[Babab96]

Me_ Kyaa Bhanu Tauji ne sach me Maa ki posting ke against complaint ki thi?
Dadaji_ Nhi, Jay.
Bhanu ko complaint ke bare me tab pata chala, jab State Government ne verification ke liye use notice bheja.
Notice me pucha gya tha—
“Kyaa Kunwar Bhanu Pratap Singh Thakur dwara bheji gyi complaint unki sahmati aur signature se submit huyi hai?”
Bhanu ne letter padhte hi mujhe phone kia.
Bhanu_ Pitaji, ye kyaa mamla hai?
Baldev_ Konsa?
Bhanu_ Government kahti hai mene Nimrit ki posting ke against complaint ki hai.
Baldev_ Tune ki?
Bhanu_ Me apni bhabhi ke against complaint kyun karunga?
Baldev_ Letter ki copy bhej.
Bhanu_ Me khud aa rha hu.
Usi sham Bhanu hamare ghar pahucha.
Tumhare pita, Nimrit, Manjot aur Aftab sab drawing room me present the.
Bhanu ne complaint ki photocopy table per rakh di.
Bhanu_ Ye mera signature nhi hai.
Abhay ne document uthaya.
Complaint carefully typewriter per likhi gyi thi.
Usme kaha gya tha ki Nimrit kaa home region me senior posting lena administrative neutrality ke khilaf hoga, kyunki—
Uske husband kaa construction business wahi hai.
Uske husband political activities me active hai.
Uske sasural kaa regional influence hai.
Uska bada devar ruling party kaa state president hai.
Uska dusra devar local land aur estate matters me involved hai.
Me_ Complaint me Bhim Tauji kaa bhi naam tha?
Dadaji_ Haa.
Lakin bahut smart tarike se.
Complaint ye dikhana chahti thi ki pura Thakur pariwar political aur business influence use karke Nimrit ko home region me posting dilwa rha hai.
Sabse dangerous baat ye thi ki complaint ak opposition leader ke naam se nhi…
Bhanu ke naam se bheji gyi thi.
Isse do fayde hote—
Government ko lagta pariwar ke andar hi posting per objection hai.
Aur Abhay ko lagta uska apna bhai Nimrit ke against kaam kar rha hai.
Bhanu_ Mene ye nhi bheja.
Nimrit ne uski taraf dekha.
Nimrit_ Bhaiya, hume aap per doubt nhi.
Bhanu_ Lakin government record me mera naam aa chuka hai.
Kal newspaper me chhap gya to?
Abhay_ Isliye written denial turant submit karna hoga.
Bhanu_ Signature compare karwao.
Aftab complaint kaa last page dekh rha tha.
Aftab_ Signature superficially genuine lagta hai.
Bhanu_ Meri kisi old registry se copy kia hoga.
Abhay_ Bhaiya ke signatures public records me kaha available hai?
Bhanu_ Estate registry.
Bank documents.
Trust deed.
Mere adopted bete ke adoption papers.
Ye baat kahkar Bhanu kuchh pal ke liye chup ho gya.
Manjot_ Kyaa hua?
Bhanu_ Kuchh nhi Maa.
Bus ye soch rha hu ki kisi ne pariwar ke private documents tak access liya hai.
Nimrit_ Complaint kis date ko dispatch huyi?
Abhay ne envelope ki photocopy dekhi.
Abhay_ 12 March 1995.
Bhanu_ Uss din me apne estate office me tha.
Nimrit_ Ye prove karna jaruri nhi ki aap kaha the.
Complaint post se gyi hai.
Important ye hai ki typewriter, paper aur signature source kaha se aaya.
Aftab_ Envelope per postmark State Capital kaa hai.
Abhay_ Bhaiya uss week State Capital gye the?
Bhanu_ Nhi.
Nimrit_ Written denial me ye bhi mention kijiye.
Bhanu ne complaint fir dekhi.
Bhanu_ Abhay, sach bata.
Tujhe ak pal ke liye bhi laga ki ye mene bheji hogi?
Tumhare pita ne seedha Bhanu ki aankho me dekha.
Abhay_ Nhi.
Bhanu_ Bilkul nhi?
Abhay_ Bhaiya, agar aapko posting per objection hota to aap mere samne bolte.
Chhupkar complaint nhi bhejte.
Bhanu kaa chehra thoda soft hua.
Bhanu_ Fir bhi mujhe bura lag rha hai ki kisi ne mera naam use kia.
Abhay_ Wahi unka purpose hai.
Nimrit_ Sirf posting rokna nhi.
Family trust test karna.
Manjot_ Har baar hamare pariwar me hi shak kyun create karte hai?
Nimrit_ Kyunki bahar ke aarop hum documents se handle kar lete hai.
Family ke andar doubt create hua to document bhi kam pad jate hai.
Me_ Bhanu Tauji ne government ko reply diya?
Dadaji_ Usi raat.
Nimrit ne language carefully draft karne me help ki, lakin letter Bhanu ne apne naam se bheja.
Usne likha—
“Complaint meri sahmati se submit nhi huyi. Signature forged hai. Me Mrs. Nimrit Thakur ki posting ke sambandh me kisi bhi recommendation, objection ya political communication kaa hissa nhi hu.”
Sath me usne apne recent verified signatures attach kiye aur independent forensic inquiry ki demand ki.
Bhim Singh Thakur ko bhi complaint ki information mili.
State party president hone ki wajah se uska naam indirectly use hua tha.
Usne tumhare pita ko phone nhi kia.
Pahle Bhanu ko kia.
Bhim_ Complaint tune bheji?
Bhanu_ Bhaiya, aap bhi puch rhe hai?
Bhim_ Officially puch rha hu.
Bhanu_ Nhi bheji.
Bhim_ Theek.
Written denial bhej diya?
Bhanu_ Haa.
Bhim_ Abhay kyaa keh rha hai?
Bhanu_ Use mujhper doubt nhi.
Bhim_ Achcha hai.
Bhanu_ Aap kuchh karenge?
Bhim_ Nhi.
Bhanu_ Kyun?
