[Babab96]

........

Me_ Aap ak-ak naam ke sath mujhe kahani suna rhe hai, iske piche ki kahani kyaa hai Dadu....

Dadaji_ Intejar karo bete, bata rha hun...step by step...

Me_ Theek hai Dadu...

Dadaji_ To suno, jab pahli baar tumhare pita ji ne, tumhari maa ko dekha, wo uska deewana ho gya tha...
wo itni pasand aayi thi use..
or wo apne andar 4 din bhi apni feelings ko rakh nhi paya..or usne tumhari maa se mil kar apni feelings bata di....

Pahle to tumhari maa ne bahut danta tumharey pitaji ko iss baat ke liye, Nimrit ko laga ki Abhay koi lafanga hai..

Me_ Fir papa ne kyaa kia?

Dadaji_ Ak achche ladke ki tarah, Nimrit ki baat ki respect ki or chala aaya waha se wapas..

Me_ Kyaa dobara try nhi kia?

Dadaji_ Tumharey pitaji ke liye uska self respect sabse uper tha bete..iss liye unhone dobara try nhi kia..

Me_ To kyaa papa ne maa ko puri tarah bhool jane kaa faisla kar liya tha?

Dadaji_ Faisla to kar liya tha, bete… lekin dil har baar insaan ke faisle kaha maanta hai?

Tumhare pita ne dobara Nimrit ke paas jane ki koshish nhi ki. Naa uska rasta roka, naa kisi ke hath koi sandesh bhijwaya aur naa hi use impress karne ke liye apni daulat ya political pahchan kaa istemal kiya.

Wo pahle ki tarah apne kaam me lag gya. Subah construction sites aur ban rahi colonies kaa kaam dekhta, dopahar me apne political sathiyo se milta aur sham ko Dharmchand Patel ke area me logo ki problems sunta.

Lekin jis raste se Nimrit ki coaching padti thi, tumhare pita ne us raste se gujarna bhi lagbhag band kar diya tha.

Me_ Aisa kyun?

Dadaji_ Kyunki use dar tha ki kahi Nimrit ko ye naa lage ki wo uska picha kar rha hai. Tumhare pita usse pyar jarur karte the, lekin uski najro me girkar use hasil nhi karna chahte the.

Udhar Nimrit ne bhi us ghatna ko kuch dino me bhula diya.

Uske liye us samay sabse important uska IAS banne kaa sapna tha. Wo subah se der raat tak padhai karti thi. History, politics, economy aur administration—har subject ki moti-moti kitabe uske room me faili rahti thi.

Uski maa kaa sapna ab kewal sapna nhi rha tha. Nimrit ne use apni life kaa purpose bana liya tha.

Lekin lagbhag do hafte baad ak aisi ghatna hui, jisne tumhare pita ke liye Nimrit ki soch badalni shuru kar di.

Me_ Konsi ghatna?

Dadaji_ Jis area me Nimrit ki coaching thi, waha Nagar Palika ne achanak sadak ke kinare bani chhoti dukano ko hatane kaa order de diya. Unme chai bechne wale, kitabe bechne wale, or kai dusre chhote dukan wale aur kuch garib thele wale bhi shamil the.

Administration ke employee security officer ke sath waha pahuche aur bina proper time diye saman hatane lage. Kuch dukandar ro rhe the, kyunki wahi unki roji-roti thi.

Uss din Nimrit apni coaching ki balcony se ye sab dekh rhi thi.
Tabhi waha tumhare pita pahuche.

Me_ Papa ko kisne bulaya tha? haa ak dukandar ne telephone karke bulaya tha..

Dadaji_ Jab call gya tab Abhay, Dharmchand Patel ke office per hi tha... wo turant apni jeep lekar, uss jagah pahucha...

Usne pahle officers se baat ki. Jab wo nhi mane to usne Dharmchand ko bulaya aur Nagar Palika ke senior officer se phone per baat karwayi. Tumhare pita ne illegal occupation ko sahi nhi diya, lekin usne garib dukandaro ke liye saat din kaa time aur kisi dusri jagah thela lagane ki permission mangi.

Kafi bahas ke baad officers maan gye.

Tumhare pita ne apne logo se kaha ki jin dukandaro kaa saman toot gya tha, unki madad ki jaye. Fir wo bina koi speech diye waha se chala gya.

Nimrit uper khadi ye sab dekh rhi thi.

Use pahli baar laga ki jis ladke ko usne ak simple lafanga samajh kar dant diya tha, wo waisa nhi tha. ye baat uske man mashtiksh me atag gyi, or usse bechen karne lagi..

