[Babab96]

Me_ Mahadev Deshmukh achanak gayab kese hua, Dadu?

Dadaji_ Gayab hone se pahle usne tumhare pita se milne ki koshish ki thi.
Collector Nimrit ko charge liye lagbhag 2 hafte hue the.
Ak raat Rajput Construction ke office me jyadatar staff ja chuka tha. Tumhare pita aur Aftab next day ki political-public meeting kaa schedule dekh rhe the.
Reception kaa landline baja.
Guard_ Kunwar sahab, koi aadmi piche wale gate per aapse milna chahta hai.
Abhay_ Naam?
Guard_ Naam nhi bata rha. Kahta hai purana political worker hu.
Aftab_ Iss time?
Abhay_ Security check karke andar lao.
Kuchh minute baad Mahadev Deshmukh room me enter hua.
Usne simple shawl aur cap pahni thi. Chehra thaka hua tha aur wo baar-baar khidki ki taraf dekh rha tha.
Aftab chair se khada ho gya.
Aftab_ Tumhari himmat kese huyi yaha aane ki?
Mahadev_ Ladne nhi aaya.
Aftab_ Jitni information tumne Salman ko di, uske baad kyaa bacha hai?
Abhay_ Aftab, pahle ise bolne do.
Mahadev ne room kaa door khud band kia.
Mahadev_ Mere paas jyada time nhi hai.
Abhay_ Kis chij kaa?
Mahadev_ Salman aur Michael ko pata chal gya hai ki me records bana rha tha.
Aftab_ Konsi records?
Mahadev_ Meetings, payments, fake companies, Brian Rodrigues, Anthony Pereira… sabke short notes.
Abhay_ Diary kaha hai?
Mahadev_ Ak jagah nhi.
Teen copies hai.
Aftab_ Hume do.
Mahadev_ Itna simple nhi.
Aftab_ Abhi bhi deal karoge?
Mahadev_ Me apni jaan bachane ki koshish kar rha hu.
Abhay_ Tum security officer ke paas jao.
Mahadev_ security officer me bhi unke log hai.
Abhay_ Har officer corrupt nhi.
Mahadev_ Lakin mujhe ye nhi pata kon honest hai.
Abhay_ Collector office?
Mahadev_ Nimrit ji kaa naam iss matter me aaya to wo kahenge unhone husband ke political enemy se secret evidence lia.
Aftab_ To tum chahte kyaa ho?
Mahadev ne pocket se chhota envelope nikala.
Mahadev_ Isme diary ke kuchh pages ki copies hai.
Pura record nhi.
Abhay_ Pura kyun nhi?
Mahadev_ Pura dia aur me mar gya to tum bus ak dead traitor ki diary lekar ghumte rahoge.
Me jinda rha to testimony bhi dunga.
Abhay_ Aur badle me?
Mahadev_ Agar mujhe kuchh ho, meri wife aur bachcho ko iss sahar se safe nikal dena.
Aftab_ Tumne hamare pariwar ko target karne walo ki help ki.
Ab apna pariwar bachane aaye ho?
Mahadev ne najar niche kar li.
Mahadev_ Isliye janta hu ki pariwar kaa darr kyaa hota hai.
Mene jo kia… uska justification nhi hai.
Mujhe laga tha bus political information aur business schedules leak kar rha hu.
Fir har plan dangerous hota gya.
Abhay_ 1994 kaa family route test?
Mahadev chup rha.
Abhay_ Usme tumhara role tha?
Mahadev_ Directly nhi.
Lakin mujhe meeting ke baad result bataya gya tha.
Abhay_ Kisne plan banaya?
Mahadev_ Michael ne structure banaya.
Ground arrangement Javed aur Brian ke through hua.
Salman ne transport aur local men diye.
Abhay_ Farooq?
Mahadev_ Money aur rented locations.
Aftab_ Proof?
Mahadev_ Diary me dates hai.
Kuchh payment codes hai.
Lakin direct signature nhi.
Abhay_ Future plan kyaa hai?
Mahadev kaa chehra aur serious ho gya.
Mahadev_ Nimrit ji ke Collector banne ke baad unhone 6 mahine kaa observation period rakha hai.
Abhay_ Kyaa observe kar rhe hai?
Mahadev_ Aap dono ke routes.
Family kaa travel.
Collector security kaa pattern.
Emergency me security officer response.
Aur aap kis warning ko serious lete hai, kis ko ignore.
Aftab_ Final target kon hai?
Mahadev_ Ye clear nhi bataya.
Lakin meeting me “single event, multiple results” bola gya.
Abhay_ Meaning?
Mahadev_ Ak ghatna…
Jisme political problem bhi solve ho.
Administrative problem bhi.
Aur pariwar kaa emotional centre bhi khatam ho.
Room me gehri shanti chha gyi.
Aftab_ Names bolo.
Mahadev_ Abhay, Nimrit ji aur Manjot Maa kaa naam alag-alag meetings me lia gya hai.