Bhim_ Nimrit ki posting kaa matter hai.
Mene interfere kia to complaint kaa narrative strong hoga.
Bhanu_ Lakin signature forgery—
Bhim_ Wo legal matter hai.
security officer aur department dekhenge.
Me party position use karke family dispute handle nhi karunga.
Bhanu_ Abhay bhi yahi chahega.
Bhim_ Isliye nhi karunga.
Me_ Bhim Tauji ne papa ko direct phone kyun nhi kia?
Dadaji_ Kyunki wo jante the tumhare pita kyaa kahenge—
“Bhaiya, aap dur rahiye.”
Bhim ne bina puchhe bhi Abhay ki marji samajh li.
Lakin usne apne private secretary ko ak baat kahi—
Bhim_ Is complaint ki copy aur dispatch trail quietly preserve karwao.
Secretary_ Investigation karwani hai?
Bhim_ Nhi.
Official process ko touch mat karna.
Bus record disappear nhi hona chahiye.
Me_ Kyaa ye indirect support tha?
Dadaji_ Nhi.
Usne posting, inquiry ya security officer per influence nhi dala.
Bus party office me aayi copies preserve karwayi, kyunki uska naam bhi complaint me tha.
Abhay ki identity aur struggle ab bhi uski apni thi.
Complaint ki handwriting aur signature forensic examination ke liye bheje gye.
Bhanu kaa signature bhi traced nikla.
Source specimen identify karne me time laga.
Signature me ak unusual break tha, jo Bhanu ke normal recent signatures me nhi hota tha.
Lakin exactly wahi break uske 1991 ke ak land lease document me tha.
Me_ Wo document kaha tha?
Dadaji_ Bhanu ke estate office aur Sub-Registrar Office dono jagah.
Estate office ki copy check ki gyi.
File present thi.
Lakin uska photographic negative missing tha.
Bhanu_ Ham photographic copy kyun rakhte the?
Estate Manager_ Sir, 1992 me records microfilm aur photographic archiving ke liye bheje gye the.
Bhanu_ Kis company ko?
Manager ne register dekha.
Estate Manager_ “Pereira Legal Documentation Services.”
Room me sab chup ho gye.
Me_ Anthony Pereira?
Dadaji_ Company uske cousin ke naam per thi.
Lakin Anthony kaa office usi building me tha.
Aftab_ Har forged signature kaa rasta Pereira family tak kyun jata hai?
Nimrit_ Kyunki legal documentation offices ke paas genuine signatures aur identity papers ki access hoti hai.
Abhay_ Ya koi jaan-bujhkar hume Anthony tak le ja rha hai.
Bhanu_ Tumhe abhi bhi doubt hai?
Abhay_ Anthony suspicious hai.
Lakin itni baar same naam milna do possibilities dikhata hai—
Ya wo network kaa important part hai.
Ya use scapegoat banane ke liye uske records use ho rhe hai.
Bhanu_ Har aadmi ko benefit of doubt dete-dete kab tak?
Abhay_ Jab tak direct proof naa mile.
Bhanu ne tumhare pita ko dekha.
Bhanu_ Tu badla nhi.
Abhay_ Aap chahte hai bina proof arrest karwa du?
Bhanu_ Nhi.
Bus chahta hu iss baar akela mat lad.
Abhay_ Me akela kaha hu?
Bhanu_ Ye jawab fir mat dena.
Mujhe inform rakh.
Tumhare pita ne halka sa sir hilaya.
Abhay_ Theek hai.
Bhanu_ Promise?
Abhay_ Haa.
Nimrit ne turant kaha—
Nimrit_ Properly boliye.
Abhay_ Promise.
Me_ Papa ne Bhanu Tauji ko regular information di?
Dadaji_ Pahle kuchh mahino tak.
Lakin tumhare pita kaa swabhav wahi tha.
Jab tak unhe lagta problem wo khud handle kar sakte hai, wo dusro ko tension nhi dete the.
Complaint kaa official effect Nimrit ki posting per pada.
Government ne appointment cancel nhi kia, lakin final order ko hold per rakh diya.
Nimrit ko Personnel Department ke panel ke samne appear hone ko kaha gya.
Panel Member_ Aapke home region me posting se conflict-of-interest concern hai.
Nimrit_ Concern valid hai.
Panel Member_ Aap objection accept karti hai?
Nimrit_ Concern ko examine karna valid hai.
Forged complaint ko genuine maanna nhi.
Panel Member_ Aapke husband kaa business wahi hai.
Nimrit_ Rajput Construction ki written policy hai ki meri direct administrative jurisdiction me government tender participate nhi karegi.
Panel Member_ Private projects?
Nimrit_ Private legal projects continue kar sakte hai, lakin unse related regulatory decision mere samne aaya to me written recusal request dungi.
Panel Member_ Aapke husband politics me active hai.
Nimrit_ Unki political identity meri service se independent hai.
Panel Member_ Aapke jeth ruling party ke state president hai.
Nimrit_ Kunwar Bhim Singh Thakur ne meri service matter me kabhi recommendation nhi di.
Panel Member_ Ye prove kese hoga?
Nimrit_ Recommendation kaa record hota hai.
Agar koi communication hai to saamne laya jaye.
Panel Member_ Aap home region ki posting kyun accept karna chahti hai?
Nimrit_ Me specifically home posting demand nhi kar rhi.
Government jaha suitable samjhe, me join karungi.
Lakin forged complaint ke pressure me transfer decision badalna bhi galat precedent hoga.
Panel room me kuchh pal silence rha.
Nimrit ne apni taraf se conflict-management plan submit kia—
Rajput Construction se related files independent Additional Collector handle karega.
Bhim, Bhanu ya Abhay ke direct representations written register me enter honge.
Nimrit ke pariwar ki businesses se related regulatory matters me recusal recorded hoga.
Major land conversion aur government tender decisions committee system se honge.
Monthly public file-status report maintain hogi.
Me_ Maa ne apne against hi itne strict rules kyun banaye?