Jab puri raat ye baat use bechen kar rhi thi..to usne

Agle din coaching ke bahar chai bechne wale ak bujurg se tumhare pita ke bare me pucha.

Nimrit_ Kal jo safed kurte me ladka aaya tha, wo kon tha?

Bujurg muskuraya aur bola—

Chaiwala_ Bitiya, use iss sahar me kon nhi janta? wo Kunwar Abhay Singh Thakur hai. 

Umar chhoti hai, lekin kaam bade-bade karta hai. Aadhe log use businessman kahte hai aur aadhe leader.
Lekin garib aadmi ke liye khada ho jaye to fir bade officer se bhi nhi darta.

Nimrit kuch der chup rhi.

Fir usne or janne ki koshish karte hue pucha—

Nimrit_ Kyaa wo aksar yaha aata hai?

Chaiwala_ Pahle to kabhi-kabhi dikh jata tha. Lekin pichle kuch dino se iss sadak per nhi aaya. Shayad koi dusra rasta pakad liya hai.

Ye sunkar Nimrit samajh gyi ki tumhare pita jaan-bujhkar usse distance bana rhe the.

Me_ Kyaa maa ko apni galti kaa ahsas hua?

Dadaji_ Puri tarah nhi, lekin uske man me tumhare pita ko lekar curiosity jarur paida ho gyi thi.

Kuch dino baad Nimrit ki coaching me students ke liye ak program rakha gya. Topic tha—“Young Generation aur Democracy.”

Chief guest local MLA Dharmchand Patel tha.

Stage per Dharmchand speech de rha tha, lekin Nimrit ko uski bato me ak alag tarah ki depth dikhayi di. 
Program khatam hone per kuch students ne usse questions puche. 
Dharmchand ne badi simplicity se answer diye.

Baad me Nimrit ne coaching ke director se Dharmchand ki tarif karte hue kaha—

Nimrit_ Itni kam umar me MLA banne ke baad bhi inki political understanding kafi achchi hai.

Coaching director hans pada.

Director_ Speech Dharmchand deta hai, Nimrit… lekin inme se aadhe ideas Abhay ke hote hai.

Abhay kaa naam sunkar Nimrit chauk gyi.

Nimrit_ Wahi Abhay, Kunwar Abhay Singh Thakur, jo construction kaa kaam karta hai?

Director_ Haa. Dono bachpan ke dost hai. Election Dharmchand ne lada tha, lekin uski puri strategy Abhay ne banayi thi. Candidate ki image banane se lekar sahar or gaon me meetings karne tak sab usi ne sambhala tha.

Nimrit ne Dharmchand ki taraf dekha. Wo program khatam hone ke baad bhi students se mil rha tha.

Nimrit ne usse direct Abhay ke bare me puchne kaa faisla kiya.

Nimrit_ MLA sahab, kyaa me aapse ak personal question puch sakti hu?

Dharmchand_ Jarur puchiye.

Nimrit_ Abhay Singh aapke liye kaam karte hai?

Dharmchand kuch pal use dekhta rha. Fir uske chehre per halki muskan aa gyi.

Dharmchand_ Abhay mere liye kaam nhi karta. Sach kahu to me aaj jis position per hu, usme sabse bada contribution usi kaa hai. Wo parde ke piche rahna pasand karta hai. uski ke efforts or vision se ne aaj MLA hun...

Nimrit_ Lekin wo khud election kyun nhi lada?

Dharmchand_Apko mere dost ke bare me janne ki kafi curosity hai?

Nimrit _ Nhi aisa nhi hai..

Dharmchand_ Apke sawal kaa jawab sun lijiye, Kyunki uski age abhi kewal 21 saal hai. MLA kaa election ladne ke liye minimum age 25 saal honi chahiye. Kanun use chunav ladne se rok sakta hai, politics karne se nhi.

Nimrit ko ab samajh me aane laga tha ki Abhay ne use apne bare me kuch bhi kyun nhi bataya tha.

Uss din ghar pahuchne ke baad bhi wo baar-baar usi ghatna ke bare me sochti rhi.

Doston me Nimrit ki sauteli maa ko mosi hi likhunga, kyuki wo Nimrit ke liye to mosi or maa dono thi...agar Nimrit ki maa yani Jay ki nani jinda hoto to..wo kabhi mosi se maa nhi ban pati..

Uski Mosi, jo ab uski sauteli maa thi, ne uske badle hue behaviour ko turant pahchan liya.

.......