Abhay kaa chehra sakht ho gya.
Abhay_ Mere bachche kaa?
Mahadev_ Directly nhi.
Lakin family vehicle patterns me bachche kaa routine bhi note ho rha hai.
Tumhare pita table se uthkar Mahadev ke bilkul samne aa gye.
Abhay_ Agar mere bachche ki taraf kisi ne dekha bhi—
Mahadev_ Isi reaction kaa study kia ja rha hai.
Aftab_ Abhay, control.
Mahadev_ Aapko gussa dilana unke plan kaa part hai.
Abhay ne apne hath bandh liye.
Abhay_ Diary ki sari copies kaha hai?
Mahadev_ Ak bank locker me.
Ak meri wife ke relative ke paas sealed.
Ak “R” ke paas.
Abhay_ R kon hai?
Mahadev_ Abhi nhi bata sakta.
Aftab_ Fir yaha kyun aaye ho?
Mahadev_ Kyunki agle kuchh dino me me sahar chhodne wala hu.
Abhay_ security officer protection lo.
Mahadev_ security officer protection ki request record me aayegi.
Unhe pata chal jayega.
Abhay_ Bhim Bhaiya—
Mahadev_ Haa.
Unhe bata dijiye.
Wo state level per network ko rok sakte hai.
Abhay_ Ye matter mera hai.
Mahadev_ Ab bus aapka nhi rha.
Nimrit ji Collector hai.
Aap political candidate banne wale hai.
Aapka pariwar target hai.
Bhim Singh ko dur rakhna ab strength nhi, risk hai.
Tumhare pita ne jawab nhi diya.
Mahadev envelope table per rakhkar mud gya.
Abhay_ Mahadev.
Mahadev ruk gya.
Abhay_ Kal subah fir milo.
Puri diary aur lawyer ke sath.
Mahadev_ Agar subah tak jinda rha to.
Aftab_ Drama mat karo.
Mahadev_ Me bhi chahta hu ye bus drama ho.
Wo piche wale gate se bahar chala gya.
Me_ Papa ne use security kyun nhi di?
Dadaji_ Tumhare pita ne do guards ko distance se uski car follow karne ko kaha.
Lakin Mahadev apni car se nhi aaya tha.
Wo paidal market lane tak gya.
Waha ak black Ambassador car uska intejar kar rhi thi.
Guard ne car kaa number note karne ki koshish ki, lakin plate per temporary paper laga tha.
Mahadev car me baitha.
Car traffic me gayab ho gyi.
Agli subah wo meeting per nhi aaya.
Uska ghar khula tha.
Patni aur bachche waha nhi the.
Almirah me kapde bikhre the.
Koi clear struggle kaa sign nhi tha.
Bank locker same din operate hua tha.
Lakin diary wali copy waha se nikali ja chuki thi.
Me_ Kyaa Mahadev apne pariwar ke sath bhaag gya?
Dadaji_ security officer kaa pahla conclusion wahi tha.
Lakin uski wife ke mayke, relatives ya known locations per koi nhi mila.
Railway station record me unke naam ki tickets nhi thi.
Airport travel uss waqt normal family ke liye common nhi tha, aur waha bhi koi record nhi.
Highway toll registers me Mahadev ki car pass nhi huyi.
Aisa laga jese pura pariwar hawa me gayab ho gya.
Abhay_ Kyaa wo voluntary gya?
Aftab_ Ho sakta hai.
Abhay_ Bank locker operation?
Aftab_ Khud kia ho.
Abhay_ Agar bhaagna tha to kal mujhe warning kyun di?
Aftab_ Apni family ki future safety ke liye.
Abhay_ Ya usse force kia gya.
Nimrit ko Mahadev ke gayab hone ki information di gyi.
Nimrit_ Kyaa usne koi evidence diya?
Tumhare pita ne envelope uske samne rakha.
Andar 7 photocopied pages the.
Pages per short entries thi—
“Wedding—J.A. entry successful. Selected papers removed.”
“Route test—driver unexpected turn. A.P. response intercepted by A.Q.”
“Fake land file—N.B. and A.Pereira source.”
“Conference—S.P. physical solution. M.D. alternate plan.”
“Collector appointment—family conflict complaint failed.”
Aur ak latest entry—
“Road File 27-B. Old defect useful. Repair delay required.”
Me_ Road File 27-B kyaa thi?
Dadaji_ Uss wakt hume pata nhi tha.
Nimrit ne turant Collectorate record branch me search order dia.
Nimrit_ Official search general road-safety audit ke naam se hoga.
Abhay_ Mahadev ki diary kaa reference kyun nhi?
Nimrit_ Kyunki diary informal evidence hai.
Agar directly “27-B” search karwaya to jis insider ko code pata hai, wo alert ho jayega.
Usne district ki pichle 10 saal ki accident-prone roads, pending repair works aur contractor files ki list mangwayi.
3 din baad Road File 27-B identify huyi.