Dadaji_ Taaki koi ye naa kahe ki wo apne pariwar ko favour karti hai.
Aur taaki dushman uske relation kaa use uske decisions ko weak karne me naa kar sake.
Panel ne final decision State Government per chhod diya.
Kuchh party leaders Bhim ke paas aaye.
Party Leader_ Aap chahe to posting order clear ho sakta hai.
Bhim_ Me kuchh nhi karunga.
Party Leader_ Lakin officer capable hai.
Bhim_ Fir capability per order clear ho.
Mere phone per nhi.
Party Leader_ Opposition already family influence kaa issue bana rhi hai.
Bhim_ Isi liye mera interfere karna galat hoga.
Party Leader_ Kunwar Abhay ko lag sakta hai aapne support nhi kia.
Bhim_ Abhay mujhe janta hai.
Party Leader_ Politics relation nhi dekhti.
Bhim_ Mera aur Abhay kaa relation politics se decide nhi hota.
Me_ Papa ko pata tha Bhim Tauji ne koi help nhi ki?
Dadaji_ Haa.
Aur tumhare pita ko isi baat per garv tha.
Abhay_ Bhaiya ne correct kia.
Nimrit_ Aapko bura nhi laga?
Abhay_ Nhi.
Unhone interfere kia hota to aapki puri posting unke influence kaa result dikhayi deti.
Nimrit_ Kabhi-kabhi mujhe lagta hai aap dono relation ko jaan-bujhkar difficult banate hai.
Abhay_ Difficult nhi.
Clean.
Nimrit_ Family relation clean rakhne ke liye distance jaruri nhi hota.
Abhay_ Politics me hota hai.
Nimrit_ Har baat politics nhi hoti.
Abhay_ Bhaiya samajhte hai.
Nimrit_ Samajhna aur sath rehna alag hai.
Tumhare pita ne jawab nhi diya.
Shayad kahi andar wo Nimrit ki baat samajh rhe the.
Forged complaint investigate karne wali security officer team State Capital ke post office pahuchi.
Envelope jis counter se bheja gya tha, waha old dispatch register available tha.
Sender ne fake naam likha tha—
“B. P. Thakur.”
Clerk ko face yaad nhi tha.
Lakin complaint registered post se gyi thi aur receipt per contact address ak rented office kaa tha.
Office 2 hafte ke liye rent hua tha.
Landlord ne tenant kaa description diya—
Medium height.
Formal clothes.
Hindi me baat karta tha, lakin kabhi-kabhi Marathi words use karta tha.
security officer ne Mahadev ki photo dikhayi.
Landlord_ Thoda milta hai.
Lakin pakka nhi.
Javed ki photo dikhayi.
Landlord_ Isse bhi milta hai.
Anthony Pereira ki photo dikhayi.
Landlord_ Nhi.
Ak aur photograph dikhayi gyi—
Rebecca D’Souza ke photographer ki.
Landlord_ Ye aadmi office me ak baar aaya tha.
Me_ Wahi photographer jisne Maria aur papa ki photos li thi?
Dadaji_ Haa.
security officer ne photographer ko question kia.
Photographer_ Mujhe documents deliver karne ke liye ₹1,500 mile the.
Inspector_ Kisne diye?
Photographer_ Rebecca madam ke office ke ak assistant ne.
Inspector_ Naam?
Photographer_ Brian Rodrigues.
Me_ Mahadev ki diary kaa B.R.?
Dadaji_ Pahli baar hume laga B.R. kaa matlab Brian Rodrigues ho sakta hai.
Brian Rebecca kaa freelance assistant tha.
Political photographs, document delivery aur anonymous source coordination karta tha.
security officer uske ghar pahuchi.
Brian missing tha.
Uski wife ne kaha wo 3 din pahle work assignment per Goa gya hai.
Lakin hotel booking fake nikli.
Uske room se ak typewriter ribbon mila.
Forensic examination me complaint aur ribbon ke letter impressions match hue.
Me_ To complaint Brian ne type ki thi?
Dadaji_ Bahut strong possibility thi.
Uske table ke niche se Bhanu ke land lease document ki photographic copy kaa torn corner bhi mila.
Ab chain clear thi—
Bhanu kaa signature document documentation office se nikla.
Copy Brian tak pahuchi.
Complaint State Capital ke rented office me type huyi.
Aur uske naam se government ko bheji gyi.
Lakin Brian ko order kisne diya, ye ab bhi clear nhi tha.
Rebecca ne deny kia.
Rebecca_ Brian freelance assignments leta tha.
Me uske har kaam ki responsibility nhi le sakti.
Inspector_ Wo aapke office kaa assistant tha.
Rebecca_ Permanent employee nhi.
Inspector_ Maria scandal me payment kisne coordinate kia?
Rebecca_ Mujhe nhi pata.
Inspector_ Fake complaint me uska typewriter use hua.
Rebecca_ To usse puchhiye.
Inspector_ Wo gayab hai.
Rebecca_ Isme me kyaa kar sakti hu?
Michael ne bhi relation deny kia.
Michael_ Rebecca meri distant relative hai.
Uske assistants ko me nhi janta.
Farooq_ Bhanu Pratap se mera koi dispute nhi.
Salman_ Mujhe government posting se kyaa lena-dena?
Mahadev se pucha gya.
Inspector_ Brian Rodrigues ko jante ho?
Mahadev_ Naam suna hai.
Inspector_ Kaha?
Mahadev_ Political media circles me.
Inspector_ Diary me B.R. kisliye likha?
Mahadev kaa chehra badal gya.
Mahadev_ Konsi diary?
Inspector_ Hume kuchh pages mile hai.
Mahadev_ Mere nhi.
Inspector_ Handwriting compare hogi.
Mahadev_ Lawyer ke bina jawab nhi dunga.
Me_ security officer ko Mahadev ki diary tab mil chuki thi?
Dadaji_ Puri diary nhi.
Uska ak torn page anonymous envelope me security officer ko mila tha.
Kisi ne Mahadev ko pressure me lane ke liye bheja tha.
Ho sakta hai Salman.
Ho sakta hai Michael.
