[bigtool86]

"சரி டா, ஞாயிற்றுக்கிழமை சந்திப்போம்," என்று கூறிய அர்ஜுன், கல்லூரி வளாகத்திற்குள் நுழைந்தான்.

அப்போது அவனுக்கு ஒரு சந்தேகம் தோன்றியது.

"டேய், நீ இப்போ எங்க இருக்க?" என்று செல்வத்திடம் கேட்டான்.

"நான் வீட்டில்தான் இருக்கேன் டா. செமஸ்டர் படிப்பு விடுமுறை. அதனால லீவுல இருக்கேன்," என்று செல்வம் பதிலளித்தான்.

அதை கேட்ட அர்ஜுன், "எல்லாருக்கும் செமஸ்டர் லீவு கிடைக்குது... எனக்கு மட்டும் வழக்கம்போல கல்லூரிக்குப் போக வேண்டியதுதான்," என்று மனதிற்குள் நினைத்துக் கொண்டான்.

பிறகு, "சரி... செல்வி அக்கா வேலைக்குப் போயிருக்காளா?" என்று கேட்டான்.

"ஆமாம். அவ வேலைக்குப் போயிருக்கா. ஞாயிற்றுக்கிழமை அவளும் பெரியம்மா வீட்டுக்கு வருவா," என்று செல்வம் கூறினான்.

"சரி டா, ஞாயிற்றுக்கிழமை பார்க்கலாம்," என்று கூறிய அர்ஜுன் அழைப்பை முடித்துவிட்டு தனது வகுப்பறையை நோக்கி நடந்தான்.