhim ne use dekha.
Bhim_ Kyaa?
Bhanu_ Abhay kaa beta accident se jinda bach gya tha.
Bhim_ Ye kesa mazak hai?
Baldev_ Mazak nhi.
Mene door khola.
Tum dusre room me drawing bana rhe the.
Tum andar aaye.
Bhim tumhe dekhkar confuse hua.
Bhim_ Jay?
Bhanu_ Nhi Bhaiya.
Prathvi.
Bhim kaa chehra bilkul safed pad gya.
Bhim_ Nhi…
Bhanu_ Abhay ne car se bahar fekkar bachaya tha.
Mene accident site ke bushes se dhunda.
Mere adopted bete Jay ki usi din tub me death ho gyi.
Humne Prathvi ko uski identity di.
Bhim kuchh seconds tak khada rha.
Fir uske pair jese jawab de gye.
Wo chair per baith gya.
Usne dono hatho se apna chehra cover kar lia.
Bhim_ Do saal…
Tumne mujhe do saal nhi bataya?
Baldev_ Tum State President the.
Har movement observed thi.
Bhim_ Me iska bada Tauji hu!
Bhanu_ Isi liye darr tha.
Aap react karte.
Security badhate.
Investigation ko personally push karte.
Enemies ko survivor kaa doubt hota.
Bhim_ Tumhe lagta hai me secret nhi rakh sakta?
Baldev_ Secret rakh sakte the.
Apna grief aur pyar chhupa pate ya nhi, ye nhi pata tha.
Bhim ne tumhari taraf dekha.
Tumhe conversation kaa pura matlab nhi samajh aa rha tha.
Bhim dheere-dheere tumhare paas aaya.
Wo ghutno per baitha.
Bhim_ Tera naam kyaa hai beta?
Tum_ Jay.
Bhim ki aankho se aansu nikal gye.
Bhim_ Aur Papa kaa naam?
Tum kuchh pal sochne lage.
Bhanu ne tumhe naye pariwar ke according jawab sikhaya tha.
Tum_ Bhanu Papa.
Bhim ne aankhe band kar li.
Usne tumhe gale laga lia.
Bahut der tak.
Fir usne Bhanu se kaha—
Bhim_ Aaj se ye raaj meri jaan se bhi safe hai.
Me public me kuchh change nhi karunga.
Lakin iski protection—
Bhanu_ Open security nhi.
Bhim_ Samajh gya.
Baldev_ Isse normal life chahiye.
Bhim_ Aur sach?
Baldev_ Sahi age per.
Bhim_ Kab?
Bhanu_ Jab ye samajh sake aur jab enemies kaa immediate threat kam ho.
Bhim ne tumhe dobara dekha.
Bhim_ Abhay kaa beta jinda hai…
Uske chehre per 2 saal me pahli baar ak chhoti si roshni aayi.
Lakin guilt khatam nhi hua.
Ulta aur badh gya.
Use laga—
Agar wo Abhay ke close contact me hota…
To shayad accident hota hi nhi.
Aur Prathvi ko apna naam chhupakar jeena naa padta.
2008 me Dadaji ki kahani sunte hue me bilkul chup baitha tha.
Me_ Bhim Tauji ko abhi bhi guilt hai?
Dadaji_ Haa.
Me_ Wo mujhe ye sab khud kyun nhi batate?
Dadaji_ Kyunki wo tumhari aankho me Abhay ko dekhte hai.
Aur unhe lagta hai tum unse puchhoge—
“Jab mere Papa danger me the, tab aap kaha the?”
Me_ Me ye sawal puchunga.
Dadaji_ Puchna chahiye.
Ussi wakt room ke bahar kadmo ki aawaj aayi.
Door khula.
Safed kurta aur dark waistcoat pahne Kunwar Bhim Singh Thakur andar aaye.
Unke baal ab kaafi safed ho chuke the.
Public meetings me unka chehra strong aur controlled dikhta tha.
Lakin uss room me wo State President nhi…
Apne chhote bhai kaa bada bhai lag rhe the.
Unhone mujhe dekha.
Bhim_ Pitaji ne sab bata dia?
Me_ Haa.
Bhim ne dheere se door band kia.
Wo mere samne wali chair per nhi baithe.
Wo seedha mere paas aaye aur mere samne ghutno per baith gye.
Bhim_ Jay—
Me_ Prathvi.
Bhim ki aankhe bhar aayi.
Bhim_ Haa.
Kunwar Prathvi Singh Thakur.
Room me gehri shanti thi.
Me_ Jab Papa ko dhamkiya mil rhi thi, tab aap kaha the?