Ya Mahadev ne khud ak controlled page bheja ho, taki investigation Brian tak jaye aur usse dur rahe.
Nimrit kaa posting order lagbhag 2 mahine hold per rha.
Is dauran use State Secretariat me administrative planning assignment diya gya.
Wo har weekend ghar aati.
Tum ab 3 saal ke the.
Tumhari Dadi Manjot tumhe bolna, kavita aur pariwar ke naam yaad karwati thi.
Manjot_ Ye kon hai?
Tum Abhay ki photograph ki taraf ungli karte.
Tum_ Papa.
Manjot_ Aur ye?
Tum Nimrit ko dekhkar bolte—
Tum_ Maa.
Manjot_ Aur me?
Tum_ Dadi.
Manjot_ Aur Dadu?
Tum mujhe dekhkar kuchh pal sochte.
Tum_ Dada… ji.
Manjot hansne lagti.
Manjot_ Dekha, isne aapko respect ke sath bola.
Bhanu kabhi-kabhi apne adopted bete ko lekar ghar aata.
Dono bachche lagbhag same age ke the.
Tum log toys ko lekar ladte aur kuchh minute baad sath khelne lagte.
Me_ Uska naam aap ab bhi nhi batayenge?
Dadaji_ Abhi nhi.
Me_ Kyun?
Dadaji_ Kyunki uss naam kaa sach tumhari kahani kaa sabse bada hissa hai.
Me_ Kyaa wo mera bahut close tha?
Dadaji_ Tum dono bachpan me bhaiyo jese khelte the.
Tumhe apne bare me jo yaade hai, unme se kuchh tumhari hai…
Aur kuchh shayad photographs aur dusro ki bato se bani hai.
Me_ Iska kyaa matlab?
Dadaji_ Aage samjhoge.
1995 ke middle me Government Personnel Board ne Nimrit ki complaint matter per final note diya—
“Forged objection cannot determine administrative placement. Conflict concerns may be managed through written recusal and committee supervision.”
Iske baad Nimrit ko hamare home division me Additional District Magistrate ki posting mili.
Me_ Maa seedha Collector nhi bani?
Dadaji_ Nhi.
Pahle use Additional District Magistrate kaa charge mila.
Ye Collector ke baad district kaa bahut important administrative position tha.
Law and order, land acquisition, disaster management aur revenue appeals jese matters uske paas aate.
Nimrit ghar ke paas posting se khush thi.
Lakin use sabse pahle apne pariwar se clear boundary banani thi.
Joining se ak din pahle usne ghar me meeting bulayi.
Abhay_ Ghar me bhi official meeting?
Nimrit_ Haa.
Aftab ji bhi baithiye.
Bhanu Bhaiya aur Pitaji bhi.
Manjot_ Me?
Nimrit_ Aap sabse important hai.
Maa, mere office me kisi relative kaa kaam lekar direct mat aaiyega.
Manjot_ Me government office kyun aaungi?
Nimrit_ Kal koi neighbour bolega “Nimrit bahu se bolkar file clear karwa do.”
Manjot_ Me mana kar dungi.
Nimrit_ Good.
Bhanu Bhaiya, aapke estate kaa land matter mere jurisdiction me aaya to me recuse karungi.
Bhanu_ Theek.
Baldev_ Pariwar trust aur institutions?
Nimrit_ Same rule.
Aftab_ Rajput Construction?
Nimrit_ Koi government tender nhi.
Regulatory file aayi to independent officer handle karega.
Abhay_ Aur me?
Nimrit_ Aap public representative bhi nhi hai abhi.
Isliye normal citizen ki tarah written application.
Abhay_ Husband category?
Nimrit_ Ghar tak valid.
Office gate ke baad citizen.
Abhay_ Agar lunch dene aaya?
Nimrit_ Appointment mil jayega.
Manjot_ Me lunch bhejungi. Tum mat jana.
Sab hans pade.
Lakin rules serious the.
Tumhare pita ne Rajput Construction ke board resolution me likhwa diya ki company district administration ke kisi government contract me bid nhi karegi.
Aftab_ Private projects allowed?
Nimrit_ Haa.
Lakin land conversion, building permission aur regulatory matters normal process se.
Abhay_ Koi phone nhi.
Nimrit_ Koi phone nhi.
Joining ke pahle din Nimrit ne media ko short statement diya—
Nimrit_ Mera pariwar iss region me rehta hai.
Isliye conflict-of-interest ko hide karne ke badle written systems se manage kia jayega.
Kisi pariwarik business ya trust se related file me decision independent officer aur committee legi.
Journalist_ Kyaa aapko lagta hai forged complaint ke piche aapke husband ke business rivals hai?
Nimrit_ Investigation chal rhi hai.
Bina evidence kisi kaa naam lena sahi nhi.
Journalist_ Aapke jeth state ruling party ke president hai.
Kyaa isse administrative pressure create hoga?
Nimrit_ Unhone meri posting ke sambandh me koi recommendation nhi ki.
Agar future me koi political communication aata hai to official register me record hoga.
Journalist_ Kyaa aap apne husband ki political activities se distance rakhenge?
Nimrit_ Government officer ke roop me haa.
Wife ke roop me distance kaa sawal personal hai.
Press room me halki hansi sunayi di.
Nimrit_ Lakin unki politics mere official decisions ko control nhi karegi.
Me_ Papa ko media kaa sawal bura laga?
Dadaji_ Thoda.
Lakin unhe Nimrit kaa answer pasand aaya.
Abhay_ Wife ke roop me distance personal hai?
Nimrit_ Correct answer tha.
Abhay_ Matlab distance ho bhi sakta hai?
Nimrit_ Aap office me bina appointment aaye to.
Abhay_ Apni wife se milne ke liye appointment—
Nimrit_ Ye debate Devgarh me ho chuki hai.
Nimrit ki Additional District Magistrate posting ke pahle 3 mahine bahut difficult the.
District me illegal land colonies badh rhi thi.
Fake registries aur forged land-use permissions saamne aa rhi thi.