File kaa official naam tha—
Northern Ridge Link Road—Section 27-B
Local log use Kaali Ghati Road bolte the.
Me_ Wahi road jaha accident hua?
Dadaji meri taraf dekhkar kuchh pal chup rhe.
Dadaji_ Kahani ko aage badhne do.
Kaali Ghati Road sahar ko northern industrial belt aur Bhanu ke estate wale region se jodti thi.
Road pahadi turn, gehri khai aur purane stone barrier ke liye jani jati thi.
1991 me uske widening aur safety repair kaa contract Michael D’Souza ki company ko mila tha.
Stone aur cement transport kaa subcontract Pathan Transport ne lia tha.
Road ke aas-paas ki kuchh private jamin Farooq Mirza ke investment group ne kharidi thi.
Agar road improve hoti, uss land ki value badhti.
Me_ Tino kaa connection.
Dadaji_ Haa.
File me likha tha ki road repair 1993 me complete ho gya.
Safety barriers, drainage aur warning signs sab installed dikhaye gye the.
Lakin recent security officer accident report me same section per 8 serious accidents record the.
Nimrit ne independent inspection order kia.
PWD Engineer_ Madam, road kaa major work complete hai.
Nimrit_ File me crash barriers 6 kilometre likhe hai.
Ground verification hua?
Engineer_ Completion certificate hai.
Nimrit_ Certificate verification nhi hota.
Kal site visit hoga.
Engineer_ Madam, road Collector jurisdiction me hai, lakin technical matter—
Nimrit_ Isliye technical team sath hogi.
Personal opinion se road inspect nhi karungi.
Agle din Nimrit Kaali Ghati Road pahuchi.
security officer escort, PWD engineers aur survey team sath thi.
Section 27-B ke kai turns per barriers purane aur weak the.
Kuchh jagah new barriers paper per installed dikhaye gye the, ground per the hi nhi.
Drainage channels aadhe bane the.
Warning boards kaa record me payment hua tha, lakin sirf 2 boards mile.
Nimrit_ Completion certificate kisne sign kia?
PWD Engineer_ Former Executive Engineer.
Nimrit_ Contractor representative?
Engineer_ Michael Infrastructure.
Nimrit_ Material receipt?
Engineer_ File me hai.
Survey Officer_ Madam, barrier stones ki quality bhi specification se kam hai.
Nimrit_ Samples seal kijiye.
Independent laboratory test.
Nimrit turn ke paas khadi khai ki taraf dekh rhi thi.
security officer Officer_ Madam, yaha pichle saal ak bus girte-girte bachi thi.
Nimrit_ Report?
security officer Officer_ Driver negligence likha gya.
Nimrit_ Har accident me driver negligence?
security officer Officer_ Zyadatar.
Nimrit_ Road defect mention kyun nhi?
security officer Officer_ PWD technical report me road safe likhi thi.
Nimrit ne weak barrier ko dekha.
Nimrit_ Agar technical report pahle se decide ho to security officer driver ko hi blame karegi.
Usne turant road ke dangerous section per heavy vehicles kaa night movement temporarily restrict kar dia.
Emergency repairs aur fresh safety audit order hua.
Me_ Michael ne objection kia?
Dadaji_ Usi din.
Michael_ Collector Madam mere old contract ko personal rivalry ki wajah se reopen kar rhi hai.
Legal Advisor_ Project completion 3 saal pahle hua tha.
Defect liability period expire ho chuka ho sakta hai.
Michael_ “Ho sakta hai” nhi.
Contract nikalo.
Farooq_ Road restriction se meri northern land kaa development rukega.
Salman_ Mere trucks kaa route 40 kilometre lamba ho jayega.
Michael_ Sabse pahle stay order try karenge.
Farooq_ Aur file?
Michael_ File me completion certificate genuine hai.
Salman_ Ground per barrier kaha hai?
Michael ne Salman ki taraf dekha.
Michael_ Aapko ab quality ki chinta ho rhi hai?
Salman_ Agar road issue bada hua to transport records bhi khulenge.
Farooq_ Nimrit ko file 27-B tak kisne pahuchaya?
Room me silence ho gya.
Michael_ Mahadev.
Salman_ Wo kaha hai?
Michael_ Ye sawal aapke logo se puchna chahiye.
Salman_ Mene use touch nhi kia.
Farooq_ Fir wo family ke sath gayab kese?
Michael_ Shayad usne kisi aur ke sath deal kar li.
Salman_ Bhim Singh?
Michael_ Bhim directly involved hota to ab tak state investigation hamare offices tak aa chuki hoti.
Farooq_ Abhay ne use bataya hoga?
Michael_ Abhay apne bhai se help nhi leta.
Ye uski strength bhi hai…
Aur hamari opportunity bhi.
Me_ Papa ne Bhim Tauji ko Mahadev aur road file ke bare me nhi bataya?
Dadaji_ Nhi.