Bhim ne najar nhi hatayi.
Bhim_ Dur tha.
Me_ Kyun?
Bhim_ Kyunki tere Papa ne kaha tha.
Me_ Aur aapne maan lia?
Bhim ki aawaj tut gyi.
Bhim_ Haa.
Yahi meri zindagi ki sabse badi galti thi.
Me_ Aap State President the.
Aapke paas power thi.
Bhim_ Thi.
Me_ Fir use use kyun nhi kia?
Bhim_ Kyunki Abhay apni pehchan khud banana chahta tha.
Wo nhi chahta tha ki koi bole Bhim Singh kaa bhai hone ki wajah se use protection, ticket ya power mil rhi hai.
Mene socha uski independence kaa respect kar rha hu.
Lakin sach ye hai—
Me uske lafdo se dur rha.
Usne kaha “Bhaiya, me handle kar lunga.”
Aur me har baar maan gya.
Mujhe nhi maanna chahiye tha.
Me_ Aapko pata tha situation serious hai?
Bhim_ Pura sach nhi.
Lakin itna pata tha ki uske business rivals hai.
Political enemies hai.
Family route incident hua.
Conference violence hua.
Mahadev missing hua.
Har baar mene pucha.
Har baar usne kaha “manage ho jayega.”
Me State President tha.
Lekin uske samne bus bada bhai tha.
Mujhe uska jawab accept nhi karna chahiye tha.
Mujhe uske ghar jana chahiye tha.
Uski sari files dekhni chahiye thi.
Uski security per force karna chahiye tha.
Use gussa hota to hone deta.
Kam se kam wo jinda hota.
Me_ Aap sure hai ki aap use bacha sakte the?
Bhim_ Nhi.
Isi baat kaa dard aur bada hai.
Ho sakta hai me kuchh bhi naa kar pata.
Lakin mene try bhi nhi kia.
Mene uski zid ko uska decision maan lia.
Bade bhai kaa farz decision maanna nhi hota…
Kabhi-kabhi uske against khada hona hota hai.
Bhim ki aankho se aansu girne lage.
Bhim_ Mene uski baat maan li.
Yahi meri galti thi.
Wo kehta rha—
“Apne lafdo se aapko dur rakhunga.”
Aur me dur raha.
Mujhe uska bada bhai bankar uski baat nhi maanni chahiye thi.
Me kuchh pal use dekhta rha.
Mere andar gussa bhi tha.
Dard bhi.
Aur ajeeb sa apnapan bhi.
Me_ Accident ke baad aapne killers ko pakda kyun nhi?
Bhim_ Koshish ki.
Special Investigation Team bani.
Wireless records.
Brake line.
Kaali Ghati barrier.
Fake PWD jeep.
Telephone exchange.
Sab investigate hua.
Lakin har direct link tak pahuchne se pahle aadmi gayab ho jata.
Bhaskar Rao.
Javed Ansari.
Brian Rodrigues.
Naseer Baig.
Mahadev.
Kuchh witnesses statement badal dete.
Kuchh records jal jate.
Kuchh officers transfer ho jate.
Michael, Salman aur Farooq ke against suspicion strong tha.
Lakin court me murder conspiracy prove karne layak direct chain incomplete thi.
Me_ Aapne political power use kyun nhi ki?
Bhim_ Arrest karwana easy hota.
Conviction nhi.
Aur agar mene bina proof power use ki hoti, to wo khud ko political victims dikhate.
Abhay aur Nimrit kaa sach revenge ke niche dab jata.
Me_ To aap chup ho gye?
Bhim_ Publicly.
Privately nhi.
12 saal se me iss case kaa picha kar rha hu.
Raghavan Iyer ke sath.
Retired investigators ke sath.
Purane bank records.
Transport routes.
Hotel registers.
Foreign travel entries.
Har missing aadmi kaa trail.
Me_ Kuchh mila?
Bhim ne Dadaji ki taraf dekha.
Fir apne waistcoat ke andar se ak purana envelope nikala.
Bhim_ 3 hafte pahle Goa ke ak church archive se Brian Rodrigues kaa purana sealed confession mila.
Me_ Church archive?
Bhim_ Brian darr gya tha.
Gayab hone se pahle usne ak priest ke paas sealed letter chhoda tha.
Instruction tha—
“Agar 10 saal tak me wapas naa aau, letter open karke Kunwar Bhim Singh Thakur ko bhej dena.”
Me_ Usme kyaa hai?
Bhim_ Usne accept kia hai ki forged complaint, Maria photographs aur rented offices me uska role tha.
Usne Javed Ansari kaa ak naya naam bhi likha hai.
