[Babab96]

Continue.....

Me_ Kon tha wo?

Dadaji_ Salman Pathan.

Me_ Salman Pathan? Ye kon tha Dadu? Kyaa ye apki kahani me jo Salman Pathan tha wahi hai....

Dadaji_ Haa, Bete..Lakin ab ye wo Salman nhi rha tha..ye Salamat Pathan ke parchhai se nikal chuka tha..or ab iska apna khud ke businesses the...

Me_ Ye sab kese hua dadu?

Dadaji_ Intejar karo bete. Tumhe ak-ak karke sabke bare me bataunga. 

Salman Pathan ab sahar kaa ak bada transporter aur government contractor ban chuka tha... Uske trucks pure state me chalte the. Government departments ke construction material, mining aur transport ke kai bade contracts uske paas the.
Paisa uske paas bahut tha aur political pahchan bhi kam nhi thi.
Area kaa sansad usi ki family se juda hua tha..

Lekin Salman ki sabse badi problem ye thi ki wo kisi dusre young aadmi ko apne se jyada powerful hote hue nhi dekh sakta tha.

Tumhare pita aur Salman ki pahli takkar business ki wajah se huyi thi.

Rajput Construction kaa kaam saaf tarike se hota tha. Tumhare pita government contracts lene ke liye officers ko paise dene ya illegal tarike apnane se bachne ki koshish karte the.
Salman ko lagta tha ki tumhare pita kaa ye tarika bus dikhawa hai.
Uska maanna tha ki business me wahi aage badta hai, jo system ko apne hisab se chalana janta ho.

Salman Pathan, Age 50

Me_ Kyaa Salman ne Nimrit ke pitaji kaa project rukwaya tha?

Dadaji_ Us samay aisa koi proof nhi tha.

Lekin Nimrit ke pitaji ne approval ke liye Salman se bhi baat ki thi.

Salman ne unse kaha tha ki wo approval dilwa sakta hai, lekin badle me use project ke transport aur construction material kaa pura contract chahiye.

Nimrit ke pitaji ne uski shart maanane se inkar kar diya tha.
Uske baad jab tumhare pita ne bina koi contract liye project ko approval dilwa diya, to Salman ko ye apni beizzati lagi.

Use laga ki ak 21 saal ke ladke ne uske political influence ko sabke samne chhota sabit kar diya hai.

Me_ Isliye wo inauguration me aaya tha?

Dadaji_ Haa. Nimrit ke pitaji ne sahar ke sabhi bade businessmen, officers aur political logo ko invitation bheja tha.

Salman ko bhi bulaya gya tha.

Inauguration wale din project site ko bahut sundar tarike se sajaya gya tha.

Bada sa stage banaya gya tha. Ak taraf bhoomi pujan ki taiyari thi aur dusri taraf project kaa bada model rakha tha.
Sahar ke businessmen, bank officers, investors, industrialists aur political leaders waha present the.

Dharmchand Patel function kaa chief guest tha.

Nimrit apne pita aur maa ke sath waha pahuch chuki thi.
Usne halki aur simple dress pahni thi. Wo baar-baar entrance ki taraf dekh rhi thi.

Me_ Wo papa kaa intejar kar rhi thi?

Dadaji_ Haa, lekin khud se maan nhi rhi thi.

Uske pitaji ne sabse pahle Dharmchand Patel kaa welcome kia.

Nimrit ne socha ki tumhare pita bhi uske sath aayenge, lekin Dharmchand akela hi aaya tha.

Nimrit ne kuch der rukne ke baad Dharmchand se pucha—

Nimrit_ Abhay ji aapke sath nhi aaye?

Dharmchand ne uski taraf dekha aur halka sa muskuraya.

Dharmchand_ Aana to tha. Lekin raste me ak labourer kaa accident ho gya. Abhay use hospital lekar gya hai.

Nimrit_ Accident serious tha?

Dharmchand_ Pair me chot lagi hai. Doctor ne kaha hai ki danger ki baat nhi hai.

Nimrit ko relief mila, lekin uske chehre per nirasha ab bhi thi.

Dharmchand_ Aap chinta mat kijiye. Usne kaha hai ki wo function khatam hone se pahle aa jayega.

Nimrit_ Me chinta nhi kar rhi.