Nimrit ne dobara kaha—
Nimrit_ Mahadev ne specially Bhim Bhaiya kaa naam lia tha.
Abhay_ Ho sakta hai wo hume political protection lene per force karna chahta ho.
Nimrit_ Ya wo sach me janta ho ki network state level tak hai.
Abhay_ Bhaiya ko involve kia to dushman bolenge Collector wife aur party-president brother milkar businessmen ko target kar rhe hai.
Nimrit_ Aap har baar duniya kyaa bolegi, uski chinta karte hai.
Apne bhai kyaa feel karenge, ye kab sochenge?
Abhay_ Wo samajhte hai.
Nimrit_ Aapne unhe chance hi nhi diya samajhne kaa ki situation kitni serious hai.
Abhay_ Jab direct proof milega, me bataunga.
Nimrit_ Tab tak der huyi to?
Abhay_ Nhi hogi.
Dadaji_ Tumhare pita har baar yahi maante the ki unke paas abhi control hai.
Bhim Singh ko sirf itna pata tha ki Kaali Ghati Road ki inquiry start huyi hai.
Usne newspapers me padha.
Usne Abhay ko private call kia.
Bhim_ Mahadev Deshmukh missing hai?
Abhay_ Haa.
Bhim_ Koi connection tumhare matters se?
Abhay_ Confirm nhi.
Bhim_ Tumhari aawaj bata rhi hai kuchh chhupa rha hai.
Abhay_ Bus suspicion hai.
Bhim_ Serious hai?
Abhay_ Manage ho jayega.
Bhim_ Abhay, ye answer mat de.
Abhay_ Bhaiya, Nimrit Collector hai.
Aapka direct involve hona uske liye problem create karega.
Bhim_ Me involve hone ko nhi keh rha.
Information mang rha hu.
Abhay_ Kuchh solid hua to sab bataunga.
Bhim_ Pichli baar bhi yahi kaha tha.
Abhay_ Iss baar pakka.
Bhim ne gahri saans li.
Bhim_ Theek hai.
Lakin regular contact rakh.
Abhay_ Haa.
Phone rakhne ke baad Bhim kuchh der receiver ko dekhta rha.
Uske private secretary ne pucha—
Secretary_ Sab theek hai?
Bhim_ Abhay jab “sab theek hai” kahta hai, tab kuchh bhi theek nhi hota.
Secretary_ Security review?
Bhim_ Nhi.
Usne mana kia hai.
Secretary_ Family matter me permission—
Bhim_ Wo apni life khud handle karna chahta hai.
Me uski political identity per apna shadow nhi dalunga.
Ye baat Bhim ne tab normal decision samajhkar kahi thi.
Baad me wahi line use andar se todne wali thi.
Kaali Ghati Road ki laboratory report aayi.
Barrier material required strength se kaafi niche tha.
Completion bills me high-grade stone aur reinforced sections kaa payment hua tha.
Ground per low-quality material use hua.
Kuchh barrier sections file me installed dikhaye gye, lakin kabhi bane hi nhi.
Collector Nimrit ne criminal negligence aur financial fraud ki preliminary inquiry order kar di.
Michael D’Souza ki company.
Former PWD officers.
Material suppliers.
Pathan Transport delivery records.
Sab examine hone the.
Michael ne press statement diya—
Michael_ 1991 ke project ko current political rivalry ke under reopen kia ja rha hai.
Nimrit ne direct reply nhi diya.
Collector office se factual note issue hua—
“Investigation road-safety audit aur ground-record mismatch per based hai. Kisi individual ke political ya business relation per nhi.”
Me_ Papa ne public me maa kaa support kia?
Dadaji_ Personal roop se haa.
Publicly bahut careful rhe.
Journalist_ Kyaa aapko lagta hai Michael D’Souza ki company ne corruption kia?
Abhay_ Matter district inquiry me hai.
Meri wife Collector hai.
Isliye me opinion nhi dunga.
Journalist_ Lakin Michael aapka business rival hai.
Abhay_ Isi wajah se me chup rahunga.
Journalist_ Kyaa aap inquiry se fayda uthayenge?
Abhay_ Rajput Construction iss road ya related government project me participate nhi karegi.
Me_ Papa ne road repair tender bhi chhod dia?
Dadaji_ Haa.
Taaki koi conflict naa bole.
Aftab ne kaha—
Aftab_ Company technically best repair proposal de sakti hai.
Abhay_ Nhi.
Aftab_ Private independent contractor ke through?
Abhay_ Nhi.
Aftab_ Financial loss hoga.
Abhay_ Reputation aur Nimrit ki neutrality jyada important hai.
Aftab_ Theek.
Lakin record me board resolution kar dete hai.
Abhay_ Kar do.
Isi period me Bhanu Pratap kaa pariwar kuchh samay ke liye hamare ghar aaya.
Bhanu ke estate house me renovation chal rha tha.
Uski wife aur adopted beta hamare farmhouse me rukne wale the.
Tum dono bachche fir ak sath khelne lage.