Kuchh files me Rajput Construction kaa naam jaan-bujhkar insert kia gya tha.
Kahi fake receipt.
Kahi fake letterhead.
Kahi Abhay ke forged initials.
Nimrit ne clear order diya—
Nimrit_ Rajput Construction se related har disputed document independent forensic verification me jayega.
Me personally file decide nhi karungi.
Opposition leaders ne kaha—
“Officer apne husband ki company ko protect karne ke liye files dusro ko de rhi hai.”
Business rivals ne kaha—
“Officer responsibility se bachne ke liye recuse kar rhi hai.”
Nimrit ne dono ko same answer diya—
Nimrit_ Recusal protection nhi.
Transparency hai.
Agar decision mere favour me hota to bias kaa aarop.
Against hota to personal conflict kaa.
Independent committee best process hai.
Me_ Maa ko kaam karne hi nhi dete the.
Dadaji_ Honest officer ke liye sabse difficult chij kabhi-kabhi galat decision nhi…
Sahi decision ko neutral dikhana hoti hai.
Ussi period me Michael D’Souza ki road construction company per quality complaint aayi.
Road monsoon ke pahle hi tootne lagi thi.
File Nimrit ke paas aayi.
Michael ne legal objection diya—
Michael_ Mrs. Thakur ke husband Rajput Construction mere business competitor hai.
Wo meri company ki inquiry supervise nhi kar sakti.
Nimrit ne turant case independent technical committee aur Divisional Commissioner ko refer kar diya.
Michael ko laga wo inquiry delay kar dega.
Lakin committee inspection me substandard material prove ho gya.
Company per penalty lagi aur repair apne cost per karne kaa order hua.
Michael_ Wo file se recuse huyi fir bhi result hamare against.
Farooq_ Kyunki evidence strong tha.
Michael_ Ya committee pahle se influence thi.
Farooq_ Har defeat ko conspiracy mat bolo.
Michael_ Aap ye baat keh rhe hai?
Farooq chup ho gya.
Salman kaa transport permit renewal bhi district me aaya.
Nimrit ne use personally handle nhi kia.
Independent authority ne pichle overloading violations dekhkar additional bank guarantee mangi.
Salman_ Nimrit file se dur hokar bhi system control kar rhi hai.
Mahadev_ Ya tumhare purane records tumhe control kar rhe hai.
Salman ne uski taraf sakht najar se dekha.
Salman_ Bahut bolne lage ho.
Mahadev_ Sach bol rha hu.
Salman_ Sach aur loyalty ak sath rakhna seekho.
Mahadev_ Loyalty kiski?
Room me silence ho gya.
Me_ Mahadev unke against hone laga tha?
Dadaji_ Wo unse darrne laga tha.
Usne dekh lia tha ki network har fail plan kaa blame kisi lower aadmi per daal deta hai.
Brian Rodrigues gayab tha.
Naseer Baig gayab.
Javed Ansari gayab.
Ramesh Pillai gayab.
Mahadev ko lagne laga agla number uska ho sakta hai.
Usne apni diary ki duplicate copy banana start ki.
Ak copy ghar me.
Ak bank locker me.
Aur ak unknown aadmi ko sealed envelope me.
Me_ Unknown aadmi Bhim Tauji the?
Dadaji_ Nhi.
Bhim ko iss network ki detail abhi tak pata nhi thi.
Mahadev jis aadmi ko envelope deta tha, uska naam diary me bus “R” likha tha.
Me_ Raghavan Iyer?
Dadaji_ Ho sakta hai.
Lakin R kisi aur kaa initial bhi ho sakta tha.
1995 ke monsoon me district me bhari baarish huyi.
Ak river kaa water level dangerous ho gya.
Kai villages me flood kaa risk tha.
Collector State Capital meeting me tha.
Nimrit ko Acting District Magistrate kaa charge diya gya.
Me_ Collector se pahle Maa ne acting charge sambhala?
Dadaji_ Haa.
Ye uska sabse bada field test tha.
Raat 2 baje control room se call aaya.
Control Officer_ Madam, eastern embankment per crack report hua hai.
Nimrit_ Konsa village risk me hai?
Officer_ Lakshmipur, Rampura aur Khedi.
Combined population lagbhag 8,000.
Nimrit_ Immediate evacuation warning.
college buildings aur high-ground shelters open kijiye.
security officer, medical aur transport teams activate.
Officer_ Madam, crack confirm nhi hai.
Nimrit_ Confirm hone kaa wait kia to late ho sakta hai.
Nimrit ne ghar per Abhay ko call kia.
Nimrit_ Me flood control room ja rhi hu.
Abhay_ Me aaun?
Nimrit_ Officially nhi.
Abhay_ Public welfare trust ke vehicles available hai.
Nimrit kuchh pal chup rhi.
Nimrit_ Government transport request pahle jayegi.
Shortage hua to trust se written requisition hoga.
Abhay_ Theek.
Nimrit_ Aur aap khud flood area me bina permission nhi jayenge.
Abhay_ Me local workers coordinate—
Nimrit_ Control room ke through.
Abhay_ Aapko meri aadat pata hai.
Nimrit_ Isi liye pahle bol rhi hu.
Abhay_ Theek hai.
Lakin careful rehna.
Nimrit_ Aap bhi.
Nimrit control room pahuchi.
Rain bahut tej thi.
Telephone lines baar-baar fail ho rhi thi.
Wireless messages late aa rhe the.
Embankment crack real nikla.
Pani seep hona start ho chuka tha.
Irrigation Engineer_ Madam, embankment 3-4 ghante hold kar sakta hai.
Nimrit_ “Kar sakta hai” ya karega?
Engineer_ Guarantee nhi.
Nimrit_ Fir 2 ghante me village evacuation complete chahiye.
Government buses kam pad rhi thi.
Collectorate ne private vehicles requisition karne kaa order diya.
List me Pathan Transport ke buses aur trucks bhi the.
Transport Officer_ Madam, Salman Pathan vehicles dene se mana kar rha hai.
Nimrit_ Written requisition bheji?