Dharmchand muskurate hue bola—

Dharmchand_ Maine to bus normal baat kahi hai.

Nimrit ne uski taraf dekha, lekin koi jawab nhi diya.
Thodi der baad function shuru ho gya.

Nimrit ke pitaji stage per aaye aur unhone project ke bare me speech deni shuru ki.

Unhone investors, officers aur Dharmchand Patel kaa dhanyawad kia.

Lekin speech ke bich me unhone kaha—

Nimrit ke Pitaji_ Aaj ye project dobara shuru ho rha hai, lekin sach ye hai ki ak samay mujhe lagne laga tha ki shayad ye project kabhi shuru nhi ho payega.

Hamari file technical objections me fas chuki thi.

Humne bahut logo se madad mangi, lekin koi bhi sahi solution nhi de paya.

Fir Kunwar Abhay Pratap Singh Thakur ne hamari file dekhi.
Unhone bus approval dilwane ke liye political pressure nhi banaya.

Unhone hamare project ki galtiya batayi, unka solution diya aur project ko government ke rules ke according taiyar karwaya.

Aaj ye project shuru ho rha hai, to iska ak bada credit Kunwar Abhay Pratap Singh Thakur ko jata hai.
Stage ke samne baithe sab log tali bajane lage.

Nimrit ke chehre per khushi aa gyi.

Lekin Salman Pathan apni kursi per chupchap baitha rha.

Uske paas baithe aadmi ne dheere se kaha—

Aadmi_ Salman bhai, ladka kam umar me bada naam kama rha hai.

Salman ne samne dekhte hue jawab diya—

Salman_ Naam kamane aur naam sambhalne me bahut fark hota hai.

Aadmi_ Dharmchand MLA hai, lekin har jagah Abhay ki baat hoti hai.

Salman_ Dharmchand bus chehra hai. Dimag Abhay kaa hai.

Aadmi_ Fir to ye ladka aage chalkar badi problem ban sakta hai.

Salman ke chehre per halki si muskan aa gyi.

Salman_ Problem banne se pahle hi uska solution nikalna chahiye.

Me_ Kyaa usi wakt Salman ne papa ko marne kaa plan bana liya tha?

Dadaji_ Nhi bete. Har rivalry kaa matlab murder nhi hota.
Uss samay Salman tumhare pita se nafrat nhi karta tha. Wo bus unhe apne raste kaa competition samajhne laga tha.
Lekin samay ke sath competition ego me badla, ego dushmani me aur dushmani bahut aage tak gyi.

Speech chal hi rhi thi ki project site ke bahar ak jeep aakar ruki.

Tumhare pita jeep se niche utre.

Unke sath Aftab Qureshi bhi tha.

Tumhare pita ne normal safed kurta-pajama pahna hua tha.

Wo bina kisi security aur dikhave ke stage ki taraf badhe.

Nimrit ki najar jese hi unper padi, uske chehre per apne aap muskan aa gyi.

Uski maa ne turant ye dekh liya.

Maa_ Jiska intejar tha, wo aa gya?

Nimrit_ Me kisi kaa intejar nhi kar rhi thi.

Maa_ Maine kisi kaa naam bhi nhi liya.

Nimrit ne apni maa ko dekha aur fir chupchap stage ki taraf dekhne lagi.

Tumhare pita stage ke paas pahuche to Nimrit ke pitaji khud niche utar kar unke paas aaye.

Nimrit ke Pitaji_ Kunwar sahab, hum aapka hi intejar kar rhe the.

Abhay_ Maaf kijiyega Sandhu sahab. Raste me ak worker ko hospital le jana pada.

Nimrit ke Pitaji_ Hume Dharmchand ji ne bataya. Worker ab theek hai?

Abhay_ Haa. Pair me fracture hai, lekin khatre ki koi baat nhi.

Nimrit ke Pitaji_ Aaiye, stage per chaliye.

Abhay_ Stage per jane ki jarurat nhi hai. Me yahi theek hu.

Nimrit ke Pitaji_ Aaj aapko stage per aana hi padega. Ye
project aapki mehnat ke bina shuru nhi ho pata.

Tumhare pita mana karte rhe, lekin Nimrit ke pitaji unhe apne sath stage per le gye.