Manjot ne matching sweaters nikale.
Abhay_ Maa, fir same clothes?
Manjot_ Dono bhai lagte hai.
Bhanu_ Aur dono toys ke liye ladte bhi bhaiyo jese hai.
Tum Bhanu ke bete kaa red wooden horse le lete.
Wo tumhari toy jeep chhin leta.
Kuchh minute baad dono ak hi carpet per baithkar toys exchange kar lete.
Bhanu tumhe bahut pyar karta.
Lakin uski wife kaa behaviour apne adopted bete ke sath thoda alag tha.
Me_ Kesa?
Dadaji_ Wo buri aurat nhi thi.
Lakin maa banne ki responsibility usne dil se utni accept nhi ki thi, jitni Bhanu ne.
Bachche ko adopt karne kaa decision jyada Bhanu kaa tha.
Uski wife pariwar aur society ke pressure me maan gyi thi.
Wo bachche ki care servants per chhod deti.
Kabhi social functions me busy.
Kabhi apni health aur medicines me.
Kabhi use lagta koi naa koi bachche ko dekh hi rha hoga.
Manjot use samjhati—
Manjot_ Chhota bachcha hai.
Servant per pura mat chhodo.
Bhanu ki Wife_ Maa ji, nanny hai naa.
Manjot_ Nanny Maa nhi hoti.
Bhanu ki Wife_ Me bhi pura din uske piche nhi ghum sakti.
Manjot_ Pura din nhi.
Lakin ye pata hona chahiye ki bachcha kaha hai.
Bhanu ki Wife_ Aap har baat per tension leti hai.
Manjot_ Bachche per tension lena buri baat nhi.
Nimrit bhi observe karti thi ki Bhanu kaa beta aksar Manjot ya servants ke paas jyada comfortable rahta.
Ak sham wo garden me tumhare sath khelte-khelte water fountain ke paas chala gya.
Nimrit ne turant use pakad lia.
Nimrit_ Pani ke paas akela kyun chhod diya?
Nanny_ Madam, me bus bottle lene gyi thi.
Nimrit_ Ak minute enough hota hai.
Bhanu ki Wife_ Nimrit, itna serious mat ho.
Fountain me bahut kam pani hai.
Nimrit_ Aaj kam hai.
Kal tub ya tank hua to?
Bhanu ki Wife_ Me dhyan rakhungi.
Manjot ne Nimrit ki taraf dekha.
Dono ko uska casual answer pasand nhi aaya.
Me_ Kyaa ye wahi warning thi jo baad me sach ho gyi?
Dadaji_ Haa.
Kai tragedies se pahle chhoti warnings aati hai.
Lakin log use normal coincidence samajhkar ignore kar dete hai.
Bhanu apne adopted bete se bahut attached tha.
Wo estate office se aate hi pahle bachche ko dhundta.
Bhanu_ Mera chhota sher kaha hai?
Bachcha bhaagkar uski taraf jata.
Bhanu use kandho per utha leta.
Kabhi tum dono ko ak sath ghode ki tarah room me ghumata.
Abhay_ Bhaiya, dono ko gira doge.
Bhanu_ Tu apne bete ko sambhal.
Dusra mera hai.
Abhay_ Dono aapke hi piche bhaagte hai.
Bhanu_ Kyunki me tumse jyada interesting hu.
Me_ Bhanu Tauji ko apne adopted bete se sach me bahut pyar tha?
Dadaji_ Jitna biological father karta hai, utna hi.
Uske liye adoption paper kaa relation nhi tha.
Wo uska beta tha.
Isi wajah se baad ki ghatna ne Bhanu ko andar se tod dia.
Usi samay Shankar ke ghar me bhi problem chal rhi thi.
Uski wife ko severe weakness aur fever rehne laga.
Doctor ne kuchh tests aur rest bola.
Kai din wo Mohan ko properly handle nhi kar pati.
Shankar duty per hota to Mohan ko staff quarters ki old caretaker sambhalti.
Manjot ko pata chala to usne kaha—
Manjot_ Jab tak uski maa theek nhi hoti, Mohan din me main house me rahega.
Shankar_ Mata ji, aapko already chhote Kunwar aur Bhanu sahab ke bete ko sambhalna padta hai.
Manjot_ Tino ak sath khel lenge.
Shankar_ Me aap per burden—
Manjot_ Bachcha burden nhi hota.
Mohan kaa ghar me aana-jana aur badh gya.
Tum, Mohan aur Bhanu kaa beta kai baar ak sath hote.
Tino ki age aas-paas thi.
Matching caps aur sweaters ki wajah se dur se dekhne wala kabhi-kabhi confuse bhi ho jata.
Lakin close family sabko clearly pahchanti thi.
Me_ Accident wale din Mohan isi wajah se car me tha?
Dadaji_ Ye arrangement future me uss reason kaa ak hissa bana.
Lakin accident wale din ak aur emergency huyi thi.