Officer_ Haa.
Nimrit_ Refusal written me?
Officer_ Phone per mana kia.
Nimrit_ Fir Magistrate order issue kijiye.
Disaster emergency me refusal legal offence hoga.
Salman ko official phone gaya.
Salman_ Mere trucks stone transport per hai.
Nimrit_ Ye emergency requisition hai.
Salman_ Drivers available nhi.
Nimrit_ Driver list department ke paas hai.
Salman_ Aap personal badla le rhi hai.
Nimrit_ 8,000 logo ki evacuation personal matter nhi.
Vehicles 30 minute me report kare.
Salman_ Aur agar naa kare?
Nimrit_ Written refusal record hoga.
License, permit aur criminal liability sab examine honge.
Salman ne gusse me phone rakh diya.
Lakin 25 minute baad uski buses nikal gyi.
Me_ Maa ne dushman ke vehicles se logo ko bachaya?
Dadaji_ Disaster me vehicle owner dushman ya dost nhi hota.
Resource hota hai.
Rajput Public Welfare Trust ke tractors aur jeeps bhi written requisition per use hue.
Tumhare pita khud district office nhi gye.
Unhone Aftab aur local volunteers ko control room ke under kaam karne ko kaha.
Aftab_ Tum khud field me nhi jaoge?
Abhay_ Nimrit ne mana kia hai.
Aftab_ Shaadi kaa effect ab complete hai.
Abhay_ Ye discipline hai.
Aftab_ Dar bhi hai.
Abhay_ Haa.
Mujhe darr hai ki meri wajah se uske operation per political aarop naa lage.
Aftab ne tumhare pita ki taraf dekha.
Aftab_ Tum badal gye ho.
Abhay_ Nhi.
Bus responsibilities samajh aa rhi hai.
Evacuation complete hone ke 40 minute baad embankment kaa ak major hissa toot gya.
Pani village ke lower area me enter hua.
Lakin jyadatar log pahle hi shelters me pahuch chuke the.
Kuchh cattle aur property kaa loss hua.
Insani jaan kaa bada nuksan avoid ho gya.
Nimrit 30 ghante tak control room aur field ke bich kaam karti rhi.
Manjot ne use ghar aate hi danta.
Manjot_ Tum 30 ghante se soyi nhi.
Nimrit_ Situation control me hai.
Manjot_ Ab tumhare control me bus bedroom hai. Jao so.
Abhay_ Maa sahi kah rhi hai.
Nimrit_ Aap dono ak side kabse ho gye?
Manjot_ Jabse tum apni health ignore karne lagi.
Tumhare pita ne Nimrit ko pani diya.
Abhay_ Proud of you.
Nimrit_ Team ne kaam kia.
Abhay_ Team ko lead aapne kia.
Nimrit_ Aapne trust vehicles official requisition ke bina nhi bheje.
Abhay_ Order follow kia.
Nimrit_ Proud of you.
Abhay_ Pehli baar.
Nimrit_ Record me likh lijiye.
Flood response ki State Government ne tarif ki.
Divisional Commissioner ne report me likha—
“Mrs. Nimrit Thakur displayed timely judgment, inter-departmental coordination and political neutrality during emergency response.”
Collector jab wapas aaya to usne kaha—
Collector_ Aapne district ko major tragedy se bachaya.
Nimrit_ Sir, evacuation team aur village volunteers—
Collector_ Credit share karna achcha hai.
Lakin decision aapka tha.
Ye report State Government jayegi.
Me_ Kyaa isi wajah se Maa Collector bani?
Dadaji_ Ye ak major reason tha.
Uska Devgarh record, land cases, transport reform, forged complaint handling aur flood response—sab mila kar uska naam District Collector panel me strong hua.
1995 ke end me hamare district ke existing Collector kaa transfer order aa gya.
Naye Collector ke liye 3 names panel me the.
Unme Nimrit kaa naam sabse young officers me tha.
Opposition ne fir kaha—
“Ruling party president ke pariwar ki bahu ko home district kaa Collector banaya jayega.”
Kuchh businessmen ne closed-door pressure start kia.
Salman_ Agar wo Collector bani to transport, mining aur land sab uske under aayega.
Farooq_ Wo recusal system use karegi.
Michael_ Collector har file personally sign nhi karta.
Lakin system kaa tone Collector decide karta hai.
Mahadev_ To kyaa karoge?
Salman_ Appointment rokni hogi.
Michael_ Forged complaint already fail ho chuki.
Farooq_ Service record attack?
Michael_ Flood response ke baad difficult.
Salman_ Personal scandal?
Michael_ Purana Maria plan bhi fail.
Room me kuchh pal shanti rhi.
Mahadev_ Shayad accept kar lo ki wo deserving hai.
Salman ne table per hath mara.
Salman_ Tum kis side ho?
Mahadev_ Apni.
Michael ne Mahadev ko dhyan se dekha.
Michael_ Ye jawab sabse honest hai.
Farooq_ Appointment rokna possible nhi to tenure difficult bana sakte hai.
Salman_ Kese?
Michael_ Files.
Complaints.
Law-and-order incidents.
Political protests.
Har decision ko conflict-of-interest banana.
Collector chair per baithne do.
Fir chair ko hi trap bana denge.
Mahadev_ Aur Abhay?
Michael_ Nimrit Collector banegi to Abhay ki political growth bhi suspicion me aayegi.
Dono ko ak dusre ki strength se weakness banana hai.
Me_ Bhim Tauji kaa appointment me koi role tha?
Dadaji_ State party president hone ki wajah se government leadership usse consult kar sakti thi.
Lakin Bhim ne official meeting me clear kaha—
Bhim_ Nimrit Thakur meri family member hai.
Isliye uske posting decision me me koi opinion nhi dunga.
Chief Minister_ Aapko uski capability per doubt hai?
Bhim_ Personal opinion relevant nhi.
Service records dekhiye.
Chief Minister_ Opposition family influence bolegi.
Bhim_ Agar deserving officer ko bus relation ki wajah se posting naa mile, wo bhi unfair influence hoga.