Dharmchand apni chair se khada hua aur tumhare pita ke liye apne paas wali chair khinch di.

Sabke samne ak MLA kaa tumhare pita ko itni respect dena Salman ko bilkul achcha nhi laga.

Bhoomi pujan ke baad project ke model kaa cover hataya gya.

Nimrit ke pitaji ne tumhare pita se kaha—

Nimrit ke Pitaji_ Kunwar sahab, aap project ke bare me sabko kuch bataye.

Abhay_ Project aapka hai, Seth sahab. Aapko batana chahiye.

Nimrit ke Pitaji_ Project mera hai, lekin ise naya roop aapne diya hai.

Tumhare pita mic ke paas gye.

Unhone koi lambi political speech nhi di.

Abhay_ Ye project bus buildings, factories aur shops kaa group nhi hona chahiye.

Development kaa matlab sirf jamin kharidkar usper construction karna nhi hota.

Ak achche project se government ko revenue, businessmen ko profit aur aam logo ko employment milna chahiye.

Lekin development karte samay environment aur aas-paas ke villages kaa adhikar bhi utna hi important hai.

Isliye revised project me green area, water harvesting, sewage treatment plant aur villages ko connect karne wali road shamil ki gyi hai.

Agar business se sirf businessman kaa fayda ho, to wo development nhi hota.

Asli development wahi hai, jisme aas-paas rahne wale logo ki life bhi better ho.

Speech bahut chhoti thi, lekin sab log dhyan se sun rhe the.
Nimrit bhi tumhare pita ko dekhti rhi.

Usne IAS ki preparation me development, administration aur public welfare ke bare me bahut padha tha.

Lekin tumhare pita unhi bato ko practical business aur politics me apply kar rhe the.

Tumhare pita stage se niche utre to sabse pahle Salman Pathan unke samne aaya.

Salman_ Mubarak ho, Kunwar sahab.

Abhay_ Kis baat ki?

Salman_ Aajkal har jagah aapke hi charche hai. Business kisi aur kaa hota hai, MLA koi aur hota hai, lekin credit Abhay Pratap Singh le jata hai.

Abhay uski baat kaa matlab samajh gya.

Abhay_ Credit lene kaa shauk hota to apna naam project ke board per likhwata, Salman sahab.

Salman_ Naam likhwane ki jarurat hi kyaa hai? Sahar wale bina likhe hi naam le rhe hai.

Abhay_ Sahar wale kuch din baad kisi aur kaa naam lenge. Kaam sahi hona chahiye, naam kaa kyaa hai?

Salman_ Kam umar me badi bate karte ho.

Abhay_ Umar chhoti ho sakti hai, baat sahi honi chahiye.
Dono kuch pal ak dusre ko dekhte rhe.

Aftab Qureshi paas hi khada tha. Wo Salman ke tone ko samajh chuka tha.

Salman ne muskurate hue tumhare pita ke kandhe per hath rakha.

Salman_ Politics aur business dono me bahut teji se aage badh rhe ho, Kunwar sahab. Bus sambhalkar chalna.
Tej chalne wale log kai baar raste ke gaddhe nhi dekh pate.

Abhay_ Isliye me raste ke gaddhe bharne kaa kaam bhi karta hu.

Salman ke chehre ki muskan ak pal ke liye gayab ho gyi.

Fir wo normal hote hue bola—

Salman_ Achcha jawab tha.

Abhay_ Sawal bhi achcha tha.

Salman waha se chala gya.

Me_ Papa ko samajh aa gya tha ki Salman unhe dhamki de rha hai?

Dadaji_ Tumhare pita bahut samajhdar the, bete.
Wo Salman ke har shabd kaa matlab samajh gye the.

Aftab_ Ye aadmi tumhe pasand nhi karta.

Abhay_ Har aadmi kaa mujhe pasand karna jaruri bhi nhi hai.

Aftab_ Pasand naa karne aur dushmani rakhne me fark hota hai.

Abhay_ Abhi wo dushman nhi hai. Bus use lagta hai ki me uske raste me aa rha hu.

Aftab_ Aur agar kal sach me dushman ban gya to?

Abhay_ Kal ki kal dekhenge.