Usper baad me aayenge.
Filhal Shankar ki wife ki health ne Mohan ko hamare pariwar ke aur kareeb kar dia.
Manjot use apne pote jesa treat karti.
Tumhare pita bhi use dekhkar puchte—
Abhay_ college admission kaa kyaa socha?
Shankar_ Agle saal government college me kara dunga.
Abhay_ Tum dono bachcho ki age same hai.
Mohan ko achche college me admission dilayenge.
Shankar_ Kunwar sahab, fees—
Abhay_ Public welfare trust ki employee-children scholarship se.
Shankar_ Lakin—
Abhay_ Tumne meri family ke liye jaan risk me dali thi.
Ye favour nhi.
Company policy samjho.
Nimrit_ Policy sach me banaiye.
Sirf Mohan ke liye special hua to kal question hoga.
Aftab_ Staff ke sab eligible bachcho ke liye education scheme bana dete hai.
Abhay_ Done.
Shankar ki aankho me gratitude tha.
Mohan tumhare sath ak hi college me future admission le sakta tha.
Me_ Papa use bhi apne bete jesa maante the?
Dadaji_ Wo difference samajhte the.
Lakin Mohan se bahut affection tha.
Aur Shankar per unka trust 1994 ki route ghatna ke baad aur strong ho gya tha.
Isi trust ko future plan banane wale log bhi jante the.
Kaali Ghati Road inquiry aage badhi.
Pathan Transport ke old delivery registers mangwaye gye.
Salman ne kaha records 1991 ke flood me kharab ho gye.
Lakin district warehouse me duplicate entry register mil gya.
File ke according high-grade stone ki 140 truck deliveries honi thi.
Actual checkpost records me sirf 82 trucks pass hue the.
Me_ Baki material paper per dikhaya gya?
Dadaji_ Yahi suspicion tha.
Aur jo 82 trucks aaye, unme se kai kaa weight required material se kam tha.
Farooq ke group ki ak private quarry se low-grade stone supply hua tha.
Payment government specification wale high-grade material kaa.
Michael ki company ne completion certificate lia.
Salman ke transport papers ne full delivery dikhayi.
Farooq ki quarry ne profit kamaya.
Tino kaa financial connection strong hone laga.
Nimrit_ Preliminary criminal case register kijiye.
PWD Officer_ Madam, former officers retired ho chuke hai.
Nimrit_ Retirement investigation se immunity nhi.
Legal Officer_ Contractor stay order le sakta hai.
Nimrit_ Court me evidence present hoga.
File roki nhi jayegi.
Usi raat Collector bungalow kaa landline baja.
Nimrit ne receiver uthaya.
Caller_ Madam Collector, purani roads khodne se naye raste band ho sakte hai.
Nimrit_ Naam?
Caller_ Aapke husband ko anonymous calls ki aadat hai.
Aapko bhi ho jayegi.
Nimrit_ Call trace ho rha hai.
Caller_ Trace hone se pahle line cut ho jayegi.
Kaali Ghati Road per accidents hote rahte hai.
Har accident conspiracy nhi hota.
Nimrit kaa chehra badal gya.
Nimrit_ Aap road file se connected hai?
Caller_ Bus warning hai.
Apne pariwar ko uss road se dur rakhiye.
Call cut ho gya.
Me_ Caller unhe bachana chahta tha ya dhamka rha tha?
Dadaji_ Clear nhi tha.
Nimrit ne call hide nhi kia.
Usne turant security officer, tumhare pita aur mujhe inform kia.
Abhay_ Caller ne specifically pariwar bola?
Nimrit_ Haa.
Abhay_ Aaj se Kaali Ghati Road family ke liye completely restricted.
Nimrit_ Official travel me mujhe kabhi use karna pada to?
Abhay_ Alternate route.
Nimrit_ Collector security route decide karegi.
Abhay_ Me husband ke roop me bol rha hu.
Nimrit_ Aur me agree kar rhi hu.
Aftab_ Mahadev ne Road File 27-B likha tha.
Caller bhi wahi road mention kar rha hai.
Baldev_ Iska matlab final plan iss road se connected hai.
Abhay_ Ya wo hume yahi believe karwana chahte hai.
Nimrit_ Dono possibility.
Isliye bus road avoid karna enough nhi.
Vehicles aur workshops kaa complete review hoga.
Family cars trusted garage me check huyi.
Collector official car government workshop me.
Shankar har trip se pahle basic checks karta.
Ak additional driver bhi appoint hua.
Lakin Manjot ko ye sab pasand nhi tha.
Manjot_ Car me baithne se pahle aadha ghanta checking hoti hai.
Abhay_ Safety.
Manjot_ Bachcha college jayega to pura security officer station sath chalega?
Nimrit_ Nhi Maa.
System settle ho jayega.
Manjot_ Kab?
Nimrit ne jawab nhi diya.
Usse khud nhi pata tha.
January se March 1996 tak Mahadev kaa koi trace nhi mila.