Decision merits aur conflict safeguards per lijiye.
Bhim meeting se bahar aa gya.
Usne Abhay ko phone nhi kia.
Naa congratulations pahle di.
Naa panel status bataya.
Tumhare pita ko result official order se hi pata chala.
December 1995 ki ak subah government messenger sealed envelope lekar aaya.
Nimrit ne envelope khola.
Order me likha tha—
“Mrs. Nimrit Thakur, IAS, is appointed District Collector and District Magistrate…”
Wahi district.
Wahi sahar.
Wahi jagah jaha uska pariwar rehta tha.
Jaha tumhare pita kaa business aur politics thi.
Jaha Salman, Michael aur Farooq kaa network tha.
Aur jaha se sari kahani shuru huyi thi.
Nimrit kuchh pal order ko dekhti rhi.
Abhay_ Kyaa hua?
Usne letter tumhare pita ko de diya.
Tumhare pita ne padha.
Unke chehre per badi muskan aa gyi.
Abhay_ Collector sahiba.
Nimrit_ Ab officially bol sakte hai.
Abhay_ Mene pahle hi kaha tha.
Manjot ne letter sunte hi Nimrit ko gale laga lia.
Manjot_ Teri maa kaa sapna pura ho gya.
Nimrit ki aankho me aansu aa gye.
Usne apni biological maa ki purani photograph mangwayi.
Photo ke samne appointment order rakha.
Nimrit_ Maa… me Collector ban gyi.
Uski mosi bhi ro padi.
Mosi_ Didi aaj hoti to pure sahar ko bata deti.
Baldev_ Ab pura sahar wese bhi jan jayega.
Tum uss wakt floor per apne toys se khel rhe the.
Nimrit ne tumhe god me utha lia.
Nimrit_ Dekho, tumhari Maa Collector ban gyi.
Tumhe Collector kaa matlab nhi pata tha.
Tumne bus uska appointment letter pakadne ki koshish ki.
Abhay_ Government order mat faad dena.
Manjot_ Bachcha hai.
Nimrit_ Iski wajah se duplicate copy mangwani padegi.
Me_ Bhim Tauji aaye the congratulations dene?
Dadaji_ Publicly unhone formal message bheja—
“Congratulations to the newly appointed District Collector. Administration must remain impartial and committed to public welfare.”
Lakin raat ko private landline per phone kia.
Nimrit_ Namaste Bhaiya.
Bhim_ Congratulations, Collector sahiba.
Nimrit_ Thank you.
Bhim_ Abhay kaha hai?
Nimrit_ Yahi hai.
Tumhare pita ne receiver lia.
Abhay_ Bhaiya.
Bhim_ Khush hai?
Abhay_ Bahut.
Bhim_ Uska dhyan rakhna.
Abhay_ Wo mera rakhti hai.
Bhim_ Me serious hu.
Home district easy posting nhi hogi.
Har decision ko family connection se joda jayega.
Abhay_ Janta hu.
Bhim_ Apni politics aur business ki boundary clear rakhna.
Abhay_ Already hai.
Bhim_ Aur koi serious threat ho to mujhe batana.
Abhay_ Bhaiya—
Bhim_ Pahle hi “nhi” mat bol.
Bus batana.
Help tabhi karunga jab tu kahega.
Abhay kuchh pal chup rha.
Abhay_ Theek hai.
Bhim_ Promise?
Abhay_ Promise.
Bhim_ Pichla promise kitna follow kia tha?
Abhay_ Iss baar karunga.
Bhim_ Abhay… har chij akele handle karna strength nhi hoti.
Kabhi-kabhi zid hoti hai.
Abhay_ Samajh gya.
Bhim_ Nhi samjha.
Lakin ak din samjhega.
Phone cut hone ke baad Nimrit ne tumhare pita ko dekha.
Nimrit_ Bhim Bhaiya sahi kah rhe hai.
Abhay_ Aaj sab mere against kyun hai?
Nimrit_ Kyunki sab aapko jante hai.
Nimrit ne December 1995 ke end me District Collector kaa charge lia.
Collector office ke bahar bahut bheed thi.
Officers, citizens, media aur political representatives present the.
Tumhare pita ceremony me public front row me nhi baithe.
Wo normal family section me mere aur Manjot ke sath the.
Bhim attend nhi hua.
Usne jaan-bujhkar distance rakha, taki appointment family political event naa lage.
Bhanu apni patni aur apne adopted bete ke sath aaya.
Tum aur Bhanu kaa beta ak dusre ke paas baithe the.
Dono ne similar winter caps pahni thi, jo Manjot ne kharidi thi.
Me_ Same cap?
Dadaji_ Haa.
Manjot ko tum dono per matching clothes bahut pasand the.
Charge ceremony me Nimrit ne wahi fountain pen use kia, jo Manjot ne use IAS selection ke samay diya tha.
Usne charge register per sign kia.
Fir District Collector ki chair per baithi.
Nimrit_ Ye chair power ki nhi, responsibility ki hai.
Public speech me usne kaha—
Nimrit_ Mere pariwar aur iss district ke bich purane social, business aur political relations hai.
Isliye mere tenure me transparency extra strict hogi.
Kisi pariwarik interest se related matter independent committee handle karegi.
Law sabke liye same hoga.
Tumhare pita ne sabse jor se tali nhi bajayi.
Wo bus shant khade muskurate rhe.
Unhe pata tha ki jyada public emotion bhi political headline ban sakta hai.
Charge ceremony ke baad Nimrit office chamber me aayi.
Tumhare pita bahar wait kar rhe the.
Clerk_ Sir, Madam Collector meeting me hai.
Abhay_ Me wait kar leta hu.
Lagbhag 40 minute baad Nimrit ne unhe bulaya.
Abhay chamber me enter hue aur chair ke samne ruk gye.
Abhay_ Appointment lekar aaya hu.
Nimrit_ Good citizen.
Abhay_ Congratulations, Madam Collector.
Nimrit_ Thank you, Mr. Thakur.
Abhay_ Ghar kab chalengi?