Aftab_ Yahi tumhari problem hai. Tum har dushman ko tab tak seriously nhi lete, jab tak wo tumhare ghar ke darwaje tak naa aa jaye.

Abhay ne Aftab ki taraf dekha.

Abhay_ Aur tumhari problem ye hai ki tum har aadmi ko dushman samajh lete ho.

Aftab_ Isliye tum abhi tak safe ho.

Dono ki baat chal hi rhi thi ki Nimrit unke paas aa gyi.

Nimrit_ Me disturb to nhi kar rhi?

Aftab_ Bilkul nhi. Me to wese bhi ja hi rha tha.

Abhay_ Tum kahi nhi ja rhe the.

Aftab_ Ab ja rha hu.

Aftab muskurate hue waha se chala gya.

Nimrit kuch pal tumhare pita ke samne chup khadi rhi.

Abhay_ Aapne hi kaha tha ki mujhe function me jarur aana hai. Ab aa gya hu.

Nimrit_ Aap bahut late aaye.

Abhay_ Ak worker kaa accident ho gya tha.

Nimrit_ Mujhe pata hai. Dharmchand ji ne bataya.

Abhay_ Fir gussa kyun hai?

Nimrit_ Me gussa nhi hu.

Abhay_ Achcha.

Nimrit_ Aapko har baat kaa itna chhota jawab dena jaruri hai?

Abhay_ Aapne kaha ki aap gussa nhi hai. Maine maan liya.

Nimrit_ Aur agar me gussa hoti to?

Abhay_ To wajah puchta.

Nimrit_ Wajah ye hoti ki aapne kaha tha koshish karunga. Jabki maine aapse kaha tha ki aapko aana hi hoga.

Abhay ke chehre per halki si muskan aa gyi.

Abhay_ Iska matlab aap mera intejar kar rhi thi?

Nimrit ko ahsas hua ki wo apni baat me fas gyi hai.

Nimrit_ Papa aapka intejar kar rhe the.

Abhay_ Bus papa?

Nimrit_ Aap har baat kaa galat matlab kyun nikalte hai?

Abhay_ Me bus confirm kar rha tha.

Nimrit_ Kyaa confirm kar rhe the?

Abhay_ Yahi ki mera intejar kisne kia tha.

Nimrit ne tumhare pita ki taraf dekha.

Fir usne najar hatate hue kaha—

Nimrit_ Thoda bahut maine bhi kia tha.

Tumhare pita kuch pal bilkul chup rhe.

Nimrit_ Ab kuch bolenge nhi?

Abhay_ Dar lag rha hai ki kahi kuch bol diya to aap fir se dantkar chali naa jaye.

Nimrit ke chehre per halki si sharm aur muskan ak sath aa gyi.

Nimrit_ Us din ki baat ko baar-baar yaad dilana jaruri hai?

Abhay_ Bhoolne ki koshish kar rha hu.

Nimrit_ Aur kamyab hue?

Abhay_ Bilkul nhi.

Dono ak dusre ko dekhkar muskurane lage.

Thodi dur khadi Nimrit ki maa ye sab dekh rhi thi.
Uske chehre per chinta bhi thi aur khushi bhi.
Wo samajh chuki thi ki Nimrit ke man me tumhare pita ke liye feelings paida hone lagi hai.

Function khatam hone ke baad Nimrit ke pitaji ne Dharmchand, tumhare pita aur Aftab ko sham ke dinner per apne ghar bulaya.

Dharmchand_ Sandhu sahab, aaj shaam meri ak political meeting hai. Me shayad nhi aa paunga.

Nimrit ke Pitaji_ Kunwar sahab, aapko koi meeting to nhi hai?

Abhay_ Ak-do kaam hai, lekin me manage kar lunga.

Nimrit ke Pitaji_ Fir aaj raat kaa khana hamare sath khaiye.

Aftab_ Aur mera?

Nimrit ke pitaji hans pade.

Nimrit ke Pitaji_ Aap bhi invited hai, Aftab sahab.

Aftab_ Me to bus confirm kar rha tha ki kahi partnership sirf office tak hi to nhi hai.

Abhay_ Tumhare liye alag se invitation card chhapwana padega.

Sham ko tumhare pita aur Aftab, Nimrit ke ghar pahuche.

........