Lakin har mahine tumhare pita ko ak anonymous envelope milta.
Pahle envelope me Road File 27-B.
Dusre me vehicle workshop ke naam.
Teesre me ak list—
“Family car—Shankar.
Collector car—government pool.
Backup Ambassador—garage 3.
Bhanu estate jeep—private mechanic.
Bhim convoy—state workshop.”
Me_ Dushman Bhim Tauji ki car bhi track kar rhe the?
Dadaji_ List me sabka naam tha.
Lakin Bhim state security me tha.
Uski movement tightly protected thi.
Abhay aur pariwar comparatively easier targets the.
Envelope ke niche likha tha—
“Information collection inside source se ho rhi hai.”
Me_ Ghar ke andar koi gaddar tha?
Dadaji_ Ya garage, office, security branch, driver network ya telephone exchange me koi source.
“Inside” kaa matlab hamesha ghar kaa member nhi hota.
Tumhare pita ne staff interrogate karne ke badle access system badla.
Abhay_ Kisi innocent ko humiliation nhi denge.
Aftab_ Lakin leak rokna hai.
Nimrit_ Information compartment me divide kijiye.
Driver ko route departure se thoda pahle.
Garage ko vehicle identity limited.
House staff ko full schedule nhi.
Collector security apna confidential log maintain karegi.
Baldev_ Aur pariwar?
Nimrit_ Emergency verification code sabko yaad hoga.
Manjot_ Mujhe code yaad nhi rahega.
Abhay_ Maa, simple word rakhenge.
Manjot_ Kyaa?
Abhay ne tumhari taraf dekha.
Abhay_ Bachche kaa ghar wala naam.
Manjot_ Wo bahar kisi ko pata ho sakta hai.
Nimrit_ Fir Maa ke fountain pen kaa colour.
Manjot_ Blue.
Nimrit_ Wahi code.
Koi real emergency call hoga to “blue pen” bolega.
Me_ Dushmano ko ye code pata chala?
Dadaji_ Uss wakt nhi.
Lakin future accident ke din problem code ki nhi thi.
Problem ye thi ki situation itni real aur unexpected bani ki verification kaa time hi bahut kam mila.
March 1996 me Kaali Ghati Road inquiry report State Government ko bheji gyi.
Report me contractor fraud, material shortage, forged completion entries aur public-safety negligence kaa suspicion mention hua.
Michael, Salman aur Farooq ke businesses per formal criminal investigation recommend huyi.
Ye unke liye sabse serious threat tha.
Michael_ Agar criminal investigation sanction ho gyi to old accounts khulenge.
Farooq_ Shell companies tak jayenge.
Salman_ Transport payment me cash trail hai.
Michael_ Mahadev ki diary security officer tak pahuchi to sab connect hoga.
Salman_ Mahadev jinda bhi hai?
Farooq_ Tumhe pata hona chahiye.
Salman_ Mene kuchh nhi kia.
Michael_ Ab iss discussion kaa fayda nhi.
Hume file ko discredit karna hoga.
Farooq_ Collector per bias allegation?
Michael_ Already weak ho chuka hai.
Salman_ Fir permanent solution.
Michael kuchh pal chup rha.
Michael_ Permanent solution kaa matlab controlled hona chahiye.
Salman_ Accident.
Mahadev ki secret meeting me usne ye word pahle bhi use kia tha.
Is baar room me kisi ne turant mana nhi kia.
Farooq_ Ak accident me investigation road file tak aa sakti hai.
Michael_ Sirf tab, jab accident Kaali Ghati Road per ho.
Salman_ To kisi aur road per.
Michael_ Location se jyada circumstances matter karenge.
Farooq_ Target?
Michael ne table per rakhi family movement list dekhi.
Michael_ Ak event.
Jisme Abhay, Nimrit aur Manjot sath ho.
Salman_ Bachcha?
Michael_ Public ko lage pura pariwar khatam.
Farooq_ Lakin bachcha normally Manjot ke sath alag car me hota hai.
Michael_ Isliye situation create karni hogi jaha family normal security rule todkar ak car me baithe.
Salman_ Kesi situation?
Michael_ Emergency.
Aisi emergency, jisme Abhay khud kahe—sab sath chalo.
Me_ Unhone mujhe bhi marne kaa plan banaya tha?
Dadaji ne gahri saans li.
Dadaji_ Unke liye tum target se jyada narrative kaa hissa the.
Abhay ki “puri family” khatam dikhni chahiye—ye unki soch thi.
Lakin uss waqt bhi unhe ye nhi pata tha ki accident wale din car me konsa bachcha hoga.
Aur yahi chij unke plan me sabse bada confusion banne wali thi.
Parallel me Bhanu ke ghar ki situation kharab ho rhi thi.
Renovation complete hone ke baad uski wife adopted bete ko lekar estate house wapas chali gyi.
Bhanu aksar district se bahar business work per jata.
Ghar me servants aur nanny the.