Nimrit_ Files complete karke.
Abhay_ Pahle din hi late?
Nimrit_ District wait nhi karta.
Abhay_ Husband kar sakta hai?
Nimrit_ Karna padega.
Tumhare pita ne table per ak chhota box rakha.
Nimrit_ Kyaa hai?
Abhay_ Gift.
Nimrit_ Expensive hua to accept nhi karungi.
Abhay_ Husband kaa gift bhi service rules me?
Nimrit_ Dekhna padega.
Box ke andar ak simple wooden nameplate thi—
“Nimrit — Maa kaa sapna, apni mehnat.”
Nimrit kuchh pal nameplate dekhti rhi.
Uski aankho me aansu aa gye.
Nimrit_ Office me nhi rakh sakti.
Abhay_ Kyun?
Nimrit_ Personal hai.
Ghar ke study room me rakhungi.
Abhay_ Manjur.
Dadaji_ Nimrit Collector ban chuki thi.
Tumhare pita apni political pehchan ke sabse strong stage per the.
Tum 3 saal ke the.
Bhanu kaa adopted beta tumhari hi age kaa tha.
Mohan bhi lagbhag tumhari age kaa.
Bahar se lagta tha hamara pariwar apni sabse achchi zindagi me enter kar rha hai.
Lakin usi raat Michael D’Souza ke hotel me ak secret meeting huyi.
Table per district kaa naya administrative chart pada tha.
Salman_ Ab wo Collector hai.
Farooq_ Home district me.
Michael_ Aur Abhay agla election ladne ke close hai.
Mahadev_ Tum log kyaa plan bana rhe ho?
Michael ne file band ki.
Michael_ Agle 6 mahine observe karenge.
Collector ke routes.
Abhay ke routes.
Family vehicles.
Security changes.
Kaun kis car me travel karta hai.
Kaun se drivers permanent hai.
Kaun se workshop vehicles maintain karte hai.
Mahadev kaa chehra badal gya.
Mahadev_ Fir se family routes?
Salman_ Ab final planning kaa time aa gya hai.
Mahadev_ Tum log unhe marne kaa plan bana rhe ho?
Michael_ Mene aisa nhi kaha.
Mahadev_ Lakin matlab wahi hai.
Farooq_ Har permanent solution murder nhi hota.
Mahadev_ Tumhare “solutions” me log mar sakte hai.
Salman_ To iss baar meeting se bahar jaakar petrol bottle pakad lena.
Mahadev chair se khada ho gya.
Mahadev_ Me iss plan kaa part nhi banunga.
Michael_ Aap already bahut kuchh jante hai.
Mahadev_ Isi liye sab record kar rha hu.
Room me silence chha gya.
Salman_ Kyaa kaha?
Mahadev ko samajh aa gya ki usse galti ho gyi.
Mahadev_ Mene kaha… mujhe sab yaad hai.
Michael use dhyan se dekhta rha.
Michael_ Memory dangerous hoti hai, Deshmukh sahab.
Mahadev_ Records usse bhi jyada.
Mahadev room se bahar chala gya.
Salman_ Ise khatam karna hoga.
Michael_ Abhi nhi.
Pahle pata karo records kaha hai.
Me_ Kyaa Mahadev papa ko warn karne wala tha?
Dadaji_ Haa.
Collector kaa charge lene ke 11 din baad tumhare pita ko anonymous trunk call aaya.
Caller ne bus itna kaha—
Caller_ Kunwar sahab, purane route test ko accident mat samajhna.
Wo rehearsal thi.
Abhay_ Kon?
Caller_ Agle 6 mahine family ko ak car me sath mat bithana.
Driver, workshop aur emergency route—kisi per aankh band karke trust mat karna.
Abhay_ Mahadev?
Dusri taraf kuchh pal silence rha.
Caller_ Bhim Singh ko sab bata do.
Abhay_ Tum kaha ho?
Caller_ Agar me jinda rha to proof bhejunga.
Call cut ho gya.
Me_ Papa ne Bhim Tauji ko phone kia?
Dadaji ne kuchh pal meri taraf dekha.
Dadaji_ Nhi.
Tumhare pita ne socha pahle proof aane de.
Fir Bhim ko batayenge.
Me_ Unhone fir Bhim se baat chhupayi?
Dadaji_ Haa.
Aur yahi wo baat thi, jise Bhim baad me tumhare samne rote hue accept karega—
Ki Abhay ne use dur rakha…
Lakin bade bhai ke roop me use fir bhi dur nhi rehna chahiye tha.
Tumhare pita ne warning Nimrit, mujhe aur Aftab ko batayi.
Lakin Bhim ko nhi.
Nimrit_ Caller ne specially Bhim Bhaiya kaa naam lia hai.
Abhay_ Iska purpose mujhe Bhaiya ke paas dhakelna bhi ho sakta hai.
Nimrit_ Ya use pata hai ki Bhim Bhaiya hi network se politically strong hai.
Abhay_ Bina proof unhe involve nhi karunga.
Nimrit_ Ye situation serious hai.
Abhay_ Me security double kar rha hu.
Aftab_ Caller ne kaha family ak car me sath naa baithe.
Baldev_ Hume ye follow karna chahiye.
Manjot_ Ab pariwar sath travel bhi nhi karega?
Nimrit_ Temporary.
Jab tak source aur threat verify nhi hota.
Abhay_ Maa, please.
Manjot ne sabki taraf dekha.
Manjot_ Theek hai.
Lakin darr ko permanent rule mat banana.
Dadaji_ Agle 6 mahine shuru ho chuke the, Jay.
Wahi 6 mahine…
Jinke end me 1996 kaa wo car accident hua.
Lakin accident tak pahuchne se pahle 3 important chije honi baki thi—
Mahadev Deshmukh kaa achanak gayab hona.
Collector Nimrit dwara ak purani government-road file dobara kholna.
Aur Bhanu Pratap ke ghar me uske god liye hue bete se judi wo tragedy…
Jisne baad me tumhari asli pehchan ko duniya se chhupane kaa rasta bana diya.