Aur Bhaskar Rao ko payment kis account se hua, uska reference diya hai.
Me_ Kiske account se?
Bhim_ Michael, Salman ya Farooq ke direct account se nhi.
Ak charitable foundation se.
Foundation kaa naam tha—
Jan Kalyan Infrastructure Trust.
Me_ Kiska trust?
Bhim_ Publicly ak respected businessman aur social worker kaa.
Aisa aadmi jise Abhay apna supporter samajhta tha.
Me_ Mahadev ke baad dusra supporter?
Bhim_ Mahadev bus andar kaa informer tha.
Ye aadmi network ko political protection aur clean money route deta tha.
Dadaji_ Aur uska naam sunne ke baad tum samjhoge ki accident ke piche bus business rivalry nhi thi.
State-level political planning bhi thi.
Me_ Naam kyaa hai?
Bhim ne envelope mere samne table per rakh diya.
Usper Brian Rodrigues ki handwriting me likha tha—
“Final approval aur protection—D.R.”
Me_ D.R.?
Bhim_ Devendra Rathore.
Me_ Kon?
Bhim_ Dharmchand Patel kaa political guru.
Party kaa senior strategist.
Aur wo aadmi, jise tumhare Papa apne political supporters me sabse experienced aur trustworthy maante the.
Me_ Kyaa Dharmchand bhi involved tha?
Bhim_ Nhi.
Kam se kam abhi tak mile evidence me Dharmchand kaa involvement nhi.
Devendra Rathore ne Dharmchand aur Abhay dono kaa trust use kia.
Wo ruling party ke andar bhi tha.
Opposition businessmen ke sath bhi.
Aur government contracts kaa hidden commission network bhi control karta tha.
Me_ Kyaa wo Bhim Tauji ke under kaam karta tha?
Bhim_ Party structure me indirectly.
Lakin mene use kabhi personal aadmi nhi maana.
Wo alag factions ke bich connection banata tha.
Abhay use experienced supporter samajhta tha.
Mahadev ne pahle jis “dusre supporter” kaa hint diya tha…
Shayad wo Devendra Rathore hi tha.
Me_ Kyaa Devendra Rathore ab jinda hai?
Bhim_ Haa.
Aur aaj bhi politics me active hai.
Public ko lagta hai wo senior, respectable aur samajhdar leader hai.
Me_ To use arrest kyun nhi karte?
Bhim_ Brian kaa letter confession hai, final proof nhi.
Hume trust account, Bhaskar Rao payment aur accident operation ke bich direct financial link chahiye.
Dadaji_ Aur wo link mil sakta hai.
Me_ Kaha?
Bhim_ Mahadev Deshmukh ki missing third diary me.
Me_ Wo diary kaha hai?
Bhim_ Brian ke confession me ak line hai—
“Mahadev alive after disappearance. Last seen under new identity in Kathmandu route network.”
Me_ Mahadev jinda hai?
Bhim_ Ho sakta hai.
Agar wo jinda hai…
To wahi ak aadmi hai jo Michael, Salman, Farooq, Devendra Rathore aur Bhaskar Rao ko ak hi conspiracy me direct connect kar sakta hai.
Me_ Fir hum use dhundenge.
Bhim ne meri taraf dekha.
Bhim_ Ye investigation dangerous hai.
Me_ Mere Maa-Papa ko mara gya.
Mera naam chhin gya.
Mere bachpan ko jhooth bana dia gya.
Ab dangerous bolkar me chup nhi rahunga.
Bhim ki aankho me ak pal ke liye Abhay wali muskan aa gyi.
Bhim_ Bilkul apne baap jesa hai.
Dadaji_ Aur uski sabse badi galti bhi repeat mat karna.
Me_ Konsi?
Dadaji_ Sab kuchh akele handle karne ki.
Mene Bhim Tauji aur Dadaji dono ko dekha.
Me_ Iss baar me akela nhi rahunga.
Bhim ne table per rakha Brian kaa envelope meri taraf badha diya.
Bhim_ Fir kahani sunna ab khatam nhi hua, Prathvi.
Ab tumhe iske andar kaa sach padhna hoga.
Kyuki Brian Rodrigues ne confession ke last page per ak aur naam likha hai—
Aisa naam, jo accident wali car ke departure se sirf 12 minute pahle farmhouse ke outer gate register me enter hua tha.
Entry me purpose likha tha—
“Collector Madam ke liye confidential government file delivery.”
Aur visitor kaa naam tha—
Raghavan Iyer.
![[+]](https://xossipy.com/images/bootbb/collapse_collapsed.png)