Lakin discipline weak tha.
Ak din Bhanu ne wife ko phone kia.
Bhanu_ Beta kaha hai?
Bhanu ki Wife_ Garden me hoga.
Bhanu_ “Hoga” kaa matlab?
Bhanu ki Wife_ Nanny ke sath hai.
Bhanu_ Nanny ko phone do.
Nanny uss wakt kitchen me thi.
Bachcha servants’ courtyard me akela khel rha tha.
Bhanu ko gussa aaya.
Bhanu_ Me kal ghar aa rha hu.
Bhanu ki Wife_ Ak din kaa trip aur cancel karoge?
Bhanu_ Agar ghar me koi bachche ko dekhne wala nhi to haa.
Bhanu ki Wife_ Itne servants hai.
Bhanu_ Mujhe servants se beta nhi mila.
Humne use god lia hai.
Responsibility bhi hamari hai.
Bhanu ki Wife_ Har baat me mujhe blame mat kijiye.
Phone argument per khatam hua.
Me_ Kyaa Bhanu Tauji ko tragedy kaa andaza ho gya tha?
Dadaji_ Darr tha.
Lakin koi insaan exact tragedy imagine nhi karta.
Wo ghar lautkar safety changes karna chahta tha.
Pani ke bade storage tubs courtyard me renovation workers chhod gye the.
Bhanu ne manager se kaha—
Bhanu_ Sare tubs empty karwao.
Ya uper strong cover lagao.
Manager_ Ji sahab.
Lakin usi din ak tub cleaning aur construction water ke liye bhara chhod diya gya.
Temporary wooden cover side me tha.
Manager ne worker ko bola.
Worker ne socha sham me kar dega.
Sham ko kisi ne nhi kia.
Chhoti galtiyo ki chain ban rhi thi.
Bhanu ko urgent work se fir 2 din ke liye bahar jana pada.
Jaate wakt usne wife se kaha—
Bhanu_ Bachche ko courtyard me akela mat jane dena.
Bhanu ki Wife_ Haa.
Bhanu_ Tub cover?
Bhanu ki Wife_ Manager dekh lega.
Bhanu_ Tum khud check karna.
Bhanu ki Wife_ Theek hai.
Lakin usne check nhi kia.
Me_ Dadu…
Dadaji_ Wo ghatna ab bahut paas thi, Jay.
Lakin usse pahle hamare ghar me ak aur chhoti emergency huyi.
Shankar ki wife ki tabiyat achanak bahut kharab ho gyi.
Doctor ne use hospital admit karne ko kaha.
Mohan ko dekhne wala koi nhi tha.
Shankar_ Mata ji, me 2 din ki chhutti le lu?
Manjot_ Chhutti le.
Apni wife ke paas reh.
Shankar_ Lakin Kunwar sahab kaa district tour—
Abhay_ Backup driver hai.
Tum hospital jao.
Shankar_ Mohan?
Manjot_ Wo yaha rahega.
Tum tension mat lo.
Mohan kuchh dino ke liye hamare main house me shift ho gya.
Wo tumhare room ke paas guest nursery me sota.
Tum dono din bhar sath khelte.
Kabhi same clothes pahen lete.
Kabhi ak dusre kaa naam lekar servants ko confuse karte.
Me_ Me use apna naam bolne ko kahta tha?
Dadaji_ Tum dono abhi chhote the.
Lakin imitation karte the.
Tum kuchh bolte, wo repeat karta.
Wo kuchh karta, tum copy karte.
Manjot hanskar kehti—
Manjot_ Dono ko ak sath college bhejungi to teacher pareshan ho jayegi.
Nimrit_ Uniform me aur confuse honge.
Abhay_ Mohan thoda lamba hai.
Manjot_ Do mahine me ye bhi lamba ho jayega.
Tumhare pita Mohan ko bhi doctor ke paas le jane, toys aur food me difference nhi karte the.
Isi wajah se jab kuchh hafte baad ak sudden journey kaa situation bana…
Mohan ko sath le jana unnatural nhi laga.
Dadaji_ April 1996 start ho chuka tha.
Collector Nimrit ki inquiry final sanction ke kareeb thi.
Mahadev missing tha.
Bhanu ke ghar kaa water tub uncovered tha.
Shankar ki wife hospital me thi.
Mohan hamare ghar me reh rha tha.
Aur dushman bus ak aisi emergency kaa intejar kar rhe the…
Jisme tumhare pita khud apne banaye security rules tod de.
Me_ Wo emergency kisne create ki?
Dadaji_ Ak telephone call ne.
Call Bhanu ke estate house se aaya tha.
Caller rote hue keh rha tha—
“Chhote Kunwar pani me gir gye hai…”
Lakin uss call ke exact wakt…
Bhanu ke ghar me konsa bachcha pani ke paas tha…
Aur hamare ghar me tum dono me se kon Manjot ke sath baitha tha…
Isi confusion ne aage pura itihaas badal dia.