[Babab96]

.........

Jis waqt meri Hariya Kaka aur Gajra Kaki se baat-cheet chal rahi thi, usi waqt doosri taraf gaon ke ghar mein, Tai ke samdhi samdhan aaye huye the..

Tai Khet se nikal kar ghar pahuchi..

Ghar per Tai ki Samdhan Priya aur Samadhi Rajeev bethe huye the, Ghar ke hall me..

Tai ne apni samdhan Priya aur samdhi Dr. Rajeev ka bade apnapan ke saath swagat kiya.

Shaadi ke baad dono pehli baar Tai se milne ke liye gaon aaye the, isliye ghar ke sabhi logon mein unke aane ki khushi thi.

Ghar ke bade hall mein sab log baith gaye.

Ek taraf Tai Sushma aur Mosi Savitri baithi thi,Unke paas Priya aur Rajeev baithe hue the.




.....

Priya Tomar
SHO
Age - 49







Priya aaj apni security officer uniform mein nahi thi. Woh bilkul simple aur decent traditional kapdon mein thi. 

Use dekhkar koi aasani se nahi keh sakta tha ki woh Sanjanpur Thana ki SHO, Senior Inspector Priya hai.

.......

Priya vardi me kuchh aisi lagti hai..






.............

Rajeev Tomar
Doctor 
Age - 59


Rajeev bhi apne doctor wale formal andaaz se alag, ekdum simple aur comfortable kapdon mein tha.

..........

Kuch der tak ghar-parivaar ki baatein hoti rahi.

Sushma: Aap dono aaye, humein kaafi achcha laga. Shaadi ke baad aap log pehli baar hi aaye hain.

Priya ne halka sa muskurate hue kaha—

Priya: Sushma ji, kya karein... dincharya itni vyast rehti hai ki kahin jaane ka mauka hi nahi milta.

Rajeev: Dono ka schedule hi aisa rehta hai. Priya ki duty aur meri hospital ki responsibilities... time nikalna thoda mushkil ho jata hai.

Priya ne Rajeev ki taraf dekhkar muskurate hue baat aage badhai.

Priya: Is baar hum Swati se milne ja rahe hain. Kaafi samay se usse milna bhi nahi ho paya tha. Is baar socha hai ki unke paas lagbhag 15 din rukenge.

Sushma: Chaliye, achchi baat hai. Main bhi pichhle mahine das din ruk kar aayi hoon unke saath.

Priya: Ji, Swati ne bataya tha mujhe.

Savitri kuch der se Priya ko dekh rahi thi. 

Phir woh muskurate hue boli—

Savitri: Priya ji, aap itni saral aur saamanya lag rahi hain in kapdon mein ki koi bata hi nahi sakta ki aap security officer officer hain.

Priya halka sa hans di.

Priya: Savitri ji, woh toh mera kaam hai. Sanjanpur Thana mein SHO ki responsibility hai, isliye duty par uniform aur officer wali zimmedari nibhani padti hai.

Phir Priya ne apne andaaz mein kaha—

Priya: Lekin duty ke bahar toh main bhi aap logon ki tarah hi hoon.

Savitri: Bas wahi baat achchi lagi.

Priya: Waise security officer ki job mein kabhi-kabhi itni busy duty ho jaati hai ki ghar walon ke liye bhi samay nikalna mushkil ho jata hai.

Sushma: Priya ji, naukri chahe security officer ki ho ya doctor ki, zimmedari toh har jagah hoti hai.

Rajeev muskura diya.

Rajeev: Ji, Aap bilkul sahi keh rahi hain. Doctor ki zindagi bhi kuch alag nahi hai. Kabhi emergency, kabhi hospital, kabhi kisi patient ki call.

Mosi: Tabhi toh dono ko ek saath chhutti milna mushkil hota hoga.

Priya aur Rajeev ek doosre ki taraf dekhkar muskura diye.

Priya: Ji, kuch aisa hi samajh lijiye.

Hall mein kuch der tak isi tarah halka-phulka parivaarik conversation chalta raha.

Phir Rajeev ne Sushma ki taraf dekhte hue kaha—

Rajeev: Sushma ji, hum aate waqt bhi aapse milte hue jayenge.

Sushma: Ji, bilkul. Aap log rukenge na thodi der?

Rajeev ne Priya ki taraf dekha. Priya ne halka sa sir hila diya.

Rajeev: Darasal, hum dono ko camping ka kaafi shauk hai.

Sushma: Camping?

Rajeev: Ji. Aur aap logon ke yahan khet hain, paas mein paani ki nadi aur talab bhi hai. Isliye hum soch rahe the ki aate waqt yahan ek camp lagakar khet mein ek raat guzare..

Priya ne baat ko samjhate hue kaha—

Priya: Bas ek raat hi. Thoda nature ke beech waqt bitana hai. Duty aur hospital ki routine se thoda break bhi mil jayega.

Sushma ke chehre par muskaan aa gayi.

Sushma: Waise toh hum chahte hain ki mehmaan hamare ghar mein hi rahein. Lekin aap dono ki ichchha hai toh sar aankhon par.

Priya: Aapka bahut dhanyavaad.

Sushma: Aap bas aane ki khabar kar dena. Main Jay ko bol dungi. Woh aap dono ke liye saari vyavastha kar dega.

Rajeev: Sushma ji, hamari baat rakhne ke liye aapka bahut shukriya.

Sushma: Ismein shukriya kaisa? Aap log apne hi hain.


Priya: Ji. Isi liye toh mann bana hai.

Sab log phir kuch der tak baat-cheet karte rahe.

Kabhi Swati ki baat hoti, kabhi gaon ke mausam ki, kabhi kheton ki aur kabhi purane parivaarik kisse nikal aate.

Kuch samay baad Rajeev ne ghadi ki taraf dekha.

Rajeev: Achcha Sushma ji, ab hum nikalte hain. Humein aage bhi jaana hai.

Sushma: Ji, bilkul. Lekin agali baar bina bataye mat aana... warna Jay ko bhi taiyaari ka mauka nahi milega.

Sab hans pade.

Priya khadi hote hue boli—

Priya: Ji, is baar hum pehle se bata denge. Camp ki responsibility toh ab Jay ki ho gayi hai.

Sushma: Haan, woh sambhal lega. use aur kaam bhi kyaa hai..

Priya_ Ji?

Sushma_ Arey kuchh nhi Priya ji..

Priya aur Rajeev ne sabhi ko namaskar kiya.

Rajeev: Namaste, Phir milte hain.

Priya: Namaste.

Sabne unhe pyaar se vida kiya..



Dono bahar aaye aur apni gaadi mein baith gaye.

Rajeev ne gaadi start ki. Priya ne khidki se haath hila kar sabko namaskar kiya.

Sushma aur Savitri darwaze par khadi rahi, jab tak gaadi ghar se nikal kar gaon ki sadak par door nahi chali gayi.

Gaadi ke andar Rajeev ne muskurate hue Priya ki taraf dekha.

Rajeev: Toh Madam SHO, camping ka plan pakka samjhein?

Priya hans padi.

Priya: Bilkul Doctor Sahab. Lekin camp ki planning aap karenge.

Rajeev: Aur arrangement?

Priya: Woh Jay karega.

Dono ek saath hans pade.

Gaadi dheere-dheere gaon ki sadak par aage badhti rahi.

.......